EXP

營業中

休息中

好久沒有去又一城的"EXP"吃飯了，原因當然乃在於那條經常在門外碰見的人龍....是日很早抵達，還是看到有幾個人在等候，但相比起高峰時期的盛況，仍是有太大距離的....等了不到五分鐘便有位。之前已預先有了打算要叫什麼，故此一坐下便可馬上落單，節省了不少等候的寶貴光陰....同樣花不用多少時間，一道香辣豬頸肉米線便即端來。看起來滿滿的一大碟甚抵食米線的質感甚煙韌，而且吃起來是真的夠嗆夠辣，是很泰式的制作及味道；豬頸肉一向是種蠻易處理的食材，是烹調得怎樣過火也不會韌的，故此對店方來說，料理它當然沒甚難度；缺點方面只是覺得油下得過份重手一點而已...今天想過過PIZZA癮。在MENU看到有多款選擇，在心大心細不斷改完又改的麻煩心態之下，最後決定豪一些，要了海鮮作餡的餅底十分的crispy而且鬆化，是意料之外的好水準，個人而言認為比同商場內的"Pizza Express"做得更好；餡料有的是蜆肉、蝦、魚、及魷魚，全都是進口淡而無味、味如嚼蠟的包裝雪藏出品，食落當然是無厘味道。不過光是那個出色的餅底，已值給它一個笑臉了...

已經係第2次黎,今次叫左脆脆豬扒飯 / EXP PIZZA / 蒜茸西蘭花脆脆豬扒飯---個賣相幾得意層層疊疊咁,豬扒脆,汁又多,好味EXP PIZZA---料就無嘜,不過好脆,都OK蒜茸西蘭花---一般LA唔洗等位,地方大,同朋友傾計幾好

食物帶子墨魚面味道食落有d似普通三絲炒意粉，帶子就不過不失，size ok白酒煮蜆意粉個人黎講就食唔出咩酒味，蜆份量唔夠，而且有＂猩＂味囉軟殼蟹粉卷個醬就真係唔好點喇，少少都唔好，我同朋友都覺得味道好奇怪唔點，就咁食，好食好多架三色焦糖布丁之前睇呢度，好似係招牌咁，不過個人食左就真係唔多認同囉而且份量少到爆服務以情人節咁多客的情況作為標準，收野勁快，而且冇禮貌，最唔滿意係其中一個侍應，落單果陣超冇禮貌，詳細唔講喇...我都明人工可能唔高，而且忙到死，不過...服務行業始終要對自己有點要求吧！唔知係咪公司要求做得差d，趕客？做多輪？overall，節日黎講冇cut regular menu都算係咁

情人節，男友忽有事不在港，我跟他說："今天不吃情人餐，可沒有餐廳會收容我的，你相信嗎？"本來EXP是我的次選，光顧過它，食物質素其實不錯，但這天想試試LITTLE ITALY。怎料，被我猜對了，門前貼了粉色情人餐MENU，一聽到我想吃LATE LUNCH，四位待應同時搖手拒絕。跟男友說，都虧你，今天連八月花，王家沙也在做情人餐，也許我要去吃麥記了。於是，去沒有情調的EXP該願意收留我吧？幸好，EXP好像是沒有情人餐的，而且還有正常的下午茶，有一點感動。可是，被安排了一個較差的位置，較吵。有兩對情侶曾坐我身旁都走了。說回食物吧！上回吃了帶子墨魚麵，那價位來說是很不錯了的。這次打算試它的三色布丁，於是點了40元TEA SET有冷飲一杯，香辣雞絲炒米線，外加一個三色澤布丁。吃罷有點後悔，大食的我應叫正常SIZE，因為比平常少了一半。味道方面，隱隱有椰香，像喇沙，挺驚喜的，吃得出味道的層次。而且欣賞它把炒方面不好處理的米線炒得彈牙，真想不到凍奶茶比一般茶餐廳偏淡，但那茶味卻較香，比一般西餐廳半港半英式的奶茶較好。三色布丁，不是絕頂好吃，不過也不錯，芝麻味較討好，VANILLA味也香但焦糖較少，

