GANG GANG (已結業)

最近發現咗土瓜灣有幾間新嘢味道唔錯。早論都未有決心要寫食評，所以都不了了之咁錯過咗。但近來發現有啲食肆你唔寫唔介紹，佢明明質素非常唔錯，但就會因為小人推介下抵唔住租金而結業，甚為可惜。因此小弟決心出返少少綿力，希望能為有誠意食肆加加油外，亦可為自己做番個紀錄，作為留念。入返正題，此食店小弟新年已食過幾次，今次同朋友去發現餐牌已換。本想推介嘅牛油少雜菇已經冇咗。但另一推介羊架就仲存在。佢嘅羊架肥瘦適中，表面有少少脆口，伴菜有超級食物椰菜仔、紅蘿蔔、甚為爽口嘅炸薯塊，水準甚高。而另一個味道唔錯嘅有牛油果沙律，醬汁係精粹，但唔好問我係乜，我只知幾好味。較為普通嘅係牛扒，唔係話佢唔好，但特色不足，下次我未必會再order囉。整體唔錯，可惜菜式選擇唔多，試幾次算有驚喜，但多幾次就會悶。裝修甚有格調，相信店主係愛車之人，四圍嘅poster 都同車有關。最後想讚嘅係成間店都好乾淨，如果店主係男性嘅話，呢店就十分難得。

初五是星期六外出揾食實在有難度因為好多食店忙了一整年 廚房工作族都可能無放過假 所以可能趁住春節時間放長假來到北帝街尾 三間餐廳只開了兩間兩間之中有一間竟然收加二服務費 其實初四已是平日 是正常的開工日初五收加二？ 真的無法接受轉投GANG GANG時我刻意問清楚收費女店員說 好清楚 收加一 同平時一樣當場即想俾個👍🏻佢所以即刻找個座位啦 芝士🥑烤雞肉墨西哥卷 （連薯條)🌮️超勁量級 卷皮夠脆 雞烤得幾好 不過🥑可以多番d、太少啦因爲只見有🥑但吃不出味薯條🍟好多、好脆 最後已吃不下了 有點可惜焦糖咖啡👌🏻跟餐包$18飲品 其他補差額初五一餐滿足的連加一都是$104 感激！加油💪🏻

GANG GANG (土瓜灣)裝修精美，環境以汽車🚘作主題，愛好車嘅人士真係要嚟試下，而且坐得非常之舒適，Lunch set平均每人都係$60-$70就有!!超級之抵食!!.⚜️胡麻醬三色雜錦冷意粉⚜️.芝麻醬同意粉非常夾，平時都係配冷麵，配上意粉出奇地好味，加上少少蟹柳絲同埋蟹籽，凍得來少少脆卜卜， 好開胃！完全唔漏啊食晒成碟都！.⚜️黑松露雜錦忌廉燴飯⚜️一見到個Menu就想食呢個黑松露雜錦忌廉燴飯💓一食第一啖嗰陣就覺得非常之好食！ ！ 忌廉汁同飯嘅份量配搭得剛剛好，唔會話其中一樣偏多而令到成個飯嘅味道側重一面！呢度嘅嘢最好係全部食完都唔會感覺非常濟或者漏！(⁎⁍̴̛ᴗ⁍̴̛⁎).⚜️烤雞凱撒沙律⚜️吼雞凱撒沙律份量都非常之大碟！而且好份量都好多，除咗有烤雞扒之外仲有煙肉，唯獨係沙律醬個人覺得多左少少，但係其實整體都非常之好食！—————————————————————-環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️大推！ ！ ！ (⁎⁍̴̛ᴗ⁍̴̛⁎).📌GANG GANG (土瓜灣)土瓜灣北帝街143-155號順輝大廈地下4號舖

呢間位於土瓜灣嘅cafe，望落好似酒吧咁，但係下午亦都有提供午餐。新裝修，唔錯，坐得舒服入到去嘅佈置有好多係關於車嘅圖片，我估店主應該係好鍾意車而且入面仲有一隻好大嘅winnie the pooh公仔，著住店名Gang Gang嘅T shirt，真係幾得意午餐選擇都算多,而且價錢都$60至＄100左右。芝士烤雞牛油果墨西哥卷，入面都好多料，咬落去好豐富。但係個捲皮就相對地硬咗少少。 薯條炸得好香脆，啱啱好，非常新鮮日式特盛牛扒丼飯， 呢個飯嘅份量多，牛扒份量都多，但係牛扒就要略嫌老咗少少。而且飯嘅醬汁偏甜，食落其實呢個就一般紅酒燒汁牛柳粒燴飯， 呢個非常抵食。而且risotto煮到剛剛好，唔會太硬又唔會太林。牛柳粒唔多，但係味道好味下午兩點左右去，唔算多人，可以慢慢坐。店員亦都唔會趕你走，食得舒服

