euro go go

營業中

休息中

今天我和男友去連城廣場吃下午茶我吃蒜蔥包(送):吃得好味,feel很好軟,唔是硬煙肉番薯湯$3:吃得好味芝士吞拿魚意粉$29:吃得ok,但沒芝士味,有吞拿魚味,意粉沒味好似放煮水~~=.="

星期三入咗沙田同屋企人食lunch，一心想去\"越棧\"，可惜太多人等，唯有試吓\"Euro go go\"。Order咗三個lunch set另加小吃如下:1) 咖喱牛肉Pizza + 7up ($25)半份9吋pizza，個pizza底超薄，有d似餅乾，非常之脆。坦白講，d料就唔多，好彩都算好味。2) 白汁香腸、火腿、磨茹意粉+蒜蓉包一件+熱咖啡($29+$2轉coffee)個意粉D白汁太多，攪到個意粉好濕，唔太好。件蒜蓉包則很薄很鬆脆，好味。3) 芝士吞那魚意粉+蒜蓉包一件+熱奶荼($29+$2轉奶荼)吞拿魚唔多，個意粉同樣係白汁太多，攪到好濕，D芝士亦很膩，唔太好。件蒜蓉包則很薄很鬆脆，好味。4) Honey雞翼($24/5隻)蜜汁味，外皮又香又脆，肉亦很嫩滑，好好味。總括都ok，但出菜超慢，D位都好迫，而且全店都用紙杯紙碟，很不環保，我下次都未必會再幫趁。

叫了肉醬意粉..味道普通..不過不失蕃茄湯是非常酸....再叫了Cholocate cheese cake..原本食的時候是連埋面頭"浸"朱古力一起食..味道也不錯..但..食了兩啖後..個"浸"朱古力散開咗..咁就唯有食完d朱古力先再食件cake 本身.....原來無咗面頭"浸"朱古力後..這件Cholocate cheese cake 和該店的另外一款朱古力雲石cheese cake 有99%相似(我個fd就是同時間依緊這款) ..真是夠囇經濟成本!話說回頭, 無咗朱古力係面的cheese cake ..是變得非常非常之難食.... 原來開初覺得的好味..全因有"浸"朱古力...!p.s. 這裡冷氣非常凍哦....

上星期五入開沙田，未試過連城廣場食肆，於是順便食埋晚飯。美食廣場都有幾間舖，西式得呢間。舖幾細座位多，外邊雖有露天位，但要位亦不易，8點半仍然好full。坐廚房前面因此睇到製造食物的過程，全部都係即叫即造。由於所有食品都係焗，又落大量芝士，十分香口，但不嗜芝士就未必覺得好味。價錢十分大眾化，意粉$28，芝士薯茸$15，香草椰菜花$15，半個Pizza都係$28。水準唔係好突出但都比一般所謂西餐廳好，值得推薦。

間中要轉下口味,唔好次次都食中式/港式野...星期六的中午都係特別多人,黎到市中心又唔想食咁貴,都要花一d時間去搵...黎到,等位等左好一段時間,因地方細,多人,自然坐得逼...呢度係要先買飛,比錢,然後即叫即焗,焗好自然會有員工將食物送到你面前...一人一個芝士青口意粉,因多人,所以都等左幾耐,個意粉先到,並唔算快...芝士青口意粉ok大兜...先講意粉,意粉有咬口,芝士好食,都好香,同埋都幾入味...至於青口,有4隻...都幾好食,但芝士唔夠入味,食落似食普通青口多d...$35,價錢比大家樂,大快活果d貴,但都算ok...因為已經飽肚,所以唔使再買pizza食了...

佢真係好鬼死香,d野都唔係整定呢樣幾好,味道都ok啦,不過唔好要求咁高,佢又唔係好鬼咋$98/set 2個人都夠食,有雞翼啦,半份9吋pizza啦,1個意粉啦,同2個coke

放工後同文迪食個簡餐. 依度採取半自助形式, 先俾錢, 再搵位等食.雞皇焗飯$28: 6分, 飯焗得較硬, 白汁撈飯總算易入口. 但雞肉稀少, 不要再說什麼雞皇了.白汁火腿焗飯$28: 6分, 基本上同雞皇焗飯一樣, 評價一樣.蒜蓉飽$12: 7分, 相當熱辣辣, 但蒜蓉味不夠.平平無奇的一餐. 當然, 抱平常心去食亦無不可.

