Fûhn (The L. Square) (已結業)

星期日中午十二時係維園游完水緊係要食好啲補補體力，又要去通利拎舞台劇飛，所以去左銅鑼灣The L. Square 食。叫左個越式炸牛油雞翼、生熟牛肉牛丸金邊粉、豬頸肉米紙卷、牛油果軟殻蟹沙律、白桃沙冰同白桃梳打。啲野食黎得超快的，個金邊粉叫左大碗2個人分的，好足料，好有牛味的，金邊粉又好滑。牛油果軟殻蟹沙律估佢唔到竟然有人2隻蟹，平時出面都係得1隻。本身以為係千島醬，點知有少少辣，因為我地唔食得辣，所以無落到，不過就咁食都好新鮮。越式炸牛油雞翼叫左2隻試下，一黎到就好香牛油味，食落又唔會好油，早知叫多啲啦><。豬頸肉米紙卷都好出色，豬頸肉超好味，帶起左無咩味既米紙卷，下次一次要單叫豬頸肉食。野飲真心推薦飲白桃沙冰，夏天飲一流，好鮮好甜，解渴一流。2個人食左咁多野，$400都唔洗，環境又好，下次夜晚收工約朋友一起去食野都抵。

今天回舊公司找同事開會，時間過得真快，一下子5年就過去了。回想上次離開，已經是2014年底的事情了。神奇的是，舊公司的同事都還是那一些，歲月靜好想想自己這些年，還是經歷了不少事情，走過了很多地方，吃了不少美食😜所以晚上又再一次來探店，香港很多樓上的餐廳🍴真心要走多幾步，才會發現隱藏在大廈裡面的美食！越南菜，你一個想起的應該是生牛肉河粉哈哈哈😄其實不止這些！今天我點了牛油果軟殼蟹沙律🥗素菜米紙卷還有特色Fuhn飯。最喜歡的是軟殼蟹沙律🥗素菜真的是很新鮮，清爽口感，牛油果🥑增加了沙律的豐富感，軟殼蟹炸得很香，讓沙律不是那麼淡口味。我一個人吃了滿滿的一份，今天一天的營養都滿足了！素菜米紙卷也是相當新鮮，我順手加了桌上放著的越式辣椒🌶️水，更是提起了酸酸甜甜的味道，豐富口感。特色飯也是很大一份，裡面有很多肉跟一個太陽蛋，作為晚餐，完全是很到位！

講到越南粉，市面上的小店也風味十足。不用上班的星期六，除了懶床外，品嚐美味的越南粉也可滿足一下心靈，這次便來到銅鑼灣的Fûhn。生熟牛肉牛丸河．HK$72分了Regular、Large、Extra Large 的湯粉，可讓我叫一客小食，品嚐更多越南美食。叫了一碗Regular的生熟牛肉牛丸河，牛丸雖然冇咩味但尚算彈牙，生熟牛肉唔多根，河粉係幼身個隻，容易夾亦比較淋身，岩哂唔鍾意點咬野食嘅我。柚子蜜梳打．HK$30鍾意飲soda 嘅我，當然要叫返杯飲啦，可惜嘅冇巨峰梳打。柚子蜜梳打唔太甜，HK$30 算係幾大杯。特上小食拼盤．HK$168小食拼盤以一款兩件為主，包括有牛油雞翼、春卷、蝦餅、炸扎肉、扎肉串同椒鹽軟殼蟹。特別想講炸扎肉，食第一啖個陣以為食緊魚蛋，因為個口感實在太似喇！

一黎到揭下menu，啲野in general都幾抵，而且款式都幾多。兩個人叫左兩個小食。香茅雞扒好脆，上既時候好熱辣辣，不過注意佢有少少炸既。小食併盤既雞翼好正，牛油味超濃，又勁脆。春卷都好推介！脆得黎又唔會勁油。叫左個沙律。估唔到份量咁大。佢既菜無醬，所以我食左勁多，起碼健康下，哈哈。軟殼蟹份量好足！男朋友叫左個湯粉，佢話個湯好正。我要左個素菜撈檬之後加左荷包蛋！佢勁多菜，檬既份量都好多，相當飽肚。太興奮叫得太多。完全食唔哂，抵呀！

