Essence

營業中

休息中

我都去食過一次~~真係唔錯架~~如果再有多d甜品就仲好~~不過十二月十五日開始會加價喇~~加到$168一位＆加一但係都仲算抵食o既~~~

等左好耐, 終於試到喇!先講海鮮, 魚生麻麻,唔食都冇所謂, 除此之外仲有龍蝦仔, 生蠔, 海蝦, 青口, $148來講, 算幾有誠意.熱盤既排骨, 牛油龍脷柳, 雞, 炒雜菌都好好食~ 牛扒就乾左d, 自選意粉有菠菜麵, 蕃茄麵同墨魚汁麵, 都ok好食, 不過淥粉麵就好一般.即整蔥油薄餅幾香口,好食.甜品最正!麵包布甸, Tiramisu同蛋白布甸都好食到震!生果勁新鮮多汁, 又掃左好多~ 值得一提既係服務好好, 清碟快, 答問題個個都好有禮貌, 令人好舒服!總括而言, 好食, 抵食~

今日同左成班同事一行8人去左東涌新酒店NOVETEL 1/f essence 食全港至抵既BUFFET DINNER. $148/位, 但係經常FULL, 星期六, 日要提早4-6個月BOOK, 平日都要一個月呀!! 我地都係上個月中已經BOOK喇~7點左右, 我地已經到左, 地方環境唔錯, 因為佢始終係一間新酒店, 幾舒服. 場內仲有D梳化卡位, 2-4個人應該幾好~食物方面, 冷盤, 沙津----好新鮮, 面包都有好多款, 個樣仲好CUTE好吸引. 旁邊兩部咖啡機, 幾OK呀, BABA都飲左4杯!!海鮮-------唔多款, 蠔, 青口, 蝦, 魚生, 小小龍蝦. 但最outstanding 係d蠔! 重到個夾都差d夾唔起, 好x 大隻, 又肥, 無沙兼唔腥~! . 饞嘴的同事p 食左一打有多!熱盤------6-8款左右, 唔多, 但佢個咖哩好得, 配D薄脆真係........一個字...正!!其他---即煮意粉. 比較少有. 佢有菠菜面, 蕃茄面, 墨汁面.....煮法都有6-7 款任你攔, 好fresh! 甜品-----細細件, 幾好, 款都好多, 連燕窩撻, 即做waf

等左幾個月，今日終於可以黎一試！冷：魚生﹑壽司﹑小龍蝦﹑青口﹑生蠔．．．熱：豬柳﹑泰式雞﹑白汁魚柳﹑炒雜菜﹑車仔麵﹑印度烤餅﹑燒味﹑燒兔仔都有．．．甜：生果﹑ｊｅｌｌｙ﹑布甸﹑蛋糕﹑朱古力＆白朱古力噴泉﹑雪糕．．．飲：咖啡﹑茶任飲整體上我覺得食物普普通通啦，冇大家講到咁好食，不過以１６３＄埋單既價錢，加上地點都近我住既屯門區，都叫ｏｋ喇～環境ｏｋ，服務都唔錯。除左價錢平，我諗唔到有咩野因素可以要人地等幾個月咁耐（哈）

Essense serves another round of good buffet for my parents and my uncle from somewhere else today.Plus, Essense is offering a little gift today -- the "Big Gate Crab" for each of us, yes, during the buffet. As usual, smoked salmon, grill, ... hmm... I made myself a little desert during the meal -- Vanilla ice cream + rasbarry, fresh red currant, black currant, strawberry, berry source. It just tasted right.I ordered a tomato pasta + meat source + alfredo (yes, I tried to mix something again)...

