Dream Cafe (已結業)

500蚊我當跌左今日滿心歡喜上去食dinner，食到一肚氣，7點30分落單，都睇得出佢廚房出得好鬼慢，由本身唔肚餓都等到好肚餓，8點20分終於黎左兩杯熱朱古力（直頭我想講，仲難飲個m記果杯），去到8點30分先上個頭盤，再隔十分鐘再黎上個湯（個湯好重胡椒味完全唔好飲），8點50分再吹佢先黎一黎個意粉，點知個意粉涷既同埋又係好重椒味，9點先送份牛扒，d汁多過塊扒，塊扒又唔厚又多肥肉，食落去根本就係油撈肉，頭兩件都吞到，第三件直頭想嘔出黎，食到依到，個侍應行過黎問甜品想要奶凍定焦糖燉蛋，我自己都諗左諗，你份set寫心太軟架wo，已經係罵都哂氣，直接望左個食左都唔夠三分一既意粉同牛扒起身埋單走算，前前後後係個餐廳兩個幾鐘比左500幾蚊，仲要食到個肚唔多舒服。真心唔明點解會有咁多人讚好依間野

難得同朋友出黎食飯 見到呢間餐廳都多好評 打算試下..點知😥同預期出入太大啦 我同朋友大概7點黎到間餐廳 8點幾先有得食😥法國大餐？半個鐘先黎一道主食？見佢煮咁耐 以為一定好好味 點知普通到同大家樂冇咩分別😕意粉冇汁又冇味 蝦又唔新鮮跟住見到Pizza好似幾吸引 叫左煙三文魚Pizza 個餅底薄 但唔脆😕簡單黎講..普普通通既一個Pizza 打下卡就算雖然間餐廳好多人食 但完全唔明吸引既點係邊..唔建議黎食😕😕

今日同朋友黎左dream cafe食dinner唔可以只講大失所望 係完全不能接受首先 我地book左7點半 其實7點左右已經上左黎 但等野食等到8點半先有 真係由肚餓等到唔想食 好啦 啲野食黎到 講真 咁肚餓嘅情況下 都會放大美味嘅 但可惜嘅係 啲野真係超級一般 塊扒叫5成熟 冇牛香 勁似茶記扒 切開啲血水同汁撈晒一齊 而且勁多筋 邊邊啲雜菜... 真係無法形容 完全一般 成碟野得個薯角叫做最好味 真心無法理解點解係咁嘅價錢食啲咁嘅野香蒜海鮮意粉 海鮮全部冰鮮 一啲海鮮味都無 意粉無香蒜味 完全劣呀講真 可能快餐店都好食過佢 煙三文魚pizza叫做無咁劣 講真 一開始黎食都係想食薄pizza 雖然佢係熱嘅 但完全唔脆 冇左薄pizza嘅靈魂總括黎講 呢間野完全唔掂 食物質素麻麻 仲要等到天荒地老 下次一定唔會再黎食

行完朗豪坊，係地面戲院售票處旁有一座大廈，幾多嘢食，今次就揀咗呢間試試。睇咗一輪，見二人餐有豬鞍揀，就決定叫佢啦，湯或沙律+兩主菜+兩杯嘢飲，可加錢要埋包/甜品。落完單勁快黎沙律，都幾開胃，配咗肉茄又幾正：）湯比沙律更開胃，微酸，但勁好飲！可惜無加錢叫蒜蓉包，應該勁夾！菠蘿水蜜桃士多啤梨沙冰，堅大杯，淨係個size都抵加了！飲落幾甜，又夠清爽，啱哂近黎啲咁熱嘅天氣：）西柚芒果柚子沙冰，偏酸，但係幾爽，個味幾特別，佢有啲芒果肉同埋柚子肉，幾正：）牛肝菌忌廉汁燴什菌雞肉意大利飯，望相都見到幾多雞肉：）份量未算好多，但呢類食物都係會滯嘅，而且佢個名寫咗好多嘢，驚佢會太複雜，但食落比想像中夾，結果食哂：p香焗加拿大豬鞍配胡麻醬，一上碟已經勁香，賣相又勁好，切佢果陣似指漢堡咁腍，一切勁香！食落，配埋胡麻醬，真係勁好味。腍得黎又有肉味，夠熱，少有嘅口感！佢配埋薯菜全部都勁夾，當中蘿蔔勁多汁，超正！！可以再食多碟。臨尾舊骨唔切哂啲肉，拎起黎食，啲肉汁係口入面爆出黎真係勁正！！今餐最正嘅嘢！落餐前發現坐果個位係風位，問佢可唔可以較細啲冷氣，侍應們即刻行動，真係好有心。最終較完都唔係好得，侍應們安排過第

