影片
更多
2019-10-15
124 瀏覽
放假無咩做又去K11行下街，見到之前仲裝修緊嘅Five Guys終於開幕啦，鍾情快餐嘅我當然忍唔住想試吓呢間人氣快餐店啦。餐廳都算幾大間，座位都超級多。但愈接近繁忙時段，就愈難搵位，條人龍分分鐘排到出門口添。諗好食咩之後，等食嘅我就食住花生打發下時間先。雖然花生係免費拎，不過都想講講佢嘅味道。花生食落偏鹹，食咗一粒已經好想飲水，所以我都唔係食咗好多就放棄咗。-Little Cheeseburger漢堡包嘅材料都幾豐富，有大量生菜、厚切蕃茄、蘑菇、醃黃瓜等配料。由於配料都幾滿，一路食啲配料都好易跌落嚟。欣賞牛肉質感都頗厚身同軟腍，牛肉味濃厚。蘑菇亦有得出牛肉味道嘅作用，係一個驚喜。-Large Five Guys Style Fries由於唔太清楚餐廳薯條嘅份量，唔小心買咗大份嘅薯條，份量真係超級超級多，連兩個成年人都食唔晒。最後為咗唔好浪費食物，我打包返屋企做第二日嘅午餐。薯條炸得偏燶，顏色亦偏暗啡，食落不斷滲出陣陣苦澀味。除咗呢款薯條，好似仲有另一款落咗辣椒調味粉嘅薯條，可能嗰款會相對好食啲，有啲後悔揀咗原味。-Vanilla Oreo Cookie Pieces Milkshak
餐廳都算幾大間，座位都超級多。但愈接近繁忙時段，就愈難搵位，條人龍分分鐘排到出門口添。
諗好食咩之後，等食嘅我就食住花生打發下時間先。雖然花生係免費拎，不過都想講講佢嘅味道。花生食落偏鹹，食咗一粒已經好想飲水，所以我都唔係食咗好多就放棄咗。
-Little Cheeseburger
漢堡包嘅材料都幾豐富，有大量生菜、厚切蕃茄、蘑菇、醃黃瓜等配料。由於配料都幾滿，一路食啲配料都好易跌落嚟。
欣賞牛肉質感都頗厚身同軟腍，牛肉味濃厚。蘑菇亦有得出牛肉味道嘅作用，係一個驚喜。
Little Cheeseburger
$65
13 瀏覽
0 讚好
0 留言
-Large Five Guys Style Fries
由於唔太清楚餐廳薯條嘅份量，唔小心買咗大份嘅薯條，份量真係超級超級多，連兩個成年人都食唔晒。最後為咗唔好浪費食物，我打包返屋企做第二日嘅午餐。
薯條炸得偏燶，顏色亦偏暗啡，食落不斷滲出陣陣苦澀味。除咗呢款薯條，好似仲有另一款落咗辣椒調味粉嘅薯條，可能嗰款會相對好食啲，有啲後悔揀咗原味。
Large Five Guys Style Fries
$60
8 瀏覽
0 讚好
0 留言
-Vanilla Oreo Cookie Pieces Milkshake
奶昔質感比起坊間濃稠好多，味道係偏甜，但我自己係接受到嘅。曲奇碎都算頗多且大粒，不過每次飲完會有種奇怪嘅殘餘甜味係喉嚨。
Vanilla Oreo Cookie Pieces Milkshake
$55
10 瀏覽
1 讚好
0 留言
張貼
