euro go go

營業中

休息中

今日係朗濠坊見到依間西餐，入去試下先，估唔到食物同飲品味道都ok。薯皮拼盤 (吞拿魚、煙肉芝士、蒜香雞)薯皮拼盤有三款，三種味道各有特色，薯皮焗落都幾好食，唔會太乾。吞拿魚款鮮香濃郁，配落薯皮好食。煙肉芝士款濃香，芝士有拉絲效果，煙肉香同薯皮都夾。蒜香雞款我覺得最好食，蒜香濃郁而不嗆，雞肉嫩滑，食落好有層次。每款都好好食，拼盤份量夠，適合同朋友分享！法式海岸大蝦濃汁意粉呢道意粉醬汁濃郁香滑，大蝦新鮮彈口，份量ok，每隻都多汁，食落滿足。整體味道ok。蜜糖雞翼蜜糖雞翼烤得外皮微脆，蜜糖醬汁甜度適中，入味，食落唔會覺得膩，絕對係必點嘅小食！凍朱古力泡沫奶茶 (轉鮮奶)呢杯凍朱古力泡沫奶茶轉咗鮮奶後，奶味更香濃順滑，朱古力味道濃郁但唔會過甜，泡沫細膩，入口輕盈又豐富。無論係薯皮拼盤嘅多樣風味，意粉嘅濃郁鮮美，蜜糖雞翼，定係凍朱古力泡沫奶茶嘅香濃順滑，每款都ok。價錢少貴，份量夠，服務快捷，環境舒適，係一個輕鬆又美味嘅選擇！

📍旺角亞皆老街8號朗豪坊9樓22-23號用餐人數：2個日經過見到呢間未食過就好想食下 食落覺得係中規中矩嘅味道▪️蕃茄煙肉香腸蘑菇意粉$72覺得呢個意粉需要去讚揚一下😗因為覺得佢嘅醬都幾多同埋佢嘅腸仔都多 唔係淨係喺面頭度show一啲出嚟 意粉軟硬程度都適中▪️超級薄餅（半個）$64呢個超級薄餅 包含咗：黑椒牛肉、辣肉腸、菠蘿同埋煙肉覺得佢幾好 有得揀半份 就可以試吓好唔好味 然後又唔使食到太滯個人覺得呢個薄餅都OK嘅，不過覺得嗰個嘅辣肉腸就比較硬身啲 同埋嗰個薄餅外邊嘅部分都比較乾▪️蜜糖雞翼$64📌推薦今餐最鍾意食嘅就係呢個蜜糖雞翼 因為覺得佢嘅火候呢都幾好 所以見到係好上色上到枱個陣都好熱辣辣新鮮出爐😋👍🏻大大隻嘅雞翼都整得好入味 咬開肉質鮮嫩又多汁都幾surprise👍🏻

行行吓朗豪坊豪，想搵間西食餐廳食，行咗幾層就決定去呢間euro gogo,價錢都好合理，我哋兩個人叫咗一個二人set餐，由於我勁肚餓，另外再加多個牛舌！牛舌真係唔差嘅，個二人餐包一個意粉，可以選雞翼或者沙律等等，再有多半份pizza～一定夠食夠飽，至於係咪真係質素好高又未係，但都係合格，員工服務態度都幾好，朗豪坊嚟講真係算係抵食，QR code數碼落單，同俾錢，都係非常方便！ 如果諗唔到食乜嘢，又想價錢合理，呢一間都係唔錯嘅選擇，而且都唔使排隊👌🏻之後都會再光顧嘅🩷

最近我去咗一間新開嘅餐廳，聽講佢哋嘅牛舌好出名，於是我就特登去試下。點咗一碟牛舌$60幾，但真係令我非常失望。首先，碟牛舌份量真係細得可憐，個碟根本細過我隻手掌！睇到咁少嘢，我心裡都想：咁貴嘅價錢，真係有啲唔值。牛舌本身味道仲可以，但因為份量太少，根本無法滿足我嘅胃口。再加上，佢哋嘅配菜亦都係小得可憐，幾片菜心加埋都冇幾多，感覺好似係隨便擺上嚟。而且，餐廳嘅服務態度都唔算好，服務生似乎都唔太關心客人，等咗好耐都冇人過嚟問我有冇需要。整體嚟講，呢次用餐經歷可以話係相當失望，價錢貴，份量細，服務又差，實在不值得推薦。我肯定唔會再返嚟，除非佢哋有大改進。希望下次可以試到更好嘅餐廳！

