February

營業中

休息中

今晚再黎到觀塘搵食😋揀左間德國菜呢間餐廳幾有格調，佈置亦都唔錯，同埋有bar枱的本身諗住試下豬手嘅，但見到佢個任食牛扒餐好抵好吸引，於是試下😆芝士薯角雖然鋪左芝士同焗過，但薯角仍然好脆👍🏻但就略嫌芝士唔夠多😛芝士雞翼呢碟就好夠芝士!!!真係拉到絲😂😂同薯角一樣，鋪左芝士但雞翼都食得出好脆，而且味道都好夠，非常唔錯白酒大蜆因為我地都唔太食西蘭花，所以再左個大蜆食。蜆肉好爽無overcooked，而個蕃茄汁好濃郁，酒味亦都重16oz安格斯西冷牛扒雖然係任食，但我地都唔大食，淨係嗌左2塊😅牛扒好香，肉質都唔錯，如果少啲筋更好👍🏻第2塊都保持到質素，唔會話任食就hea整Mango freeze + mojito 2杯都好飲😋

今日接朋友收工順便係觀塘食晚飯聽個依間野好出名豬手所以我地就叫左豬手, 同埋一個大蝦意粉,2柸好正既野味一柸係triple berry yogurt一柸係pink lady2柸都好有特色 好好飲!整得好有心機好靚~個豬手好正, 佢係即時表演用火燒一燒好香, 佢仲幫我地切埋, 好好服務豬手既味道好似本身有D酒佢個皮好脆好好味, 唔錯唔錯~至於個意粉 個外表好靚佢上面放左D沙律, 帶子, 為意粉增加唔小美感係香蔥味意粉 D蝦好鮮甜, 好大隻

🔍觀塘駿業街56號中海日升中心2樓A號舖 *「觀塘西式復古café」- February . 估唔到觀塘都有依一類型嘅餐廳，餐廳有西式復古既感覺， 比較高檔次既路線,一大班朋友係到食飯，真係令飯局加分不少！ 香煎三文魚柳 $178煎三文魚既煎煮時間較難掌握，通常會好乾，肉質嚡！相信哩個三文魚柳係慢煮，因為魚肉嫩滑多汁，入口即溶！少D心機都唔得呀!  茄蓉意粉伴芝士焗大蝦 $158茄味香濃，滿滿既維他命C，感覺好健康！挖開蝦肉，芝士牽絲，入口蝦肉彈牙鮮甜，鐘意大蝦又鐘意芝士，一定要試! 法式白酒汁煮藍青口 $88入口有海鮮味兼有白酒香，青口鮮甜肉滑，但實在太細隻，青口要大隻先有口感。而剩下既青口汁我地無浪費，放左少少意粉落去攪拌再食! 一樣滋味! Naughty Monkey $52Lychee Boom Boom $62飲品方面都唔錯，賣相好適合影相，味道甜甜酸酸，好清新!女孩子一定會喜歡! 最重點係哩到有得飲酒同星期五六都開到零晨2點! 可以同觀塘既老友又食又飲，唔洗專登出旺角同尖沙咀!又多個聚會點啦!🍽8/10

觀塘February係酒吧餐廳，提供中價set lunch，好多同事包括我自己都食過。最近新推出任食牛扒，仲有啲任食小食，牛魔王嘅我地放工就嚟大擦一餐。坐低先叫兩杯飲品。 【Mocktail February】由桃、橙汁調配，再加上忌廉，上面仲有彩色朱古力碎，賣相不錯，味道適中冇過甜。【Naughty Monkey】有香蕉、朱古力、紅莓同牛奶。 不嬲都鍾意飲香蕉牛奶，呢隻啱晒我。香蕉味香濃，同朱古力幾夾。【任食牛扒餐】頭盤叫左三款芝士小食：芝士焗西蘭花、芝士焗薯角、芝士焗雞翼。 芝士焗到半溶，面頭微焦夠晒香口，入面就軟滑兼有拉絲效果，芝味香濃。西蘭花支莖特別長，比較少見，咬落爽甜；薯角薯皮焗到夠脆；最正係雞翼，大大隻熱辣辣，脆皮雞皮入面係鮮嫩雞肉，仲幾juicy。 估唔到小食都幾高質，原本打算唔好食咁多，留力「衝」牛扒，但都忍唔住食晒西冷牛扒出場啦，標準重量係16oz，睇落唔大塊但其實係厚切。叫咗五成熟，出到嚟過咗五成，熟咗少少，不過係高質牛，肉質軟腍仲好juicy。 店員話如果想再食但驚食唔晒，下一份可以叫10oz，就唔怕浪費。 唔執輸嘅我哋梗係encore啦，任食小食同高質牛扒，對

