Futago HK大阪燒肉

營業中

休息中

食過呢度既中午飯幾次，朋友聚會大家想食燒肉，立即推介呢度！成塊面咁大既牛扒係要預訂，大家都想試於是book左, 上肉時侍應會幫你燒，要跟住嗌口號，呢一點覺得有啲搞笑，但全場食客都樂於一齊叫，講返個肉比想像中油膩...食左兩舊就覺得好Heavy。一壼牛肋條係必食，肉被醬汁醃得非常入味，唔需要點任何料味料，肉非常juicy, 正👍🏻👍🏻牛舌有幾個價錢既，食過平個款一般，於是叫最貴個款，果然冇失望，喜歡牛舌的今就懂了！另外海膽飯好一般，不推介。總括而言，同我係日本銀座食既燒肉店一樣都係咁高質👍🏻👍🏻

適逢男朋友公公生日，我們一行8人預訂了此間日本燒肉店，好好豪吃一番店內環境企理舒適，沒有很大陣油煙味。很貼心的是，店舖會給每人一個裝住手提電話的透明密實袋，以防電話會給燒肉時的油濺到；而且還會每人給一條黑色圍裙：食物方面，我們也分別叫了幾款食物，每一款食物的水準很高，而且店員會幫忙燒肉，使不懂燒肉的我們也能吃到熟度剛剛好的燒肉😍😍 店員的燒肉技巧純熟，觀賞著他們在把肉翻來翻去、「滋滋滋滋」的燒肉也是種享受🤣肉質鮮嫩，店員會幫忙給肉燒得剛剛好只是看著店員幫我們燒肉，也很有樂趣😚蔬菜拼盤十分好吃，本以為燒蔬菜會使蔬菜愈燒愈乾，但反而燒完後很juicy😳很邪惡的蟹蓋😆😆😆把蟹膏包著紫菜吃，一流👍🏻👍🏻👍🏻梳打系列也做得出色😆呢間鋪水準好高，性價比相符👍🏻值得再去！

星期六甘啱行開尖沙嘴，醒起間Futago想試好耐。所以做完要做嘅野就馬上過去。位置一D都唔難搵，一行入去棉登俓就見到。入到去唔算太多人唔需要等位，重有個窗口位坐添😆😆😆我地兩個人分別叫左牛胸腹肉御膳同燒肉御膳lunch set。叫完無幾耐侍應就攞左D前菜、湯同飯黎。重好貼心地提供圍裙。跟住我地叫左杯烏龍茶同熱薑蜜。之後兩個lunch set都到左。燒內御膳入面有牛肋肉，豬頸肉，雞肉，黑豚腩肉同牛舌。份量啱啱好，唔算多又唔算少。而果牛胸腹份量可能少左少少，但超好食。牛胸複屬於橫隔膜嘅肌肉，入口非常柔軟加上佢地嘅腌製好香又唔會覺得溜。呢個價錢有甘嘅質素我地兩個都覺好抵食。而且佢地個抽風做得好好。今日我著住件衞衣，食完都唔會好似食其他燒肉甘一陣味。下次試埋夜晚先😁😁😁

