euro go go

營業中

休息中

月前曾吃過Euro Go Go覺得不錯,於是決定再去吃午餐.看到有個牌說任何飯或意粉加$5可轉成餐,多了1.蒜蓉包或沙律 & 2.湯或熱飲. 點了個雞皇意粉$32,味道不錯,份量也可算是足夠的. 加了$5的湯都OK;至於那沙律,其實只得幾塊菜葉,兩粒麵包粒和勁多沙律醬...可幸那幾塊葉也算新鮮,只需加$5都算OK...唯一不滿是效率奇慢 - Order了很久才先來意粉,催了兩次才有湯;吃完意粉喝完湯再投訴才有沙律... 看來他們需要增聘人手...

五月廿四日(六)拿完電話去左朗豪坊度行，因為天氣真又熱又焗好辛苦，想搵個地方坐下，平台Cafe實在擠擁，於是改到樓上的Euro Go Go坐坐休息一下～下午茶Cake Set($26)可選一件蛋糕+飲品, 凍飲(+$4), 特飲(+$8)碎朱古力慕思蛋糕賣相靚，牌仔只是裝飾用(為甚麼不用朱古力?)，蛋糕由薄薄一層朱古力包住Mousse同蛋糕層，份量配合得尚好，不會太偏重一方。Mousse食落有點舊麵包舖奶油感覺，配合適量蛋糕同脆餅底，味道不俗~凍鮮奶朱古力凍朱古力比忌廉朱古力好既地方就係小左cream多左朱古力飲，唔會咁膩。這裡的凍朱古力特點之一是沒有放冰，有點像金鳳凍奶茶，一樣可以將原味保存到亦幼滑一點。$30有靚蛋糕同靚野飲，一個下午茶好去處～

第一次，當然不是第一次來啦，而是朋友仔第一次買衫俾我。因為，而家既天氣乍暖還寒，揀衫都係件麻煩事。放完學衝黎朗豪坊，睇完一陣肚仔餓，又走左上黎呢度hae。今次試新野，要左半個千島海鮮pizza($32)，另加5蚊要garlic bread，再另加8蚊轉榛子咖啡。千島海鮮pizza除了蛤有點腥和批底不是我喜歡的類型外，大致上也okay的。garlic bread原來得1小件，而且比我上次所食的更不濟，毫無牛油蒜香味。至於榛子咖啡則令我十分驚喜，甜味適中且真的帶有榛子香!因為榛子咖啡既關係，令我倆的胃口大開。再追加蜜糖雞翼tea set($26)，另加8蚊轉忌廉朱力。雞翼仍是熱辣辣，可惜蜜糖不好，減低那香甜既味道，但火爐剛好，嫩嫩滑滑的。忌廉朱力甜得過火，食完d cream濟到無人有。後來搭車時有想嘔既感覺。雖然食物不是非常出眾，但就是喜歡這裡的即叫即製。那4分味道很大多數是給榛子咖啡的。

因為朋友糧尾, 要就住佢0既荷包, 所以0黎呢度食...不過...真的無法喜歡上這兒...不喜歡它的售賣形式...我還是喜歡那款進入餐廳坐下, 有侍應端水前來, 慢慢的細閱餐牌, 思考如何在味覺上有所享受...而不是站在"餐牌"前先購票再等食物的快餐式...不喜歡它的食物的presentation...我還是喜歡堂食的食物用碗碟盛載著...而不是大家樂焗豬式的錫紙盤...好唔環保又覺得無咩誠意...算啦, 為了照顧朋友的荷包, 總不能挺著大小姐的脾氣與姿態, 堅持吃自己喜歡的卻很貴的東西啊~算了...就只一次而已...朋友點了白汁磨菇-香腸-火腿焗意粉其實...都係覺得我媽媽整得好食d XDDD佢D白汁仲見到有未搞勻的粉...一粒粒的黏附在意粉條上...意粉也當然地不是AL DENTE的...味精也下得多吧...朋友食完話幾口渴...算啦, 一分錢一分貨...我就要了個菠菜汁龍脷柳意粉龍脷柳於我來說鹹了點...煎得也太乾身了點...味精也多...不過芝士都焗得幾好0既...起碼佢唔似係KRAFT...少少"彈牙"的...MOZARELLA嗎?? 唔知道...菠菜汁...不要這麼肥膩多C

今日買左飛同女朋友係UA 睇1:45pm, 就早d上朗豪坊食野啦~去左EURO GO GO, 其實之前都食過好多次, 次次都好好味~今日食左~芝士磨茹肉醬辣意粉<--好香, 少少辣蜜糖雞翼<--出晒名好食啦~ 菠蘿辣雞法包<-- 第一次食, 好好味, 法包好脆(但唔多覺菠蘿味)芒果汁<-- 支裝, 一般啦, 唔係好甜Total : $103.00一定會再去食法包同雞翼

睇完戲，仲有個半鐘先幫人補習，一於近近地食個tea先。因為平時成日睇OR，知道好多食肆既人氣菜式，所以今次唔駛點考慮就已經拍板order蜜糖雞翼tea set(跟熱鮮奶)同蒜蓉包。由於店內只有2檯客，相比於水吧有6.7個店員聚集，就顯得果度好似好多冗員咁。等左陣，先黎杯熱鮮奶。雖然個menu寫明係鮮奶，不過飲落似開奶粉，再唔係就溝左好多水，所以好後悔叫呢杯奶。再隔十分鐘左右就送上蒜蓉包。包，係閃光燈下顯得金黃色，而且聞落好香，拎上手熱呼呼，未食已經對佢有幾高評價，點知食落口就只係feel到少少蒜蓉味。係我心目中，一個稱得上好既蒜蓉包應該要令人食到口臭，所以呢個只有美麗外表既蒜蓉包只係剛剛合格。食曬麵包隔多陣就送上蜜糖雞翼。嗯，果然無介紹錯，很香蜜糖味，見到熱氣升上殷，很明顯是即叫即焗，而且肉很嫩滑，非常抵食!講返服務方面先，如前文所講，呢度俾我既感覺係好多冗員，原因一來係因為見佢地成堆係度傾計外，最重要係因為D食具好污糟。既然佢地咁得閒，點解見到D刀同碟有污漬都唔抹架!

