EXP

營業中

休息中

巳數次光顧EXP, 一直不明白何解要長期排隊, 今天也不例外, 排了近八分鐘左右, 方獲發座位。下午一時前落order送果汁, 點了以下食物:EXP pizza (厚批): 鬆脆, 熱騰騰, 唯味道較單一, 以蕃茄為主忌廉汁菠菜煙三文魚意粉: 極多材料, 好多煙三文魚肉, 份量足果汁保持一貫水準, 新鮮製作, 各種果味沒有搶奪另一種生果的味道, 反之, 是配搭得巳。我想長期排隊的原因, 是EXP能保持食物質素, 而且上菜極快, 加上這裡選擇多, 無論何時光顧, 還有一份新鮮感罷!

在又一城行街街辦點事, 我們這晚決定在EXP 吃頓晚餐, 在這裡吃過午餐, EXP有薄餅，意大利粉，意大利飯等等, EXP 是人龍店,在這間食店經常都見到人龍, 所以我們這晚六點幾就去攞位環境麻麻哋, 人多多食物 鮮榨果汁蒜香芝麻雞翼-味道剛剛好蕃茄忌廉汁鮮蝦扁意粉-好好味海鮮蛋白炒飯-平平凡凡服務服務生不夠細心整體而言食物,環境和服務不算太出色,

炸香蕉‧朱古力 - $26，第一次食，頗普通自家芝士餅 - $23，正常味道石榴記、三莓莓、芒甜美蘋子 - $26-$28，我飲既係三莓莓，正常味白酒煮蜆扁意粉 - $67，意粉對我黎講係正常口感，我鍾意柚子蝦沙律 - $38，可以唔叫，但唔係因唔好食，而係寧願留去食泰國野先食多多拼 - $68，蝦餅啖啖彈牙，其他野都好味蒜香芝麻雞翼 - $36/4隻，好食EXP (Regular) - $59，上枱唔算好熱，但都好食海鮮 + 檬粉米紙卷拼 - $44，因之前已食過，所以冇驚喜

這間食店經常行過都見到人龍所以我六點幾就去攞位坐左一陣人龍就已經開始出現真係成日都係甘我都有一段時間冇黎啦個MENU原本已經有DD 唔同左冇左我喜愛既海鮮波菜意粉只好食第二D 意粉今次我地一行四人叫左以下食物蕃茄忌廉汁鮮蝦扁意粉蒜香芝麻雞翼墨汁帶子意粉海鮮米紙卷海鮮蛋白炒飯小食拼盤值得推介既係 : 蕃茄忌廉汁鮮蝦扁意粉用AE卡有七五折如果兩個仲抵呀有半價呀

一位朋友生日, 係事前又冇諗過去邊食...淨係提議去九龍塘食 因方便生日既果位朋友去到九龍塘後 其中一位朋友提議去EXP ,所以就去左E道食~~E等位既時間就大約等左30分鐘, (因為我唔係等位果個 所以等位時間係大約)有位既時間大約就快9點~~食物既賣相 同味道都係OK既E最令我深刻就係個pizza 其中一塊D Wasabi 好多 但其實都唔係好辣因為有朋友生日 所以就有買蛋糕當叫人拎蛋糕時 先知要 切餅費 切餅費係$50事前我地叫佢幫手雪雪個蛋糕時係冇講要切餅費E到就有小小減分我地一行7個人 坐到佢地間野清潔 其他客都走哂 佢地都冇趕我地走 E到又可以值得一讚

朋友仔生日又諗唔到食咩~ 隨隨便便就選了這間，交通方便嘛~ 地鐵火車咩都有。服務一個字”差”，次次都要等位，又唔派飛仔喎~ 怎會要客人在門前排隊等先得GA~ 真係怪呀!!! 食物一般般，勝在咩都有D …. …前菜: 燒豬頸肉伴沙律 -> 好清，好清，個汁都可以的唔知咩豆腐 -> 攪鬼野，又酸酸地甜甜地，都OK GA主菜: (咩都有D ，好FUSION 囉~) 馬拉盞炒通菜 -> 這個幾好喎~ 有獲氣，醬料夠，好野味帶子墨汁意粉 -> 好味道，雖然係急凍帶子，微煎過都幾香口，個忌廉汁剛剛好龍蝦汁焗鱸魚飯 -> 麻麻地，嚿魚太大，又唔好味，咩都無，得個汁OK鰻魚PIZZA -> 比想像中好味，皮夠晒脆，個醬幾好味，仲有木魚在上面，上枱的時候，好得意