同GF行街之後去左EXP.~都成一年冇係度食了..因為唔多去KLN TONG.....去到唔見左我最愛的"尋找咖哩雞" Pizza...有點兒失望...咁唯有點下第2 D野食啦..~~因為唔太餓。所以只係叫左:A) 雞牛串燒..普普通通:..不過D 醬好得...攪到要叫佢比多一碟醬我地~B) 芥茉西冷牛肉pizza尼個食落都唔錯,Ｄ芥茉幾香幾入味..不過都係尋找咖哩雞 is the best..希望快Ｄ有番la.....尼度款式唔多。～價錢都算ok唔太貴..希望加入多Ｄ新野食..因為我記憶中尼兩,三年都冇乜新野食。~

我地兩個叫左個吉列豬扒飯,蕃茄忌廉汁鮮蝦扁意粉,三色焦糖布丁仲有兩飲品!!好鬼正~豬扒好鬆脆蕃茄忌廉汁鮮蝦扁意粉好好味仲要有好多蝦tim呀! D蝦又夠新鮮彈口又大隻~三色焦糖布丁好特別~成日都見到E間咁鬼多人排隊,真係有原因傢!大定值得一試

成日去又一城, 次次都見勁多人係門口排隊, 都未幫襯過, 終於呢晚試第一次!! 可能時間尚早既關係, 晚上7點左右, 完全唔駛等位~~三個女仔叫左一份max pizza, 一碟波菜忌廉煙三文魚意粉, 一碟吉列豬扒飯, 一份牛油果軟瞉蟹紙卷 & 一份三色焦糖布丁~~哈哈, 五樣食物份量都唔算好多, 啱啱好, 仲有DD飽~max pizza叫了薄底的, 都OK, 唔算太特別~波菜忌廉煙三文魚意粉, 算唔錯~ 忌廉汁和煙三文魚都好多~~吉列豬扒飯比想像中好~ 豬扒炸得好鬆脆, 就係汁比較少~~牛油果軟瞉蟹紙卷好差, 都唔知係咩味道, 可能係包住一D香葉之類...總之很怪, 我地三個都食唔落, 要拆開黎食...甜品三色焦糖布丁有三種味道, 1. 焦糖蛋布丁, 焦糖面好脆, 蛋OK~ 2. 朱古力布丁, 好濃朱古力味, 同埋好cream, 好似食緊溶溶地既朱古力咁~~ 3. 芝麻布丁, 都係好cream, 食落去好稠既芝麻糊...甜品整體都唔錯!! 個度唔限時坐, 方便傾計~味道價錢都算OK, 三個人每人食左平均HK$95左右~~啱哂朋友聚腳~~

上星期日，去又一城行街。原本打算去simplylife，不過十二點多去到已有十多人排緊隊。睇黎有排等，於是轉去EXP。EXP 唔洗等，一去到有位。一行三人，每人點一個pasta/ rice，再加多個拼盤。Menu 轉換比較慢，數月前跟現在的menu 是一樣的，來來去去都係嗰幾款。由於天氣太凍，所以無食個冷麵。點了多多蛋白炒飯、香辣豬頸肉炒米線同帶子墨汁面。好快就有得食，唔洗多過10 mins。多多蛋白炒飯先來，飯粒分明，也不會太硬。有蘆筍粒、蝦粒、三文魚粒等，炒得都夠香夠乾身。香辣豬頸肉炒米線，一上枱，被portion 嚇倒了。點解可以少得咁可憐！米線份量好少，但就加入大量洋蔥、青紅椒等。雖然叫香辣，但一d都唔辣；米線炒得不錯，不會黐在一起。豬頸肉有六片，好香好惹味。不過份量真係太少，夾兩夾就無晒。帶子墨汁面味道不錯，份量也較多。有五粒帶子，帶子還有點點鮮味，不會雪到乜味都無。墨汁面滑，不過略嫌粗了點。拼盤反而最後先來。有蔗蝦、軟殼蟹卷、酸辣豆腐、蝦餅同串燒。蝦餅好好食，好夠彈牙；軟殼蟹卷我無試。酸辣豆腐係一舊好滑嘅豆腐，上面淋咗辣醬，酸酸辣辣幾好味。蔗蝦反而一般，舊蝦膠唔夠彈。串燒有

