Flames (海濱匯)

營業中

休息中

今日喺觀塘喺觀塘接朋友收工，所以就嚟咗呢間一直都好想試嘅餐廳食飯啦🙆🏻‍♂️現場氣氛非常好，一入到餐廳就聽到好舒服嘅音樂，十足十去咗外國旅行咁🤣餐廳嘅空間都好大，室外空間仲有氣氛，但我地怕熱所以揀咗室內🤣侍應好有禮貌而且好快手攞咗餐牌比我地睇😎因為天氣太熱啦所以同朋友叫咗兩杯凍飲，分別係荔枝茶同埋桃荼😛兩杯生果茶帶有淡淡嘅水果味，唔會話甜得好假咁，配埋主菜非常之夾😚主菜方面朋友就叫咗個1/2 Chicken & Roast Veg🐔好食到就好似去咗外國食烤雞咁🤤 而且佢個醬仲非常好味，我地仲要叫侍應加比我地😂侍應仲好貼心咁提我地燒雞係可以揀配薯條或者蔬菜，因為第二個餐有薯條所以我地就揀咗蔬菜🥕切開入面啲肉都唔會話好乾，非常好食而且份量十足嘅👍🏻而我就叫咗Surf N Turf & Fries，五成熟啱啱好👍🏻上面嘅大海蝦蝦味好重，而且肉質好好！如果有多幾隻就好啦🤤五成熟嘅牛扒好有牛味，加埋個牛肉汁真係一流享受！🐮薯條仲要好大份，我同朋友一齊食都差啲食唔曬🍟地址：觀塘海濱道77號海濱匯1樓2號舖

行過海濱搵朋友食個lunch，撞正呢間隱世美景西餐廳🍴。見咁好天本來諗住坐戶外，但後尾落單後就開始大風，咁就坐返入面算啦！今次嗌咗個七成熟既12oz燒安格斯肉眼扒同埋避風塘雞翼加杯凍檸茶。首先嚟嘅係雞翼，啲雞翼好大隻（唔講以為係火雞！），雖然皮外係非常乾嘅避風塘配料，但咬入去每一啖都非常有肉汁，完全係外脆內嫩！做小食一流！食到一半個main course牛扒就嚟啦，冇諗過咁大份😱仲有兩隻大蝦同埋番薯條數配菜，食到非常飽！牛扒中間亦都有鎖住肉汁同埋有好騷嘅牛味，完全係物有所值！總括而言，環境好服務都好好👍🏽經過嘅朋友不妨一試！

中秋節前夕公司提早放工，約埋同事去觀塘海濱道觀賞水上月亮後，到附近一座海濱滙Flame西餐廳吃牛扒，之前也曾在紅磡分店吃過，需然選擇不太多，但覺得食物質素唔錯,今次再食過返尋味。圓形頂設計獨特的吧枱前，擺設幾張吧椅，四週環境寧靜舒適。是日餐湯是香滑南瓜忌廉湯。燒肉眼扒拼大蝦薯條 ，買相吸引 ，牛扒入口肉嫩多汁 ，有兩隻鮮甜大蝦，一人一隻，外脆內軟的薯條份量十足。另追加香脆蒜蓉包 。配清涼黑啤。這餐是兩人share已覺得夠飽。大家一邊摸着酒杯底，一邊談天說地，感覺是人生一樂也！

臨近中秋節，觀塘有一個15米大的月亮。於是在海濱邊找一間餐廳同朋友食飯。食完順便可以去賞月🌕。最後選擇了FLAMES。下午6:30 到餐廳，室內的環境好有FEEL，仲有戶外的企位和坐位，適合三五知己一齊飲下酒，傾下計。仲望到少少日落，環境真係好寫意，好CHILL，好有FEEL。可惜我地唔飲酒，但傾計聚會是一流的。我地叫了一個小食、一個PASTA 和一個MAIN。Loaded Nachos（$98）芝士肉醬餡料勁勁勁多而且非常濃郁惹味。配料有肉醬、芝士、洋蔥、茄粒、青瓜、香草，正，好味道和好開胃！1/2 Peri Peri Chicken（$188）葡式烤雞皮薄和香脆，雞肉唔會乾，JUICY！伴上橙色有少少辣的醬料一齊食就有不同的感覺，更惹味，配上我最中意的薯條，正！Crab  Meat Linguine（$158）蟹肉香草忌廉蕃茄汁扁意粉，一端上台時覺得好驚喜。因為蟹肉份量非常多，而且有蟹肉的鮮甜味。每條扁意粉都沾上Creamy的醬汁，好好味！食完去海濱散散步，消化一下，非常滿足的一餐。最後，祝大家中秋節快樂。

