Fûhn Express (已結業)

週末去左旺角moko行街，貪佢交通夠方便，又多商舖行，特別係嬰兒用品。行一陣見肚餓就係食代館搵食，見到有越南餐廳新開張，望落都幾吸引。我同老婆一人叫左一個主食，分別係越式牛肉湯河同豬頸肉飯。仲有叫左一個蝦餅做小食。碗牛肉湯河要先讚一讚！十分足料，牛腩牛筋牛丸牛肉牛栢葉都齊，湯底都不錯。呢個餐仲有碟越式炸春卷，我覺得口感非常好，外面脆𥚃面餡料十分飽滿呀！之後仲有個豬頸肉飯，本身好少食豬頸肉，但見到人地食緊，覺得個豬頸肉好似份量好足，結果無令我失望呀！有好夠豬頸肉，又吾會好硬。我覺得吾需要吾需要點醬汁都足夠，本身個豬頸肉已經好有味！仲有個炸蝦餅，完全覺得個餅十分足料，因為個餅心好有蝦感蝦味。我覺得下次可以再嘗嘗其他菜式！