Glasshouse (國際金融中心) (已結業)

<<big breakfast >> ~~$148水平不錯嘅all day breakfast 送到上枱仲冒緊煙 熱辣辣當中牛角包幾酥脆，煎蛋加肉醬呢個組合幾好味其他就正常發揮整體而言都不錯加埋個靚景值得一試

又到下午茶時間，走到了IFC裡的Glass House，坐進了室內的位置，感覺很舒服也很光猛，可能今天天氣不錯，心情也很不錯啊🥳一陣買左飛睇戲，又怕會肚餓，所以只想吃少許東西，叫了個炸薯條，想不到出奇地好食，炸到很脆但中間位依然食到軟軟的薯仔香味，再配上黑松露蛋黃醬，真的出奇地夾😋👍之後再叫了這個馬來風味炒貴刁，味道好香入口也是想不到的好吃，入面主要材料有牛肉、洋蔥和蛋絲，還配了幾片臘腸，材料覺似簡單，但味道很有層次真的炒得不錯👍👍👍點了這杯cappuccino，如果對咖啡有點要求的朋友便可能會有點兒失望了，下次應該要試其他特色飲品，咖啡還是留待到別些地去吧！整體食物質素也很好，價錢也合理，下次一定會再到訪啊👍👍

預早數小時用openrice訂座，十分方便。準時到達立刻有位，window seats得一張枱，無機會，但餐廳是落地玻璃，維港景觀。晚巿時間，差不多8成入座，與鄰座很近，而且餐廳音樂聲量太大，感覺不太放鬆。餐廳主打fusion菜，Asian 混 西餐。二人晚餐點了：軟殼蟹沙律～份量及味道均滿意什菌意粉～份量滿意，唯一是用火槍燒表面的芝士，殘留了火槍的氣味，影響整體味道。熱香茅芒果茶～入口很順，舒服價錢適中

呢日係情人節，同佢係IFC行到好攰，就發現到呢間Glasshouse。有得坐室內同室外露天！難得天氣咁好，就坐外面吹下自然風飲杯野！小食叫左個單骨雞翼 & 薯條，分別有茄汁同黑松露醬，薯條夠晒熱，亦都唔會太淋，而兩個醬汁都好夠味。雞翼外皮非常脆，一食就會停唔到意粉好濃郁，撈一撈佢，混合晒所有醬汁入去，每啖都爆汁，非常好食露天座位，餐飲緊係要飲d 清新爽口既野！叫左一杯雲霧芒果，一杯荔枝玫瑰冰茶。一上枱已經比兩杯既顏色吸引左，雲霧芒果既一陣陣芒果香出晒黎，飲一啖已經滿口芒果味。而荔枝玫瑰冰茶一睇到就已經知會好爽，加左d荔枝味入去紅茶，令到成杯感覺甜左，兩粒荔枝都係爽甜，完全唔酸

IFC 4樓平台有幾間餐廳都擁有落地玻璃，可以望住海景，有outdoor 可以坐，環境一流，當晚見到好多外國人外賣啤酒喺餐廳出邊平台享用相當熱鬧。今次揀左呢間glasshouse ，晚市分咗兩個時段只有1.5 hour所以食得比較趕，不過食物整體來講都算唔錯。龍蝦湯味道算濃郁，配左兩塊蒜蓉包脆脆地唔錯小食拼盤每款小食都出色，魷魚鬚春卷熱辣辣脆卜卜，粟米蝦餅好彈牙，雞翼牛肉豬肉串燒惹味，配埋沙嗲汁同酸甜汁食到停唔到口啊！黑胡椒醬烤雞炒意粉呢個意粉都幾特別，下面有一層蛋漿，意粉用黑胡椒醬炒但味道不算太出色，烤雞唔係件件都咁稔咁滑，所以只係一般。Very berry cream foam其實佢係士多啤梨沙冰，加左少少cream，賣相幾靚，唔甜但冇咩特別Banana creme brûlée 值得一試，香蕉佈滿焦糖味加少少酒味，布丁好滑好香蛋味唔算甜，旁邊有杯expresso，waiter 好細心叫你唔好一次過落，我就續啲續啲加落去因應自己嘅口味，苦苦地但係我覺得更加有層次，兩種食法都好食。

