Fûhn Express (已結業)

今日去血拼完就嚟咗附近食嘢。Food court 的食物價錢唔貴，不過選擇就唔算太多。我哋想食生牛河同埋牛油雞翼，好在呢度都有！生牛河大大碗，賣相唔錯啊。可以自己放調味，仲可以自己落啲芫荽蔥等等！我就覺得要落魚露先好味！牛肉嘅份量都唔少湯嘅味道亦唔錯。另外仲要左香茅豬扒飯，加咗隻荷包蛋，蛋汁撈飯好正！香茅豬扒都幾惹味，送飯一流！牛油雞翼係必食推介！炸得幾香囗，不過都幾邪惡㗎！唯一美中不足係呢度冇啲越式飲品，只可以飲food court的飲品

其實旺角moko foodcourt都去過好多次，好似冇邊間令我難忘，但聽朋友講moko foodcourt入面開左間新越南餐廳，咁我咁鍾意試新野，當然去試，其實依個foodcourt都多野食，但有好多都係長駐既食肆，冇咩新意，但今次有越南新野叫"fuhn Express"都有唔少選擇，生牛肉河，豬頸肉撈檬，基本既都有，套餐好抵食佢個特色牛湯粉，好大碗好多料，我仲加左雞肉丸&雞絲佢d牛油雞翼，蝦餅，越式春卷即叫即炸，好香口，唔油老婆食湯粉，我就食豬頸肉撈檬+隻太陽蛋整體黎講，Foodcourt有咁既質素真係超晒班

去左太子按腳，趁有時間行下Moko商場Moko 商場進駐了不少品牌，食店眼看人流比以前更多更旺上到food court 諗住快食個午餐左揀右揀下就鎖定了Fuhn express越南菜之前係銅鑼灣已經光顧過Fuhn走大眾化路線的越南菜Food court 的菜色選擇唔算太多越式粉麵飯同小食都有特式牛湯河 $78超大份量，配料亦夠豐富除了生牛肉片，仲有牛柏葉，牛筋片，牛坑腩片，吃得都算刁鑽！可以自行加上辣椒，香茅等配料調味湯底都幾鮮甜！香茅豬扒飯$56 另加太陽蛋$6最鍾意蛋汁撈飯再配上香脆可口豬扒⋯⋯另加的手打蝦餅小食$22金黃酥脆，蝦餅充滿彈牙口感小食不錯呢！ 唯一不足這裏的食檔沒有飲品可叫要移玉步去飲品檔買飲料

同朋友睇完戲去醫肚, 因為食左爆谷, 就吾想再來個 big meal, 於是去 food court 睇下, 發現呢間越南粉價錢好合理, 小食直頭係抵, 吾到廿蚊就有, 只係蝦餅要22蚊我地好大食, 朋友話喜歡蝦餅, 所以要了兩份, 我喜歡牛油雞翼, 所以又打孖我揀左特式牛湯粉, 即係平時叫既火車頭, 因為呢款樣樣有! 碗粉好足料, 湯亦夠濃味!朋友要了生牛肉金邊粉, 不過份牛肉放了在碗底, 所以經已浸熟透了, 沒有做到 '生' 既效果講下小食, 蝦餅剛炸起, 好熱, 入面啖啖蝦肉, 有大有細既蝦, 非常脆口扎肉串我第一次試, 有點甜味, 肉味重, 我都很喜歡!雞翼同樣相當脆口, 加上炸蒜在面, 非常惹味用心小店, 款款食味都做得相當出色!

同媽咪黎到一田百貨shopping過後 諗住係food court食番餐平點既見到之前係銅鑼灣食過既fuhn 就試下呢度既係咪都可以既先我叫左 🐖“燒豬頸肉撈檬粉” 配上撈檬粉既酸汁酸酸甜甜咁 好開胃夏天食呢個真係媽咪就叫左個 🐂“特式牛湯粉”又係一個大size, 入面有齊生牛肉, 牛坑腩片, 手打牛丸, 牛筋片, 牛腩片 同牛栢葉, 我覺得味道同銅鑼灣都好似我地仲升級左2款小食, 分別係 “越式手打炸蝦餅” 🍤 & “越式炸牛油雞翼”手打蝦餅 外層好脆 而裡面粒粒都係爽口既蝦肉炸牛油雞翼 鹹鹹地又帶有牛油既味道

喺新世紀睇完戲就食埋個午餐先～ food court 新開左一間越南餐廳未試過 一於去試下！叫咗一個湯粉同埋一個撈檬。湯粉揀咗特式牛湯粉 ($78) 入邊有生牛肉，牛坑腩片，手打牛丸，牛筋片，牛腩邊同埋牛柏葉。碗粉係超級大碗，兩個人share一齊食都得！食材唔錯，尤其係生牛肉食落都幾新鮮。唯獨是個湯可以再濃少少～燒豬頸肉撈檬 ($58) 豬頸肉燒得好香好脆，好好味🥰 而且食撈檬加埋啲酸酸地嘅汁，食落係特別清新，同開胃。夏天食呢個啱哂！呢度叫湯粉或者撈檬，就會送越式春卷2條。春卷炸得好脆，入邊嘅餡料都好好味。小食只有三款，我地就揀咗炸牛油雞翼 (+$18) 同炸蝦餅 ($22)雞翼上面有好多蒜蓉，炸得好脆，但係入面仲係可以保留到嫩滑既質感，做得唔錯。