較多意粉款式,首選為菠菜汁龍脷柳意粉及千島海鮮pizza,pizza餅底香脆可口，其次蜜糖雞翼亦不錯．環境不俗，較以自助形式選擇座位，是個於友人下午茶聊天的好地方．而且價格亦不是太昂貴，是我與友人聚腳的老地方．

有時, 係旺角搵野食, 一係人太多難搵位! 一係就唔好食! 今次朋友就帶左我去朗豪坊上面既Euro Go Go 食野啦! 半自助式設計, 先買左野, 之後有waiter 送上食物! 環境有的似茶餐廳, 不過都乾淨舒服呢! 加上, 我地7pm 到, 都唔難搵位呢! 咁我地叫左個:-1) 焗白汁辣肉腸意粉–熱辣辣既意粉, 好香, 好好味! 2) 蜜糖雞中翼–一攞到來已經好香! 加上, 蜜糖夠多, 又夠juicy! 好好味喎! 3) 芝士焗西蘭花–這個我覺得西蘭花太淋, 爽口一點會好食的! 4) 汽水兩杯我地叫左4樣野, $100有找! 都算抵食既! 加上係即叫即焗, 真係好好味!

和同學黎旺角行下，之後係朗豪坊搵地方食lunch.....同學話這間野唔錯，所以就黎食啦.........我叫左個焗芝士白汁吞拿魚意粉.......加多$5有湯和蒜蓉包....揀左龍蝦湯，個龍蝦湯都幾鮮味呀......不過我覺得咸左少少...個湯入面仲有兩隻蝦，唔錯呀............飲完個湯就岩岩有意粉食啦，就咁睇個意粉樣就知味道一定唔差...首先個意粉份量都好多，d吞拿魚好多，d芝士好好味，個汁都岩岩好份量....我一路食一路加芝士粉，加埋仲好味.........哈哈加埋我有3個都係叫這個吞拿魚意粉，全部都食乾淨哂.........證明個吞拿魚意粉真係唔錯嫁..............而個蒜蓉包都唔錯呀，焗得好脆..................見黎道的芝士蛋糕下午茶餐都幾抵，下次要黎試下先.......黎道的環境唔錯呀，d坐位都幾好坐........都係一個談天的好地方....................

上星期6同3個朋友一齊去食euro go go,朗豪坊呢間我都係第1次去4個人夾埋叫左pasta:磨菇肉醬意粉,青口意粉,辣肉腸煙肉火腿意粉,蕃茄墨魚意粉pizza:1份超級小食:芝士蒜蓉包,5隻蜜糖雞翼飲品:2杯蜜桃茶,2杯凍忌廉朱古力食物味道同葵涌廣場果間差唔多,值得一提的是2個小食都好好好味!!下次去都要叫返*不過因為我地坐係出便既位,雖然幾好坐同埋好岩我地幾個傾下計,不過食食下無啦啦個職員叫我地不如移一移去隔離分張檯比隔離果4個人,如果我地未食野的話就調都冇所謂...不過佢見到我地成檯都係食物都唔好意思啦"調左去隔離檯之後個冷氣好勁,,吹到d野食好快凍,,可以改善下就好了=]

都算經常光顧Euro Gogo的，因為唔算貴，抵食，而且質素有保證無論是焗薯、意粉、pizza都算唔錯，即叫即叮最近一次叫了個焗著批下午茶餐，好味，只是二十多元，相多唔錯！

同男朋友一齊食,食左個肉醬意粉,芝士薯蓉焗田螺,芝士蒜蓉包,粟米香薯忌廉湯同埋龍蝦湯加酥皮,大部份質素幾好,係個龍蝦湯唔係太似龍蝦湯($16都冇乜要求),但都幾好飲,埋單$109,抵~

忌廉朱古力好好味蜜糖雞翼好好味(好過辣味好多咖)多士冇得頂下午茶平靚正之但係地下好dirty唔係有紙巾咁簡單有大量用完的杯碟叉匙枱又冇抺都唔明有咁多人手點解個個都好似唔識郁咁?另外點解佢所有碟叉匙都係用完即棄?!而唔會用d可再用既??太唔環保喇好好味既地方不過再去我會覺得自己對唔住地球叔叔一定減少去

自從朗豪坊剛開幕黎食過一次之後，每次經過呢間野都有衝動想入去食，雖然今次佢唔係我既首選，但係見入面唔多人，最終都係比佢吸左埋去。由於我地兩個人食量都唔算細，所以就叫左個鮮茄墨魚意粉同埋咖哩牛肉Pizza (全份)，野飲方面就叫左凍忌廉朱古力同凍Mocha。先講鮮茄墨魚意粉，墨魚有口感，而個汁又整得好惹味，而咖哩牛肉Pizza 既餅底夠脆又夠熱，明顯係即叫即整。由於今日係閒日，所以入面都唔係好多人，又唔駛等位，可以慢慢食~~~~~~~ 唔錯唔錯!!

EURO GOGO 的蜜汁雞翼, 辣雞樹皮非常好味道~同埋, 佢D PIZZA 可以ORDER 半份, 唔洗驚先唔晒!時間要等得耐少少, 最少15分鐘先開始有食飯送過來!價錢就有少少偏高, 但都可以接受!強烈推介辣雞樹皮