Flames (海濱匯)

營業中

休息中

同事相約食飯，說公司附近有間西餐廳一直好想去，於是lunch立即打電話訂座今晚跟她去試試。餐廳戶外位置非常吸精，在一片草地上放置木枱，感覺遠離煩囂，而且遠望可以見到office ,視野廣闊。【荔枝茶】荔枝味突出茶味香濃，而且不太甜，味道清新。【香辣炸雞】比想像中出色，炸雞份量不少，外皮非常鬆脆，香辣醬有點似水牛城醬的味道，微辣，吹水送酒真係唔錯。【避風塘雞翼】避風塘呢個名字就知，香口帶點惹味，雞翼炸得非常脆口，連埋炸蒜一起食，味道一流。【香草蒜蓉包】蒜蓉味好突出，麵包好鬆脆，假如沾蟹肉香草忌廉既汁一起食都不錯選擇。【蟹肉香草忌廉蕃茄汁扁意粉】比想像中唔錯，不算太濕，又夠creamy，扁意粉軟硬度適中，蟹肉勁多，每一啖意粉都會食到蟹肉，真係多的話仲可以放在蒜蓉包上一起食，又可以多一種食法。值得推介!!

「蟹肉香草忌廉蕃茄汁扁意粉」滿滿的醬料舖滿了在意粉上蟹肉意粉醬汁好creamy芝士同蟹肉味道豐富每一啖都會食到蟹肉「燒肉眼牛扒配大蝦+薯條」牛扒唔會韌 肉質不錯大蝦亦都好新鮮薯條每條都好脆又好有薯味會食唔停口「避風塘雞翼」避風塘偏辛辣不過真係好惹味又好熱氣喜歡吃辣會幾過癮雞翼外亦都炸得香脆唯一可惜係雞翼內裡有點不夠熟「Lychee lover」酒味好微的荔枝特飲荔枝味幾濃 有點偏甜但整體黎講配番野食好適合幾好飲

好耐無同Mcmug鋸下扒浪漫下，揾左觀塘海濱旁嘅Flames食晚餐，食完飯可以再去海濱行下浪漫下先返歸。餐廳有室內同室外嘅座位，平時用玻璃門分隔，食飯嗰日佢開通左玻璃門打通左兩邊，晚上涼涼地唔太熱，坐得都幾舒服。燈光暗暗地好浪漫，不過Mcmug背光，佢成個大豬頭遮住咗個碟，加上佢平時少食蘿蔔，少少夜盲症，驚佢成晚都見唔到自己食緊乜嘢。咦，旁邊的枱面有真.蠟燭，拎過黎用一用，原來佢浪漫之餘仲有實際用途，可以俾Mcmug望到啲嘢食啦！蟹肉香草忌廉蕃茄汁扁意粉蕃茄嗰個醬汁調校得幾好食，好開胃，我哋唔浪費，多咗嘅醬汁用嚟點薯條食，意外地好食！意粉偏硬身，我雖然鍾意食軟身嘅意粉但係都覺得OK！燒肉眼牛扒配大蝦大蝦蝦殼同埋蝦肉好容易用刀叉分開，肉質彈牙，入味。牛扒我地叫左5成熟，比較煙韌，要用少少牙力，肉味偏淡。佢個薯條好脆，係我鐘意的粗薯！是日精選甜品 朱古力慕絲，$68細細杯我覺得貴咗少少，不過朱古力加埋啲生果又幾好食！Mcmug後記：食飽了，不用洗碗的感覺真好。在人煙稀少又是黑漆漆的觀塘工業區，我們煙煙韌韌的走在大街上，捉緊對方的手，捉緊每分每秒，追趕著那班尚餘兩分鐘的巴士，多浪漫。

係一間高質嘅西餐廳，餐廳位置係mega box附近，有預先訂位所以一到就可以入座，夜晚食見到有好多枱客人，餐廳氣氛好好，叫左香草蒜蓉包、蟹肉香草蕃茄忌廉汁扁意粉、葡式香辣燒雞及甜品，全部食物都好好食！會再黎

