Fish & Chick (新海旁街)

營業中

休息中

呢間餐廳喺海旁嘅隔離，可以望住個海食嘢好Chill ..叫咗半隻烤雞，一份炸左口魚(Flounder)薯條。一杯Strawberry Lemon Special and Sea Salt soda.食物水準不錯，Life style 傾好地方👍

終於黎到星期五，仲要咁好天，真係忍唔住去chill 一chill ，間餐廳係西環海旁，成間以藍白作主調，成件事真係極relax 😽👆🏻煙三文魚沙律蜜糖习草汁.😼個三文魚好夠凍，沙律菜都好新鮮配埋個蜜糖叼草汁真係好醒胃👆🏻自家製磨菇湯😻我另外加多個蘑菇湯，好欣賞佢呢度識落仲有好多細細粒嘅蘑菇仔，好有口感，加埋少少香草喺面同埋有少少奶香，感覺都好柔滑👆🏻傳統英式炸魚（藍鱈魚配薯條）😻呢個藍鱈魚真係好好食，出邊既炸粉唔會好厚身，咬落去仲脆卜卜，藍鱈魚依然保持到肉汁好juicy ，面頭既海鹽更加帶到魚既鮮味，點少少沙律醬就去除到油膩感🤭，薯條都炸得ok，唔會好冧pat pat，成個lunch set來講價錢唔貴值得一試

端午節假期，好多人等位，下次一定要記住book左先！入面啲位好逼，每張檯距離大約十五cm，坐得唔太舒服。冷氣溫度還可以。廁所都乾淨。職員幾盡責，有幫人量體溫同奉上酒精搓手液。我叫左vegan 嘅 fish and chips, 食落軟硬度有啲似魚味嘅麥樂雞，感覺唔差。有茄汁同埋 sour cream, sour cream 入面仲有一粒粒嘅 pickle 添！著條份量足。食晒之後已經好飽。下次想留肚食下甜品。我杯凍薄荷朱古力就等左勁耐！個vegan fish and chips 來左都未有我杯野飲！我望住水吧出左好多杯凍飲（主要係梳打），仲要洗埋一大堆杯之後先沖到我杯野。可能當時十二點﹑一點幾係 peak hour 啦，所以先要搞咁耐。我友人杯鮮榨蘋果汁就勁快來左。等野食果陣望下個燒雞爐，好吸晴。牆上有圖畫介紹唔同種類嘅魚。差不多食完時，我地個餐具筒仲有一張紙巾，點知個店員無啦啦收左佢，好彩我友人截住佢姐。值得一讚嘅係，呢間餐廳都注重環保。除非客人要求，否則佢地唔會提供飲筒比客人的。

🐟Beer-battered Fish & Chips (Flounder) $133🐔Half Roaster Chicken $88-They serve authentic fish & chips, resembling the ones in the U.K.🇬🇧 The flounder has no stinky fishy smell and coated with crispy-crunchy batter. Roasted chicken is another signature here - so juicy and it’s not rubbery at all!👍🏻-🍴8/10

三個禮拜前已經book枱，好full， 要食就一定要早book。 食嘅途中不斷有人嚟問有冇位，好彩－早訂左。揀左門口嗰張枱，可以睇日落景，好開揚。最出名嘅燒雞，叫左－隻，啲肉好滑好juicy， 一定要叫。 炸魚薯條亦都係另一個要叫嘅菜式，唔記得咗自己叫乜嘢魚，聽侍應介紹就ok㗎啦。 之後叫咗啤酒同埋一啲小食，三個人都係六百幾七百蚊非常之ok。 一定要去encore

想食呢間好耐...可惜 lunchtime 去到經常無位🥺 今次我地無懼風雨嘅洗禮，去到好彩仲有門口位😭😭😭 其實望住出面橫風橫雨、海浪波濤咁食 𝐹𝒾𝓈𝒽 & 𝒸𝒽𝒾𝓅𝓈 真係別有一番風味架😌😌👻🔸頭盤：炸鮮蘑菇沙律🍄🔹主菜：傳統美式炸魚（紐西蘭藍鱈魚）配薯條🐠🍟▪️飲品：凍檸茶少甜少冰🍹盛惠 $97 （incl. +10%）🔸佢真係原隻蘑菇🍄攞去炸，炸粉超薄，唔會炸得好乾，仲保留到蘑菇嘅原汁原味☺️🔹到主菜 𝐹𝒾𝓈𝒽 & 𝒸𝒽𝒾𝓅𝓈 啦～ 炸皮薄脆挺身，鱈魚🐠雖然冇咩調味，亦講唔上有鮮味（應該都係用冰鮮魚架啦🙊），但整體肉質都算嫩滑，唔會皮肉分離😙🔹厚切薯條🍟新鮮熱辣辣食好正，外脆內軟，薯條有薯味🤪順帶一提，宜家逢星期一至四 take away 嘅話有 buy one get one free，超抵食😚 （唔好問我個優惠做到幾時，我都唔知架🤣🤣）