February係觀塘區入面嘅一間西餐廳，我俾佢嘅火焰豬手吸引左去試。由於係平日嘅關係餐廳唔算好full，所以服務都算慢同埋幾好。我哋一行三人叫咗一個煮食三個main course.前菜叫咗炸魷魚圈，魷魚圈好香脆，入邊嘅魷魚亦都煮得啱啱好，唔會過熟。另外叫咗一份牛小排，份量都唔細，佢係配蜜糖芥末醬，呢個配搭食落好特別，但又唔會覺得唔夾。跟住上嘅就係大蝦炒意粉，意粉加咗蟹子埋用橄欖油去炒，彈牙，而且蝦嘅份量好足料。最後就係火焰豬手，應該係呢間餐廳比較出名嘅菜式。侍應會成隻豬手上枱，然後加入酒精同埋即場燒隻豬手，最後再幫你分返。由於係即燒嘅關係，乳豬皮好脆，而入邊嘅肉都唔會好油膩。

其實觀塘有好多活化工廈上面都有好多好嘢食㗎有機會可以同大家介紹多啲今次依間環境好好 好靜好適合同朋友飲下酒食下嘢傾下計-#法式白酒汁煮藍青口 $88藍青口份量好多😍兩個人食每人都食到7 8隻有多而且藍青口肉質鮮嫩食落好開胃-#德國腸拼盤 $168飲啤酒當然要有啲德國腸食下🤤每條都唔同味道 當中有一條仲係辣肉腸腸仔同好一定要試🤩-#德國火焰咸豬手配酸菜薯仔沙律 $298德國火焰咸豬手可以話係必點每枱都叫咁濟 餐廳職員會幫手點火🤪然後就比時間去打卡拍片之後就會拎入廚房幫手切開豬手嘅皮係超脆 而啲肉好細嫩🥳一啲都唔乾 整得啱啱好 份量都足夠兩個人食豬手配埋蜜糖芥末醬仲好惹味添🤤鍾意豬手嘅不妨都試下

觀塘情調西餐😍.慶祝 Best Friend 生日，揀左呢間西餐，因午飯有試過覺得幾好食，所以對今次晚餐期望都幾高。呢道裝修用紫色嘅色系為主好有情調，坐得幾舒服，好啱閨蜜密密斟！.法式白酒蒸煮青口青口用忌廉白酒浸住，目測有十六七隻😍白酒忌廉汁調較得啱啱好唔會苦唔會漏，同青口好夾😋青口好新鮮，味道好鮮好清新，肉質彈牙😋朋友食到停唔到口，作為餐前小食非常正！.牛小排牛小排兩塊煎到七成熟，味道&口感有點像牛肋條，牛味幾出，肉脂分佈平均😍所以每一啖肉夾雜少少油脂，咬落肉感嫩滑，真係好好味！另配有黑醋沙律同埋烘燒過嘅大蕃茄🍅增添一點清新感🌱. 黑松露意大利飯配大啡菇🍄🍄🍄香噴噴嘅黑松露同意大利飯永遠都係絕配，好Creamy嘅黑松露+粒粒分明嘅意大利飯，煮得很剛好。大啡菇煎得好香，每啖都爆汁，食落很有口感！.甜品: 藍莓芝士蛋糕及焦糖燉蛋芝士蛋糕加了點鹽，帶有少少鹹香，幾特別，而且伴碟竟然有雪米糍，好開心😍🥰👶🏻。焦糖燉蛋做得幾出色，燉蛋嫩滑焦糖香脆🍰🍮👍🏻.覺得呢度作為慶祝係一個不錯嘅選擇！食物質素正得黎環境好舒適，唔會趕人走，絕對係談心可考慮嘅地方！

