euro go go

營業中

休息中

次次食euro gogo我都會叫我最鐘意食既"菠菜汁龍脷柳意粉"因為真係好好味..芝士同埋龍脷柳份量夠多所以百食不厭..

食過好多次呢間,百吃不厭好中意佢dPizza,岩晒我呢d中意薄脆批既人!!!半份26蚊,食完飽晒,野飲都慳返如果食Tea既就會食佢d Cheesecake再加凍奶茶cheesecake整得好好食,好香cheese味奶茶多奶左d,不過我中意!

到樓上看完旅行社資料後! 便搵地方醫肚!見到千島海鮮PIZZA 1/2 都係$30 , 雖係薄身正宗意大利PIZZA, 不過又OK 好味!男友點了青口芝士意粉, 而我則點了菠菜斑塊芝士意粉...意粉麻麻, 芝士味適中不太濃! 魚塊出奇地唔錯! 不過因為我地坐露天位置! 又D 凍! SERVICE 都麻麻, 意粉上得好慢!埋單都係$104 , 不過冇叫野飲!

來沙田吃飯, 除了新城市那邊, 也可以一出車站就直上連城. 這邊的選擇比較小, 水準也比較參差. 是晚就平平地揀了這裡.記得最初吃的係奧海城店, 轉眼已數年了. 文迪喜歡吃焗野, 這裡也係個不錯的選擇. 但係這分店都係比較細, 室內的位置不勝負荷, 唯有坐係外面, 環境係麻麻.辣肉腸意粉$32: 6分, 是晚不要焗飯了, 只要個焗意粉, 一樣係即整的, 等一輪先有得食. 辣肉腸不算很辣, 幾香口的, 白汁意粉, 當然唔會難食的, 不過意粉係比較乾身同硬了點. 或許人太多, 焗的時間不太足夠, 水準係麻麻.蜜糖雞翼$25: 7分, 五隻雞翼, 都幾肥大的. 也係焗出來的, 都有蜜味的, 不過未算突出. 但係熱辣辣的雞翼, 都滿意的.蒜蓉包$15: 6分, 麵包偏乾身, 都脆的, 蒜蓉味就不太夠.這次吃, 水準好像差了. 不過都係經濟之選, 平平地吃個晚餐, 都可以的.

下午茶($28)蜜糖雞翼1 set有5隻，好味！+ $5 鮮茄湯通粉好濃鮮茄味，正！散叫半份粟米吞那魚pizza ($26)有3件，即叫即整，熱辣辣！味道唔錯，有好多料。

通常都係黎食cake，或者叫多個芝士蒜容包咬下。cake係外面買番黎既，擺耐左仲會減價速銷。試過好多cake都ok架！特別欣賞mint, chocolate truffle, cookie n cream, coffee, banana果幾隻味既cake (sorry唔記得全名)。另外要推介佢既ice chocolate drink，會俾好多cream係面，愛cream人會好開心！而hot chocolate就唔係好甜，都ok。可惜沙田店坐得好迫，唔夠langham果邊好坐...

喝不到想喝的朱古力，只好退而求其次。其實假日的沙田真的人頭湧湧，好在都能在這裏找到位置。有下午茶餐，點了new york cheese cake + hot chocolate($26)。價錢很相宜，不過味道就一般啦。new york cheese cake︰是在cake櫃中比較可取的一款，味道也不過不失。但略嫌口感不夠滑。hot chocolate︰有些泡泡，朱古力味也夠，不致於完全失望。可是我仍然很想念喝不到的那杯﹗人太多了，吃完了也不能坐太久。

繼續係沙田搵食, 今日來到食評唔錯的Euro Go Go.點了芝士青口意粉+薯仔湯+蒜蓉包. 以前吃過一次非常鮮味的薯蓉, 覺得這個比較淡(不過他這個是湯, 不能怪他). 個蒜蓉包不夠蒜蓉, 比平常麵包店賣的$3.5個的蒜蓉包還不如. 不過個意粉用芝士焗, 味道不錯, 青口的咬感一流! 若不是個匙己經被收走, 我會把芝士掃光! 餐具太軟了, 要斷要斷的樣子!

晚上八時到連城吃晚餐，四圍間間食店人山人海，我見尼間有位坐就入了去，叫了百寶薄餅、蜜糖雞翼、忌廉朱古力。薄餅真係又薄又脆，芝味好少。個雞翼得個甜。朱古力好味值得再試。

來這裏吃個cake兼休息一會，看到是日特價品是芒果cheese cake，不假思索就點了它。芝士是cream狀軟身的，芝士味不濃，與想像中的有多少出入。餅身中間夾有一層薄薄的芒果，我對芒果認真麻麻，所以也不覺特別好吃。總的來說，不推介這件cake。

星期六夜晚去食，ｐｉｚｚａ不過不失，蜜糖鶏翼就真係超正，芝士焗青口都幾抵食，有６大隻，另外鮮茄墨魚意粉ｄ墨魚太硬，不過ｄ汁好香香草味．總括來說，ｄ野都幾好食，不過坐得太迫．

出發去西貢前來吃個午餐，到了連城廣場又沒什麼想吃，沒頭緒之下就來這裡。白汁焗粟米雞粒意粉$29：汁比較傑﹑材料份量幾多﹑味道ok千島海鮮pizza$32：餅底好脆﹑略嫌材料少(蝦及鮮魷各得三粒)﹑千島醬多了點。朱古力鮮奶$18：本來是我點的，不過味道唔夠濃，不大好味。朋友有義氣的要下。凍檸茶少甜$18：見隔離檯那杯檸茶茶色不錯，就改要這。不過少甜就像走甜似的，但紅茶味淡淡的很對我的口味。提議星期六﹑日也可以加錢有餐，因這樣食已經索價47元了。

意粉一向不是難做的菜,呢間鋪做的意粉主要用焗的方法,所以出來時是熱辣辣,還有焗暮蓉都夠味。可惜沒有set, 樣樣散叫都幾貴, 因為食物幾滯一定熱叫杯可樂中和食物,不過杯汽水都要成十蚊

食左mushroom & ham pizza, 唔好同pizza express 比, 不過味道可以, 個皮好脆...(唔知點解..?), 好似塊餅咁.個seafood pasta 好咸, 不過用料都足, 有魚, squid, clam, etc. 芝士西蘭花都好味, 不過細細碟. 個焗青口都ok, 夠大隻, 個sauce 都入味, frozen 野, 不能太高要求. Overall comment 係此店所有食物都- 咸.

前兩天去食, 叫了一個千島海鮮全批$60、一個波菜龍利柳意粉$36、一個忌廉湯$10+酥皮$5, 送四件芝士蒜蓉包, Total $111.-個pizza好薄, 名乎其實薄餅, 但好脆, o的蝦好有鮮味, 完全唔係急凍蝦, 雖然幾貴, 但好好食, 下次會番食。個意粉好大碟, 一個人剩食一碟會飽晒, 比起Delifranceo的意粉多一半, Delifrance食完一碟都唔飽。不過亦有不滿意係好咸。個湯都係好咸。芝士蒜蓉包幾好食, 仲送四塊咁多, 有o的驚喜。雖然略算貴, 不過起碼食得飽, 好過Bistro Delifrance, 貴夾唔飽仲要加一(但都算好味)。同o左o的姐姐仔投訴, 佢\話會反映意見喎。