我們全家都係銅鑼灣店的常客，但偏偏食咁多次都無分享過。到後來年中發現個棟樓收購，所以無得租要結業。好彩尖沙咀仲有間分店，但位置就不是在旺區。不過要食好野係唔會怕遠嫁尖沙咀店地方更加闊落，比較多長枱適合一大班朋友。而且裝修設計也別出心裁，比以前銅鑼灣更在格調。星期日都在Lunch set 真係去邊到搵呢，而且一個set有哂前菜湯同飲品 ，個人覺得超值呀。我地屋企比較中意叫兩個肉大盛 貪佢有哂咁多款肉 再叫三個特上午肋肉餐。然後一齊分享食，大家都可以試哂咁多款首先會上飯 前菜 同湯 ，唔講我起初一睇以為呢到一個餐，超多前菜仲要樣樣都精緻而目且好好食。芽菜同泡菜都有用麻油腌過，而湯係用牛去煮再加昆布。提下你如果係飯筒可以叫加大 係唔洗加錢嫁特上牛肋肉 評分 10/10無得頂，油花好平圴 燒大概一分鐘左右 入口多汁軟滑 一碟有七塊真係無偷工減料肉大盛 評分 9/10有五種肉，牛肋肉 豬頸肉 黑豚肉 雞肉 牛舌。豬頸肉-爽口又冧 醬汁腌得岩岩好 帶一點甜牛舌-厚度適中，爽彈易咬 而且不so雞肉-呢到既汁腌得到肉帶點甜 但又食到雞本身既味 軟滑 帶小小皮 感覺係雞腿肉 因為不鞋又大塊

上年係銅鑼灣食過一次Yakiniku Futago燒肉，但不幸地結束咗營業。好在搵到尖沙咀仲有一間，哈哈。會令我食完再食，只因又抵又好食🤓 尖沙咀分店由地鐵站出，經K11行去，非常就腳。同埋竟然公眾假期都有set lunch! 😆 不過要留意一件事，就係餐廳午市只營業到三點。想食嘅話，唔好太遲去。當日我兩點鐘去到，都要等兩張枱先有位！ 要預鬆啲時間😬 每個set 都有眼前呢啲嘢食：白飯、紫菜、湯、沙律、醃菜、玉子燒。我同母親分別叫咗一碟特上牛肋肉($128)，同一碟燒肉御燒($89)，同埋一人一杯可樂。牛肋肉有牛味，肉汁豐富，有油脂，口感軟熟。😍至於燒肉御燒就有牛肋肉、豬頸肉、雞肉、黑豚腩肉，同埋牛舌！😳 豬頸肉同雞肉要燒耐啲，全熟先好食呀！牛舌就好快熟，過熟會變韌，無咁好食~~ 兩個女人，唔洗加肉都夠食。係咪好吸引呢🤓?

一時興起就即刻book位,好彩即日可以book到聽晚,但係就只得六點鐘有位!所以收工即刻撲過去。去到餐廳只有1個半鐘時間食，呢個時段依然有好多空位。打電話訂位時預留左一件大得驚人牛小排；分四個部分，整體好大塊，好juicy，大家記得訂位先預留。仲點左牛心定，可以燒耐啲,入口非常之爽口，中意爽口野記得試下。叫左一客最厚既鹽燒牛舌，好食唔un,輕輕點下枱上既汁都好正，一個汁甜一個少少酸，好開胃。仲有點左牛既面豬登（忘記叫咩），似一般牛肉冇咩特別但就幾抵食。以上燒物配白飯真係絕配，叫左一個share。仲加左個一口冷麵🤪份量三四啖就食完，味道同韓式一樣酸酸地，又凍又開胃。叫咗一杯乳酪蜜桃酒同烏龍燒灼，乳酪酒比較結身無乜酒味，真係似飲緊乳酪。以上食咗咁多嘢都係六百幾蚊，暫時未搵到第二間更好食的日式燒肉，會繼續幫襯！

位置唔難搵( K11前 )環境舒適 位與位有一定距離 桌面大食物比一般燒肉店高 ( 無論肉質 醃製 大少 )驚喜 每人送一杯乳酪 同 玄米茶價格接受到 ( 喺尖沙咀食嘢差唔多啦 )謹記早一日訂位 因有訂位限定燒肉 (大過拳頭 )