下班後新約咗朋友去中環IFC的Glasshouse晚餐，咁多間分店我最鍾意都係IFC分店的環境，有一大片落地大玻璃望向維多利亞海景，室內裝飾氣氛有格調，很適合情侶或朋友歡談暢敘。龍蝦包：龍蝦肉口感不錯 味道尚算新鮮但送來後才發覺原來入面有大量芫荽好彩我對芫荽唔太抗拒🤣🤣蜜糖單骨雞翼：雞翼炸完都唔會太乾身 咬落去都充滿肉汁每次必點的小食之一韓式鐵板辣豬扒意粉：口味偏辣 但喜歡食辣嘅人會覺得好惹味😋Apple Crumble：略嫌焗得唔夠香脆 但係份量算好多兩個女仔爭啲食唔晒

情人節下午嚟到IFC，幾乎每間餐廳都爆棚，好好彩天氣好好，嚟到rooftop又有露天位置可以坐低食嘢於是就喺旁邊Glasshouse叫咗幾款嘢食。首先第一份嚟到嘅咸點係西湯Cream of Mushroom $68，我期待佢係非常濃郁杰身嘅蘑菇湯，但結果質地係偏稀，保留咗少許大粒啲嘅蘑菇碎，cream落得偏少，我個人就比較鐘意厚身嘅質地，但老公就話幾鐘意呢個湯，fresh啲。而且我哋都覺得個湯唔夠熱Lobster Baguette $138呢個包size非常大，女士食一半加啲薯條就應該會飽😳我認為龍蝦肉切得太碎，撈埋喺個沙律其實唔係好食到個味。沙律就係由青瓜、粟米、沙律菜加沙律醬撈埋，材料都幾「隨手可得」😥不過勝在夠fresh嘅。薯條炸得好食，唔係好求其嗰種急凍薯條。Chicken Nuggets & wings $88呢個炸雞都幾好食，細細碟作為tea time過吓口癮都幾開心架！醬料配咗泰式甜酸醬，偏甜，雞皮炸得好脆，入面雞肉又唔柴。然後就係甜品，Banana Creme Brûlée $88未食過咁大「碟」焦糖燉蛋🤣係用碟嚟形容！上枱嗰陣廚師用咗火槍燒熱咗上層嘅酒精，有啲火焰仔喺

✨特色焗豬扒飯以前係中環番工幾鍾意黎依間食，佢唔少菜式我都有食過🤤🤤。佢嘅焗豬飯好惹味，豬扒分量都算多。係中環食野依個價錢算係咁😂。不過，佢冇咩黑松露味😢，要扣番少少分。🍽松露焗豬飯: HK $118好味指數👅：🌸🌸🌸🌸✨Encore 左幾次嘅黑毛豬泡飯每次黎依間都係食佢嘅黑毛豬泡飯，今次就試下佢嘅照燒🐮肉鵝肝煎🍳飯😋。個鵝肝煎到外脆內軟，好正😛😛。拮穿隻蛋再撈埋啲飯黎食，入口夠曬creamy🤤不過美中不足嘅係 佢啲牛肉有少少overcooked🥺🍽照燒牛肉鵝肝煎蛋飯：HKD $168好味指數👅：🌸🌸🌸🌸

專登早一日慶祝情人節費事多人去左Glasshouse 原本想試Afternoon tea 點知假期冇🥺🥺🥺但試左兩個甜品都🤤🤤Brownies 味道正常但乾左少少Strawberry 🍓 Toast超好味😋 推推！

今日14/2/2021(大年初三)，適逢情人節，之前已見到網上已冇得預訂座位，諗住打電話問，仲有冇walkin位提供，誰不知打極電話都係:'電話繁忙，稍後再試'，所以今日索性朝早去完離島行山後，中午12點就過嚟碰碰運氣，幸好還可入座室內，但就限1小時(職員表示，若座室外，冇限小，但要自行到室內取餐)印度煎餅配沙嗲醬: 餅煎得唔多油，配埋沙嗲醬係絕配和牛漢堡配黑松露蛋黃醬: 和牛漢堡食落唔覺太多油脂，內有煙肉、洋葱、蕃茄，唔錯蕃茄羅勒芝士焗意粉:比想像中蕃茄汁多、芝士量較少，但口感清新香蕉火焰焦糖燉蛋: 見到好評，即管試吓，小杯內咖啡，可隨意調配落燉蛋內，質地好滑，唔錯環境: 舒適，但枱與枱間就較迫，若夜晚可考慮室外進餐，會寧靜D唯一美中不足嘅地方，就係電話查詢，常冇人接聽，希望餐廳日後係厘方面，有待改善。