行完旺角花園街 就想搵個有冷氣地方坐下同朋友傾下計 知道呢頭有間大食代 近於旺角新世紀商場/MOKO3/F 呢度環境闊落 優美 坐位夠多 行左一圈 終於決定到食 越南美食店鋪環境企理 側邊仲會擺上幾款 招牌套餐 非常吸引我選左全日套餐既雞絲撈檬 仲會附送春卷呢度大大碗雞絲撈檬 好岩我呢d 喜歡酸酸甜甜 又吾會擔心佢會食肥人 而且又健康 熱辣辣嘅日子碗撈檬梁浸浸 帶酸酸甜甜既味道愈食愈開胃 唸起都仲想食多碗 雞肉是暖的 配上薑蔥 更加滋味 一點都不單調而且仲好好味 朋友叫左碟香茅豬扒撈檬 食落肚很開胃 豬扒肉質軟軟的 多肉口感鬆軟 又香口入味最後二人再叫多碟扎肉串 比台灣腸還好味呢 必試 !!附送炸春卷熱辣辣 脆卜卜

約左朋友係moko ua睇戲，睇戲前當然要食野先啦～為左方便既關係，我多數都會簡去Food court 食😆食飽飽搭個電梯上去就得😎係food court 行左一個圈，睇中左呢間Fûhn，有各式既湯粉、撈檬、飯、小食!湯粉系列係得簡普通或大碗既sɪᴢᴇ，我就叫左👉🏽特色牛湯河 $78 係大的。真係好大碗呀！唔係得個碗大，份量好多添呀😆我一個人食都食唔曬喔🤭可以share 食。係有生牛肉、牛坑腩片、手打牛丸、牛筋片、牛腩邊、牛栢葉，係牛得大集匯也～～牛筋片好好食，係將平時食開的牛筋切成片，很軟好容易咬～粉湯底牛味好濃但又唔油👍🏽牛肉整體好鮮甜牛味又好出😆跟餐加了$22👉🏽越式手打炸蝦餅，有2件炸到金黃色的蝦餅！吃到粒粒爽口既蝦肉，正也正也～還叫了👉🏽扎肉米紙卷在我印象中好似係未食過米紙卷，聽朋友食過好多次！米紙卷皮薄身，食落去口感豐盛而且感覺很健康～因為入面有的是蔬菜、米粉和扎肉，都很低卡😉另外也點了軟殼蟹，充滿米香的煙韌米紙，包裹著脆脆的軟殼蟹，還有很多，！

今日天氣好熱☀，放工後無所事事，便和同事👩‍🦰🧑到旺角新世紀廣場逛一逛，然後就到方便又就腳的「美食廣場-越南美食」食舖吃晚餐🥣。這裡有我喜歡吃的特色雞絲湯粉！😋口感軟淋，咬落去滲出清湯香味的手打雞肉丸、肉質細嫩的手撕雞、鵪鶉蛋3粒和洋蔥，也可因應個人口味再配搭辣椒粒、香葉、香蔥和青檸等，大大碗非常飽肚。香茅豬扒撈檬粉，豬扒炸到好香囗。另外還有小食，我最欣賞佢嘅越式手打炸蝦餅，炸得外脆內裏🦐肉爽，沾一些甜酸醬混合一起吃，非常好味😋。雞絲撈檬套餐$52配有飲品及小食，亦非常抵食💰。越式炸牛油雞翼，用粉漿混合炸配而成，味道鹹鹹地，外脆內軟，炸得啱啱好。

又嚟到moko food court搵野食，好多檔都試過喇，咁岩望到呢檔fuhn express，應該係新開，咁岩我地又想食下煎炸野，一於試試佢。餐牌主要係湯粉、撈檬/飯同小食，我地叫左兩碗粉再加左d小食Foodcourt煮野速度好快，一陣就有得食喇。小食完全搶曬focus，新鮮炸起熱辣辣呀有蝦餅有扎肉有牛油雞翼，雖然我好中意食雞翼，但試曬三樣之後發現最正嘅，原來係扎肉！高度推介蝦皮大大舊，雞翼外面脆卜卜，入面好juicy 。叫左碗生牛肉湯河，餐牌寫係安格斯牛薄薄地好考刀工牛肉都唔錯另一碗係特色牛湯河，乜牛都有，有肉有腩有丸有筋～小食真係好好味，下次可以再食

