Dodam Chicken (1亞太中心) (已結業)

觀塘一直都好多性價比高嘅好嘢食 所以一直都搵唔到機會嚟食呢間開咗好耐嘅過江龍炸雞店 今次見一開番晚市 就決定快啲過嚟試吓佢📍半半烤雞（蜂蜜牛油香蒜+韓式辣味焗烤雞）佢哋嘅炸雞或者烤雞真係有好多唔同嘅味道選擇 選擇困難症嘅我完全揀唔到好彩佢有半半揀 咁就可以同朋友一人揀一個 咩都試吓佢嘅烤雞外皮烤得好香脆 完全唔會比炸雞輸蝕 依啲肉質都keep到好嫩 韓式辣味係好經典嘅甜辣味 好惹味而蜂蜜牛油香蒜 又甜又鹹 再加上蒜片 味道更加豐富📍芝士雞蛋卷上面有滿滿嘅蟹籽 再用厚實嘅雞蛋包住滿滿拉絲嘅芝士 一切開啲芝士就即刻湧出嚟 不過入邊嘅芝士用咗比較淡味嘅芝士 所以都唔會怕太膩 上邊再加咗啲沙律醬去中和油膩感而且份量都真係好大📍海鮮泡菜餅個泡菜餅好出色好有驚喜 佢嗰邊煎得好香好脆 而且都好足料 啖啖都有海鮮 而佢啲泡菜係用咗酸味比較重嘅泡菜 更開胃📍藍莓yougurt smoothie📍Strawberry milkshake

睇完套韓劇就好想食韓式炸雞，但食太多炸雞又驚熱氣，食烤雞就最岩我啦！係OPC上面有間Dodam Chicken，除左有炸雞，仲有烤雞同其他韓式料理同飲品。未入門口就比超級打卡able 既紅色沙發卡位吸引到，配埋落地玻璃食野好chill！蜂蜜牛油香蒜焗烤雞（$198）一咬落好有驚喜！係我食過最熱既烤雞，好juicy好滑既雞肉，醬汁偏香甜，蜂蜜加埋香蒜好惹味！附送既粉紅色泡菜蘿蔔酸酸甜甜，非常解膩，食一粒又可以食多幾件雞。韓式海鮮煎餅（$145）份量超大！夠四個人share食，餡料有章魚、蝦、青口、冬菇、辣椒同蔥，外面酥脆，內𥚃軟熟，蘸埋秘制酸醬汁，好岩送酒！招牌沙律（$128）除左有蕃茄、菜同紅蘿蔔，配料方面有花生、粟米、提子乾、紅腰豆、菠蘿、杏仁片，非常豐富，食啖好味沙律當平衡返！芒果/柚子乳酪沙冰（$58）所有乳酪沙冰都大大杯，芒果沙律冰偏甜，柚子沙冰飲落真係有柚子既香同果粒，比較清爽，好岩夏天飲！一路食一路見到幾多人叫外賣，如果3至5點黎食仲有全單七折，下次再黎試mozzarella pizza！

呢排食得好西多勁熱氣，但係好死唔死同女朋友睇炸雞相關嘅韓戲，俾佢係咁嘈話要食。好啦，最多食多一次先戒口啦。呢日行開觀塘就順便寵下佢（同埋我)。我都唔知觀塘有間咁有韓味又fancy嘅炸雞舖，唔會細細間好迫夾。天口熱就一人叫咗杯yogurt smoothie，柚子同芒果，夏天飲凍得嚟都幾fresh，雖然對我嚟講係有d太甜，但係女朋友鍾意就得啦！Dodam Salad炸雞舖食沙律係咪玩嘢先，呢d 叫balance ，係balance 返我呢排d 好西。沙律菜都好新鮮，仲要有菠蘿花生提子乾，食落唔會太寡，仲幫埋我開胃準備食雞！韓式海鮮煎餅未等到雞，先嚟個海鮮煎餅。煎得好脆口，最重要係d 餡勁多，d 魷魚係多到夾上黎都會跌幾粒出黎咁多，但係都keep 住爽口同香，仲有蝦同青口，海鮮同煎餅本身就係perfect match，我要多謝我自己咁識揀。蜂蜜牛油香蒜焗雞壓軸嘅炸雞，唔係，係焗雞終於出場，多謝女朋友體諒叫個冇咁熱氣嘅。但係一上枱嗰浸香味係驚艷，以為焗雞會冇炸雞咁好食？No no no，係近乎燒雞嘅香脆口感，蘸滿晒蜂蜜，邪惡得嚟又唔膩，有埋醃蘿蔔平衡返味蕾，明明唔肚餓我都清晒成碟雞。好彩粒痱滋