咁Happy Friday ，梗係要搵間高質餐廳去relax 下，enjoy下，咁先對得住自己呀嘛😌😌🔸Crab Meat Linguine($158)🦀🦀梗係要嗌下我最愛嘅扁意粉，意粉質感爽滑彈牙，而且勁多蟹肉，係勁多，真材實料🤩🤩每一啖意粉都黐住勁多蟹肉，推介😍😍🔸 Half Peri Peri Chicken with Fries ($188)🍗🍟 勁大份燒雞，個皮燒得啱啱好，好香，好脆，而舊雞肉肉質好嫩滑，一啲都唔鞋😋😋不過啲薯條就涷咗，唔係熱辣辣😝😝🔸Tropical Punch ($68)🍍🍍入口感覺好清甜，果味好濃，好sweet 嘅感覺😘😘🔸Flame Lemon ($68)🍋 🍋話晒係招牌mocktail，感覺好清爽，酸酸甜甜好開胃😚😚而且呢度嘅環境好正，好chill，仲可以揀outdoor or indoor 坐，服務態度一流👏🏻👏🏻

位於觀塘商廈中的食肆，沒想到星期六，日人流都不錯，而且有戶外雅座，真的好適合和朋友chill下~ 相信星期一至五也會座無虛席。黑松露薯條超喜歡Flames的黑松露薯條，即叫即炸，熱辣辣，每條薯條都沾有黑松露粒，條條都帶有香濃的黑松露，不用沾茄汁也夠滋味，而且炸得超級金黃香脆，讓人停不了的薯條!燒大蝦配香草蕃茄汁扁意粉這個扁意粉也不錯，兩隻燒大蝦，香味撲鼻， 蝦肉爽口彈牙，香草蕃茄汁醬超香濃，滿口酸酸甜甜的蕃茄醬，不至於很膩的感覺。扁意粉煮得剛好，軟硬適中，二人share這碟也不覺得少。香煎鱈魚柳炸粟米鱈魚味道富油香，入口嫩滑細緻， 配上微酸的醬汁，與鱈魚味完全配搭， 提升了鱈魚味的鮮味。

話說flames 係我lunch飯堂，今次就試下佢dinner! 小食方面，我地叫左避風塘雞翼同炸魷魚圈。我好欣賞佢兩款上菜時都好熱，炸野必備。避風塘雞翼炸得香脆，連外面既蒜都係脆😍送酒真係一流！炸魷魚圈驚喜地好厚肉，都炸得好脆，同埋有埋魷魚鬚而且分量都幾多，幾足料。主菜我地叫左1/2隻萄式香辣燒雞配薯條，燒雞都幾好食，雞皮燒到脆身但一啲都唔肥，雞肉keep到juicy，就算係雞胸部分都唔會話好鞋，配埋個辣醬一齊食都幾正！而且逢星期一會做優惠$98 （原價$188）都幾抵！雖然跟餐薯條都幾多，不過我認為香草黃薑番茄飯係要加，配個雞食幾夾！總括黎講，平日食唔會太多人，唔會話趕你走，而且食物質素幾好同價錢都好合理，都幾推介！

今日天氣好好，微微陽光帶點涼風非常之舒服。真的Chill Day。很喜歡這裡環境光猛又寧靜，假日在此慢活一下真爽。Breakfast at Tiffany’s 超迷人的紫藍色飲品很適合打卡，淡淡蝶豆花香味很吸引。燒大蝦配香草蕃茄汁扁意粉朋友喜歡吃蝦，所以意粉都點了大蝦意粉，超大隻大蝦掛滿蕃茄醬汁非常之惹味，扁意粉有咬口很彈牙。燒肉眼牛扒配大蝦薯條份量超足，香煎大虎蝦很彈牙，牛扒大件厚肉，外脆內軟，肉質粉紅色很鮮嫩多汁，而薯條是我至愛的粗身薯條，炸得香脆而不過火。