又去觀塘食野，想搵啲特別啲既餐廳食下，於是就搵到呢間食德國菜。呢到環境都唔錯，整得幾有氣氛。呢到可以叫酒飲，選擇都算多，而且價錢唔算貴，不過因為我地都唔想飲酒就冇叫到。叫左兩杯smoothies,第一杯係naughty monkey,飲落係香蕉巧克力味，另一杯係tropical,感覺真係幾fresh，不過份量就比較細杯。叫左佢招牌既火焰豬手，皮燒到好脆，豬手好入味，份量兩個人食絕對夠晒飽，旁邊仲可以寫字。呢個意大利飯真係有驚喜，飯粒比較硬身，但係好多汁好入味的，入面仲有好多磨菇，帶子新鮮，燒得好好食，意料之外。估唔到觀塘都有呢啲餐廳食，新發現

平日工作繁忙，收左工約埋朋友仔一齊食個飯，聊下天都幾有樂趣！今次就黎到觀塘區食西餐，係中日中心上2樓，裝潢設計比較西化，天花位置仲掛左好靚既雕花吊燈，呈現出浪漫既氛圍！德國火焰🔥咸豬手配酸菜·薯仔沙律🥗$298: 德國火焰🔥鹹豬手，皮層脆卜卜，肉質幼滑，雖然外表看來略為乾身，但食落口就肉汁豐盈。豬手要焗到皮脆肉滑，可令表皮變得金黃焦脆，肉質金香，豬手皮脆肉嫩，鹹香惹味，通常佐以酸菜·薯仔沙律可幫助消化，吃多左都唔怕油膩，而且豬手大大隻，份量十足! 美國頂級黑安格斯牛小排 （10oz) $228: order左6成熟，肉質結實帶些油筋，有咬感，還散發出安格斯牛既原始香味，再配埋新鮮既蔬菜及薯泥，食完唔會覺得太油膩！😌😋+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

February 位於觀塘地鐵站附近，今日係附近做野順便食埋晚飯。經理姐姐話而家有個任食套餐，$298/head 可以任食 《美國安格斯肉眼扒 + 芝士小食三款 + 沙律 + 餐湯 》甘arm我同朋友都好肚餓，甘就試下哩個任食套餐先。安格斯肉眼扒 16oz 好大份。烹調得不錯，看得出廚師的用心。牛扒大約七成熟，正合我心意。外面煎熟了有炭燒的感覺。能鎖住肉汁，十分juicy，很有口感。 很不錯👍👍 。芝士小食有芝士焗西蘭花，芝士焗薯角，芝士焗雞翼。我最喜歡的是《芝士焗西蘭花》。西蘭花上佈滿滿滿的芝士。烤焗至金黃色很香。食了牛扒，要食多些西蘭花平衡一下！其他兩款小食也不錯。烤焗火候拿捏得不錯。半容的芝士很香口惹味。之後我哋再encore安格斯肉眼扒! 今次叫了10安士。水準依舊很不錯！因為同行有小朋友，我哋另外點了《卡邦尼意粉》。小朋友說很好食，成碟清曬！下次想食牛扒，我會再考慮呢度！

係官塘工廠區，真係好多臥虎藏龍。係APM行過黎5分鐘左右，就有哩間FEBRUARY。朋友極力推薦，於是就跟住過黎。芝士焗雞翼將炸雞翼放焗兜，面層放芝士入焗爐焗，芝士可以拉絲，雙層質感，又鬆脆又軟綿綿，十分惹味。芝士焗西蘭花原來西蘭花同芝士都可以好夾。炭燒西冷牛扒主角出場了，期待已久，真係好大塊，店員接受足足有十安士，真係無抓流灘，外面一塊十安士西冷牛扒，分分鐘200幾大洋，宜家百幾蚊任食都咁大手筆。塊扒火候控制得好好，內裡粉嫩，外層炭燒甘香，咬落啖啖肉汁，加上牛扒油花甜味，簡直係人間極品。食完一塊後真係想食多塊，於是再叫多一塊，任食，唔使加錢架。SOMERSBY APPLE BEER食牛扒唔飲紅酒都要飲返杯冰凍啤酒，SOMERSBY APPLE BEER 清爽怡人，啖啖清香蘋果味，同牛扒好夾。哩一餐真係滿足曬我這個牛扒粉絲。

