euro go go

營業中

休息中

去朗豪坊看電影要解決最大問題就是食!這裡的食肆八成也已幫襯過,除了M記及老千拉麵.距離入場時間40分鐘,最就脚就只剩下這家!與友人不用五分鐘時間已揀好食物購完票坐下等食,不消十五分鐘內已全部到齊,效率真高!蕃茄湯----很有罐頭湯的感覺,但味道是更酸一點.蜜糖雞翼----雞翼的肉質明顯已雪至纖維變得死實,猶幸面層焗得夠脆及下了大量蜜糖令到雪味不太明顯.薯蓉焗田螺----用薯粉開的薯蓉墊底,加六粒質素甚差,可以說是不看餐牌未必會知道是吃什麽的田螺肉.粟米雞皇意粉----勝在即叫即焗夠新鮮熱辣,意粉偏軟身,栗米汁的調味不錯!千島海鮮薄餅(半份)----海鮮是蜆肉,蝦及墨魚粒.餅底是偏硬的薄底,吃起來太乾,味道亦偏咸了一點.忌廉奶茶-----差不多落了1/3支不會溶的廉價支裝噴射忌廉,小朋友見到一定開心死!要將飲管直插入底避過忌廉才能喝到極淡味的奶茶.整體食物水準及食材質素只屬一般,能欣賞的地方是做到食物上枱時能保持温度夠熱,盛載食物的餐具有一半是用錫紙做,把普通快餐包装成歐陸食品而且取價便宜,符合年青人消費水平.

因為未夠鐘睇戲又恰好有d餓,於是一行三人黎左呢間第一次試既食店.香辣雞翼真係好好味,個汁有少少蕃茄味又辣辣地,好惹味,想食完又食.法式薯茸焗田螺水準中上,芝士味濃!芝士青口意粉比前者更重芝士味,青口鮮甜,反而意粉普通.店內環境舒適整潔,不失為等睇戲時消遣既選擇,坐耐d都冇所謂.雖然我地只係兩個人食,但係個waitress都好細心咁拎足3份餐具俾我地,服務唔差.

去朗豪坊UA睇戲前，時間無多，所以都係係朗豪坊搵D野食算，最後去左Euro GO GO，又快，而且好近戲院，非常方便。我地兩個人，個時只係六點到，都有幾多人係度食喎。好多學生哥，大部分都好似係度食緊 Tea。最後我地叫左一個蕃茄墨魚意粉，半份百寶pizza再加一客蜜糖雞翼，份量真係剛剛好。意粉最快來到，遞食物的哥哥都算非常有禮貌，而且把聲好溫柔...哈哈。個意粉都幾好食，不過我覺得佢D茄汁好似多左少少，如果少D會無咁酸會更好。意粉一般，有幾多墨魚仔，不過唔好有太多要求，D墨魚唔會有任何鮮味的，茄汁加埋磨菇既意粉，總之唔難食的，可以一叫，因為聽講其他都唔係幾好食。之後就到蜜糖雞翼啦，呢個其實之前食過幾次，唔係特別好食，只係想有D小食食下。非常多蜜糖，所以D雞翼都幾甜的。有D部份焗燶左，雞翼都算大隻，但食到入面稍為淡左少少。最後黎既就係半份百寶PIZZA，有 3 件，原本想叫超級PIZZA，不過佢有咖哩牛肉一D都唔吸引，所以叫左呢個。呢個係菠蘿，辣肉腸，磨菇等，都係PIZZA既基本材料，佢有D芝士，少少煙靱，不過芝士味唔濃，整體PIZZA味道都係偏淡。不過個餅底牌幾薄同脆，又易切，也是不難

琴日男朋友出旺角見工,睇完戲,有D口痕就黎到EUROGOGO結果真係好失望!!仲記得上次黎好好架,服務又好,野又好食;但係今次真係完全吾得!!同男朋友搵完位坐低左之後,我就出去睇食乜;男朋友話吾食;所以我就叫左個肉醬薯蓉同男朋友SHARE啦!因為上次係左個芝士O既覺得吾錯,今次決定試下新野俾錢買完野食;個CASHIER冇俾果個牌我我以為OK啦!咁咪番去同男朋友坐低傾下計囉點知等左成3-4個字我個薯蓉都未到開始燥燥地男朋友係咁舉手叫人都冇人應!好似冇人睇到我地咁終於見到有人拎住個薯蓉(本身吾知係我地只係想叫佢黎問下點解咁耐)原來係我地個薯蓉!!我地冇牌,連個WAITRESS都話;原來O係呢度牙?我真係O晒咀..心裡邊扯緊火心諗!係你地個CASHIER吾俾牌我我點知咁多?之後叫個WAITRESS拎埋芝士粉俾我地佢冇黑面;仲SORRY前SORRY後;開始食野啦!!!先試啖冇芝士粉架先;嘩!勁酸囉男朋友都話好酸!之後我就加左好多芝士粉落去撈埋黎食;但係都仲係好酸...係食到有少少牛肉但係吾多..今次真係好失望!短時間內都吾會再黎了