同事妹妹last day，manager問我有冇提議farewell lunch食乜好，之前同朋友黎過futago HK大阪燒肉食晚餐留下好印象，於是我就提議距離公司幾分鐘路程嘅futago喇！番番下工，中午可以去食日式燒肉其實好爽。因為係自己team食只有3個人，剛好牛肉嘅lunch set有三款，就一於點晒唔同部位share食啦！其實燒肉配生啤係王道配搭，但番番下工飲啤酒好似唔係幾好，於是我地就點左可樂。好可惜，D可樂係冇乜氣嘅。每個lunch set都會有和風汁嘅沙津、前菜(青瓜仔、泡菜、芽菜)、玉子、紫菜、湯同白飯一碗。而白飯係可以免費任加嘅。👇角切牛肋條Set $110角切嘅牛肉粒咁大大舊 好Juicy又唔韌，燒到外面少少焦，入面剛剛熟就最好味👇特上牛肋肉Set $128去到日本燒肉都一定會點上Karubi食，牛味重脂肪多D又有咬口！食完呢個成口油脂香味，送飯一流！👇牛胸腹肉Set $128身邊唔係咁多人識食牛胸腹Harami，通常大家都會點Ro-su同Karubi，其實牛胸腹係横隔膜嘅肌肉部分，屬於内臓類但有接近赤身嘅食感，係比較柔軟而且脂肪亦好豊富嘅部位黎。futago嘅

同朋友講咗咁耐都未去食，今次終於齊人餐廳氣氛好好店員會幫手燒，完全唔使自己動手嘅感覺真係好。點左好多唔同嘅肉類食下食下已經唔記得咗邊樣打邊樣。要做杯個名叫靚仔啤酒，原來係啤酒不過大杯板。覺得呢度必點嘅係佢嘅鹿兒島和牛，記得打電話嚟定佢話四個人內嘅話淨係可以訂一塊。所以我哋淨係試咗每人少少。另外呢一度嘅厚口舌、牛肋肉無論係鹽燒定係汁燒啲肉都軟嫩。另外可以叫店員幫手點菜例如想食比較油重嘅或者想食牛味濃其實都可以叫店員推介。當晚我地點左幾樣之後就由佢哋發板，真係諗得出我哋想要嘅犀利！

今晚慶祝屋企人生日 壽星女想食燒肉 所以book左呢間日式燒肉同佢慶生 signature既大牛扒需要提早預訂 所以我地係訂台既時候已經預留埋 每4人先可以訂一塊 餐廳既內外部裝潢同日本既燒肉店都相近 手袋驚沾上燒肉味道可以放係登下面個櫃 點完餐之後好貼心咁為每人送上膠袋仔一個放入電話 同埋一次性既圍巾以防整污糟香蔥牛舌 店員會幫我地燒埋 燒到剛剛好 然後再放上碟比我地 好好服務 香蔥配上牛舌 口感爽口 味道一流！海膽牛肉同樣地店員會幫我地燒好牛肉 再放係海膽上 一入口燒牛肉味好香 肉質好嫩 再配上海膽既新鮮甜美 完全唔會搶味 相得益彰 好好味🤤黑毛和牛肋肉好好味🤤脂肪比例一流 入口好嫩 不過覺得牛味可以重多少少會更一絕一本壺漬牛肋條牛肋條原條放係壺入面 另配有特製醬汁 肉質有𡁻口而且肉味濃郁 但特製醬汁略咸同辣 會搶去本身肉味豬腩肉汁燒同鹽燒我地都有叫 厚切同薄切都有叫 哈哈 厚切會跟埋生菜同其他配菜比你夾住一齊食 肥而不膩 個人比較喜歡鹽燒 覺得本身既肉味更出 鱈魚卷物正正常常 無咩驚喜但都不過不失 始終呢到係燒肉店 哈哈一口冷麵 細細碗 食落好透心涼 配菜有埋少少泡菜 不過麵質略

