Double Tree (已結業)

友人工作上遇到不快，要找人訴苦水，曾經滄海的我，正好是傾訴對象，隨便走入一間人不多的店子，找個位坐下。傾訴前，先找點東西吃，我建議友人要些甜點吧！個心會變返甜，有咖啡奶凍，Tiramisu等，結果她點了班戟配花生醬，而我怕肥，要一個煙三文魚沙律，大家都要熱奶茶。班戟配花生醬是圓形的，記得年幼時亞爺帶我去冰室吃過，叫做「克戟」，應來自英文 Hot Cake，加牛油及糖漿吃，甚有滋味。今天的班戟也不錯，夠熱又夠鬆，夾花生醬很香口。煙三文魚沙律有一堆雜菜，frisee，romaine，chicory 都有，上有兩片煙三文魚，質素不過不失，還有些少黑醋放在旁，撈沙律也不錯。熱奶茶，香濃兼茶與奶的比例恰當，大家都收貨。友人訴完苦水，身心康泰。「到處楊梅一樣花」，世界上沒有完美的人，也沒有完美的公司，祇好調較自己的 EQ 去配合，難道要每隔一年轉一次工？

因搬了公司,好一段日子冇幫襯Double Tree,今次約左舊同事小聚,嘩!靚左好多,有時代感又鋪埋枱布,有音樂配襯,幾舒服! 以為一定貴好多,点知都幾低食.我叫忌廉白酒大老虎蝦石斑($95),蝦如果再大隻d就好,好味,不過石斑腥左小小,歺配黑醋鮮什菜沙律,好新鮮,D醋如甜小小更佳.另朋友点了菠菜忌廉海鮮天使麵($68),加$10轉歺,咁嘅$OK!紅酒買一送一,$48係智利,須然housewine,都飲得杯落.估吾到有甜品師傅坐陣,甜品加$15,叫左心太軟+icecream, & 火熖雪山,好味,認真制作!今晚須然菜色吾係話好特別,不過物有所值,吾知係friday,覺得慢左d.anyway冇想過１年後餐聽有如此改变,新感覺不錯呀!

有朋友介紹灣仔有間出名食心太軟同綠茶布甸好好味道,又潮裝修,約同事心來試下!點知未够１點已排晒隊,朋友又懶得行,個靚女好nice話等一陣!3个歺:午餐:焗咖喱海鮮飯$40(海鮮料碎d,什d,)可能$???,汁ok!,蘋果雪梨湯-都似样,冇口乾!紅酒牛尾燴意粉$55(有水準),忌廉湯,腐竹雞中酸辣米線$38(勁好味,不過酸左小小),各款歺叫咸檸檬水/柑桔檸檬/即磨咖啡都係0加費,必試!!!! 好飽!>......因心太軟制作須時,見咁多人等位都吾好意思阻住張枱,&綠茶布甸,幾濃味!我会再來,不過會早D囉!

同朋友食下午茶，叫咗一個茶餐 ($28) 再加 $15 就可以有法式甜品！ 乾炒牛河：好多油，有啲肥... 朋友話牛肉好韌，普通~ 朱古力心太軟：淨係加 $15 就可以食到心太軟，心太軟係即叫即製，要等一陣先食到~ 拎到嚟嗰時唔算好熱，但仲好暖，一打開心太軟，啲流心朱古力湧哂出嚟，心太軟面就好脆，朱古力香濃，很好味！ 凍濘茶埋單 $43，唔錯，幾好！

當你選菜的時候經常會發生的是不知怎樣抉擇因為菜色當中,有一D係過於普遍新意欠奉,又有一些是美中不足但是這次，以上兩個問題都沒有出現今次一行四人，點了4個set dinner相片如上鵝肝西冷牛扒係最好味既~!!!!牛尾意粉不俗羊扒薯菜一定要襯熱食.......帶子煙肉忌廉墨魚汁意粉略為細份...男孩不夠吃甜品: 火焰雪山！得個靚字......... 意式蘋果批雪山~味道ok心太軟~贊~