係旺角簡左間樓上cafe試下雖然唔算好大，但裝修同環境都幾唔錯，坐得幾舒服～我同男朋友簡左個set dinner同一份pizza Set dinner有得簡沙律椰/餐湯。我地就簡左餐湯，係椰菜花湯，第一次飲，入面好多椰菜花碎，幾特別又幾好飲～Main就簡左牛油果忌廉蟹肉意大利意粉，佢個汁好creamy!!!好多牛油果🥑勁岩我勁鐘意食牛油果！上面仲有d蟹子，撈埋一齊食十分夾！不過分量再多d 就好haha跟住仲叫左個pizza，係西班牙黑毛豬火腿，佢唔似menu係圓形，原來係正方形，不過食落好驚喜，好好味，黑毛豬都好入味🤤🤤仲有好多芝士！ 同男朋友都覺呢個好高質 野飲簡左柚子蜜，唔會太甜，岩岩好😛Overall，間cafe 食物質素唔錯，值得一試！

同朋友喺朗豪坊睇完戲就喺附近覓食，知道喺朗晴坊有好多間食肆， 最終我哋揀咗Dream Cafe。內在環境好靚 ，坐得好舒服 ，亮點係吊燈， 全部都係用酒杯拼砌而成。設有一人餐同二人餐， 同朋友商量過，決定要一個一人餐，再單點一個pizza，咁樣選擇自由度會大啲。餐湯～ 質地唔會太濃稠， 味道剛好。挪威煙燻三文魚蟹籽忌廉意大利粉～ 三文魚份量非常多，呈玫瑰形狀， 十分養眼， 意粉唔會好淋，口感啱啱好，個汁出奇地帶甜， 我估計佢應該落咗少少煉奶喺裏面！好特別，好啱女仔口味！黑松露帶子pizza～ 一向都以為個pizza會係圓形，嚟到見到係正方形，好搞笑！ 四件pizza有六粒帶子，帶子上面放咗黑松露醬同埋蟹籽，鮮味爆燈！水蜜桃茶～ 呢個花茶真係好抵飲， 58蚊一壺 ，用佢提供嘅杯size，可以斟到兩杯！ 另外提供嘅係蜜糖，成件事養生曬！ 口味方面係香甜嘅桃味，我的最愛！

喺附近做完嘢之後有啲肚餓所以就想喺附近食嘢。有啲想食西餐就睇睇附近有啲咩選擇，見呢度嘅評分都幾高就入嚟試一試啦。入到去裏面客人都幾多，好彩仲有一個位，唔使等就入得去坐啦。裏面裝修都OK，見好多人來的都好似情侶，可能呢度嘅氣氛比較啱啦。望一望餐牌，就見雙人套餐好似抵過單人套餐，冇計啦今晚冇約朋友就食單人套餐冇甜品送。嘢飲我就揀咗後邊嘅朱古力沙冰試吓餐湯好快就到左，係素菜湯比較清淡。調味都OK嘅比較鍾意裏便係攞咗啲蒜頭入去所以比較香。當塊牛扒嚟嘅時候有啲驚訝因為非常大片，我叫嘅係 medium rare有時擔心啲餐廳會唔小心煮熟得滯，但係好彩呢間冇。牛扒嘅味道唔錯，雖然啲汁我食唔到好強嘅黑松露味道不過都還可以接受。有埋啲煮嘅菜係側邊清清地都OK 㗎，點樣啲汁先至食會好味啲。我本人就幾鍾意飲嗰個朱古力沙冰，因為唔會太甜，對我來講當甜品飲已經好飽啦。雖然二人套餐真係抵好多因為佢會俾埋錢才俾你，但係一人套餐都算OK嘅，俾埋+1都係$248。

話說今日朗豪坊睇戲，想搵個地方慢慢坐住等夠鐘，最好有得嘆花茶🌸又唔好太貴（因為睇戲而家已經巧貴呢！？），睇完食評就去左隔離朗晴坊搵食。呢度二人套餐都岩食，跟餐湯或沙律，加錢有花茶，落order先～🔆香煎大蝦🦐配墨西哥香辣番茄意大利麵 - 大蝦煎得幾香，開左邊易食好多。醬汁spicy得黎蕃茄茸頗多，意大利麵麵質彈牙非常唔錯！🔆香焗香草蜜糖無骨春雞🐥配燒烤汁（全隻）- 無骨岩懶人，焗春雞全隻上，手殘用刀叉都好易食，唔洗整污糟對手。鍾意清d就咁食，雞肉滲有淡淡香草味。沾一沾燒烤汁又會有另一番滋味😋～🔆茉莉花茶、洋甘菊花茶🌼 - 花茶可以免費加一次水，洋甘菊味濃，茉莉花味清，個人黎講鍾意一向喜愛洋甘菊，聞一聞飲幾啖，身心都好舒服～慢慢歎，有火溫熱唔怕凍左，好舒服。👍🏻服務周到，餐廳細細，但被我裝到呢間餐廳，有人喺隱藏嘅秘密房間開party，可以考慮下姨娚仔生日會呢度攪，方便又經濟！

