Four O Five Coffee & Eatery

營業中

休息中

呢排迷上咗食Pancake，呢日就搵咗呢間觀塘嘅Cafe，呢間Cafe最招牌嘅就係Pancake，當然仲有意粉、漢堡同咖啡等等🤗韓式泡菜卡邦尼意大利粉配溫泉蛋第一次食韓式嘅卡邦尼意粉，味道都幾有驚喜，調味主要係韓國泡菜嘅味道👅 份量大大碟，啱晒同朋友share。加埋面頭流心嘅溫泉蛋，蛋汁配埋個意粉真係好正🍳吉列魚柳意大利包配青芥末蜜糖沙律醬除咗意粉餐廳仲提供漢堡或者三文治類嘅食物，我哋就揀咗個魚柳意大利包🐟 一上碟真係俾佢嘅極大吉列魚柳嚇親，吉列魚柳嘅size比起意大利包仲要更闊更長😮 魚肉嫩滑，炸粉唔算好厚，入面仲有青芥末蜜糖沙律醬🫢 配埋外層軟熟嘅意大利包，口感豐富，又唔會太油膩🥪特濃開心果忌廉麻糬疏乎厘疏乎厘pancake真係呢間餐廳必叫嘅食物，勁推介呢一個濕潤蛋糕感嘅pancake🥞 我哋呢次試咗期間限定嘅開心果口味，喺疏乎厘嘅面頭有大量濃郁開心果味嘅cream，係好綿密果種，真係好正🤩 加埋有層米白色嘅麻糬，係一個幾特別嘅甜品。飲品♦️山政小山園【槙之白】宇治抹茶呢個宇治抹茶有得揀不額外加糖，所以飲到抹茶嗰種甘苦味道🍵 而且店員毫不吝嗇，真係令到杯飲品有好濃郁嘅抹茶味

❤️距離觀塘站好近，喺工廈入邊，我覺得算隱蔽，但竟然好多人🧡好有水準嘅西餐廳，款式幾多！而且環境都好舒服座位有軟腍腍嘅梳化💛伯爵茶疏乎厘pancake有驚喜！唔會太甜，但又有好香嘅伯爵茶味包裹轉淡淡的蛋香，而且pancake好鬆軟，入口即溶，Q彈厚身，襯埋Oreo碎好好食！我同朋友兩個人食晒！💚深海盲鰽係即刻煎即刻上！魚皮完整又香脆！魚肉順滑大大件！好濃郁嘅海魚味～配上一粒粒好似豆豆嘅珍珠意粉唔會太Heavy！好食😋🩵羊架剛剛好！少少羊臊味！我個friend話咁先知正宗！仲有好多肉汁！💜蟹肉餐湯有驚喜，少見！鮮奶咖啡幾好！

屋企人生日黎食，4個人，叫左三個意粉一個燴飯，兩個小食勁過份燴飯質數差到一個點，唔熱，飯生又無味，唔係半熟嗰種生，上面的海鮮，蝦無味，梅，帶子預左用冰鮮野，白烚，青口又係白烚，完全無味，想問下餐廳佢點值248炸魚薯條一上到黎，勁過份，一開始已經係明顯係中間白白地，無炸脆，最白痴係佢比既檸檬，一滴檸檬都唧唔到湯，係蟹肉忌廉湯，不問味道，但一飲就有濃味，傻q 左明太子意粉同虎蝦帶子意粉正常蒜香蟹肉意粉鹹到要同佢換過，罐頭蟹肉無處理過勁失望，已經第三次黎食，之前還好，今次差到要我打食評