最近好多朋友同我講……土瓜灣傲雲峰嗰邊，新開咗好多食肆同cafe......而呢間cafe我已經係同朋友第二次去啦！所以我覺得既然encore得~就推介給別人……一試無妨啦！ 第一次去我同朋友叫 左個牛油果墨西哥片， 帶子墨魚汁飯仲有個 burger!加 一杯焦糖味同一杯薑汁味嘅特飲咖啡.... 第二次去 我哋同樣係叫咗個墨魚汁飯同burger 加啤酒同埋fruit punch...... 味道依然yummy！首先講下個burger ..... 啖啖既牛肉味 加上脆薯餅喺入面 ，食落有質感！好味道，仲有薯條同黑醋沙律菜伴碟架! 係咪正先跟住介紹下我的最愛……帶子墨魚汁飯啦……咪以為得2隻小帶子係面，其實内有乾坤，墨魚汁飯有彈牙的小墨魚粒，配上有西班牙風味的黑魚汁飯……簡直有驚喜！唯一可借係带子吾多，只得2粒乍！可能有爭吃的情況出現囉！至於個墨西哥片……雖然冇乜特别，但作為吹水小食係ok 㗎！如果你想係土瓜灣openrice ~可以一試呀！

喺正屋企樓下，唔係唔食呀嘛？抱住冇乜期望嘅心態去食，因為見到餐牌好似冇乜選擇，點知出到嚟嘅效果反而係幾好嚟過幾次，都係下午茶嘅時段過嚟食，最鍾意嗌佢嘅意大利飯，好香濃嘅菇味同芝士味，但係又唔會太溜。雞翼薯條拼盤正正常常，同出面食嘅冇乜分別。有一個牛油果雞肉卷，味道其實唔錯，但係個牛油果偏硬，食唔到佢嘅香味，如果係軟身嘅牛油果就好啦。雜菌意粉都唔錯，菇味好濃。嗌杯茶可以幫你狂加水，同朋友慢慢吹水，都唔會趕你走

下午四時在土瓜灣想找個坐得舒服的地方能吃飽飯（不是只有供應Tea Set） 又可以坐一會看點書的地方，便來到北帝街，無意中發現這比較新的餐廳。本來是想去它旁邊那兩間比較出名的〝老店〞，但這是三間之中，唯一在門口清楚放了午餐Menu，而且店內光線很好，感覺很闊落，抱著嘗鮮的心態便進去一試。職業病似的，總會去想一想這些小店的成本，店內裝修有一定風格，但其實成本不高，只是用心地貼上汽車圖片等裝飾。這個時間光顧的客人都是希望找個地方除了吃，也方便談天，牆上有free wifi 密碼，不用特意去問侍應。鄰桌是保險經紀在sell 客，另外也有人拿了手提電腦在工作，我也拿出原來預備好的書，一邊吃一邊慢慢看。　午餐牌忘了拍照，有沙津、有漢堡、意粉，選了黑松露Risotto 跟餐飲檸茶，（如要特飲要額外加錢）。味道是好的，但分不出是因為廚師用已煮熟的飯去做Risotto，還是一早煮好温著太久，飯都是熟爛了，這調味道如果能配上正式Risotto 的米粒硬度，會加分很多。感覺就像店裡的裝修，不能說它不用心，但感受到老闆的著重點是利潤最大化，而不是煮出令人驚豔的餐點。後來有客人點了小食拼盤，嗅著也很香很吸引。