今日放假得閒就約左友人去旺角行街，行到累累地就搵間cafe坐下食下野，就黎到呢間Dream Cafe.環境都唔錯，服務員又好熱情。首先我地叫左個二人套餐，選左個餐湯，好濃郁既南瓜湯，好好湯，好creamy.跟住跟多個沙拉，上面有啲dressing加咪一齊食特別開胃。好新鮮。好爽。主菜方面我選左個牛肝菌忌廉汁燴什菌雞肉意大利飯，份量岩岩好兩個人share食都夠曬，食黎好creamy，好重cream味，好好味，一啲都唔會溜，味道好好。跟住友人就選左香煎澳洲羊架配牛肝菌燒汁，廚師推介7成熟係最好味，中間紅紅地食落好重羊味，係我最鐘意食既味道，配埋啲燒汁食真係一流，而且有兩件咁多，夠曬份量，肥瘦適中，唔會好油膩，一定無選錯，識食一定食羊架。之後叫左兩杯沙冰，一杯係咖啡曲奇沙冰，咖啡同曲奇混合版，咖啡味好重又唔會遮蓋左曲奇既甜味，好值得一試。我就選左薄荷朱古力沙冰，我個人最喜歡就係薄荷味，飲落好冰涼，岩曬而家炎熱嘅夏天，非常消暑。呢間店平日都爆滿好多人，味道真係唔錯，好值得一試。

行街累咗想搵個地方飲杯嘢就喺網上睇到這間cafe,冇想到甘對我胃口。第一次入來Dream Cafe就畀個環境吸引到，環境好優雅舒服，好安靜。同朋友揀咗一個二人set,兩個人都點咗沙冰，我點嘅是咖啡曲奇沙冰，咖啡味好香，cookie都好多，算唔錯噶。仲點咗一份甜品心太軟，朱古力味夠重，雪糕嘅品質都算好噶。食完甜品心情就超級好，這度真是畀人好舒服好輕鬆嘅感覺。這餐下午茶好滿意，價錢都唔算貴，下次再來試下dinner。

我完全唔明白點解會有咁多人俾當初用OpenRice book位又積分又電視框又多like咁！我同朋友都睇漏眼，以為係朗豪坊，原來係隔離果棟舊式大廈朗晴坊，大家都以為可以拍到車....Main point係⋯原來我好幾年前幫襯過🤦🏻‍♂️OMG~ 我係最後一個到，都無轉地方了，再試試吧～去到第一種感覺「無冷氣、焗」而且餐廳都頗細！好，就當我躁熱！但唔止我一個覺得熱啦～第二，初時舉極手無人應⋯到有人應你時，佢話：「等陣先有人幫你落單」但佢係無野做緊⋯咁⋯你在幹嘛？到有人應時（小西面女侍應）落單有點寸：（我地落單時有一”小個停頓位”佢即時躁底！Well....佢話：「你地諗好先再落」逕自離開⋯我地當晚叫左兩個main course一個海鮮risotto、一個黑松露西冷另有唔g得咩嘅pasta 、小食拼盤朋友們叫左d沙冰特飲Warm我唔好叫，明啦！另外兩位就叫左花茶share, 花茶係正常嘅～咁我就點左杯點都死唔去架香蕉朱古力啦！我果杯確實係standard 嘅但杯就大，上枱時只係得近乎1/2....好似俾人飲左半咁⋯至於主菜裡面架risotto 都唔ok，佢只可以以粥嚟形容，都係第一次大家係食