餐廳環境舒適，食物亦可以。叫咗個安格斯牛扒再加杯Mocha真係飽到上心口。牛扒燒得有少少焦香又有肉汁唔會乾爭爭，好味😋。Mocha就麻麻地，咖啡味唔夠，朱古力味亦唔突出，成杯嘢好淡口。

餐廳：Flames (觀塘)地址：觀塘海濱道77號海濱匯1樓2號舖一個人原來都可以盡興😌，開始咗返工之後少咗好多Me-time時間，依家一得閒我就會盡量自己一個人去食飯，爭取喺食飯嘅過程睇吓書或者靈修吓，務求令自己心靈上保持健康💞放工之後沿住觀塘海濱向九龍灣方向一直行🚶🏻‍♂️，行咗大半個鐘頭有啲熱，就去咗呢個海濱匯涼下冷氣，上到1樓就被一陣強烈嘅音樂聲吸引咗，原來係嚟自Flames呢間多國菜餐廳嘅，佢啲歐美音樂都幾啱我聽🎶，所以我就索性坐低食埋晚飯🍽✝️蟹肉香草忌廉蕃茄汁扁意粉 $158等咗大概10分鐘就有得食😋，用咗蟹肉🦀、洋蔥🧅、蒜🧄、忌廉番茄醬🥫、香草等加入去扁意粉裡面炒🍝，每一啖舀起都喺冒煙熱辣辣🔥，唔乾又唔會太濕嘅texture非常容易入口，而且味道酸酸甜甜夠開胃，仲真喺食到一絲絲蟹肉👍，不過我仲食到少少未剝乾淨嘅蟹殼🤏，不過都係好事嚟，即喺證明餐廳真喺原隻蟹咁剝肉去整🤣

觀塘區真的愈來愈多有水準的美食，這次在海濱長廊附近，有間半露天有室外位的西餐，長期爆滿氣氛一流，收工與好友喝一杯實在爽呀！食物很西化味道不錯，燒脆皮乳豬，有煙肉、檸檬及迷你卷心菜等，乳豬上菜時實在大得很，乳豬皮燒得香脆無比，內裡肉質嫩滑啖啖肉，絕對有板有眼，底層的伴菜也烤得入味，尤其愛迷你卷心菜，少少苦澀味很特別。芝士肉醬焗玉米片，醬汁的份量十分多，差不多蓋滿整個面，玉米片沾滿肉醬入口，不會過酸且容易入口。澳式雞鹽薯條大大盤，金香味美送酒至愛，配Sauvignon Blanc 也不錯。Flames Lagoon 有型有款，店務員會在顧客面前點火，把檸檬片微微燒著以攝取檸檬香，啖啖香濃荔枝味，Vodka酒精成份相對偏高但很清新，藍色野艷打卡一流。