果日望完特地一大早就去食，结果去到叫餐，可能太早啦，服务态度麻麻。同个F叫左个肉酱意粉同埋墨鱼焗通粉，味道般般啦~~~酱算OK，粉其实没什么味道。。。跟餐有个土豆汤，好淡嘎~~~蒜茸包的确唔错，味道好赞!!蜜糖鸡亦算过得去啦！！

辣肉腸,火腿,煙肉意粉~ d白汁都幾好味呀,個賣相很美呀~同meau見到果張圖真係1樣呀用辣肉腸平放在意粉上,真係很好~而且我愛辣肉腸^v^個賣相幾創新~ 鮮茄墨魚意粉~ 質素無變,仍是很好味墨魚有好多隻,鮮茄味濃郁呀^v^ 蒜茸包 4片~ 18元斜切大大片x4~colour很金黃呀,美觀!! 又唔會好濃~超棒呢~又卜卜脆呀,呵~~~滿意 PS:::記住要趁熱食呀,否則塊蒜茸包會變到un......唔知點解今日人流特別多呀...見到有d顧客想找多1張chair,但完全無多餘的chair因為顧客不斷調chair,搞到有d desk完全無chair....=.=張張desk都有人等位@@後來加點 煙肉磨菇薯茸,, 24元~d薯茸好軟呀!!!而且又夠熱呀~超正呀 個表面d料一眼望到好多好多呀,吃到幸福的味道見到做會員只係350元~而且又有好多優惠(重點) +永久tim呀所以做了會員外即使叫咁多款食物,又唔會好貴,so good!!!total 只係110元!!吃得很撐!服務態度都ok的,上菜唔算好慢(即使多客)

今日突然出吾到去搵男朋友,就約左BABE出黎~本身諗住同男朋友食O既;搞到好肚餓;行行下就見到EUROGOGO`俾MENU吸引;入左去朋友叫左個SOUFFLE;體形比較巨大;味道吾錯;蛋味比起之前我食O既冇咁大!不過甜好多;落枱時亦未聞到好香而我就叫左個芝士薯蓉;收銀話加5蚊可以有餐湯/汽水同埋GARLIC BREAD/SALAD我就梗係冇汁輸加左5蚊;要左白湯同埋GARLIC BREAD先上白餐湯;加左芝士粉同埋BLACK PEPPER`好香好濃;不過料就吾多;只見到幾粒我至愛O既CORN同埋兩粒煙肉之後再上1片GARLIC BREAD;好香;岩岩焗起;好香口後尾再加芝士粉{本人太好芝士!}好香;最後黎O既係芝士薯蓉'面層全塊芝士!正丫!不過芝士吾夠香口!但係下邊薯蓉做得幾好;牛油吾會太重;感覺吾會太留!整體黎講;呢1餐我好滿意;加5蚊有兩樣野揀亦算係平!經濟咁差時推出呢個優惠認真吾錯

某天去左食EURO GO GO,因為係Tea既時間,所以都唔會有好多人要左*New York Cheese Cake同*Tiramisu*cheese cake($24)一件都幾重cheese味,喜歡食芝士既就一定係大愛推介既!!*Tiramisu($24)一件感覺有小小唔抵,味道同出面其他蛋糕店既冇咩分別,而且仲細件左d(比起cheese cake)p.s.一件cake可以+$2,可以要多一杯飲品

pasta was served on aluminum foil plates! is this a fast food restaurant (the price certainly suggested otherwise)!? totally unacceptable! my cod fillet pasta had 3 piece of tasteless fillet in it with tonnes of cream sauce that stick to my mouth when i ate @@. The pasta was soggy. disgusting.my friend's pasta was also tasteless and again filled with loads of cheese and sauce. I would say the food taste like XHIX is an understatement. The meals doesnt come with drinks which have to be ordered se

they have different type of pizza, the best pizza is acrid sausage pizza~~i can buy half of pizza for myshlef or buy whole one to share!!the dessert and cake have special flavor, but cheese cake is best chose~the coffee test also great too~