今日和細妹👧🏻去觀塘食飯，搵左間岀名食疏乎厘班戟的cafe🥞，慰勞下返左成日工既我哋😚～明太子薯條🍟鍾意食薯條既細妹一見menu即刻忍唔住叫返份😆，薯條夠粗身，外面薄薄一層明太子醬和紫菜啐，咬下去外脆內軟好惹味😋蒜香蟹肉意大利粉一上枱蒜香已經撲鼻，意大利粉煮得彈牙，配上濃郁嘅蒜香同鮮甜嘅蟹肉，好足料🤭朱古力脆脆麻糬牛角窩夫窩夫外脆內軟，仲有麻糬嘅煙韌口感，加埋濃濃朱古力🍫雪糕😛 好邪惡啊🤫伯爵茶珍珠疏乎厘班戟女仔對甜品係無法抗拒，黎到點都要試吓疏乎厘班戟🥞，一上台即刻講嘩❗️左一下，咁巨型嘅⁉️😮，班戟軟綿綿，蛋味好濃，伯爵茶既香配上煙韌嘅珍珠，口感同味道都好豐富🤩 成個都係真材實料，食完真係幸福感爆燈🙌🏻 朱古力🍫（轉燕麥奶）朱古力香濃得黎唔會太甜，可可微苦餘韻夾順滑既燕麥奶，讚👍🏻

又有時間去Four O Five 食晚餐，真係食極都唔厭😋黑松露雜菌意大利粉 🍝黑松露同埋雜菌嘅鮮味完美結合，意大利粉口感滑溜，好味韓式泡菜卡邦尼意大利粉 🍳泡菜、卡邦尼、配上溫泉蛋，呢個創意組合真係好正，泡菜嘅酸辣味道為傳統卡邦尼增添咗層次感，而溫泉蛋嘅滑嫩口感令人回味炸魚薯條 🍟魚肉炸得金黃酥脆，薯條外脆內軟原味梳乎厘配楓糖漿 🍯梳乎厘輕盈鬆軟，搭配甜甜嘅楓糖漿，口感超好，完美期待更多創意嘅菜式👍

Was petty looking forward to the pancakes, looks thick and flurry, temperature was alright but turns out the texture were a bit solid not flurry at all, even though we eat it straight away. The boba was also a bit hard too.Salad portion was generous, soft shell crab was overly fried but pasta sauce was wonderful.We had to return the lamb rack as it was over cooked and meat were falling off apart, they claim to be slow cook, if so the meat should be even more juicy not like been in the fridge for

今日同媽咪嚟到呢間人氣餐廳，真係全場滿座，好彩我一早book定位！咁多人排隊，一定有佢嘅道理！😋🥩 **西班牙伊比利亞殼飼黑毛猪伴時令菜配蜜糖叉燒汁**一上枱就聞到好香嘅叉燒味！😍 黑毛猪嘅油脂分布均勻，入口即溶，正！👍 個蜜糖叉燒汁甜甜哋，同黑毛猪嘅鹹香好夾！🤤 時令菜都好新鮮，可以平衡返黑毛猪嘅油膩感！🥬🦀 **明太子醬軟殼蟹意大利粉**軟殼蟹炸得好酥脆，連埋啲明太子醬一齊食，鹹香惹味！😋 意大利粉嘅口感啱啱好，唔會太硬或者太軟！🍝 明太子醬嘅份量都好足，每一啖都食到！💯🍫 **香濃海鹽朱古力梳乎厘班戟**壓軸甜品出場！🥞 梳乎厘班戟好鬆軟，入口即化！🥰 朱古力味好濃郁，加埋少少海鹽，可以提升朱古力嘅甜味！🍫 呢個配搭真係perfect match！💯總括嚟講，呢間餐廳嘅食物質素好高，環境都好舒服！價錢合理性價比高，絕對值得一試！👍 下次一定會再嚟！🥳