呢間小店位處最正既海旁邊 ，平日係度食嘢既話 ，可以一邊吹住海風 、一邊飲杯啤酒🍻 、一邊欣賞遠橋夜景 。不過因為限聚令加店面小 ，我都係買外賣返屋企食好d，快d、安全d，又抵d 。因為依家做緊一個超級抵食既promotion： fish and chips 逢星期一至四，take away 既話，係「buy one get one free」🎉🎉 。不禁由個心度叫出黎！除左係外賣自取外，無咩特別條款😂。Menu上有多款魚肉任君選擇，即叫即整 ，所以要預留少少等候時間，但絕對唔係等到天荒地老個隻，而且等候係為左食更好既食物，絕對值得。我哋拎走時真係非常熱辣辣、香噴噴！口水都流埋，淨係想快返到屋企開餐囉！我哋今次選擇左Cod 😋，個外層炸漿剛剛好 ，口感脆脆d，好香口 ，裡面啖啖肉 ；薯條夠曬粗 ，好有薯香。其實有醬汁跟架，不過攞開左唔記得影😅。絕對係送冰凍啤酒既美食。性價比超高既餐廳，遲d疫情好d，會堂食，望住個旁邊成千萬高尚住宅單位同一個海景食嘢，正啊！🤪 下次外賣烤雞試下先，見住大大隻雞係烤爐轉轉下好治癒。

-《𝐅𝐢𝐬𝐡 & 𝐂𝐡𝐢𝐜𝐤》🐟位於炸魚薯條專門店👧🏼提供多款不同魚類型的炸魚薯條🤫有比目魚/左口魚/鱸魚/銀鱈魚等等🤲🏻可根據個人喜歡的口感而挑選😺今日就要求左介紹硬身少少既魚🐠🐟 𝑴𝑶𝑵𝑲 𝑭𝑰𝑺𝑯 石頭魚 （$145）魚炸得好脆、皮薄！不覺油膩！魚肉鮮嫩不會乾身👍🏻而且份量適中！石頭魚比較有質感！厚厚魚肉🤭薯條係大大條果種粗薯條🥔btw下次黎想試埋其他魚🤤🧅𝑶𝒏𝒊𝒐𝒏 𝑹𝒊𝒏𝒈𝒔炸洋蔥圈（$55）炸洋蔥圈一直是我的favourite🤤呢間d炸物真係出奇地全部都唔油膩、食完晒都唔會覺得濟同唔會有油益味！油標榜天天清！唔會有萬年油😏呢個洋蔥圈都係必點😤（我差d叫多份）環境非常之chill😎海邊飲住啤酒食炸魚薯條簡直係人生一大享受😌

因為疫情關係，外賣已成大氣候，早排見Fish & Chick有個大優惠，外賣自取買一送一，响屋企附近無理由唔去買吖，而家兩客炸魚薯條，都只係$140，絕對物超所值！🍴Fish & Chips $140👍🏻👍🏻👍🏻👍🏻揀咗Seabass鱸魚，當日新鮮貨，鱸魚份量十足，食得出魚鮮味，外層炸漿薄而脆，就算10分鐘路程，都無令水準下降，薯條係粗條狀，外脆內軟有口感，食晒一客超滿足！🍴Fish & Chips 👍🏻👍🏻👍🏻當日送果客當日精選係鱈魚，份量比鱸魚少，但味道同肉質都唔差，佢雖然唔係新鮮貨，但一啲雪味都無，配沙律醬食好味！二人共消費：$140 p.s. 優惠期至30/4

於堅尼地城海邊走走，見過呢間小店好多次，但一直冇試過，今次行行下有點餓又咁岩行到呢間餐廳，就入去了。食物種類不多，主要係炸魚薯條、煎魚、烤雞，因同行媽媽怕熱氣，所以揀左煎魚同烤雞。店鋪不大，食物係即叫即煮，不同角落都放左雞擺設，中間有個烤爐，店員係即時串兩隻大雞入去烤，好令人期待。店外正對住海邊，可以邊等邊望下海，可惜今日天氣大霧。首先煎魚到左，魚眼望以為煎到好乾身，但一切開，魚肉白雪雪，啲肉仲紋理分明。食物調味唔多，亦唔需要多，因食材質素好，魚味好香濃。媽媽對於魚上香草好好奇，店員都主動解答。食完魚冇耐，就見到兩隻烤雞出爐，烤雞已剪開四份，方便食用。一切落雞肉，完全唔需要用力就可以切開，因為雞肉非常嫩滑juicy。雞肉醃料好香，而且入晒味，平時我地怕肥唔食雞皮，呢個烤雞雞皮都好好味，可能係烤ge關係，雞皮同雞油好易分開，所以唔怕雞皮好肥。(打呢篇食評時已經好掛住個烤雞)