同兩個女仔朋友諗住搵間餐廳食飯傾計, 行到去船街, 見到有間餐廳ok四正, 而且無咁多人, 感覺又無隔離幾間咁貴, 就走入去試吓, 打開餐牌見到立立雜, 乜菜都有啲, 都唔知叫咩好, 於是問吓個伙計, 佢介紹咗幾個餸, 我地最終揀咗個泰式生菜包, 蜜汁燒鱔同白汁菠菜海鮮天使麵, 本來諗住平平地食一餐, 無特別期望, 但係估唔到原來都撞到好野! 個生菜包雖然有少少辣, 但係好夠味, 啲生菜又新鮮, 好juicy, 幾好! 個燒鱔就甜甜地, ok脆, 但係唔腥, 收貨! 個天使麵煮得剛剛好, 料又足, 配埋菠菜味道適中, 感覺又幾健康。可能係無期望, 所以我地幾個都覺得絕對係喜出望外。值得一提係間餐廳環境唔嘈, 啱晒傾計, 我地食飽飽無野做, 就坐係度傾咗半個鐘頭, 其中一個朋友又抵唔住引誘, 要叫甜吅品, 我地叫咗個蘋菓批share, 我其實好驚, 因為蘋菓批通常都好甜同好油, 但係估唔到呢個先係全晚戲肉, 好好味! 問吓頭先個伙計先知, 原來佢地專登請咗個甜品師傅, 之前係酒店做, 所以啲甜品好有水準, 可惜真係食唔落, 唔係真係想試多一兩個! 但係我地幾個都講好咗, 下次要嚟high

大概 2 點幾黎到灣仔，原本想食好d，點知隔離個個已經食飽左，唯有叫佢陪我食啦。行下行下，黎到呢間見佢有下午茶又好似幾多選擇咁，就入左去食啦。下午茶都有好多唔同既選擇，佢有D HOT CAKE，PANCAKE既物體，不過我驚佢整得好難食，最後都係叫返D正常野。佢有D配搭又好怪，之後我叫左個瑞士雞翼撈一丁，佢再跟杯咖啡。咖啡佢話係即磨，聞就聞到有咖啡香，不過飲落就爭DD喎。有少少稀既感覺，好似加左水咁，淡淡既咖啡味，總括麻麻地好飲。撈一丁都唔係等左好耐就黎到，佢一黎到我竟聞到D麵既味道，哈哈，都幾香架。不過D麵望落去似係剛剛滾熟咁，即係有D似係屋企「錄」完個出前一丁咁。我仲覺得會好淋，但食落去又比想像中ok，即係都算有dd彈牙煙靱，唔係淋到唔知似乜咁。瑞士汁淡左少少，略帶甜味，相信濃味會好食好多。有三隻雞翼，不過三隻都好瘦好細隻 (><)，得好少肉，不過下午茶都可以接受的。收費只係 $25，又無加一，咁既收費都算係咁架啦，不過我就未必會再黎食啦。

聽說灣仔有一間DOUBLE TREE，西式甜品很出名，中午既已祭五臟廟，尚留空間可容甜品，乃步至船街一逛，最近船街多了幾間出名食肆，他就在鴛鴦飯店及ZOE餅店對面，中文名是大胃王的DOUBLE TREE。 是我以前常去的茶餐廳，現在改成高級西式茶餐廳，據說他們請了以前某大酒店的廚助陣，供應意式甜品，故名氣愈來愈。茶餐是介乎$20.00-25.00之間，下午茶加特別甜品，只加$15.00。我們三個人，叫了三個茶餐，主要想試他的甜品。首先加了一個「心太軟」、焦糖布甸、即磨咖啡。「心太軟」實在太誘人，美艷動人。那個朱古力從隙縫中流出來，就像一幅畫一樣。再試入口，不得了，好味之極。焦糖布甸，面脆內軟，甜得來不膩，有酒店的風格。即磨咖啡一向是我很喜好，那種香味不是即溶咖啡可比。