一向係意粉漢堡包迷既我 睇到開左間漢堡店 專登揸車黎試下☺️室外見到已經覺得好型格 入到裏面好有驚喜啊 裝修雅緻 仲貼滿好多車既相 簡直係車迷必去既地方 仲可以影下靚相我地係lunch時間去 所以叫既都係lunch 我地叫左個烤雞沙律 漢堡包同個雞奕薯條🍟雞奕真係超好食 外面夠曬脆又唔乾 漢堡包好juicy🤤 薯條可以再脆d 個沙律都好好食 不錯！本身想試埋意粉 可惜店員話雞奕無得單點 唯有下一次再試下氣氛幾好令人好放鬆 傾計下午茶一流👍🏻3樣野都好好食

入到去俾我感覺係－間型格跑車歺廳！叫左個牛扒丼及芝士熱狗。牛扒丼味道不錯，牛扒都好juice！芝士熱狗都好好食。因為*山竹*黎緊時間不夠，下次再叫多－点不同種類再試！

老公話帶我去食西餐, 來到周圍舊區, 望落去唔係幾覺有間西餐廳係度, 入到去先知間餐廳牆上都掛滿車ge相片, 適合愛車人士因為9點幾來到, 它營業時間到10點, 仲可以叫野食哩個煙三文魚沙拉幾好味, 菜食落去脆甜, 煙三文魚都好大塊卡邦尼意粉, 相睇落去對比果碟份量少, 但都夠飽~味道岩岩好, 唔太濃或淡A~鍾意ge牛牛上來啦～肉汁夠, 就係切果陣散碎甘, 唔知係咪我切得細塊蜜糖雞翼, 蜜糖味淡, 凝結係雞翼皮上變硬左, 可能凍左關係上菜速度夠快, 但熱度唔夠, 可能就收工, 大家心急

一天兩餐恰巧也是吃西餐，也不知道為什麼今日不同的兩個友人分別也是選擇同一系列類似的食物無炸不歡的我，一連兩餐都是吃炸物，也感覺到喉嚨有點上火先說這裡是位於土瓜灣的北帝街靠尾的位置，地理位置比較偏僻，不過下巴士後大約走5分鐘都可到達不得不說這裡的用餐環境很好，坐很舒服又有潮流音樂播放，餐位大概有30個位，兼有電視看👏食物方面選擇不多，但今日吃的幾款食物都好好吃，飲品方面青檸🍋梳打好好飲，給我有意外驚喜，好清新蒜香雜菌意粉也好吃，友人說超正！而相對招牌的GANG GANG漢堡就沒有想像中的好吃，不過用料也十分豐富！簡簡單單的一餐，但價格方面是市區的2/3，好抵食！

同囡囡游完水同埋佢同學仔一齊食下午茶叫咗三碟嘢食「GangGang 小食拼盤」入面有雞翼、春卷、咖喱角同埋魚餅 雞翼大有少少微辣 但係個粉漿做得幾好好脆口 不過略嫌春卷同咖喱角個餡就少咗啲 不過炸得好好「卡邦尼意粉」醬汁口感幼滑 小朋友大愛啊「GangGang漢堡包拼薯條🍟」漢堡包好巨大一啖都食唔到咁多層 ... 入面有牛肉餅同埋炸薯餅 口感好豐富個醬汁甜酸岩岩好 可再回頭

難得同事約食飯，來到呢間土瓜灣的小餐廳，前身記得好像系日本菜，而家變左西餐，然而餐廳細細，但空間感好大，餐廳剛開張不久，食物選擇一定吾系好多，大圍食飯，通常都系share食，portion都OK，不會太細碟，或者如果要食漢堡包，可能就要自私點啦，overall食物OK，同環境OK，但系週邊太多同類型餐館，我念要花多點心思去念念個餐牌同食材

放假瞓醒突然想食burger, open rice 一下屋企附近有d咩餐廳有得食，見到人地post個芝士啡菇漢堡好像不錯，決定去試一下。估唔到有下午茶喎睇完餐牌，突然轉軚，試呢個Gang Gang burger, 呢個漢堡𥚃面有薯餅，食落出奇地唔會乾曾曾，塊牛肉仲好juicy添薯條仲係我最鍾意脆得來𥚃面仲係𣺉𣺉地果種，個茄汁好好味！最仲要係，佢真心唔貴，$78連汽水，去邊到揾啊Gang  Gang  Burger

未入店已有帶住笑容的人帶我地入內，坐底後就有人介紹食品，點左一份西冷牛扒&漢堡！首先D薯條好脆！漢堡D肉剛好、還有肉汁，重點係牛扒好正！七成熟就係七成熟、唔多亦唔少！仲好嫩！