幾年前岩岩fish & chick開舖時候已經食過一次但礙於地理位置對上一次食已經係4年前！好開心今日天朗氣晴對住海旁同青馬大橋心情特別舒暢！Fish & Chick 最出名就係fish and chips同烤雞！佢嘅menu有好多種魚可以選擇當中有本地新鮮魚亦有雪藏外國魚塊最特別嘅係佢有比較少嘅盲鰽！今日無盲鰽所以我揀左seabass 佢嘅魚真係炸得好脆！𥚃面好嫩滑！咁多年無食依然好好味！佢嘅脆醬好薄一啲都唔馬虎！根本salt and pepper 已經可以帶起魚既味道！不過可惜之處係佢嘅chips.有可能係翻炸。不過呢度標榜啲油係日日清唔會用萬年油所以食落唔會有「油益味」！令一碟烤雞由於胃size放唔落全雞我哋叫咗半隻烤雞雞肉好嫩！即使雞胸都唔會鞋口！好滿足！不得不講佢既sweet corn甜甜地好香牛油味！食完fish and chips 再加隻雞食返啲粟米好似立刻detox返！食食下仲可以欣賞埋日落🌄真係夕陽無限好。只是近黃昏！==========翻兜指數：89.38分(100分滿分)抵食指數：7分(10分滿分)

好多時想去食一間野可以係無任何原因嘅好簡單 我想 食完又滿足 飯腳又揀得啱嘅咁就夠啦🍻"Fish & Chick" 主要係食炸魚 另外仲有燒雞 我地就食晒兩樣啦幸運地今晚嘅魚無失望 好滑 雞仲令我有驚喜添喎 好香而且一啲都唔鞋

這間位於堅地城海旁的餐廳在星期六午餐時段座無虛席，儘管這段期間大家也減少外出用膳，顧客也需要排隊入座。餐廳座位不多，每張枱之間的距離十分有限。儘管如此，食物質素卻令人喜出望外，這也解釋了為何附近餐廳門堪羅雀，這一間卻其門如市。餐廳主打炸魚，當然要試試招牌菜Monk Fish, Seabass 和Barramundi，配菜有傳統的炸薯條、炒蘑菇和甜粟米。炸魚入口皮薄香脆，不覺油膩，魚肉鮮嫩不會乾身，炸皮能好好鎖住魚肉的肉汁，實在難得。個人覺得Monk fish 最好吃，有質感不會＂削＂，Seabass 和 Barramundi 的獨特味道也仍能保持得很好。至於配菜，炸薯條是大大條的那種，味道和一般餐廳沒多大分別，反而推介炒蘑菇和甜粟米，新鮮美味，份量適中。喜歡lemonade 的朋友可以試試餐廳的hot fresh lemonade ，濃郁溫熱的新鮮檸檬特飲非常醒神，感覺健康。即使餐牌上普通咖啡的質素也不錯，實是一間用心經營的餐廳。

來到fish and chick, 當然要將fish and chick都試哂。Lunch set大概百五per head，有湯/沙律，配雞/ 魚，再加飲品。當日天氣好凍，我地2個都叫左粟米湯，份量唔大，但就好足料，好多粟米粒喺入面。首先來嘅主菜係足半隻嘅烤雞，餐廳入面有好大嘅烤爐即場燒雞，我就係俾佢嘅烤爐吸引左入來🙈 新鮮嘅烤雞皮夠脆，肉質夠嫩又夠juicy，旁邊伴碟嘅粟米都唔馬虎，唔係淨恰完就上碟，係落左香草去調味中和飽滯嘅感覺。Fish and chips都係即脆，所以就要等多陣先上菜。餐廳有大概4款魚做選擇，我揀左最basic嘅款，味道都唔錯，肉質夠滑又熱辣辣。(食到中間先記得影，可以見到佢嘅春雞份量真係好夠)

坐在門口位置，遠眺青馬大橋，一坐下便醉了。點餐服務員很溫柔，沒有驚擾我的心情，我也隨便在餐牌上劃了一下，點了什麼都不重要，此刻只想享受一個人的時間，放鬆一下，讓最近沉重的心情寄予浮雲，身心沐浴於卑路乍灣的洗禮.... 最近的疫情，好似對呢間店生意影響不大，中午還不錯的。但隔離的咖啡店就好景不常了，讓人懷念的過往啊！ 煎鮮左口魚，熟左少少，食得出魚香但就走了鮮味....明白要用熱火煎魚，仲要剛好熟度，不會有人可以100%把握，可以下次再來試。偷望了身旁的靚仔的fish & chips, 有d後悔無跟機，香脆juicy，下次試下。 幼薯條 - 100分，好正 檸檬罌粟籽蛋糕 - 超出色，想不到甜品給我大驚喜！檸檬的味道，蛋糕甜香（仲有雲尼嗱？），加上略帶焦香的外皮....仲好過很多名店，好想知係唔係自家手工。 店面具特色，有一點擠迫，不過樓底高又有開揚海景（如果無泊車），都算舒服。