好耐冇得去旅行, 好掛住韓國菜~! 好彩有來自韓國的過江龍#Dodam Chicken, 滿足我既韓國菜癮~韓式辣焗雞 ($78)雞件約6-7件. 個韓式辣醬味道辣中帶甜, 個醬好濃, 配上好嫩的雞肉, 真係好好食!芝士蛋熔岩泡菜炒飯 連海帶湯 ($80)芝士蛋一上菜就熟左, 做唔到拉絲芝士, 同埋唔係好食到芝士味. 只係當係一個普通的泡菜炒飯, 酸酸地的炒飯配熟蛋. 雞的款式幾多, 下次再去要試下其他雞.

非常之滿意既一餐!一直好想食韓式炸雞，呢次就同朋友一齊黎食下，忠告一下，兩個人叫半份炸雞+一碟野食其實夠曬，d野真係大份夾好味蜂蜜牛油炸雞(半份)($135)本身睇個樣以為好乾，點知五會。炸雞新鮮炸出黎，內裡還有肉汁，外皮甜甜地加上淡淡牛油味，成件事好balance，雞肉無雪味，就算裹上醬汁，雞皮都仍然有酥脆感，食左三件炸雞先停手招牌炒年糕($158)又係事前完全無期待好食既一道餸，但係真係好五錯!韓式辣醬包裹住每一樣食材，落料都五孤寒，魚餅好煙韌，年糕又係，同我平時係百x買既五同，甜甜辣辣醬汁濃郁，係忍五住一條接一條食黑松露蘑菇pizza($148)黑松露pizza係我朋友的order。本身五係好中意黑松露味，不過呢款puzza確實係做到澎湃溶溶地既濃郁芝士，配上落手好重既黑鬆露醬，一啖落去雙重濃郁滋味好上腦，唯一係如果餅底再脆d就好芒果smoothie($58)芒果酸奶味，一上台大杯到吓親我，但打得五太夠，飲飲下飲到冰粒仔當日星期六下晝三點去有七折優惠，現場都係得幾檯人，如果好似我咁五想食飯人逼人，呢間絕對ok，我都會再encore

十分希望在周日幫襯，因為提供小食任添；但真的未能安排，唯有周未試試。近日煲韓劇，韓癮大發，特來止癮。點了半半烤雞，一辣一走辣，另加韓牛年糕湯粉絲。先來粉絲，韓牛夠味，份量亦大，年糕點上韓式辣椒醬就更加惹味。再來的蜜糖蒜蓉及辣味烤雞。上桌時熟辣辣；雞皮掛了醬汁，焦上有杏仁片，咬下一口外熱內嫩，啖啖雞肉。由於飯腳太想食炸雞，所以後加了半份原味炸雞。此店的雞真心好食。最後我們食了一碟雞後把另一碟帶走。唯一不理想的是點餐時不可以半份炸雞半份烤雞的落order.