哩日得朋友邀請食飯, 相約又一城, 我就想試下exp... 我好多朋友都試過, 未食過真係枉為人.環境唔坐, 位都唔算迫, 只係有點嘈.同朋友兩人叫左個appetizer, 一個pizza 仔 同一個意粉.先來個rice paper roll, 都好似要4-50蚊, 都唔平架. 不過見賣相幾得都可一試真係不錯喎, 外面用米做既皮煙煙韌韌, 好鬼好食! 入面包住d 濛粉, 配埋魚露, 平時一碗碗咁叫, 估唔到可以做到小食, 仲做得咁好味!. 上面既海鮮都幾新鮮, 帶子又大粒, 魷魚又爽口, 但係中間加左沙律醬就覺得怪怪地... 一黎我唔鍾意食, 二黎又要點魚露食... 兩樣野加埋唔係好match.白酒煮蜆扁意粉, 真係聞到有點白酒味! 蜆都有10隻8隻. 味道就麻麻地, 同出面d 餐廳/ cafe 差唔多. d 扁意粉林左d, 但又幾索d 湯味.大蝦pizza, 見到佢d 配料入面係話用千島醬先叫... 點知真係好大pat 千島醬呀, 但個餅底係茄汁囉 我覺得兩樣醬溝埋真係好核突食落都冇乜野既, 大蝦都爽, 個餅底夠香夠脆其實係幾好味. 不過fusion 得有點唔match... 真係好

今日啱啱喺黃大仙考完托福 想慶祝下 就來呢度食大餐咯 XD雖然好多人排隊 20分鐘就到我哋啦叫咗龍蝦汁焗鱸魚飯 friend食嘅係番茄意粉 唔知d名具體係乜都加咗飲品嘅 芒果同埋士多啤梨 好似都係鮮榨果汁來嘅果碟意粉紅紅哋 我睇都唔想睇但係鱸魚飯真係好好食wor 粒粒飯都裹埋蛋 鱸魚都幾大隻 果d芝士又好香食嘅時候唔覺得 但係離開咗之後真係好飽 好滿足吖兩個人食咗215蚊 都麻麻哋抵啦ps我係中大嘅內地生來嘅 都唔係幾識寫廣東話 你哋可以糾正下我laak 唔該嗮

睇完戲 同女友食lunch 見到個價錢牌 其實成個又一城都差唔多就試下EXP 因為好似未見過第2度有坐低左 叫左個pizza 都幾貴 $ 6x 好細個下不過兩至4個人都夠 6個人食都可以每一人皆既 但真係好細舊跟住叫左個 呢個茄汁大蝦意粉(唔記得個名) $ 5x 幾好味 不過都係好少個份量賣單$ 140

好耐無食EXP 今日行又一城 自己一個AMC睇戲 睇完都點零鐘本身想行去食one place 不過見到openrice好似裝修緊又唔想食日本野 rice paper 又無興趣.......唸來唸去 一行出去 見EXP無咩人 就行左去排啦好在 等左一陣四個零字左右就有位啦叫左個粟米花枝餅 正 !! 好味!! 好彈牙!! 又多粟米粒粒!! 另外叫左個瑤柱蛋白炒飯 真係好白............嘿嘿 ok啦 清清地 不過下次會試下其他囉....賣單103蚊 連tips

