Enjoy Eat (已結業)

見有時間未夠鐘返娘家食飯，心思思諗住Enjoy eat嘅甜品，立即同老公啊仔去試試，我地3人叫左3個甜品，焦糖燉蛋、心太軟伴雪糕、蘆薈蛋白試試，真係無諗過拍得住糖水店，樣樣都very Good令我最回味的焦糖燉蛋，味道剛剛好，又夠滑，不過最令我值得返來幫襯一定係服務態度，因為我見3個人淨係食甜品128元，所以比左小費，但個老闆娘堅持唔收我地，仲笑住希望我地下次再幫襯，依一點真係唔會好似出面個D咁收左先算 。

架車要拎去驗要去九龍城一轉，放低架車之後，行行下有個小朋友企喺一間餐廳門口，同我講姐姐你同我爸爸間餐廳一樣咁靚，當時個心即刻甜一甜，然後我望入餐廳裏面，睇到好多畫同埋好特別嘅擺設，所以決定揾日試下先。決定星期日夜晚去試，一入餐廳，又見到果個小朋友，歡迎光臨咁多位靚女，真係未食都開心。接住有一位小姐拎餐牌俾我哋睇，本住試一試嘅心態叫咗一個西瓜沙律，一食，嘩！超級多汁吖。配合火箭菜同水牛芝士，真係超級特別。之後我哋叫咗羊架、三色焗蠔、黑松露意粉、pizza，食到我哋嘩嘩聲，不論賣相定味道，真心俾100分。加上價錢合理，又冇加一，服務又好，真係冇諗過今時今日香港有一間咁特色又平又好食嘅西餐廳。由於食得太飽食唔落甜品，所以決定下次一定要再嚟試一試。從來唔會寫食評嘅我，真係好想同大家分享呢間咁好食嘅餐廳。

架車要拎去驗要去九龍城一轉，放低架車之後，行行下有個小朋友企喺一間餐廳門口，同我講姐姐你同我爸爸間餐廳一樣咁靚，當時個心即刻甜一甜，然後我望入餐廳裏面，睇到好多畫同埋好特別嘅擺設，所以決定揾日試下先。決定星期日夜晚去試，一入餐廳，又見到果個小朋友，歡迎光臨咁多位靚女，真係未食都開心。接住有一位小姐拎餐牌俾我哋睇，本住試一試嘅心態叫咗一個西瓜沙律，一食，嘩！超級多汁吖。配合火箭菜同水牛芝士，真係超級特別。之後我哋叫咗羊架、三色焗蠔、黑松露意粉、pizza，食到我哋嘩嘩聲，不論賣相定味道，真心俾100分。加上價錢合理，又冇加一，服務又好，真係冇諗過今時今日香港有一間咁特色又平又好食嘅西餐廳。由於食得太飽食唔落甜品，所以決定下次一定要再嚟試一試。從來唔會寫食評嘅我，真係好想同大家分享呢間咁好食嘅餐廳。

最近樓下開左間新餐廳，今日特登去試下，果然冇揀錯，真係好抵，茶餐廳價錢，西餐廳質素，連埋杯咖啡大約$58蚊，不收加一個餐同杯咖啡遞到上來係熱辣辣的，好有心機，絕對品係茶餐廳果d頹野 ！

同班老朋友本身約咗係打鼓嶺道食牛肉館，不過好多人等位，問咗最少要等半個鐘，行前少少有間新嘢西餐開咗，望入去都好似幾靚，門口有餐排，大家一齊望吓，最後決定入去試下，叫咗1份西瓜水牛芝士沙律，1份凱撒沙律，兩個Pizza，一個牛肉味，四式，一份德國腸仔，1份羊架，一個火煺長通粉，一份香蒜欖油意粉，最先來兩個沙律，凱撒沙律同西瓜沙律，好鮮甜西瓜，好多汁，超新鮮菜，好清甜，好似啱啱澤落來咁，一問之下，原來西瓜係日本西瓜，沙律汁係師父自己打的，Pizza係意大利簿批，四式味好多芝士，香噴噴，好脆，牛肉味嗰個，有少少辣辣，但好野味，好濃郁芝士味，羊架我哋叫5成熟，羊架的伴菜好靚，㕑師好有心機，羊架，鮮滑好汁，少少蘇味，值得一試，，香蒜欖油意粉，濃郁蒜香味，清香欖油味抄意粉，意粉啱啱好，好正，火腿長通粉，清香草忌廉汁，香噴噴芝士味，大家都覺得今晚好開心，好滿足，好盡興，同埋坐得好舒服，時間過得好快，下次一定帶老公一齊來食，食西瓜沙律