自從冇去觀塘做嘢之後，就好耐冇去食過嘢啦。觀塘不嬲都好多Cafe好食，舊同事介紹呢間，話呢度嘅疏乎厘班戟真係好出色，咁今日就特登入嚟試吓啦。不過我唔係特別鍾意食甜嘢，所以主要都係叫啲主菜，估唔到好有驚喜。燒西班牙伊比利亞黑毛豬肉質鮮嫩多汁，經過燒烤後，外皮香脆，內裡保持柔嫩。黑毛豬肉嘅油脂分佈均勻，味道濃郁而唔會過於油膩，食多啲都唔怕肥啊。棒棒雞鎚配蜜糖芥茉汁雞鎚外皮香脆，入面肉質鮮嫩多汁，再配上特製嘅蜜糖芥茉汁，味道更加豐富。蜜糖嘅甜味同芥茉嘅微辣好夾，越食越開胃。芒果椰子忌廉疏乎厘清新嘅芒果味同濃郁嘅椰子忌廉完美結合。疏乎厘嘅質地輕盈，入口即化，每一啖都充滿咗芒果嘅香甜同椰子嘅香氣。佢除咗好食之外，睇落都好靚，輕盈嘅疏乎厘搖吓搖吓，好適合打卡。呢間餐廳又靚又抵食，食物質素都好高，同事真係冇介紹錯。

之前聽朋友講觀塘有間食疏乎厘好出名，今日專程黎試下。果然喺人氣餐廳，5:30來到已經全場滿座，不過店員都好快為我地安排到位置，呢度環境舒適店員有禮貌。明太子醬軟殼蟹意大利粉：意粉軟硬度適中，每一口意粉都充滿明太子醬，明太子醬的濃郁味道與蟹肉嘅鮮甜相輔相成呈現一種海鮮豐富風味。軟殼蟹外酥內軟炸至金黃香脆美味。安格斯牛肉芝士漢堡：安格斯牛肉漢堡質彈牙，配搭溶化的芝士增添奶香味讓人整體口感變得更豐富。香濃海鹽朱古力疏乎厘班戟：擺盤靚賣相很吸引，梳乎厘蛋香濃郁質感鬆軟，配搭香甜朱古力醬再加入海鹽則完美平衡了朱古力甜味，讓整體味道更加層次分明。

之前有次星期六walk in食無位，今次平日黎踫下運氣 🍀 好好彩係有位 不過都差唔多座滿人😜 大家黎食記得book枱!!🌟蒜香蟹肉意粉意粉好煙韌，蒜香味好多，而且蟹肉份量都唔小🦀🦀🌟酥炸海苔魷魚配青芥末醬好香紫菜味，上枱時係熱辣辣😍 每一條都好大條🦑 炸野食得多始終會好油 配埋個青芥末醬就岩岩好可以解膩😜🌟海鹽Kiri芝士奶白桃烏龍茶白桃烏龍茶底好清，溝埋芝士奶蓋好好飲😍🌟伯爵茶珍珠梳乎厘班戟🥞好好食，完全唔會太甜，而且伯爵茶有少少回甘。擺盤擺得好靚，打卡一流。梳乎厘好鬆軟😍 下次一定要嚟試埋其他味😍

第一次幫襯依間餐廳，見到個Menu都覺得有啲貴嘅，不過都唔緊要，照試吓佢個漢堡包。我同朋友都叫左同款，兩個人收到包都幾燶下，朋友就問店員咁燶有冇得換。店員回覆呢個燶包係特色黎嘅我同朋友都真係O咗嘴。咁聽到佢話係特色，而我哋又第一次幫襯，費事做西客，就當佢真係特色嚟嘅。帶著滿頭問號既情況開始用餐。食之前我有切走成塊燶面。不過食落都仲有浸燶味，發現原來連個底都係燶嘅真係好失望。一邊食一邊睇吓之前嘅食評係咪真係有依個特色燶包，見到啲漢堡包都冇燶嘅，同埋隻蛋係流心蛋，先發現自己收到果隻係全熟蛋9有比較就真係有傷害。