想食個傳統既早餐，行左幾間，見DOUBLE TREE人又多，價錢又差唔多，仲要幾靚咁咪走入去試下，唉~一失足成千古恨呀~佢話U NAME IT I GOT IT.....但係我覺得係佢有不過唔放得入口囉~個餐牌話可以用脫脂奶整珍珠奶茶，問左話得，咁好服務? 你就想喇，慢慢你就知~我地要左:1. 西班牙OMELLET- 西班牙原來係有蟹柳都係O個日先知，佢同一個用廚餘炒出來既蛋無分別，個汁有D叔叔地既味ORZ即時放棄2. TOAST- 隔夜，乾，凍，硬... ...=.=|||3. 芝麻奶茶- 一句，難飲。芝麻同個奶味一D都唔夾，仲要D芝麻粉一粒粒似沙多D囉~4. 沙爹牛叮- 最安全既~5. 脫脂奶珍珠奶茶- 一上檯即時覺得好高級，佢用紅酒杯放，但係味道... 我覺得唔會係因為個脫脂問題所以杯野係酸既~而係佢本身既茶都沖得唔香同埋係茶葉沖左好耐囉~又澀又鞋~最大問題係，個姐姐係咁催我地食快D，又拎個地拖出來隊人隻腳~咁既態度...唔係呀~原來唔止人呀，連店都不可以貌相呀~下次經過，入去既話有定心理準備呀~我就一定唔會再去喇!

星期日下午12點幾, 本來想去J senses 食日本嘢, 點知未開門; 行吓行吓, 見呢度有些人氣, 試吓呢間舖頭.兩個人叫咗兩個午餐:豬扒撈丁: 出前一丁炒得不油膩, 但較乾身, 豬扒唔大塊.養生系列的芫茜皮旦鯇魚片米線: 唔係魚片, 係魚塊, 大大舊, 幾多骨. 米線份量好多, 我差不多食剩一半, 我才發現double tree 的中文名叫大胃王 …食物的選擇對養生是重要的, 但份量更加重要. 咸檸檬水: 咸檸檬唔夠咸, 只是酸, 味道麻麻..座位之間空間很少, 人多少少就好迫好嘈.為食唔等於大食, 識食更要惜食(珍惜食物) . 如果我對一間強迫客人浪費食物的食肆, 俾個ok 實在太慷慨.. (註1)饕餮 (音滔鐵): 傳說中的貪食的怪獸, 或 比喻貪得無厭的人饗 (音享) : 用酒食款待人, 或享受美食.

上星期同朋友去灣仔睇野, 見到有一間double tree 都幾吸引.......我們分別叫了set dinner 再加少少錢有心太軟甜品及意大利奶凍, 估不到心太軟真是好好味見到朱古力流出來真是好正丫!!!!而意大利奶凍甜品真是好味啊!!!! 味道很特別!!!!如有機會的話, 一定會再來幫襯!!!!我覺得呢度價錢又合理, 環境都舒服.... 另外八月份時曾經來過呢度食早餐, 真是大大份仲抵過去大家樂食早餐tim, 坐幾耐都唔會趕你們走囉.....