14日 dayoff 去又一城shopping,行到咁上下去醫肚,就去溜冰場隔離間EXP.嗰時12時冇乜人唔使等位,叫了個冬蔭公牛內米線,三色焦糖布丁及海鮮米線卷冬蔭公牛內米線湯底如果辣少少就更加好.海鮮米線卷好好食三色焦糖布丁就係我啲main course 簡直超好味唯一美中不足是可能唔夠waiteress,服務減了分

星期六中午下班之後，我突然想起自己未去又一城看燈飾，我隨便拍了一些照片，於是便四處找東西吃。由於這是食飯時間，在又一城吃午餐也好，吃晚飯也好，價錢都不會太便宜，平均都要差不多六十塊錢一頓飯。我是一個人來到這兒，反正都要排隊等位，我還是想去EXP，選擇這兒並不是代表這兒的食物特別美味，反而是一份感情，勝過許多珍味食物。我點了一個蕃茄雞肉長通粉，自從四年前左右，我替他在這兒慶祝生日，剛好點的就是點其中一道菜，就是這個長通粉，蕃茄的口感，雞肉反而沒甚麼雪味，整體都算不錯。最叫人難以忘懷的是，那個長通粉的口感真是不錯，這四年以來，水準依然可以保持著。眾所周知，蕃茄具有抗氧化作用，對皮膚和身體都好，女士不妨多吃一點。

同行3個朋友都沒有吃過EXP想介紹她們一試 便宜又好食嘛staff的態度不錯哦不過座位沒有椅背要稍等多一會最後安排我們的位置在餐廳最入面燈光較暗 不過是商場的問題在溜冰場旁邊 正好是冷冰時間就比較吵耳點菜時發現尋找咖哩雞PIZZA 竟然從MENU上消失了原來已經off menu一段時間了還有鰻魚PIZZA都OFF-MENU啦最後4人只叫了3樣食物- 芥末西冷牛肉PIZZA- 烏卒卒帶子面- 龍蝦汁焗鱸魚飯雖然不能再嚐到我最愛的兩個pizza點了這個芥末西冷牛肉(厚)點菜時還擔心芥末味會過重但入口卻恰到好處厚批感覺十分香口成為了我的new favourite!烏卒卒帶子面一向受歡迎芝士汁配墨魚面的確一流帶子十分鮮味龍蝦汁焗鱸魚飯比較普通醬汁調得不錯 不過吃起來不太似龍蝦汁..才點了三個食物已經十分足夠太細食了吧!埋單發現十分抵食!4人才$250!一定會再來!

星期五放工上完堂成九點鐘 成日都唔知食乜好 係又一城同同學行行下 就試下新野exp因為平時行過覺得好貴所以都唔行入去喇 今次費時行 就試下啦又見好多人 應該係好野黎既 .. 不過要等等位 大約等左15分鐘就有位 我地3個人 嗌野share 叫左蒜香芝麻雞翼, EXP pizza, 白酒煮蜆扁意粉 同埋 茄汁大蝦意粉..我見d人都係嗌一碟2個share 因為貴啦應該,, 等左好耐d野食先慢慢黎齊首先個蒜香芝麻雞翼 夠晒香 好脆皮 好味! 之後食pizza 都幾足料又新鮮 同埋批底夠哂香脆, 再黎 白酒煮蜆扁意粉 好香 旦係我食落覺得無咩味囉,, 唔係好好味呢個最後 茄汁大蝦意粉 正! 我中意食呢個 個汁好多同好好味 意粉可以再硬身d 整體黎講 都唔錯 除左價錢方面 哈 ,,可以再食 出糧後..