今次輪到去觀塘區, 之前揸車去東區海底隧道途中都會見到呢個好舒服嘅戶外草地餐廳, 所以今日決定去試吓呢間係海濱滙入面既Flames。全間餐廳就係單一黑白風格而且光感十足, 令人入到去好精神。佢嘅Menu亦都係簡單為主菜式吾多, 我哋揀咗三道菜, 分別係葡式燒雞漢堡, 葡式香辣烤雞配香烤薯菜同埋蟹肉忌廉蕃茄汁意粉, 仲有點左一杯麥啤一杯黑啤。三道菜賣相非常滿分而且份量亦十足, 令我最意想不到嘅係蟹肉忌廉茄汁意粉。估唔到呢個意粉香草忌廉同蕃茄汁味好夾, 而且意粉又熱辣辣, 真係好耐冇食過咁好食嘅意粉亦令我估唔到佢咁簡單嘅Menu菜式真係做得唔錯。個烤雞亦係非常之嫩而佢個薯菜亦都唔馬虎係高質嘅薯菜食材。而最後個葡式烤雞漢堡亦好出色, 食得出佢個包唔係普通出邊嘅漢堡包皮, 佢個包甜甜地厚身吾硬, 烤雞份量亦非常多辣辣地好惹味, 蕃茄蔬菜亦好足夠真係估唔到呢間餐廳會係令到我想再encore嘅一間西餐廳, 食材高質, 烹調用心, 份量充足, 又有啤酒, 價錢合理而且有outdoor可以吹下風chill下, 已經足夠令我enjoy一個下午。

跟同學聚會由對方挑選嘅西餐廳，雖然地址有啲偏僻唔算係太方便，夏天要行過去真係有啲辛苦🤣。一共叫咗幾個餐一齊share，黑松露薯條本來以為會係黑松露醬但原來係黑松露粉。個意粉嘅紅酒味幾突出，魚柳都幾鬆脆，個人最鍾意嘅應該係隻燒雞，多啲人一齊夾就可以試晒唔同野，幾滿足！嘢飲就揀咗冇酒精，都幾大杯，糖度適中唔會過甜。環境都非常舒適，啱啱好安排咗個位置喺窗口附近，望住藍天個人心情都靚啲！有機會嘅話下次會再嚟。

周末唔想同人迫，去下觀塘海濱附近的海濱匯食個lunch，確實幾寫意。開揚的環境加上美食高質，得閒過來食下都唔錯。避風塘雞翼 $88雞翼炸得不錯，雞皮香口肉質juicy，加上避風塘風味有少少辣，蒜香惹味碎碎口感，非常美味。香草白酒煮青口 配黑松露薯條 $218 青口殼都幾大隻，而青口肉較細，但味道鮮甜唔鯹，殼肉早已分離，食起來幾方便。以白酒香草煮的確幾清香。粗炸薯條好好食，外脆內軟層次分明。加上芳香的黑松露粉，好味一條接一條。蟹肉香草忌廉蕃茄汁扁意粉 $158賣相吸引，絲絲蟹肉味道鮮甜，扁意粉軟硬適中口感滑溜，茄汁酸酸甜甜，意粉索汁入味，頗有水準。Mocha $35咖啡少量奶沫勁多，少許朱古力粉，味道淡淡。

夜晚行過海濱滙附近, 經過呢間餐廳見環境唔錯,就去左試下.入到去間餐廳都幾full , 後悔冇坐室外, 夜晚個環境好靚.好多外國人收工去飲酒食野吹水, 感覺好relax.我地坐底叫左野食,就去室外打下卡影下相, 好舒服.Daily soup是南瓜湯, 味道不錯.燒大蝦蕃茄意粉做得很出色.意粉夠煙韌 , 有2隻大蝦 ,燒得很香很彈牙.呢個價錢來講好抵食.香煎鱈魚柳也很不錯.鱈魚好juicy , 啖啖肉.最驚喜反而是他的配菜-燒粟米, 加埋佢個燒烤醬, 100分!食完正餐口痕,叫多左個黑松露薯條.炸得很香脆, 條條都見到有黑松露粉 , 吃到淡淡的黑松露香.服務很好,收碟很快.用餐體驗很好, 下次經過會再來試試坐室外.