中午同同學仔經過見到開左間新嘅西餐廳，裝修好有格調......Lunch around $58-$68  我地order左一個芝士煙肉簿餅同印尼炒飯拼自家制沙爹，薄餅嘅皮好薄好脆👍👍而且沙嗲超香呀.........另外加$10有我最愛的沙律沙律沙律呀，超抵.....一定要加喇！最後仲送埋野飲...我ordered 杯 latte每人$68有前菜+主食+飲品  抵夾好食！！！！Like Like Like👍👍👍 有機會帶屋企人去試

第一次同朋友黎呢度食, 果時都係是旦揀一間架咋, 不過食完就真係覺得冇揀錯叫左幾個菜, 每碟大約幾十至一百蚊左右啦, 幾個人share食先黎就一個西瓜沙律, 好甜, 好開胃, 帶小小酸味, 所以食完感覺好開胃個黑松露意粉好野味, 好入味個Pizza好簡單, 不過好好味, 好脆特別係個羊架, 好嫩, 好Juicy, 完全冇so味. 我個人都唔敢食有so味ge野, 但呢個真係好好味, 冇得彈仲有個三色焗蠔, 亦非常出色, 非常大隻, 非常新鮮, 特別係其中ge芝士焗蠔, 必食之選 !!個dessert樣樣都好食,個心太軟簡直係極品, 熱辣辣之餘, 好有朱古力味, 一放入口, 就停唔到口, 要叫多個先夠本個焦糖燉蛋外脆內滑, 層焦糖好正, 唔係好甜, 味道恰到好處, 我個人非常喜歡

其實已經唔係第1次嚟呢間餐廳食野，但佢哋嘅好食程度令我忍唔住要分享俾其他人知道，所以唔怕麻煩咁登記openrice發表食評😆之前朋友介紹嚟Enjoy Eat食野，本身唔太好西餐嘅我亦覺得呢間餐廳食品嘅味道非常好，特別係佢哋嘅焗肉醬千層麵同墨西哥青椒牛肉薄餅，簡直令我一試難忘，對所有朋友都係十級推薦😋👍👍而且環境令人覺得好舒服，三五知己坐係度傾吓偈，食吓野，成個人都開心晒~😄💕特別值得一提嘅係呢間餐廳本身收費一啲都唔貴，平均每個人最多都係$200左右，仲要唔收加一，即係變相打咗9折，感覺真係好抵食😘

朋友果然冇介紹錯！十一人份量頭盤：「三色焗蠔 」波菜煙肉汁 👍           「比利時白酒青口」酒味香濃👍👍👍           「意式蒜蓉牛油芝士焗鮑」勁鮮甜👍👍           「焗蟹餅」原來佢係98%蟹肉👍👍沙律：「蕃茄水牛芝士沙律」👍👍👍           「enjoy eat沙律」超新鮮 汁味濃👍👍👍意粉：「火腿黑松露長通」好濃厚黑松味👍👍👍           「白汁波菜雞竹粉卷」鮮甜嫩滑 值得一試飯：   「刺身帶子飯」有青口嫁 成碗食哂👍👍薄餅：「墨西哥青椒牛」鐘意食辣就好正👍           「風乾火腿配水牛芝士」👍👍👍👍👍👍主菜：「美式豬排骨」d肉好濃密bbq汁 👍👍👍           「紅酒燴羊膝」肉淋得黎又唔散開👍👍👍           「羊鞍」肉質嫩滑 唔覺得蘇嫁！👍👍鐘意食蝦既朋友都可以試「老虎蝦」因為我見格黎果枱叫左 已經係最後一客 輪唔到我 果位客人都話超好味 夠大隻夠香蒜蓉牛油！

今晚約咗女朋友行九龍城廣場，行行吓行咗打鼓嶺道西餐門口，門口有晒餐排，覺得都Ok，不如試下，叫咗火煺Pizza同煙肉意粉，佢個Pizza好好味，好多芝士，好香，好薄脆，煙肉意粉，都好好味，香草忌廉汁，我一定會介紹其他朋友仔來試，值得推介