環境舒適優雅 地道韓食show time 🙈炸雞口味有驚喜—————————————————-D O D A M C H I C K E N觀塘亞太中心3樓—————————————————-Grand ! Very Grand!環境乾淨 坐卡位超舒適 佔地唔知幾多呎 總之超大約埋成班朋友一齊食最好不過高清LED大電視播住韓國男女子團體MV食到有感覺 最緊要有feel環境裝修成本應該幾高有心思 多設計疫情過後 政府放寬社交距離措施明顯睇到街上食嘢 消費嘅氣氛熾熱終於唔使困係屋企 坐喺Dodam舒舒服服咁食下午茶好抵食是但叫一個餐都會送飲品 香甜豉油炸雞 $65 牛油蜂蜜炸雞$65無骨雞 啱晒懶人 即係我😂🫢——成嚿放入口 唔洗腦思考 ——就算食有骨都唔緊要——俾埋膠手套你 乾淨又衛生——真正肉多皮少 冇甘容易食到「制」——而雞皮炸得香脆易入口韓式手抓飯 ❤️💛❤️💛$42——用料簡單 但非常好味💓😛——蟹子 紫菜 蟹柳 配沙律醬撈埋一齊食——平靚正！——大大碗 份量非常足夠金沙雞肉櫻花蝦炒飯$65——炸洋蔥圈又整得幾靚——呢個炒飯一定要趁熱食 唔好掛住影相😝🤪——香噴噴 龔入鼻哥窿👃🤣

放假同朋友放肆一齊食飯特地去左觀塘久已聞名Dodam Chicken 由於得兩個人我哋叫左半份蜂蜜牛油香蒜焗烤雞（6件）豐富嘅蜂蜜同濃厚嘅蒜香牛油配上脆卜卜嘅外皮，外脆內嫩Juicy 感十足整體來說都係偏甜蘋果Pizza 薄底Pizza 都好出色，豐富嘅蘋果蓉鋪底配上超多芝士叫左杯Mango smoothie, 味道唔夠，比較略為遜色相都懶得影嘢食比較「漏」兩個人都食唔晒野食質素比較好下次人多啲，可以再一齊試吓其他Mon-Fri 有set lunch , 仲有泡菜同韓式炒麵自助，比較抵食服務人員，十問九唔應，令人失望

開始要返工啦！WFH左咁耐真係要約埋同事食餐飯，見下面，食d好野開心下😂😂😍亞太中心真係多野食，lee間韓野餐廳都食過約次，真心覺得佢既午餐勁底食，我地每人叫左個午餐韓國雞😂因為又想食烤雞又想食炸雞，所以大人不做選擇，兩樣都叫😂😂叫午餐會有自助泡菜同小食，泡菜係唔該正宗嘅韓國大白菜泡菜，而小食今日就係韓式炒粉絲，兩樣都好好味😋😋另外午餐仲每樣包咗一款飲品，係喺出邊自助攞嘅，我哋都揀咗荔枝烏龍👍🏻烤雞好嫩滑，雞胸位都好好食，個蒜香味好濃但係又唔會食到有浸味喺個口度，食完去返工都冇問題👍🏻炸雞就係正宗嘅韓式炸雞，我哋食原味，佢另外有兩款醬俾我哋點，芥末醬同甜酸醬😂，其實原味已經好好食，但係點埋醬就另一個風味😝午餐來食真係都幾正👍🏻

好耐冇出街食野，今日約左好姊妹見面，我地又再做同事啦😝所以一定要一齊食個飯，慶祝一下😍😍喺觀塘其實好多野食選擇，但好姊妹介紹去食lee間韓國野，話食過好好味😋，我地就叫左兩個雞同煎餅來食，好正👍🏻👍🏻👍🏻🐥香蒜豉油焗烤雞—烤雞感覺卡路里比較低，同埋香蒜豉油醬做得好好味😋🐥香脆雞—炸雞個外皮做得鬆脆，新鮮熱辣味道剛好🐟韓式海鮮泡菜煎餅—-嚟到嘅時候嚇親，勁大份，好多海鮮好足料

本身我個人幾鍾意食人參雞湯飯…見到menu上嘅人參雞湯飯就即刻揀嚟叫，點知個人參雞湯飯一上嚟就顛覆晒我對韓式人參雞湯飯嘅認知…一上嚟我本身以為佢上錯咗第二個餐，因為完全同menu上嘅圖係勁大嘅出入…我同檯嘅同事叫嘅韓式雞湯飯都比我嘅人參雞湯飯正常…味道又咸，個湯係同普通韓式雞湯飯一樣…連唯一嘅一隻雞髀都係雪藏雞髀，啲肉又硬又韌…連$78嘅韓式雞湯飯都有兩隻雞髀…第一次嚟呢間餐廳食，應該亦都會係最後一次去呢度食…