好耐好耐無去過朗豪坊，而又因為工作關係，中間有大約1小時時間得閒，咁就去食個tea，唞足精神再做過。自己一丁，行行去上咗條好得人驚嘅長電梯，去咗euro gogo好耐無去呢間，以前屋企附近有間，間唔中都會去手機落單，叫咗個茶餐。茶餐分2大類：鹹餐同甜餐。我揀咗個焗忌廉火腿香腸意粉，加個熱檸水。到時大約5:30，客人唔算多。意粉細細份，茶餐份量，有蘑菇，火腿，腸仔片，上枱是熱辣辣，汁多，不過不失。呢度可能樓層比較高啲，唔似樓下咁多人（旺角有時真係多人得好恐怖）坐得舒服嘅。話時話商場已經播緊聖誕歌，好有氣氛🤣#旺角 #朗豪坊 #下午茶 #teatime #意粉 #pasta #spaghetti #food #foodporn #foodlovers #yummy #yummyyummyfoodhk #hkig

九點幾既時候去食，唔知係因為臨收工定係點，堂食已經得幾檯客，叫既兩個意粉都係暖既唔係熱辣辣上菜，甚至係有部分係凍既，叫咗菠菜白汁魚柳意粉啲魚柳內都是凍的，完全食唔落驚返屋企肚痛…不過粟米薯蓉同蜜糖雞翼都好食的 起碼係熱的 可能因為係焗的希望可以改善上菜品質

踏入夏天，每個月都好想飲凍忌廉朱古力，euro gogo 真係整得好好飲，超級正一至五，3-6仲有茶餐添，價錢真係好抵食啊。 茶餐加十蚊就有得飲另外仲有蜜桃紅茶＆荔枝紅茶,都係必飲嘅食物方面，第一次試吞拿魚＆芝士雞粒法包，好好食牛角包有吞拿魚＆火腿芝士揀，兩款都好好食呀另外必食白汁火腿腸仔意粉＆皇牌焗蜜糖雞翼。今次雞翼焗得好完美啊皮係金黃色，有少少焦糖味。 超級開心滿足嘅一餐。而且而家仲可以坐低慢慢 QR code落單，好方便，唔使好似以前咁排隊等等等，另外各位服務員態度都好親切熱情周到。

今天嘅心情好似呢家餐廳做嘅菜一樣，色彩繽紛添！先講講佢嘅磨菇芝士焗薯，簡直係暖笠笠嘅幸福感喺舌頭上跳舞🍄，熱辣辣嘅啖啖芝士，每一啖都似乎喺度講緊，“我幾夠料！” 然後嚟咗個法式麵包布甸，外皮脆卜卜，入面軟綿綿嘅，嗱嗱聲咁捧上嚟，真係賞心悅目。仲要有種蘋果批嘅香甜撲鼻而嚟，一般來講，我一個人係真食唔晒嘅，幸好有朋友一齊分享🥄！望住餐廳哩度嘅菜式，咩“驚世駭俗味蕾大革命”，呢啲噱頭完全唔洗喇，真材實料已經足夠啦。就算係個冇花巧包裝嘅平民菜，滋味都可以好過預期，真係一啲都唔馬虎。這間餐廳，唔需要太多華麗嘅形容詞，就用“實在”兩個字已經得嚟全盤皆準！如果有人問我會唔會再嚟，我會話：“當然會！”不過下次可能會試吓其他口味🍴，同樣嘅尋常滋味，換個新鮮感，想必亦有一番新滋哲嘅。記住，吃嘢，最重要嘅就係開心同滿足，呢間店，做到喇！👍👍👍

Euro Gogo以其平靚正的歐洲料理聞名，所以我特別選擇了其中的三道下午茶美食：焦糖燉蛋、蕃茄湯通粉以及熱奶茶。首先，我要說的是焦糖燉蛋。雖然份量有啲少，但味道唔錯！焦糖燉蛋給人一種奢華而又溫暖的感覺，絕對是甜點愛好者必嚐之選。接下來是蕃茄湯通粉。我係加咗錢要通粉，本身驚唔夠食，點知超飽🤣這道主菜的湯底以蕃茄為基礎，蕃茄的酸甜與濃郁香氣相互交融，讓人回味無窮。