真係好難想像一間餐廳會得到四百幾個好評，尤其係呢一類唔算低價既餐廳！通常特別多好評既餐廳價錢都係比較容易接受既（睇下時新你就明）既然如此，就特別黎試一次啦！因為有好多人等，waiter會問你介唔介意坐面向溜冰場既bar 檯。而一時貪快既我就係坐呢個位了。但原來呢個位坐落會好唔自在，所以最後就要坐返普通位。幸好服務好，waiter 都無唔耐煩，最後可以自在咁食返餐飯。點了蟹肉鴨胸炒飯（全名忘了，反而個號碼記得清楚，係８６０１，因為waiter 會將號碼寫在'紙桌布'上，感覺有Ｄ奇怪），等左大約５分鐘就上檯了。本來期望好高，有蟹肉！應該會幾好食！不過我發覺蟹肉同鴨胸呢個配搭唔好：鴨肉濃味，而蟹肉係淡既，鴨肉會蓋過蟹肉味。蟹肉係真蟹肉，無扮蟹，不過分量少，要非常非常仔細咁試先會感覺到。至於鴨胸，除了面頭有幾塊已經煎香的，飯裡面都有Ｄ鴨胸碎。鴨胸味道正常，度度都係呢隻味，唔洗評。至於伴碟有蒜蓉（？）同埋半個青檸。蒜蓉用生菜包住，我無落到，只覺得味道怪。而半隻青檸係非常硬，要用叉’吉’先會有汁出黎。呢碟飯有太多味道存在，而且重口味既醬汁蓋過其他淡既食物既味道，總體黎講好失望。如果用料好，煮得好，

星期六去，好彩早到 （ 差唔多6:30pm ), 無mud 點排隊就入左去 （ 遲幾分鐘geh frd 黎到時同我講出面已經大排長龍.....lucky lucky) 我聽理間geh pizza 出面但係我對pizza geh cheese 敏感所以就試試D 飯 and Pasta~~~我叫左個海鮮蛋白炒飯，都OK，但係俾我個frd 話系酒樓炒飯～lol 我D frd 叫左：Pasta ： 幾靚，味道都OK.Laksa ：好似幾好食，好有feel, 不過我個frd 就話唔好食....其實自己覺得真係冇mud 特別........ 食唔食都冇所謂～～我覺得如果當時系要我排隊我一定會覺得超唔值.....

和朋友到又一城睇早場, 之後便到EXP午膳, 我們點了一客小食拼盤及一客龍蝦汁焗鱸魚飯. 小食拼盤有豆腐一件(伴以韓式泡菜汁), 蔗蝦2支, 串燒2串, 軟殼蟹米卷2件及蝦餅2件. 蔗蝦的蔗不會太乾, 蝦餅厚厚而且非常彈牙, 好好味, yummy! 龍蝦汁焗鱸魚飯都非常不俗, 鱸魚很肥美軟滑, 加上龍蝦汁的焗飯, 熱騰騰, 好好味!

EXP 其實已經食過好多次, 不過多數都係留戀佢的 芥末西冷Pizza! (又大份又抵食!)今次改變策略, 一人一個粉/麵/飯我和朋友都叫了 海鮮喇沙玻璃麵 ($63)海鮮都算足料, 有魚, 蝦, 魷魚& 青口, 帶子各一粒。無咩雪味, 算ok。但係...湯底無咩味...椰奶唔香, 無咩香料味...玻璃麵亦唔算特別夾。炒飯偷了一啖試, 不過不失~ 不過真係好茶樓feel長通粉也不錯, 香~~~下次要食返Pizza!!!!(EXP 粉麵向不是賣點啊~)(温韾提示:佢D度的芝士粉, 唔係粉咁簡單, 係真係加响PIZZA面的Mozzarella 碎! 記得問佢拎)

看完inception剛好午飯時間exp有那麼多好評,當然要順勢試試啦exp pizza要了薄批,用店名做pizza名,似乎是主打咁bor材料很平凡的,只有蕃茄+水牛芝士+香草,越平凡越見真章至於味道......也很平凡龍蝦汁焗鱸魚飯吃不出是龍蝦汁,味道像普通的焗海鮮飯(鱸魚版)很喜歡它的飯,焗到有點爛爛的口感拌著汁和魚一起吃很過癮魚再大塊點就好了食物不算太出色,飯好過pizza環境和服務都ok座位就在溜冰場旁邊,算是有些「景」睇下