實在太掛住韓國，除咗可以去韓國街解單思，見觀塘呢間店啲相片都似模似樣，加上宜家openrice 訂位有7折就去試一試。因限聚無晚餐，都習慣食個early dinner後行街，其實我都幾喜歡，一來人少，二來勁食後都有足夠時間消化 位與位之間算有距離，呢個已加份部隊鍋最快上枱，基本上主要材料好就會好食，味道不太辣適合大眾口味，腸仔同午餐肉無膠味，麵唔會係勁韌過種，我喜歡炸雞薯角，上枱好香，肉汁多皮脆，只係炸皮較大，食到尾就會有啲膩，如果送上一碟韓國醃黃蘿蔔就更完美啦最後，魷魚桶，肉質軟彈，如果可以燒香少少會更好味飲品叫咗凍柚子梳打，呢個配炸雞係好舒服有清熱感覺因為坐門口位，要叫服務生就有啲困難，因為佢哋大部分時間係最入位置預備出菜，有需要唯有等上菜時講，但好處就係無人會騷擾你，坐吓傾計就最好不過

今日同朋友經過諗住食呢間韓國炸雞✨之前已經見到好多人介紹 今日就決定放肆一下 ！！頭先入到去個環境好靚🤣好似真係去咗韓國嗰啲炸雞店咁樣🥰入面全部播住韓國嘅歌 同埋韓國嘅海報😽真係好似去咗轉韓國咁樣啊！！而且入面嘅配菜係自助吧嘅形式😋😋想拎幾多就拎幾多！！真係一啲都唔孤寒🫣我就最鍾意食佢個韓國炒粉絲😁即使係任拎 質素都一啲唔差！！炒得非常之香口 我都添左三四次😉😉😉今次同朋友叫咗個蜂蜜蒜香炸雞！！首先一上到枱 我同朋友都好驚訝 因為份量真係太多！！而且我哋叫咗無骨雞 每一啖都係肉 非常之滿足🥰🥰😋😋跟住仲有朋友叫咗個韓國年糕！！個年糕非常之煙靭 而且仲配上一啲魚糕 真係完全食唔停口🥹🥹🥹

I miss Dodam Chicken! 之前第一次係銅鑼灣食過之後就一直想再來食，係咪以為呢一間舖都係一定要食雞呢？為左證明都有唔少其他好食既野我地今次係主要叫澱粉質（其實係個人怕熱氣haha)今次叫左韓式炒粉絲同埋卡邦尼年糕，兩個叫既時候都期待yummy yummy! 炒粉絲期待既位係佢既鑊氣同配料，但我都係太天真當港式食物咁諗，佢比我有另一個驚喜！睇相你以為係老抽炒港式野，但其實佢既好味之處有幾個，首先係佢個醬汁唔係港式類，而係有韓式醬加上其他配料，第二係佢粉絲既質感係彈牙唔硬，粗幼適中，都少食呢類粉絲！食落比睇更加覺得大碟！最後係肉片新鮮而繳，有驚喜！之後就係卡邦尼年糕，一開始比較期待既係佢fullfull 既醬汁再加上厚厚年糕既幸福配搭，結果都真係有呢種好正一絕既感覺！卡邦尼醬汁最緊要係熱辣辣唔會潔，而有帶住少少肉既香甜！而年糕就係要煙韌而唔好去到硬，呢個組合都做到！

八十蚊食到超級飽，好抵食。前菜同飲品係自己去出面拎。lunch 飲品包一罐，再飲就要加錢，另外有水斟，所以飲品一罐都夠。前菜有韓式粉絲、泡菜，幾好食！d泡菜幾入味，粉絲唔算鹹，不錯。我叫左韓式海鮮拉麵，加了五蚊有塊芝士。好有heart 咁有個煲，似足韓國人煮即食麵。有個煲又熱辣辣，所以超級正。個麵拎到黎，原來仲有碟炸雞。又炸得幾唔錯，唔係老油，一碟大約五、六粒。食完真係勁飽，一共收了八十蚊，食咗咁多嘢又飽，食物質素也合格，所以算非常之抵。