入返正題，此食店小弟新年已食過幾次，今次同朋友去發現餐牌已換。本想推介嘅牛油少雜菇已經冇咗。但另一推介羊架就仲存在。佢嘅羊架肥瘦適中，表面有少少脆口，伴菜有超級食物椰菜仔、紅蘿蔔、甚為爽口嘅炸薯塊，水準甚高。而另一個味道唔錯嘅有牛油果沙律，醬汁係精粹，但唔好問我係乜，我只知幾好味。較為普通嘅係牛扒，唔係話佢唔好，但特色不足，下次我未必會再order囉。
整體唔錯，可惜菜式選擇唔多，試幾次算有驚喜，但多幾次就會悶。裝修甚有格調，相信店主係愛車之人，四圍嘅poster 都同車有關。最後想讚嘅係成間店都好乾淨，如果店主係男性嘅話，呢店就十分難得。
