Enjoy Eat (已結業)

最近發現打鼓嶺道有新食肆開張，店名叫Enjoy Eat, 所以便約埋兩個老友一齊入去食午餐，試新店兼吹吹水！我們點了兩客燒牛肉定食，千層麵和意式薄餅。首先上枱的是燒牛肉定食，好驚喜！一吃就知係用新鮮靚牛做，肉質嫩滑，而且又juicy, 個醬汁配牛肉好好味，就連跟餐的意粉也特別調配味道，超好食，估唔到幾十蚊個午餐定食有咁好質素，好抵食！再來兩個pizza，一上枱就看得出是正宗意式做法，着重食材的新鮮，吃入口更驚喜，這裏用的pepperoni 應該又是靚貨，肉味好香好出，味道不像其店舖得個咸字，而且，這店的薄餅餅底軟硬度掌握得非常好，夠脆但又不會太乾，聽侍應說，他們的pizza 餅底是自家製的，人手即叫即做，正！最後上枱的千層麵，又一驚喜，調味非常正宗意式，肉醬和芝士配合得非常好，口感豐富但又不會太膩。食完呢餐，我哋已經約定，下次一定要再來，試埋其他菜式！