收工吾知食乜好，就到公司樓下商場搵野食，見到有間越南美食，外面display 擺住一碗碗湯麵，非常吸引，當然要試下啦😋醬料非常齊全及多選擇👍套餐大約都有十三款，份量都有分大細，加小小錢可配埋越式小食及飲品👍香茅豬扒撈檬-豬扒外面燒得好香口，咬落肉質好多汁，加入辣辣地醋，非常開胃😋越式雞絲湯河-雞湯底非常清甜，雞絲加人芽菜一齊食 ，非常爽囗，仲有加入埋鵪春蛋非常多豐富，正😋😋😋越式扎肉串-扎肉新鮮，配埋甜酸醬一齊食，好野味。越式手打炸蝦餅，蝦餅咬落脆卜卜，蝦肉鮮甜😋😋😋😋

週末去左旺角moko行街，貪佢交通夠方便，又多商舖行，特別係嬰兒用品。行一陣見肚餓就係食代館搵食，見到有越南餐廳新開張，望落都幾吸引。我同老婆一人叫左一個主食，分別係越式牛肉湯河同豬頸肉飯。仲有叫左一個蝦餅做小食。碗牛肉湯河要先讚一讚！十分足料，牛腩牛筋牛丸牛肉牛栢葉都齊，湯底都不錯。呢個餐仲有碟越式炸春卷，我覺得口感非常好，外面脆𥚃面餡料十分飽滿呀！之後仲有個豬頸肉飯，本身好少食豬頸肉，但見到人地食緊，覺得個豬頸肉好似份量好足，結果無令我失望呀！有好夠豬頸肉，又吾會好硬。我覺得吾需要吾需要點醬汁都足夠，本身個豬頸肉已經好有味！仲有個炸蝦餅，完全覺得個餅十分足料，因為個餅心好有蝦感蝦味。我覺得下次可以再嘗嘗其他菜式！

今日喺旺角行完新世紀諗住平平哋食返餐，所以就去咗food court搵嘢食，行過見到呢度新開左間越南野，就即刻決定咗要試吓！價錢方面絕對親民，而且仲有regular同large size選擇，大食嘅朋友都唔驚會唔夠食，不過我個人就覺得large嘅份量真係大左少少，所以叫regular，留番啲空間嚟食小食🤣朋友叫咗生牛肉湯粉(large)，分量真係十足，而且牛肉有咬口得來又唔會太韌香茅豬扒飯嘅豬扒唔會太乾，而且都幾入味，香料嘅份量適中跟餐會送一個越式炸春卷，炸得幾香脆可口炸蝦餅嘅炸粉唔算太厚，蝦餅都算彈牙炸牛油雞翼係我覺得最好食嘅小食，雞翼本身比較大隻，但係全隻都好入味，一咬上去仲有好香濃嘅牛油味，罪惡感爆登但好好食🥰

前幾日喺新世紀廣場行街行到夜晚，有啲肚餓，又想慳錢所以打算平平地食個晚餐就算。之後就上咗food Court搵吓有啲乜嘢食，其實本身都唔會有太大期望食到啲咩好好嘅嘢，點知喺food court搵到差唔多到盡頭嗰陣，發現咗呢間新開嘅越南餐廳，好快就俾佢嘅餐牌吸引咗。《雞絲湯粉》$50味道唔錯，個湯幾鮮甜，配菜適中，雞絲份量多，而且口感都唔錯，粉嘅份量都好充足，好爽滑，整體來講呢個價錢都幾抵食。《越式春卷》$32初頭嗌嗰陣都好猶豫，因為有啲擔心味道會好普通，點知一咬落去嗰下，佢俾我嘅感覺並非個種主要得菜嘅春卷，起碼係有一半以上都係肉，剩低嘅有紅蘿蔔同粟米等等，而春卷皮非常之香脆，好有口感，啲肉都好鮮嫩。《越式炸牛油雞翼》$48我諗呢一道菜可能係我呢餐最滿意嘅一道菜，一咬落去，炸蒜嘅味道即刻湧上嚟，好多肉汁，完全唔會因為雞翼炸乾咗而冇哂汁，相比起出邊嘅雞翼，呢一款真係一流，值得推薦。 整體來講，我對呢一餐好滿意，下一次經過依然會再幫襯。

今日到了moko foodcourt 吃飯特色牛湯粉 $78有生牛肉、牛坑腩片、手打牛丸、牛筋片、牛腩邊、牛柏葉 共6款食物，非常適合喜歡食牛的朋友特色雞絲湯粉 $68有手撕雞、鵪鶉旦、手打雞肉丸，由於我今日想吃得健康一點，這個粉極為適合，手撕雞很健康又入味 手打雞肉丸彈牙，帶點黑椒味道而惹味。全日套餐附送越式炸春卷兩件及雞肉湯附送的越式炸春卷有誠意，香脆可口。越式牛油炸雞翼兩件 （$18）炸雞翼極富牛油香味，香脆不富油脂味。肉嫩，肉汁也得以保留越式香茅豬扒飯 $62豬排香脆，份量多。