每次經過這餐廳,都有陣陣的芝士香味傳出,last wk 終於同妹妹第一次幫襯!!!我們點了一個$98 二人套餐:1. 有2客湯: 一飲就知味精湯, 我飲忌廉湯,只係得湯冇料,我估呢個湯都係用粉開。我妹飲蕃茄湯, 酸到不得了。 2. 半份pizza: 餅底唔知用咩做, 感覺好似餅乾。3. 雞翼: 個餐之中, 最正常就係雞翼了。4. 意粉: 我們要了個磨菇什麼意粉, 有d 鹹,汁太少。5. 肉醬薯蓉: 鹹到不得了。總括來說, 每道菜都有好多味精, 那晚回到家, 飲左好多水, 而且又失眠, 我對味精好敏感架!!!不過, 就食得好飽, 抵食, 但唔多健康lor!!!不會再光顧了, 完全唔掂!!!

同女友返church前整個小食，唔想又食燒賣魚蛋，決定上嚟呢處食少少...查實都叫咗半份pizza ...餅底夠脆，餡料有salami、蘑菇、pineapple，簡簡單單..真係有食snack嘅感覺...

試過薯蓉同pizza~~薯蓉好味又夠飽~~唔錯呀~set lunch抵食呀~不過散叫唔係好抵食~~

睇得食評多都知我有幾鍾意食呢度既雞翼一個人落堂又走去食一食當一餐這間分店勝在有露天平台位置向東西位剛好被大廈本身擋了Tea time便不會有西斜即使大熱天時竟然還有丁點涼風食得還算他條一早說過以後來歐去去只吃蜜糖雞翼今次貫徹執行連汽水都唔叫獨食難肥食完都仲唔覺飽卻第一次吃得出蜜糖帶點菜蜜味希望唔係有咩轉變啦說到底蜜糖雞翼這家子東西好吃卻頂不到肚甜蜜卻是燥熱間中吃是好找不到更或會心掛掛但天天吃卻難保會吃不消要它到處開花週圍開分店?還是不必強求信我

去開沙田行街, 次次都會好苦惱去邊度食因為周圍都好貴咁經過euro gogo 門口好多人以為會幾貴咁知一睇之下發現$98 有一個好多野食下o既兩人晚餐又pizza又意粉又薯蓉又湯咁真係食到攬住個肚行番出o來而且價錢又好合理份量又好合理感覺好抵!!下次都要再去食過!!

20060730 Sunday。是夜才第二次到朗豪逛逛。眼見味千元氣等的坐位也坐得非常迫。就到了間go go euro試試。點了千島海鮮pizza、茄汁墨魚意粉、焗芝士田螺、iced mocha和牛古力咖啡。pizza唔得，意粉田螺可以，咖啡一般。整體算是OK，當快餐食是可以的。但不要太有期望。

９８蚊二人餐就有五樣野～ｄ野比較劑３個食都夠。餐湯ｘ２：蕃茄湯～好濃同酸酸地，都見到有ｄ蕃茄肉磨菇煙肉薯蓉：好滑幾好味～但就真係超劑！食哂依個就唔洗食其他了～半邊百寶ｐｉｚｚａ：個底超薄，好脆！ｄ料就冇咩特別～如果有千島醬或者其他汁就會惹味ｄ。白汁雞皇飯：好多雞肉～佢ｄ白汁開得好正，唔似ｐｉｚｚａ　ｈｕｔ咁杰，味道岩岩好。加埋ｄ芝士好正！蜜糖雞翼：推介！好多蜜糖～食完有衝動再叫添！好似係ｅ度既招牌菜黎架！食完都好滿意～份量比ｐｉｚｚａ　ｈｕｔ細，所以可以試多ｄ款，而且都有好多選擇！食完走左去行街～點知過左冇耐．．．發現非常口乾！仲要即刻去買野飲，雖然好味但應該有好多味精～少食為妙呀！

晚飯, 食左一個套餐($98), 由於有個東亞咭的promo., 係食滿$100送芝士包, 於是買多一份跟餐加$8的蜜桃pancake。Total $106, 食左好多野1) 紅、白湯各一－－白湯好香磨菇味, 亦有好多菇茸, 紅湯略酸, 同埋冇料!(2) 9寸pizza半份－－有咖喱牛肉、菠蘿、辣肉腸等, 好好味, 脆卜卜的薄批也!(3) 煙肉磨菇薯蓉－－好好味, 好多煙肉絲! 好香smoked的味道!(4) 意粉－－揀左芝士吞拿魚意粉, 吞拿魚當然是罐頭貨, 但芝士同白汁味道的香, 補了罐頭魚的不足! 好味!(5) 蜜糖雞翼－－一客有五隻中翼, 外層蜜汁味又香又甜, 肉質好滑, 剛剛熟, 好正! 今次係跟餐, 如果散叫要$24, 唔算平, 但我會再食!(6) 東亞咭送的芝士包－－好香芝士味, 包的邊緣好脆, 包身好鬆軟, 但要趁熱食, 凍左唔好食!(7) 叫餐加$8的蜜桃pancake－－勁多cream, 好滑, 但會好肥!總括一句: 中意食芝士同埋中意焗類食品的香味的人, 唔好錯過呢間shop!