近觀塘海繽長廊多了不少特色的餐廳於網上找到這間西餐廳🍷有戶外跟室內的座位戶外更可以望到海跟日落，環境好Chill啊✨我們今次到訪是晚餐時間，被安排坐吧枱位置職員解釋因當晚較Full Booking！所以很多座位都已留枱🍴如不想坐吧枱或想坐戶外的位置建議大家記得提早預約😉🎃 是日湯 - 南瓜忌廉湯有很重的南瓜香味！味道很濃郁，質地偏杰身，飲前來一碗非常開胃🥩 12 Oz 燒安格斯肉眼扒份量很大份！！無論是肉眼扒跟薯條的份量都很多~~牛扒牛味香濃很juicy，我們order了7成熟，肉質很有口感！牛扒雖然偏厚身，但都不會過硬或太腍，非常不錯。薯條方面超有驚喜💗💗真心正！炸得夠脆又有小小辣粉，非常惹味。如怕熱氣的朋友，可將薯條轉成時蔬。🍝 香草紅酒汁燴牛面扁意粉份量比一般的餐廳多，牛面肉煮得好腍好嫩，但意想不到是這碟意粉竟然偏辣，不過辣辣地都好惹味，另很喜歡扁意粉很彈牙同時做到掛汁效果，扁意粉彈牙又入味。☕️Coffee 好美的拉花!!另外一讚職員知道我跟朋友Share食這兩道菜，細心詢問是否需要多一碟茄汁，值得加分！更幫我們只點了一份的南瓜湯分成兩份，很貼心💗飯後更可以跟朋友到觀塘海繽散步，

今晚放工約左朋友去flames食dinner，第一次幫襯依間餐廳，吾知食物岩吾岩我口味呢？香草紅酒汁燴牛面肉扁意粉：依款意粉份量岩岩好，可供二人share的。扁意粉軟硬適中，口感幾滑又吾易斷，而味道方面帶香辣味，所以食落幾惹味！而牛肉粒口感非常林口，連同本身既醬汁一齊食，味道好夾！1/2 葡式香辣燒雞配香烤雜菜/薯條：由於我極度喜歡食燒雞既人，一定會order佢！燒雞雖然得半隻，但size完全吾細隻，口感尚算滑口，外皮有點香脆，感覺吾油膩！另外雜菜有薯仔、菜、蘿蔔。澳式雞鹽薯條：薯條即叫即炸，口感非常脆口，而且完成吾油膩，份量幾多，所以價錢幾抵食！味道咸咸地幾好味。朱古力棉花糖夾心餅配雪尼拿雪糕：外觀加足分！雪尼拿雪糕夠晒甜，而旁邊既夾心餅朱古力味道濃郁，上面仲有微微燒過既棉花糖，多重甜味，味道同樣配合，價錢吾貴啊！

地方應該唔難搵，揸車嚟嘅就有停車場，應該都算係方便嘅呢度大多數都係外國嘅客人，餐廳有個戶外露台，環境好chill，好適合同朋友一邊飲酒一邊傾偈好有feel，好relax職員大多數都用英文對答，態度幾好，地方都整淨講返啲食物先，12oz肉眼扒呢個牛扒不得了，賣相好似簡簡單單冇乜嘢，配上薯條，薯條表面有少少辣味粉，幾好味又脆又香。到牛扒，牛味濃，牛扒表面燒得脆脆，以為佢會好乾但其實唔係囉，食落有陣焦香味，又有肉汁，好正，10分推介半隻葡式燒雞雞都係配薯條，雞皮燒很好脆，雖然隻雞都調過味但雞肉就比較特別，佢跟咗個橙色醬，我哋用嚟配薯條個味道竟然會變咗熱浪薯片嘅味道🤣，好得意！炸魷魚非常脆口，有魷魚味，份量亦比適中至於飲品，嗌左杯凍咖啡、凍檸茶，普普通通咁啦！整體來講，呢餐都可以嘅。

早兩日比驚喜老公😁😁玩接放工，之後佢帶我黎到海濱匯食飯。🎃是日餐湯 $48Daily Soup幼滑夠smooth 嘅南瓜湯。🐔雞肉凱撒沙律 $118Chicken Caesar salad 🥗出街食飯最鐘意叫沙律，係厚實肉質嘅雞肉，零脂肪感，沙律菜爽脆新鮮心。🐟香煎鱈魚柳燒粟米 $198Soy Glazed cod fish （burnt corn🌽)鱈魚柳外皮煎得好香脆，醬油味濃，肉質滑溜鮮香。燒粟米香甜惹味。🍹Drinks : Apple 🍏 juice $38 & Mocha $35食完咁多嘢之後飲番杯蘋果汁感覺好解滯。Mocha 朱古力味濃，幾好飲。其實之前幫襯過黃埔分店，而呢度嘅氣氛好唔同，有outdoor 綠色草地🌿，夜晚感覺好chill，好多人收工後都會坐出面飲杯野。