今日一人行黎到銅鑼灣食lunch，去左朋友介紹既越式餐廳。之前同朋友黎食過一次，覺得餐廳食物質素好高，而且主打越式湯粉，夠哂岩我口味啦！我一個人可以坐到梳化位。我叫左特別牛湯粉，即係咩都有啲。牛骨湯底好清甜，完全唔油膩，牛骨清湯好清甜，完全無味精。入面有牛筋、牛腩、牛肉、牛丸，好豐富既湯河。大大碗夠哂飽足。湯河唔會碎濕濕，好彈牙掛湯力又高。我最鐘意牛肉，牛肉好濃厚，唔會乾和鞋口，牛肉好香嫩。另外多叫一杯手工啤酒。

好大碗湯粉/飯啊🥰😆😆岩哂大食既我地🤗👫（拿 主要係大食仔😌）·🍜特式牛Fûhn (L $108) 餓底必點🥰配料超多，生熟牛肉；牛坑腩片；手打牛丸；牛筋片；牛腩邊；牛柏葉🐮本身見咁大碗，湯底一定加左好多水會好淡⋯但飲完第一淡，有驚喜💓🥰湯底鮮甜🤤食極都仲有，好彩有大食仔🤣·🍚香茅豬扒飯（$69）又係大大份～香茅超好送飯😇美中不足 豬扒略嫌有點乾身🤭·🌯鮮蝦米紙卷（$75）生菜酸蘿蔔絲清新爽口⋯夾埋米粉鮮蝦～再點秘製醬汁，口感豐富🥰·🍤2人份小食拼盤（$98）牛油雞翼；炸蝦餅；春卷🤤樣樣都好食！！剛炸起熱辣辣，蝦餅彈牙，春卷酥脆，雞翼牛油味香口🤤·🍹桔仔蜂蜜茶（$28）大食仔有點乾燥咳，飲桔仔蜂蜜茶潤喉最岩！🥰·🍋熱檸水（$18）·📍Fûhn銅鑼灣駱克道459-461號The L Square 1樓

呢間銅鑼灣既fuhn係我最中意食既越式粉面店。今日收工同左細妹黎吹水飲椰青水。我地點左以下:小食拼盤有炸蝦餅，炸軟殼蟹，迷網春卷，炸豆腐，紮肉串，沙律菜，等等。嗌一盤已經滿足到我同細妹花心到死，咩都想食既心態。蝦餅最正，勁爽口彈牙，又香脆。椒鹽軟殼蟹3大隻原隻軟殼蟹真係好足料。有齊晒殼同腳，唔會將d頭頭尾尾炒埋一碟。超香脆，仲啖啖蟹肉同有蟹膏，一百分。2碗生熟牛肉牛腩邊河粉，普通Size呢碗又係正到無朋友。生熟牛肉夠晒多同大塊，足料。仲要我食得咁慢，但食到最後都仲係勁嫩滑。特別係我加左安格斯牛肉片，真心要加，又嫩又滑牛味又重。仲要成碗野勁多蔥勁多洋蔥同香料。岩晒我呢d青怪。飲品:越式咖啡沙冰特飲大椰青一個咁多間越式野黎講，最好食呢間。

突然想食越南河粉，朋友介紹話銅鑼灣有間唔錯既越南菜，就同佢去左試下，發覺呢間野真係出乎意料咁好，牛腩邊生熟牛肉河粉整得非常好，d牛入口即溶咁，軟殼蟹即係我食過最好最鬆化既一間，越式小食拼盤又係值得推介既一款小食，入面有春卷，雞翼，豆腐，札肉，蝦餅，軟殼蟹。蝦餅係主打推介，超彈牙爽口。如果你係特別喜愛食雞翼，咁呢間越店既雞翼，一定唔會令你失望。越式咖啡沙冰又係給我另一感受，入面放了類似啫喱既物體，邊飲邊吃。最重要係價錢相當合理，絕對係值得一去再去既食店