因價錢相當吸引的關係($149+10%)，此店的dinner buffet今年的booking已全部full了，要等明年，但明年的buffet又未可以開始接受booking，故暫時試了它的lunch buffet ($129+10%)，而receptionist話lunch和dinner的食物差不多一樣。整體來說都不錯，款式算多，稍特別的有即grill的肉(其中的lamb rack不錯)和即煮的多款pasta等。Dessert有很多款cake，另有chocolate fountain。如不介意路途稍遠的話，都值得到此一試。

Buffet可以做到好平，但唔代表抵食，抵食Buffet意思係價錢平之餘，食物種類多，而且新鮮、好味，咁之稱得上抵食。位於東涌既「Essence」，佢推出既$148自助晚餐，的確可以稱之為好抵食。不過要食就要好有耐性，我兩個幾月前book先至有，聽過宜家book已去到年底、甚至出年。當晚一坐低，就即刻出去狂掃生蠔，夠大隻之餘，亦都好鮮味，而且源源不絕。不過如果去到8點後至取，質素已經差左d，好多蠔殼……其餘食物，如三文魚刺身都好肥美新鮮，印度薄餅亦非常好味；其他熱食同意粉湯麵無試，因為怕太飽肚，想留力食甜品。朱古力噴泉除左傳統果隻，仲有白朱古力；芝士餅及其他甜品如布甸等都好好味；反而果個燕窩蛋撻仔就不外如是。順帶一提，生果都多汁好咬口，但多人搶而且補充又慢，較為失望。仲有一樣野好不滿，就係當初book位時，員工態度一般，好唔願意咁；跟住到就近日子果時，由於我唔記得book左幾點，打去check，竟然第一次唔理我，要打第二次追至問到！﹙不過其實食之前果日佢地會double confirm客人，所以唔駛專登打去問。﹚如果本身住東涌，就更加無得頂；因為我住馬鞍山，來回都近$50車錢，幾貴。仲

之前朋友介紹，已經知道這間自助餐正，再加上見這兒的食評唔錯，很想來試，但晚餐兩個月前訂位都已滿，機緣巧合下，終於今日來食。果然，食物、環境確實不錯。款式多而新鮮是它的致勝之道，試過很多其他酒店的自助餐，亦沒有這兒的好，款式大家都差不多，但這兒每樣食物都做得好，這就不是間間酒店都能做到。望見琳瑯滿目而又好味的食物，真是開心，加上服務亦周到，價錢亦相宜，真是超值!

去東涌食buffet對我o黎講都幾遠，最主要係食完又冇野做，又要返歸，車費又貴要計在costing中﹗同事介紹，約了多時，就連時間都忘了，所以遲到，又可能我遲到所以食唔到大家都話正o既燒羊、鴨胸等，只食到燒牛肉，味到也不錯。但生蠔就比較細隻，而且朋友說她吃了兩隻都有沙，其他的龍蝦仔等就冇試。我食得最多都好似係煙三文魚同沙律，款幾多，又好新鮮﹗甜品方面，可能又係我遲啦，都比人拎得七七八八，朋友叫我一定要試金泊的啫喱，但我又只是覺得一般。整體上都ok，只是我來遲了﹗星期一午餐都相當爆滿，記得訂位﹗

估唔到$148 都咁有水準!!真係好正, 有牛扒,燒羊扒,雞肉即切俾你, 又有自選意粉(如菠菜&墨魚麵),生蠔(但有幾隻都有沙),魚生,湯河,燒味,*誠意推薦係燒烤部嘅燒鴨胸,香草味濃,好入味!!(見到佢燒就暴住啦!)熱盤有香辣雞,紅酒燴牛尾,咖喱牛腩,炒雜菜,炸物,有個印度人整薄餅,有時薄餅有火腿餡,無餡有餡都勁好味!甜品都正,有我鐘意嘅熱烘烘麵包布甸,朱古力噴泉有白朱古力和普通朱古力,有窩夫,原來加煉奶,朱古力碎,糖,五彩糖碎&放埋雪糕上去會勁好味呀!!朱古力泡芙,芝士蛋糕,小小水果撻都好正,山果有西瓜,蜜瓜,哈密瓜,布冧,紅青提子,香蕉,橙和蘋果,冷盤有沙律,煙三文魚等,但美中不足是飲品只有熱檸茶/水或咖啡,沒有果汁總言之一句講哂,超值!!