謝謝朋友的生日飯，特意安排在海濱長廊附近的這間西餐廳，我們在飯後可以到海邊逛逛，舒適。這餐廳景觀開揚，我們在窗邊的位置，吃起來更心曠神怡。有戶外的座位，相信在晚上時更有氣氛❤️炸魚薯條由於是吃下午茶的關係，我們簡單點了這炸魚薯條，炸魚很大的一塊 ，脆漿脆卜卜，再配上他他醬後，好吃。薯條是新鮮炸起！分量足夠兩人分享。燒脆皮乳豬配煙肉檸檬迷你捲心菜乳豬皮脆卜卜，切開時還見到有肉汁滲出，非常Juicy。面頭的皮是脆脆的，底下是薄薄的脂肪層，吃起來最滑口，外脆內軟😆👍🏼雖然邪惡，但偶一為之，也未嘗不可🥺

放工同表妹去九龍灣嘆晚餐，搵左個地方慢慢傾計、順便飲兩杯～｜芝士肉醬焗玉米片｜墨西哥脆片加上香濃肉醬，熱辣辣好惹味～｜蟹肉香草忌廉番茄汁扁意粉｜蟹肉份量好多，唔係蟹柳貨色，忌廉番茄汁好香口、意粉沾滿醬汁，同表妹食到唔停得口～｜香辣炸雞｜炸雞部位都揀得唔錯啖啖肉，辣味適中唔會太辣，雞件好入味～｜澳式雞鹽薯條｜薯條炸得好香脆，好鍾意食粗薯條，外脆但內有軟綿綿的薯蓉～加上兩杯凍薑啤，兩老表慢慢傾好嘆～～

放假同女朋友行觀塘海濱，行完又到咗晚上就開始搵食，見到海濱匯有間西餐廳好似幾吸引，就直接走咗過去。做好安心出行同埋量體溫就安排入座。首先叫左個12oz 燒安格斯肉眼扒配薯條，肉眼扒嘅size有些少厚身但食落一啲都唔煙韌，安格斯嘅肉味好濃，就算唔點汁醬都好夠味好鮮，再加上外層燒至帶有少少脆香，食落嘅口感就更加特別。除咗主菜做得好之外，配菜同樣出色，薯條炸得好香脆，即使食到最後仍然保持脆口！之後仲叫咗個蟹肉香草忌廉蕃茄汁扁意粉，極推！成個口感食落有少少似肉醬意粉，但係係極高級嘅蟹肉意粉。首先蟹肉嘅份量真係好多，再黎做得好出色嘅就係個汁，忌廉汁做得好creamy之餘食落口唔會好溜，而且加埋蕃茄令個汁帶返一啲小清新，而且兩者味道分明，唔會搶走是但一面嘅味道！扁意粉嘅軟硬程度都適中，吸進汁嘅精華食落口相當滋味！話明relax，點可以無番杯cocktail，我就叫左杯Mango pina colada，呢杯係佢地既drink of the month，下個月可能就唔同了。佢既材料有好多，而飲落口就有些少似帶有酒精既芒果奶昔，味道十分之新穎同特別！

今次週末我哋去咗觀塘海濱附近行吓，嗰度有好多唔同嘅活動，有好多人喺嗰度踩滑板練習花式等等。同埋其實我哋主要係去睇嗰個觀塘海濱噴水池😂老實講都整得唔錯不過好多小朋友喺度玩。行完之後熱辣辣，我哋就嚟到呢間餐廳坐低咗第一時間嗌左杯士多啤梨奶昔，佢非常之特別上邊係有棉花糖嘅最啱打卡用。我哋仲點左一個青口，佢個味道好夠，最啱就係用嚟點下薯條，同時青口都好大隻數量又多，亦都好新鮮。通常週末都唔想食飯或者面，我哋就點左一個燒春雞兩份食，份量啱啱好亦都充滿肉汁！