👀老闆走遍越南、東南亞、美國等地方，品嚐多款越南粉，將北美式越南粉帶到黎香港，加入秘製方法形成現有與別不同的湯底。·生熟牛肉牛丸金邊粉($88/大)湯底每日使用新鮮牛骨、花椒、八角、丁香等香料熬煮而成。生牛肉則選用美國安格斯牛肉，肉味更濃厚，脂肪分佈均勻🙆🏻‍♀️。以及自家製牛丸，口感更彈牙。最特別湯粉設有3個份量選擇，分別為普通、大、加大，岩哂唔同食量既您！·特上小食拼盤($168)拼盤有齊越式炸牛油雞翼、春卷、手打蝦餅、炸扎肉、扎肉串、椒鹽軟殼蟹各2件，全部即叫即炸，上枱仲係熱辣辣👅。

捱左成個Working Day, 終於到收工時間啦！返緊屋企途中，朋友突然打電話黎話想食越南野，就諗係另外一位朋友介紹既餐廳 - Fûhn.經過服務員既熱心推薦，我地分別嗌左特上小食拼盤，軟殼蟹米紙卷同最新做緊推廣既Seafood Fûhn.過左一陣，小食拼盤熱辣辣送到，不得不讚既係提供既醬有三款，分別有泰式辣醬，是拉差醬同埋一種酸酸甜甜既醬(唔記得個名)。呢三種醬料同個拼盤好夾，尤其個蝦餅，一次將個蝦餅點哂呢三款醬，其實真係好鬼正！再加埋上面D酸蘿蔔同青瓜，食起黎冇咁油膩！大家食越南河粉就一定會諗起生牛肉河粉，但其實越南都盛產海鮮架！今次Fûhn就將海鮮同越南河粉Match 埋，份量又夠多，食得出呢間餐廳比到唔同風味既河粉出黎，希望呢個Promotion 可以做耐D!

幾日前同朋友去返呢間食越南菜。因為上次同屋企人食覺得幾好食又抵，咁所以今次再食！手打芝士炸蝦波新鮮炸起，入邊嘅蝦彈牙可口無霉！蝦比例比較足，油分唔多，墊底條菜幫左唔少！軟殼蟹米紙卷入面有少少米粉係入面，會較飽肚。軟殼蟹份量唔少又夠脆。醬汁有少少辣，沾醬食好滋味。生牛肉牛丸檬粉XL食越南粉當然唔少得食牛肉河，朋友仔鍾意食牛丸就揀一個兩種餸唔會太寡！生牛肉送餐時唔係熟曬，要自己淥多兩淥！湯底好清甜，唔重牛味！因為XL關係，檬粉份量足夠兩位食，價錢唔貴。

餐廳位置L.Square 既一樓，第一次黎但估吾到咁多食客會搵到黎，食落終於明點解餐廳會咁受歡迎，除左性價比高外個回頭值都幾高。生熟牛肉牛筋片湯粉（河粉）（普通size）    ＄75           77分雖然系普通size，但基本上都好夠食，河粉好滑而且無痴埋一舊舊。湯底系牛湯底，屬於清清地既牛湯底，飲得多都吾會膩。生熟牛肉分量都幾多，有D牛肉片未完全熟透，要經過少少湯底既餘溫再煮熟，但半生熟既牛肉片食落都不錯。另外仲有牛筋片，切得薄薄但骨膠原食落都仲系濃濃的香芧豬扒湯粉（金邊粉）（普通size）    ＄69         77分香芧豬扒煎炸到香口之後面上放左好多香料，湯粉跟豬扒系分開擺放所以無影響到豬扒既味道＆口感。金邊粉同河粉既吾同在於金邊粉比河粉更幼，食落會比河粉更為硬身少少。湯底系雞湯，清得黎有好重既雞油味，食到最後會吾覺意咁飲哂D湯。特上小食拼盤       ＄168         76分餐廳有數款既小食拼盤分類，而今次呢款特上包括越式炸牛油雞翼、春卷、手打蝦餅、炸扎肉、扎肉串、椒鹽軟殼蟹各2件，款式上包括左好多樣岩哂選擇困難既朋友仔可以一次過試哂咁多。拼盤中最