同朋友食飯話事要食曰式烤肉，經其他朋友介紹下終於搵到了一間口碑唔錯，位於尖沙咀寶勒巷，位置方便。店內通風都做得好，一點油煙味都無。最值得讚係有圍裙和手機套供應，簡直貼心服務。另外有部份菜式有代燒服務，對於唔識控制火候既我地，真係幫倒手！今次基本上都係選擇頭三樣人氣燒肉第一道食的肉多數係牛舌，因為由淡到濃是最佳的順序。這一客厚切特上牛舌原來有4件，真喺好厚切喎，香脆帶韌勁，單以鹽調味已充滿香味之後就係人氣第一"大得驚人牛小排 ($178):，需在訂位時預留。Size 超大，油花滿佈。極之抵食我最愛人氣第二壺漬牛肋條 ($138)，吸收了壼漬醬汁精華，味道較濃郁，惟帶少少筋。不過都係值得一讚另外再加點芝麻鹽醬椰菜 ，椰菜做得好爽口，同其他居酒屋有不同。總括來講對比好多同等價錢燒肉店，大阪燒肉性價比好高，值得推薦

試過北上食過大阪燒肉,肉質好食,仲要服務員好熱血,服務超好,師父有時出來幫你燒,價錢都係200,300蚊每位,但食到中價性價比非常高。當然香港地,租貴食材貴,餐牌價錢同大陸食有少少分別。服務上都唔夠主動,熱情。不過只係燒肉時叫你一齊叫 賴係好熱血咁樣 有少少為做而做。但環境座位都非常好,同樣都有專人為你燒。必食土豆沙津。一本牛肋條。厚牛舌。大牛小排。肉海膽。有d記得要訂,好多會即場冇貨,同埋佢飲品都好飲,一大班人食下野飲杯野吹水 。

Good quality meat selection. Much better value for money for the lunch set. Lunch set includes a dish of meat, good selection of appetizers and a drink for ~$130 HKD. Lunch set is offered everyday including weekends as well. Dinner option is good but quite expensive for a la carte. No reservations so there is usually a queue if you go during rush hour.

早幾日朋友介紹黎呢間野食就黎試下我地嗌左 三點盛 （豬、雞）、鹽燒牛舌、壺漬牛肋條、墨魚、大得驚人牛小排、菇、蒜香和牛石鍋飯除左三點盛同墨魚之外，其他肉類佢地都會幫我地燒三點盛會有生菜同一個醬俾你配搭埋一齊食，係唔錯既!鹽燒牛舌佢地會幫忙燒到岩岩好唔會過硬，好有咬勁壺漬牛肋條就好好味，本身係醃左，燒到差唔多佢會加蔥係上面夾埋一齊食就好香，同埋個味道岩岩好，唔會過咸墨魚就正正常常，唔需要加任何醬都已經夠大得驚人牛小排係book位個陣就要叫佢留定塊肉係大塊薄身既佢地幫你燒呢塊野個陣要叫口號，好有氣氛朋友都覺得呢款牛好食，但我就覺得太油燒完之後都有層油係面另外蒜香和牛石鍋飯就普普通通都係燒肉配白飯最好食去到最後仲有杯茶同酸奶整體都唔錯，值得一試

日式餐廳係香港真係應有盡有，當中日式燒烤都有好多款，網燒、磯燒、串燒等等，呢間Futago就係食大阪燒肉，用既爐係比較細，gas爐火加塊鐵板咁樣燒。價錢方面絕對唔平，牛肉都有分唔同級數，最平一碟$68-$178，但平均都要食$138呢個價錢lv，而且每碟既size都非常細。排除價錢，以食物質素來講係非常高非常好食，當中我覺得最好食既係厚切特上牛舌，夠曬厚，而且爽身，肉味濃。鑽石牛肋肉我就覺得最抵食$148，但係份量最多。順帶一提佢既一口冷麵，好食真係好食，不過$48得一啖真係有啲灰😢😢。大阪燒肉係可以叫店員幫手燒既，有啲比較難控制既食物，基於店員豐富既經驗都可以燒得perfect🤤 PS：最好訂檯，如果唔係好大機會無得食，而佢嗰個大得驚人小牛排又係無得叫‘憐’。