這間餐廳有室外用餐地方，秋天天氣涼涼地，在戶外用餐吹住海風都幾舒服，見到不少人都有飲返杯，幾寫意。今次帶家人食飯，室內相對光猛，比較適合。蟹肉他他燒玉米片 | $128Nachos 大大片加上蟹肉他他，蟹肉一絲絲，配上芝士都幾夾，不過nachos焗得比較燶。燒大蝦配香草蕃茄汁扁意粉 | $158比較多醬汁，而且有粒粒新鮮番茄，蕃茄味好濃好突出，兩隻燒大蝦都好新鮮爽口。1/2 葡式香辣燒雞 配薯條 | $188這間餐廳於餐廳鰂魚涌也有分店專門賣燒雞，所以今次來都要叫番個燒雞。燒雞上枱香熱辣辣，切開仲會噴煙，雞髀位同雞翼位好嫩滑，炸薯條份量很多，辣醬少少辣，幾惹味。

喺MegaBox行完街,又諗唔到MegaBox有咩食,所以就search下附近嘅餐廳,見到呢間餐廳好似唔錯,所以就一於去試吓,好彩去到都仲有位。除咗室內嘅座位之外佢仲有戶外座位,今次因為主要係食晚餐,所以我就揀咗室內。室外更適合樓上寫字樓嘅辦公室人士,放工之後同同事聚餐或者飲番杯chill下。就係見到個環境已經覺得好relax。Menu上嘅食物種類唔算太多,小食方面我就揀咗芝士肉醬焗粟米片,份量都幾多,一上台就見到大量嘅肉醬鋪喺面,但係原來每層都鋪滿晒Mozzarella芝士,每食一啖都充滿芝士同肉醬,而且Mozzarella芝士拉絲能力超高,不過就一定要趁熱食,如果唔係啲芝士就會變咗一餅。Main course 就叫咗兩個,分別係炸魚薯條同蟹肉香草忌廉蕃茄扁意粉。炸魚好大件,俾我手掌更加大,魚肉嘅肉質疑都好厚身。炸粉夠薄而且一D都唔油膩,魚肉依然嫩滑,薯條嘅份量都好多,多到食唔晒。蟹肉香草忌廉蕃茄扁意粉面頭鋪滿大量嘅蟹肉,醬汁除咗有蕃茄嘅鮮甜帶有微酸之外,仲好creamy,扁意粉嘅軟硬度適中,最重要嘅係大量嘅蟹肉令到每一啖意粉都食到。

第2次食😋 位於正苦耗用5000萬興建嘅觀塘海濱音樂噴泉附近🙂 飲飽食醉仲可以嚟散步消化吓😃 有得聽吓音樂玩吓噴泉，真係貼心🙂🦀 蟹肉香草忌廉蕃茄汁扁意粉 $158都真係幾多蟹肉！係幾足料嘅👍 好多醬喺pasta到，而且意粉偏大份，我哋2個女仔share啱啱好！🐟 炸魚薯條 $188新鮮炸起！炸魚都幾大份，而且炸皮好脆卜卜，配他他醬最match！ 薯條份量適中，整體份量係足夠2個人share食👍🐓避風塘雞翼 $88外皮嘅味道啱啱好，煎得好香，入面肉就淡味啲，唔會愈食愈咸👍 一碟有6隻雞翼，share就最啱！