是日星期二, 約了齋妹去看電影, 不過天公不造美, 下起雨來之餘, 寒風仲要夜晚先到, 把我們的活動範圍收窄在朗豪坊的商場內. 時間7點幾, 但買了10點戲票. 係呢兩小時, 就是用來食同行街.呢一餐, 有如回味我們初相識, 當年第一次出街的情境, 因為基本上, 當年除了看電影呢個環節沒有進行之外, 整個行程都有8成相似. 當年是放學後, 我們一起去食野Shopping, 是日是約好在朗豪等, 再轉上樓上食野Shopping. 然而, 當年的第一次約會, 選擇了一家位於商場內的意大利餐廳Bistro仔, 叫份Pizza, 面對面, 大家輕鬆暢談. 是日的約會, 也選擇了位於商場內的西式Bistro仔, 也是叫Pizza, 面對面, 大家見景回想當年.當年食的, 也是薄批, 意大利的正宗Pizza, 是薄脆的. 是日食的, 當然是薄批, 不過Euro go go好照顧細食又貪食的香港人, 這裡有半份Pizza出售. 正好, 齋妹要半份素食Pizza, 我亦要半份咖喱牛肉Pizza. 二人既共同點, 就是奶茶精, 我叫了杯忌廉奶茶, 她就一杯榛子奶茶. 奶茶, 感覺上有點似台式奶茶既味道,

同朋友6點鬆行完尼頭 想早D同簡單食D野就散 唔洗等位下選了半快餐式的EURO GO GO..我點左焗雞皇飯一客 $34 但好普通 汁多料少 唔值 似叫了杯奶茶朱古力的飲品 好淡無奶味無朱古力味 $22 朋友則點了朱古力奶昔 都夠味但唔夠凍 另外件酥餅好油同翻叮貨差極$120兩個人 去食其他好味同坐得舒服既餐廳唔難..仲之不要貪快 因快得差 結果"唔抵"無下次

我都係第一次黎euro go go食飯~同同事兩個人點了3樣東東:1) 菠菜龍脷柳飯: 呢個係3樣東東之中最較為失望ge~ 就咁睇佢賣相好似唔錯, 可惜, 第一啖食落去覺得d 龍脷柳咁鬼鹹ge? 我平時都幾食得鹹野, 但係呢個飯真係超出左我標準喇~而且個汁無芝士味, 亦味菠菜味….點解euro go go個menu會將呢個飯旁邊有粒星呢??? 呢個飯真係咁受人歡迎?2) 千島海鮮pizza (half serving): 呢個pizza真係唔錯~ 雖然佢份量少、食唔飽~不過呢~我最欣賞佢個餅底, 好似餅乾咁鬆化, 再配合埋上面ge千島海鮮就真係幾正ge~ 3) 焗薯皮: 佢做緊promotion, $20有4個...所以就點呢個試下~ 每個薯皮上面加入茄汁同芝士, 兩個sauce份量剛剛好, 薯皮好脆, 入面ge薯仔熱辣辣~唔錯唔錯~

很少來旺角,如非因為被大割引所吸引,也真的未必能把我這懶人拉過來等候期間,當然先要治五臟六腑,對朗豪坊不熟悉的我,跟著好友到處找,卻讓我碰上這一間想試很久的餐廳,於是便提出來這裏試試.餐廳採半快餐形式,即是先自行在收銀處購票,然後拿著號碼牌在座位等.餐廳食物主要以意粉,pizza等西式食物為主.3時左右已有下午茶餐供應,但大多是甜品為主,怕吃不飽所以還是散點.但散點其實也有好處,只雖加$5,便有前菜和飲品,十分超值.加$5的前菜選擇有兩款:蒜蓉包和沙律,我們都要了後者.份量雖少,但勝在用了羅馬生菜,加上凱撒沙律醬和麵包糠,很清新.友人點了菠菜龍脷柳意粉,用錫紙盤盛著,烘熱了的芝士和白汁厚厚的覆蓋著意粉,賣相很討歡心.可惜意粉煮得過稔,龍脷柳魚肉亦較實.醬汁也吃不出菠菜味,只有其形,所以味道一般.而我則點了半份pizza,配料有點似pizza hut的超級至尊,火腿,蘑菇,青椒,豬肉碎,蕃茄,pepperoni都不缺.餅底算得上薄,入口有點似餅乾.而半份的份量也十分理想,只有4件,最適合貪心的我們.香蕉pancake,友人另加$5的傑作.Pancake裏放滿厚厚的cream和香蕉片,外層

同女友去食下午茶，叫個幾樣野：蜜糖雞翼：非常好，好味，雞好嫩，蜜糖好香，又夠熱，good焗薯皮：幾好，有3種味，咖哩、吞拿魚同一種唔知係咩，都可以一試。蕃茄通粉：加5蚊就有一碗，我覺得味道幾好，份量都適中。凍朱古力：女友話好味，多奶，少冰，抵飲之選。凍檸茶：我覺得呢個一般，味道略淡，唔夠甜，不過都好大杯，如果鍾意清d既人我諗都可以一試。