越南野真係愈開愈多，今晚黎到銅鑼灣，就揀左依間越南餐廳！一搭lift上到餐廳已經好多人，好彩仲有張二人枱！揀左特上小食拼盤， 超級豐富，有越式炸牛油雞翼、春卷、手打蝦餅、炸扎肉扎肉串同椒鹽軟殼蟹各兩件，蝦餅好有驚喜，真係好彈牙，食得出係落足蝦肉，唔似平時出面食到既蝦餅太多麵粉實的的！炸牛油雞翼同椒鹽軟殼蟹炸得好香脆，炸札肉比札肉串更加惹味！然後再嗌左碗大Size既生熟牛肉金邊粉，依度湯河既分量會分為普通、大同埋特大，大Size已經大到差唔多放唔落個枱面，份量好足料，牛肉生熟岩岩好！餐廳仲好細心一早用另一個碗裝好配料，有芽菜、紫蘇葉、辣椒同青檸，鐘意落幾多就幾多，抵讚！另外仲嗌左香茅豬扒撈檬，豬扒好重香茅味，食落惹味，加埋酸酸甜甜既撈檬，感覺好開胃！

🌟🌟🌟🌟🌟🌟🌟🌟🌟🌟🌟🌟🌟🌟🍽Fühn📍銅鑼灣駱克道459-461號 The L. Square 1樓1/F, The L. Square 459-461 Lockhart Road Causeway Bay 🌟🌟🌟🌟🌟🌟🌟🌟🌟🌟🌟🌟🌟🌟牛油果奶昔 HKD$49每次食越南嘢有牛油果奶昔既話都一定係必點之選😛呢杯牛油果奶昔我叫左少甜，飲落好濃avocado既青味😭💕好smooth好rich既口感❤️大推💗車厘茄沙冰 HKD$38比較淡味少少，不斷飲到車厘茄既籽，真材實料，如果茄味再濃d更好，smoothie blend得唔夠smooth，碎冰好多🤭特式雞絲湯粉(Normal) HKD$80特式雞絲湯粉裏面有手撕雞、鵪𪂹蛋、手打雞肉丸，揀左金邊粉面底，好滑好彈牙👍🏻👍🏻手撕雞份量幾多，肉質鮮嫩，手打雞肉丸結實彈牙，雞味重，唔錯。😊素春卷 6 pieces HKD$50啱啱炸起熱辣辣，正！🤪炸得外脆內軟，唔算太油，但內餡可再多d同比幾塊生菜包住食更好🙊🙊手打芝士炸蝦波 3 pieces HKD$58都係新鮮炸起熱辣辣上枱💕一咬開就爆芝‼️💥仲有大大隻原隻蝦係入面，食得幾滿足，價錢太貴，平d更好🤣

銅鑼灣有好多美食，今天來到一間名字很特別，讀作‘fun’的越南餐廳吃飯。特式雞湯湯粉裏面有手撕雞、鵪𪂹蛋、手打雞肉丸，配上清雞湯，雞湯清甜可口，有濃郁的雞味，手打雞肉丸則非常彈牙。燒豬頸肉撈檬豬頸肉燒得外脆肉軟，撈檬的汁沒有平常外肉吃到的甜，感覺更加清新。牛油果奶昔有滿滿的牛油果味，加了奶後，味道更香濃。車厘茄沙冰很少見的車厘茄沙冰，喝下去有淡淡的車厘茄味，味道清新，適合配搭煎炸食物。素春卷外表炸到很鬆脆手打芝士炸蝦波非常邪惡咬開會有芝士流出來，裏面有一隻蝦，大滿足。