早排食過一間不錯嘅Cafe後，開始有舖癮繼續試Cafe，就貪佢坐得夠舒服，成晚流流可以晚晚hea，就算帶埋BB都可以悠閒慢慢食。就睇Openrice發現呢間Cafe相當多好評，今次就揀呢間黎試試。位置方便就喺朗豪坊隔離。Cafe全梳化位，最鍾意坐得舒舒服服。揀左個二人餐，有餐湯、飲品、兩個主菜，已經非常豐富。 餐湯係南瓜湯，中間仲有一粒粒南瓜蓉，好夠味，BB都好鍾意飲。飲品揀左兩款特飲，一杯薄荷朱古力沙冰，一杯曲奇朱古力沙冰，兩杯都非常夠凍，冰打得幻幼細，味道仲好濃。 其中一款主菜係蕃茄忌廉海蝦燴意大利飯，賣相非常得，上面有好多隻蝦，非常彈牙。最鍾意個汁好濃味，帶蕃茄微酸仲有忌廉白汁中和番，非常好味。上面仲加左唔少黑椒多一份香氣。 另一主菜係澳洲羊架配牛肝菌燒汁，估唔到Cafe都可以如此高質素嘅羊架，賣相靚之外，煎得七成熟剛剛好，羊肉中間仲非常Juicy，肉質本身好腍，帶輕微膻味，正係個人最鍾意嘅味道。燒汁的確帶菌類味道，好香。下面仲有好幾舊炸薯角，新鮮熱辣，脆脆的，非常唔錯。 呢餐實在好滿足，難得係樓上Cafe都食到好味嘅西餐菜式，坐得舒服都係一大賣點。以呢個質素，價錢算是可以接受

今天與老公行經旺角，便來到近朗豪坊的dream cafe吃晚餐。 來到cafe後，發現店內位置細小，大概只容納到二十人。然而，店內裝修不錯，採用了較暗的燈光，令人感覺浪漫。 其後，我們先看menu,我同先生點選了二人套餐，一個蒜香黑松露炒什菌闊條麵，另外則點了5成熟的香煎紐西蘭肉眼扒配什菌燒汁，飲品就點了一杯熱檸檬紅茶加一杯熱奶茶。 首先呈上的是蒜香黑松露炒什菌闊條麵，咬下去麵的味道很不錯，而且有濃濃的黑松露加香蒜味，正！如果份量再多點就更好了！ 及後，呈上的是5成熟的紐西蘭鮮肉扒。咬下去肉汁鮮美，而且肉大大塊👍 最後，還有兩杯飲品。總括來說，整餐的食物都不錯，如果份量再多些就更好了！

今晚黎旺角食晚飯, 揀咗呢個dream cafe~餐廳門外是巴黎鐵塔～餐廳入面燈光浪漫，感覺幾Elegant同舒服。餐廳環境舒適，餐廳樓底幾高，用水晶吊燈令內有環境更具氣氛。睇睇餐牌 ,「Set For 2」任揀一個A + B餐。好抵食!!二人餐附有兩碗餐湯南瓜湯好香甜，食到有南瓜蓉，好味道！蒜香黑松露炒什菌闊條面黑松露味好豐富 , 配菜菇菇都好多同好入味🍄中意佢加左少量粟米, 帶返個甜味出黎最鍾意就係魚魚，一見到套餐有魚就連扒都捨得放棄。當然，呢塊鱈魚最後證明我呢個決定係正確的，又鮮又爽口，正飲品方面我哋就揀咗榛子朱古力（凍）同黑啤一支。黑啤味道較濃，配餐一流﹔榛子朱古力甜度適中, 值得推介!

🙋🏿‍♀️：「係旺角想搵個地方傾下計同食野有咩選擇呀？講人話呀！」💁🏻‍♀️：「係cafe呀🤓」👦🏻可謂試過旺角幾間唔同既樓上cafe，有包場既、玩住boardgame食野既、傾住計食野、食住野傾計......。今日要講既係一間食住野傾計既cafe😜咩叫食住野傾計既cafe?掛住食野都唔係記得傾計lu，今次叫左個二人餐share，有南瓜餐湯、牛肝菌忌廉汁燴什菌雞肉意大利飯、香焗加拿大豬鞍配胡麻醬、仲有兩杯$29既飲品，多左就補錢啦，最後加左錢補一杯士多啤梨梳打、一杯荔枝沙冰。首先黎到既南瓜湯食得出好濃郁既南瓜蓉，👦🏻同朋友都好鐘意個湯；而個意大利飯亦好足料，忌廉煮得好香濃、加埋有唔同既雜菌，一啖飯就有好多種唔同既香味散發出黎；跟住上檯既豬鞍都算係一道幾有趣既菜式，可能才疏學淺啦，好似從來未見過有餐廳用呢個配搭，出到黎個效果都唔差，可以俾啲食厭左牛扒做主菜既朋友仔多一個選擇🤤每次都會透過以下6大方面評分(滿分:30分)味道 : 3.75 / 5環境 : 3.75 / 5外觀 : 3.75 / 5價錢 : 3.75 / 5服務 : 4 / 5 回頭率 : 3.75 / 5總分 : 22.75