📍 Four O Five Coffee & Eatery｛觀塘｝店內主打梳乎厘班戟🥞差唔多每一台都有，而且仲要好巨型！有啲食客特登為佢而黎🤭估唔到只係一間工廠大廈，但係都可以做到咁出色，而且人來人往嘅一間小店！✨ 吉士焦糖梳乎厘班戟超巨型焦糖疏乎厘班戟，真係超巨大！兩個人share都未必食得晒！質感好柔軟，蛋味香濃，再燒一燒表面嘅糖，有啲脆脆嘅口感，仲有爆谷配襯，成個感覺都好鬆軟🩷✨ 炸魚薯條外皮炸得鬆脆好食，新鮮熱辣炸起，鱈魚鮮嫩，肉質夠厚夠油香，炸漿香脆並不油膩，配上新鮮粗炸薯條🍟✨ 明太子醬軟殼蟹意大利粉份量絕對比看上的多很多，絕對成盤意粉都被明太子包圍，即叫即做，醬汁好多，每一條麵都能夠被包裹到，口感豐富，有粒粒蟹籽，麵條軟硬適中，大大隻軟殼蟹🦀炸得金黃酥脆，啖啖肉，勁推！✨Oreo忌廉沙冰好邪惡👿飽肚感滿分💯✨ 海鹽Kiri芝士奶蓋白桃烏龍茶鹹香既芝士🧀配上香濃嘅牛奶🥛再配清新嘅白桃烏龍茶，味道中和，不膩！

衝住疏乎厘班戟而去嘅人氣Café位於觀塘工廈嘅Four O Five Coffee & Eatery記得要訂枱，閒日都好爆場🖤虎蝦帶子意粉濃郁嘅蕃茄醬食落酸酸甜甜好清爽，虎蝦新鮮彈牙，帶子鮮嫩，意粉軟硬適中，加上小小節瓜同埋車里茄增添口感，水準不俗。🖤安格斯牛肉芝士漢堡牛肉食落相當juicy, 加上芝士蕃茄生菜同埋煎蛋， 份量十足，而且層次豐富，食落啖啖肉！🖤吉士焦糖梳乎厘班戟餐廳招牌甜品，食落有鬆軟口感同有綿滑感，加上吉士焦糖醬，好味又唔會太飽肚。🖤海鹽Kiri芝士奶蓋桂花烏龍茶飲品有水準，芝士奶蓋好香濃，加上淡涼桂同味，泊得埋台式飲料店嘅出品。🖤山政小山園【槙之白】宇治抹茶有得簡無糖，飲落好舒服又健康

這間疏乎厘真的不得了，上次吃過伯爵茶味便念念不忘。實際上是超大一份，但不要擔心吃不完，因為疏乎厘中的空氣感頗重，2個人吃一個甜品也是剛剛好的。最重要一定要點醬汁一起吃，伯爵茶味濃郁，甜度不重，所以吃完也不覺得濟。超好笑，朋友叫了一個千手茄子做小食，一上到來，她忍不住大叫好大份!我們沒有想到是原條茄子上，一定一定要加茄汁一起食，酸酸甜甜，中和油膩感。實在太大份，3-4人分享會更好。其實主食意粉也不錯，不過甜品相對更出色。

#今日去觀塘成業工業大廈搵野食 原來地下有間幾靚既Cafe 入面環境闊落 有花花裝飾 典雅氣氛 食飯時間都好多人🍽️食物好食又足料而且上菜速度仲好快🥘午市套餐有埋餐湯同埋飲品🍸仲可以加錢升級甜品👍🏻我地食左冬陰功虎蝦意大利飯🦐同埋刺身帶子香草醬忌廉闊條麵🍴冬陰公酸酸辣辣好開胃🌶️燴飯有啲翠玉瓜增加口感🤤青醬闊條麵炒得好香 刺身帶子有三粒好彈牙 加上櫻花蝦係面😋Lunch Set可以加配小食，有炸蕃薯條同埋酥炸海苔魷魚🦑魷魚酥脆好香口配上青芥末沙律醬🍫三重奏薄荷朱古力沙冰 賣相已經好吸引🤩上面仲有一大堆忌廉🧁🍵宇治抹茶 拉花好Cute!!有三隻熊熊🐻好有心機超有驚喜伯爵茶珍珠梳乎厘班戟🥞估唔到梳乎厘咁大份 好鬆軟 勁多伯爵茶Cream配上黑糖珍珠 見到都好邪惡😍一定要試吓佢哋既梳乎厘🥞📍Four O Five Coffee & Eatery (觀塘)觀塘成業街19-21號成業工業大廈地下2號舖#FourOfive #西餐 #Cafe #觀塘 #觀塘美食