週一下午，與龍同赴灣仔做婚前檢查。原目標的新景園又沒開，結果又走到甜品滿佈的船街搵食。一直有留意這間小店，覺得環境不錯，又聲稱有酒店級的甜品，一於來嘆個下午茶!　原來餐廳裡面較嘈，而且食物選擇十分茶記，與環境其實不太夾的。價位倒是不貴，粉麵飯類$27-28已包冷熱飲品，另外供應$32甜品套餐，當然成為我的選擇：　心太軟-朱古力蛋糕焗成全熟，頂層有兩個小圓球，與下面的朱古力漿顯得不協調、不自然。仔細一看，原來是店方挖空蛋糕，後天填補朱古力漿做成人工心太軟效果!雖然效果有久自然，但純以味道論味道，外層的蛋糕焗得香脆，配上朱古力漿也不差的，當然沒有雪糕是為一憾，亦不能同brown濃郁芳香的Bomb cake相比。　紅豆冰-甜品套餐可選紅豆冰或珍珠奶茶類，甜上加甜；此冰椰汁與紅豆比例良好，滋味甜美不差，如紅豆再稔一點會更好。　麻婆豆腐飯-其實還有數款甜品，然而龍未有同我癩，選了麻婆豆腐飯。這飯份量較小，而且飯多過餸，而豆腐一點不麻，水準十分普通。不過幾慶幸有這個熱食打一打底，不然抽血後的不適反應或會更嚴重!　凍奶茶-首杯奶茶味道較酸，起初以為是用了較差的茶包來沖，飲到一半才發現內有檸核!救命.

想試吓新嘢啦,尼間似cafe个style 似pokka類型,乜都有d, 石頭鍋反,pasta ,甜品仲係食反+15天咋!,叫个磨菇肉眼扒$88 OK!, 焗芝士什菌西芸花$38,好芝士! 男友LIKE!,我LIKE KA!!! 鵝肝虾炒反$82,係鵝肝吾係鴨,好香,反淡左D,加10轉套歺有湯,脆法豬仔-好熱&脆,&波羅青檸蜜,另15元甜品,初頭以為大路嘢.叫火焰雪山-好滑,入口即溶,甜品師傅話用即制旦白,適中火焗 KA心太軟-,朱古力吾太甜,好滿足!外面脆脆地,吾似一般成個林晒尼食,好味!

尋晚本來同老公想去食la bons食心太軟,去到先知搬左,又費時周街行,所以揀左呢間鋪頭試一試,先講裝修不倫不類,卡位就比較西式,中間放左幾張圓枱就比較中式,可惜一D都唔靚,不中不西正是呢間餐廳既特色,因為呢間餐廳有扒餐亦有中菜,價錢都算平,我同老公都係叫中菜,分別係叫:豆豉雞~大部份都係雞亦,無乜肉食,又無雞味,仲要勁咸勁多油!肉崧炒四季豆~份量都算多,不過佢地D廚師梗係以為鹽係唔洗錢架,不論肉崧或者係豆都係好咸餐飲凍檸水~勁甜!凍朱古力~無咁甜嘞,不過唔好飲!未食晚餐前本來都諗住食心太軟既,但係食完晚餐之後真係唔敢試喇,仲有呢度D員工真係唔掂,佢地都好似一D經驗都無,落單時叫左一個好後生既男侍應埋黎喇,點知佢淨係聽我地要咩,又無寫低,之後佢當然係唔記得我地要咩食喇,又走埋黎問多次,點知都係廢既,最後佢都係叫左個阿太走埋黎落單,不過呢個阿太都唔係有經驗個D黎既,本來我唔係叫凍檸水既,係叫蘋果綠茶,不過阿太話無噃,因為綠茶賣哂,唔係呀咁都得,佢地究竟識唔識得入貨架,連購貨都唔識,唉!最好笑既係,我已經食完喇,但係我老公都仲食緊D菜,個阿太走埋黎叫我地ORDER餐飲,本來都無問題,但係人

同朋友係船街揾嘢食,两个人咪諗住行到边,見到啱就試下新嘢‧尼間啱啱新裝修,都幾靚,試下先!:: 食左个羊扒 & 波才天使面,ok 喎! 原來食歺0r order a la cart,加$15 可以加甜品,又幾低!叫左個火熖雪山,(玩火嗰隻),都係我至愛心太軟好味,第日再試下疏乎利先,我真係甜品痴厘!