間餐廳在KT都唔算難搵在工廠區內，所以在附近做的人可以去試下！我覺得最令我驚喜係個龍蝦汁海鮮飯(˶‾᷄ ⁻̫ ‾᷅˵)真係好食，好多海鮮，個飯一粒粒好juicy感覺。水牛城雞翼 同出面的好不同，蕃茄味好出同有小小辣辣地，好惹味。另外個豬手，都好正٩(˃̶͈̀௰˂̶͈́)و個外皮好脆，肉點個source 似係蜜糖芥末好match。環境都好舒服 坐位好闊 好舒適٩(˃̶͈̀௰˂̶͈́)و唯一係個冷氣細左小小推薦！推薦！

假期人多，試下去左工業區個邊搵野食。咁岩見到個環境幾好，就入左去試下。首先叫左個酒煮蜆。用左蕃茄、青椒、洋蔥同白酒，咬落去個陣除左食到淡淡既酒香，少少酸味味，配上軟硬口感，都幾開胃，而且蜆肉處理唔錯，完全無沙，食落好放心！然後試左個芥末芝士焗羊架，啲羊一啲都唔羶，怕羶味既人完全唔洗驚，適合喜歡食肉獸；另外，羊肉煮得唔會過熟，又唔會韌。最後試左個頗有驚喜既啡菇意大利飯，大大塊啡菇已經幫你切片放係飯上面，開頭以為普通野，點知打開個時，飯內夾雜磨菇，食落又真係意大利飯個種少少硬身既質感，再配上一杯香蕉奶同有微弱爆炸糖聲既果汁，岩岩好。

假期人多，試下去左工業區個邊搵野食。咁岩見到個環境幾好，就入左去試下。首先叫左個酒煮蜆。用左蕃茄、青椒、洋蔥同白酒，咬落去個陣除左食到淡淡既酒香，少少酸味味，配上軟硬口感，都幾開胃，而且蜆肉處理唔錯，完全無沙，食落好放心！然後試左個芥末芝士焗羊架，啲羊一啲都唔羶，怕羶味既人完全唔洗驚，適合喜歡食肉獸；另外，羊肉煮得唔會過熟，又唔會韌。最後試左個頗有驚喜既啡菇意大利飯，大大塊啡菇已經幫你切片放係飯上面，開頭以為普通野，點知打開個時，飯內夾雜磨菇，食落又真係意大利飯個種少少硬身既質感，再配上一杯香蕉奶同有微弱爆炸糖聲既果汁，岩岩好。

一早知觀塘工廠區好多美食，於是今日趁放工去咗一間叫「February」嘅試吓！😋😋去到見雖然唔係好大間，但燈光幽暗，幾有浪漫情調！😍😍而且早去嘅關係，人唔係太多，所以良朋共聚同情侶靜靜談心都唔錯！🤗🤗講返食物先，嚟食德國嘢當然要叫鹹豬手啦！🙄🙄呢個火焰鹹豬手唔單止大大份，仲一開始先聲奪人，個侍應點火後立即火光熊熊，我哋都嘩咗聲！😆😆唔止大份，仲鹹度剛剛好，肉質鮮嫩，正！😝😝然後當然唔可以錯過德國腸拼盤啦！呢個唔使多介紹，啖啖肉，又香又好味！😛😛我哋仲叫咗份黑毛豬鞍架，啲肉好鮮嫩，仲有份薯菜伴碟，唔怕唔夠飽！😎😎仲有碟黑松露薯條🍟，薯條切得夠厚，仲有好長，加埋黑松露醬就完全，好香好脆！飲品方面，我叫咗杯 strawberry freeze，其實係沙冰嚟 ，不過唔會因為咁而淡味，仲有粒士多啤梨喺入面添！🤗🤗仲有叫咗杯pink lady，係好大杯嘅西柚味飲品，好Fresh 好好飲！😉😉