聽過住係東涌嘅朋友講, 如果去東涌一定要到essence 食自助餐, 上星期帶同2個仔女去完廸士尼玩, 就有機會去試試.好彩得到朋友提醒, 係3個星期前訂枱, 嘩! 估唔到餐廳咁大, 我哋7:00到已經坐滿晒人, 真係好多嘢食, 除咗有例牌嘅生蠔, 剌生, 壽司, 各式沙津, 燒牛肉等等.....我最欣賞係有即場做印度薄餠, 仲係由正宗印度師傅做配埋正宗咖哩, 非常好味, 令我唸起在港島"island shanghari-la" 食過嘅味道一樣.最重要係甜品好多(我唸最少20款); 咖啡, 茶任飲..仲有價錢好抵成人HK$148+10%; 小童HK$118+10%; 我有DISCOUNT CARD 8 折, 計落每人HK$120都唔使, 認真抵....

I dropped by the lunch buffet late, roasted beef, any grilled food was gone, then I asked them if they're going to add more, instantly they added a grilled chicken for me, after 5 min, they added a full chunk of roasted beef. This is how it should be for buffet service, good job Essence!!!The buffet is pretty much well set -- variety of food, grill items, seafood (shrimps, mussels, little oysters served cold), including my favorate smoked Salmon. Recommanded.

我初頭想book dinner buffet, 點知佢\話最快都要9月尾先有位, 咁唯有試lunch 先啦.Overall黎講都係幾好既, 值得去試!!!最正:- 燒牛扒, 朱扒, 雞扒, 雞翼...etc 即燒即食㊣- 甜品, 又多又有水準- 黑白朱古力噴泉各一- 雪糕- 刺身, sushi 都ok- 咖哩點薄餅d咖哩都唔差- spaghetti普通可一試:- 冬蔭公湯, 唔辣, 太酸- 沙律, 但冇雜果, 淨係得菜其實仲有生蠔, but我唔食, so冇得comment.以上comment係based on $128既價錢, 如果係$228, 我就會話好唔得.p.s. 服務好好

見到其他人寫得咁好，小女子一於打電話去book位！(呢個動作已經係上個星期一既事，即係26/6！)，點知.....星期一至五既booking去到8月，而星期六同日既booking去到9月......唔係呀！？咁誇張......因為今日接媽咪機，D車$咁貴，梗係去東薈城行下啦！本住有殺無賠既心情，走入去問下有無得walk in！點知一句就話：「我地今日full booking 喎！」呢樣我上星期已經知啦，問下啫！但可能見我好無助既目光+又老又嫩，所以俾左張近門口既枱我！yeah！有得食！多謝晒D姐姐！入到去見到坐左5成人(因為我地6點半已經去到！)心諗...我睇你係唔係吉枱多過乜！點知7點幾已經坐滿晒人，場面好新墟冚！講返D野食先：-掂既有.....(1)魚蛋檔既圓形魚蛋(四方果隻就唔係太好)(2)白汁長通粉(3)燒牛扒(一條長既，個廚師即時切俾你果種)(4)刺身(雖然得2款，但好新鮮)(5)阿差薄餅，即撻即煎，好味！仲提你有咖哩汁點添！但個汁好辣(6)天婦羅，近期熱愛美食之一，但油左D(7)各類甜品(好好味，唔係太甜，咩都好味！但D朱古力唔係好苦！好似無咁HIGH！)(8)雪糕(我阿妹

星期六到近期大熱的東涌novotel 酒店食lunch buffet. 雖然坊間聲稱waiting list 勁長,但係當日我0地都係1pm walk-in 去到, 都即刻有位.它的appertizer 同dessert 確是不俗.所有bread 都相當吸引. 而魚生切得比較近邊,令我覺得唔吸引但是main course 對我來言就不太吸引, 大部份都係印度dishes, eg tandokii chicken, curry, etc.而各食客的食相亦有異於常人.由於部份坐位是梳化, 竟然給我如家的感覺... 有部份客人竟然把鞋脫掉, 甚至把雙腳放在梳化上.另外, 亦有很多食客竟然'徒手'取食物. 他們驚人的表現實在令小妹嘆為觀止!!