與六年沒見的朋友重聚, 所以我想食一些有少少特色的食物, 再加上又想食飯後看戲, 因此我揀了又一城的EXP. 去年我來過四次, 今年只來過一次咋. 每一次來都會食它的"尋找咖哩雞", 所以希望今次也要食.朋友未聽過這間出名的EXP, 所以揀什麼食物都是由我作主. 怎料, 看完了整個menu, 也不見了我最愛的"尋找咖哩雞", 放是我立即找一個侍應問, 她說原來最近停了這款薄餅, 唔制呀 真的有點不開心.....不過算吧, 希望下次來的時候會回復供應"尋找咖哩雞".我們order了以下食物: 帶子烏卒卒面: 蟹子和帶子都很大粒, 很新鮮, 墨魚面很香, 很重芝士味, 脆脆豬扒飯: 豬扒很脆, 很多汁, 汁也不太咸 煙三文魚薄餅: 餅皮很脆, 但如果可以多一點芥末會更好. 甜品: 椰子雪糕好好味, 椰子糕, 桂花糕和咖啡糕也很特別, 不是太甜, 令人回味.能夠與朋友再重聚確實是一種緣份, 這頓晚餐大家都食得很開心哩. 有機會, 一定會再來.*********強烈要求回復供應"尋找咖哩雞"*********

食物選擇‧泰式帶子蝦炒飯 ($82.5)‧三色焦糖布丁 ($28.6)環境‧不喜歡全店都是大紅色的座椅，很刺眼．可以邊吃邊看人溜冰服務．會主動替人客加水．上菜極快味道‧泰式帶子蝦炒飯用一隻很大很闊的碟盛載，令炒飯凍得很快。另外，全白色的碟加上零decoration，令炒飯的賣相極為單調．雖然是「泰式」，不過炒飯不辣的。份量合理，整體味道可以，有很多蝦，但帶子就略少．三色焦糖布丁是黑芝麻、朱古力和雲呢拿，但只是雲呢拿那杯有焦糖在上面，而且黑芝麻那杯比較像mousse多過布丁，名稱有點誤導．朱古力布丁的朱古力味很濃，是三個中最好吃的其他．食物和飲品的選擇不多，沒有set dinner

星期一晚8點半，2個人黎到EXP，之前上Openrice度睇，話要排隊，打電話想Book位，點知係無得Book。幸好，黎到就可以直入。可能係溜冰場隔離，坐低個陣時有D寒，但開始食野後就唔覺啦！上菜速度超快，我叫完野食後去toilet，出黎個陣時已上左第一度菜 -- 烏卒卒帶子意粉！烏卒卒帶子意粉，即係墨汁帶子意粉。明明係墨魚汁意粉，但個湯底係白色既，唔知係椰汁或忌廉汁或芝士汁。和我期望中好濃郁既墨魚汁味道唔同，唔太like。但要讚既係，帶子煎得好香，就算送左黎2-3分鐘都依然係熱既，同上面既蟹子都好夾！都未食晒個意粉，已經上左喇沙海鮮玻璃麵。以前係CityU讀書，間唔中都會黎食lunch或tea，個陣時好鐘意食呢度既喇沙海鮮玻璃麵，之後食左好多間喇沙，都及唔上呢間。今次黎，當然有叫番喇沙海鮮玻璃麵，只係……好明顯，個湯底差左囉！剛食完烏卒卒帶子意粉，就連海鮮豐收pizza都到埋(其實我地好肚餓，自問都食得幾快架啦)！我唔鐘意食薄批，所以叫番正常size，都好多料，有蝦、蜆、墨魚仔和魚等海鮮。不算太濃味，我覺得幾好！2個人食3碟野食，剛剛好！唔……好懷念以前係CityU讀書既日子！！