趁未到聖誕節🎄去打打卡⋯行左半日搵間餐廳坐低休息下Glass House第一次黎, 今日outdoor無開, 只可以坐室內。中間d位有d迫，枱同枱之間好近，如果下次再去會book左枱先.我地兩個人嗌左Curry Mussel, Satay Chicken, Beer & Hot Chocolate.Curry Mussel : 幾好食, 青咖哩汁甜甜地, 容易入口, 裡面有蜆同埋青口, 個人認為蜆比青口更好味, 更甜。Satay Chicken: 味道幾好食, 肉質唔會鞋, 仲有一塊甜甜薄餅, 點汁食好好食味道黎講都唔錯希望下次可以坐得舒服d~可以睇埋sea view

上網揾到呢間，因為我個朋友想坐下outdoor views，但問咗先知原來嗰個位係public area😂，冇得book，仲都幾污糟，建議都係坐翻入面我叫咗小食拼盤，龍蝦炒意粉同Burger，真係好好食！但係員工服務態度真係，我嗰日同人慶祝生日，想係嗰到食蛋糕要$150，咁我問淨係擺低得唔得，佢話都要收$150😂咁都理解嘅。然後我之前打電話話想要中間枱，佢都話ok，但到咗之後就話冇收到。佢就話叫我等下先，陣間幫我睇，睇咗15分鐘都冇人理我，最後好彩我個朋友接受到。但重申，食物係好好食，好啱我口味。

諗住同朋友慶祝生日，本身訂枱嗰時留咗言話想幫我寫上Happy birthday，但完全冇咗件事，有冇呢個service話聲我知都好呀。之後影相嗰時啲員工完全唔識做，好似特登喺我後面行嚟行去，我影10張10張都係有人，最後我放棄了，幫啲嘢食影近鏡算。而且影相嗰時成日感覺到啲員工望住晒好似鄙視咁，感覺員工服務態度唔多得，慶生都搞到真係唔太開心。嘢食又唔係平，食唔飽，其實加埋飲品都幾貴。不過食物質素都OK嘅，不過不失咁啦，anyway應該唔會再encore架喇。

                最近真係成日都塞翁失馬，焉知非福啦⋯⋯話說今日本來又係想去WG Teahouse度食佢個lunch set既，但最後都係趕唔切，唯有就係IFC搵過第二間啦。之後母親大人就提議去Glasshouse度食。本身因為太古都有Glasshouse都試過而且要去又容易就冇話特別興奮定期待咁啦，不過上到去位於rooftop既呢間Glasshouse都真係有驚喜。第一，個景真係靚，有海景；佢open café又打理得好俾人既感覺好清新好開揚；第二，本menu入面既野雖然8、9成都同其他分店一樣但起碼都有相當數量既款式好似係得呢間店先有既，起碼叫做有得試新野（而且D款都幾吸引）。最後我地點左個high tea（都係唔覺太古有），價錢算幾抵，可惜野食唔算整得特別好，但以位於IFC黎講佢都算係一間價錢幾平民野食又多款揀既「面面俱圓」餐廳啦～

間中都會幫襯Glasshouse，貪佢景靚同食物質素穩定。雖則香港經濟正值寒冬，但聖誕節期間都係一位難求。當日我哋無book位，但由於早食，11:30左右到時都可以即時入座，但限時一小時。Ok！無問題！只想舒舒服服食餐飯，應該都夠時間。我哋兩個人叫咗：Big Breakfast $138鵝肝牛肉炒河粉 $168依個好好食👍🏼👍🏼👍🏼加埋一總共$337大時大節係中環食餐舒服晏仔每人$170都Ok🤗啦！