有排都好鐘意食euro gogo，味道唔錯，下午茶都幾抵食。今次尼旺角食早餐，全部單點，價錢都唔算平，而且無乜人但餐廳上菜都幾慢。蜜糖雞翼 (62$/5隻) — 每次尼必點，滿滿蜜糖，雞翼嫩滑，熱辣辣。薯仔配煙肉芝士酸忌廉 (58$) & 薯仔配吞拿魚酸忌廉 (58$) — 2款都唔錯，軟腍薯仔上面有滿滿嘅配料，加埋酸忌廉好解膩，不過嫌佢唔夠熱，食落凍凍地，唔知係咪間間都咁。Mochaccino (32$) — 唔錯，奶味較濃，淡淡朱古力味，都幾大杯。

euro go go，位於旺角亞皆老街8號朗豪坊9樓22-23號舖。 店內座位不算多， 落單用qr code亦可即時埋單，非常方便。晚餐🍽️ ～ 皇牌美食組(二人份量) $259 ～ 蜜糖雞翼、 白汁香腸火腿蘑菇意粉、 半牛油果火箭菜薄餅、 熱荔枝茶、熱忌廉朱古力。 ◽蜜糖雞翼🍖 ～ 雞翼甜甜地，焗得剛剛好，唔會乾身。 ◽白汁香腸火腿蘑菇意粉🍝 ～ 整碟意粉味道 偏淡， 大碟不過唔好食。 ◽半牛油果火箭菜薄餅🥑🍕 ～ 薄餅凍冰冰， 餅底好硬。 ◽熱荔枝茶☕ ～ 味道正常。 ◽熱忌廉朱古力☕ ～ 相比起食物忌廉朱古力算是不錯。 個人感覺，整體質素一般😉。 🏷️溫馨提示～ 整個用餐體驗均屬個人分享意見， 只作參考😊。

三年前嚟幫襯 euro gogo 因為去完樓上 EGG 配眼鏡，三年後又嚟 EGG 配眼鏡， euro gogo 仍然營業，不過! EGG 眼鏡就貴咗成$200蚊! euro gogo 無點加價! 讚!點咗蒜片鹽燒一口牛脷，白汁香腸火腿磨菇意粉，百寶 pizza 半份，煙肉磨菇薯蓉，西蘭花忌廉湯，凍荔枝茶同凍蜜桃茶.優點:1, 當年 euro gogo 無餐湯供應，我寫完食評作出提議，轉頭佢頭就出餐湯，所以點都會叫餐湯，而且係我喜歡嘅白湯唔係紅湯，西蘭花味比忌廉味重，雖然質感水咗D但係自己喜歡嘅味道，夾自己口味.2, 蒜片鹽燒一口牛脷出色，牛脷超鬆軟，炸過嘅蒜片亦超正，滿分!3, 白汁香腸火腿磨菇意粉白汁足夠，意粉彈牙，滿意.4, 凍荔枝茶同凍蜜桃茶味道夠濃無偷工減料.5, 座位尚算闊落，環境氣氛亦出色，服務員服務態度唔錯.缺點:1, 又係冷氣不足囉.2, 百寶 pizza 餅底唔夠香脆.3, 係咪少客叫餐湯，所以餐湯無咩選擇?4, 意粉又係無得選擇! 有長通/蝴蝶通就一流!EGG 服務算唔錯，舊眼鏡無咗個鼻托，佢地免費同我配翻，又洗眼鏡又調較翻鏡脾無咁鬆，一份錢一份貨囉!

成日食意粉/薄餅，今次就試下佢地既下午茶，都好多選擇，見到三色薯皮幾吸引就叫左！三色分別係煙肉芝士、蒜香雞同吞拿魚！每一舊都好足餡，又入味👍🏻薯皮個表皮都好酥脆，好惹味😻😻一次過可以試晒3種味都好抵食～

叫左蜜糖雞翼，焗到過曬火！痴住底，勁難起！勁乾身！現場睇到其他乘客的雞翼錫紙兜底都沒有黑色，只有我的錫紙都是黑色窿底的。行咗一個圈見到餐廳其他人的雞翼都是淡黃色的蜜糖醬汁而我的雞翼醬汁是黑色的，擺明就焗到過左，之後拎去問店員確認呢個係咪蜜糖雞翼佢望住一對黑色嘅嘢話係，我我再問多次，佢都話係，之後食埋走人。一開始見到黑色仲以為係特色嚟㗎。另外叫咗香蒜蜆肉意粉有啲意粉，意粉有啲係硬的有啲係軟的，仲有個菠菜闊條麵幾乎有三份一都係闊條麵黐埋一舊乾身

叫咗個黑松露麥形粉餐，非常之難食。 入口極酸 入到喉嚨好似將嘔吐物吞落肚嘅感覺。 唔信邪可以嚟試吓 絕無誇大。已經係非繁忙時間 但都可以俾啲咁差嘅野人食 絕對唔會再食下一次。