上次試過好食，今次特登帶埋女朋友黎食，發現原來佢每個禮拜都會轉午餐menuABCDE都咁吸引，搞到2個天秤座完全決定唔到，結果用左15分鐘先落到單……落單後因為太肚餓，餐湯完全唔記得影……雜菌忌廉湯加左薯蓉，特別得黎又好好飲第1次食牛面肉，比較多筋，但香濃既紅酒汁令我完全唔介意，燜得好好食用雞肉做漢堡扒真係比較少見，食落冇牛肉漢堡咁濃味，唔會搶左咖哩汁既甜味，個咖哩汁好好食女友平時好怕食日式咖哩完全冇辣味，但呢個咖哩汁啱哂佢，入口就會慢慢有辣味滲出黎，超級推介女人係有2個胃既，第2個用黎裝甜品，所以少不免都要加$25叫個甜品女友見到其他食評話焦糖燉蛋好食就毫不猶疑咁叫左呢個，睇落好精緻，食落就連我呢個唔好甜品既人都忍唔住要爭食

星期六同男友經過見到依間新開既餐廳有全日英式早餐..即刻決定入去試下(因為見d野食個賣相真係好靚)我地叫左3樣野share食..先講個煙三文魚賓尼迪..果然好好味唔係得個樣!!!個賓尼迪係底層有個包然後上面再放個流心蛋同煙三文魚..食落去簡直係perfect match!雖然整出黎個賣相同張相有少少出入..但以咁既價錢黎講其實真係好抵食!而西瓜沙律個賣相就好靚..食落去酸酸甜甜(西瓜面頭有d醋汁)..都係1個唔錯既選擇最後係個pizza..1出黎見佢得幾塊番茄片同幾塊香草!-_-個waitress就話margherita係意大利既傳統pizza其實幾好食..可能出面食開既pizza都有好多配料同肉所以都唔抱太大期望..點知食落去真係又香又好味果然無介紹錯!!!整體而言佢地出餐唔算快..但食得出係即整同有心思..所以都一定會再返黎食

星期六同男友經過見到依間新開張既餐廳有全日英式早餐..即刻入去試下(因為d野食賣相好靚)我地叫左3樣野share..先講個煙三文魚benedict..果然好好味唔係得個樣!!個賓尼迪係底層有個包上面加個流心蛋同煙三文魚..食落去簡直perfect match!雖然出到黎個賣相有d出入..但以咁既價錢真係好抵食!而西瓜沙律咁賣相就好靚..食落去酸酸甜甜(表層有d醋)..都係1個唔錯既選擇最後到個pizza..一出黎見佢得幾粒番茄片同幾塊香草咩都無,跟住個waitress話margherita係意大利既傳統pizza,仲話其實幾好食!可能本身出面食開d pizza都係多d配料本身都唔抱太大期望 但食落去竟然難得地又香又好味果然無介紹錯!!整體黎講佢地d雖然出餐速度唔算快..不過食得出d野係即叫即整又有心思!所以都會想食多幾次

冇野做行九龍城， 咁啱經過１間好有特色的西餐廳，高級西餐廳的座椅及裝潢配上富中國特色的擺設字畫。咁有特色的設計，估唔到價錢會咁親民，見到門外黑板上的午餐價錢，忍唔住即刻推門入去。入到睇餐牌先發現，原來係唔收加１架！！好快就有餐湯上，但南瓜湯我就唔多好，唯有等主菜啦．．．個ｐｉｚｚａ比我想像中更脆，啲辣肉腸唔會太薄，好有口感平時出面食開通常都係配薯條，呢個好特別係配薯蓉，但估唔到個薯蓉會咁好食，係我食過最好食既薯蓉西餐廳既鰻魚定食都唔錯，但真係勁抵，如果喺普通日本餐廳食應該要＄８０－９０食完呢餐先發現，原來想食好野都唔１定好貴，＄５０就食到個ｓｅｔ　ｌｕｎｃｈ都仲要免加１，下個禮拜再去過，唔知薯蓉有冇得加底呢，哈哈

這間的焦糖燉蛋好好吃！蛋味濃郁，重點是，不會只有燉蛋沒有焦糖，兩者配合得很好。另外，奶茶奶凍也很特別，它不是一般的奶茶味，它採用的是伯爵茶，再加上淡淡的奶味，非常清新。在這炎炎夏日，享受這個透心涼的奶凍，也是個不錯的選擇！最後，不得不提的是法式焗田螺！看見很多客人都有點，然後我也跟著點，果然不負眾望。田螺配合香草牛油，香味四溢，牛油亦帶出田螺的鮮味，連汁一起吃，簡直絕配！Like！