Diletto (已結業)

生日想搵間好好評嘅餐廳食~早排上openrice搵到呢間排行榜第一，所以收藏咗~見都多好評，所以喺眾多收藏餐廳揀呢間~有條好有氣派嘅樓梯~上到去都好高級餐廳嘅感覺~環境裝修得好靚~侍應安排咗我坐近窗口位(不過睇唔到街景因為生日嘅關係，朋友喪送蛋糕屋企有2個蛋糕未食~所以我哋都係決定散叫~點完嘢之後首先就會奉上麵包~我哋分別叫咗 磨菇湯~磨菇湯好飲係因為佢有濃烈嘅磨味~而佢係淡而無味嘅~仲有叫咗個鵝肝~係好味道嘅~再嚟係個蟹肉意粉~食完之後覺得無乜特別百思不得其解呢間嘢會係排第一呢於是我哋決定叫多個牛扒~唔係難食，亦都唔特別好食好普通嘅一份牛扒，好似好特別咁放咗啲醬汁喺度而啲醬汁亦都係平時都點到嘅普通嘢總括嚟講，除咗靚之外用唔到其他形容詞嚟形容呢間餐廳~

完全唔知尖沙咀有呢間餐廳我諗好多人都唔知掛所以星期日下晝去都冇乜人好似包左場咁個環境咁靚 同閨蜜黎影相任影唔嬲不過個tea set 我就覺得不過不失啦想搵個地方冇乜人傾下計影下相都幾好嘅但野食就一般啦Afternoon tea set for two $488咁都好在佢有我食tea set 最想食到嘅scones 不過佢所有份量都係偏少嘅Scone 都係得好細嚿 佢用普通blueberry jam 所以成件事冇乜特別整體食物種類都偏少Cold Savory入面覺得比較好食嘅係Ficelle Foie Gras with Green Apple and White Wine Jelly個三文治我自己覺得冇乜味Sweets 方面 Mango Panna Cotta 都唔錯Strawberry Mousse Cake 同Green Tea Bavarois Cake 就偏甜啦士多啤梨味同抹茶味都唔夠濃不過又咁講 好少Afternoon tea set 會包Free Flow Sparkling Wine所以Chill下都唔錯嘅

假期約朋友出來食飯傾下計,想搵間坐得耐又舒服既餐廳,當我搵左好耐都未搵到啱心水時, 就俾我發現咗呢間餐廳,所以立即拉埋朋友睇下冇book位情況下仲有冇位, 好彩嗰日應該係我哋太早來到,所以唔見得好多人,入到來真係"嘩"左一聲,餐廳裝修得真係好靚好優雅,顏色配搭得好好,所有裝飾都佈置得好浪漫有情調因為係lunch所以set menu只得5個set,我簡左crab risotto朋友簡左另外2個set首先來既係麵包,細細粒既麵包用一個鐵兜載住,真係好吸精,麵包脆卜卜加d醋加d橄欖油點來食好味!!食完麵包沙律就到,沙律菜好fresh,放左一d芝士仲有車里茄同tuna一齊食真係好夾!南瓜湯好濃味!!唔太鐘意食南瓜既我都喜歡上呢個湯!!我既crab risotto有好多一絲絲既蟹肉,d飯煮得好入味又冇煮到爛哂,好有口感!我朋友既魚真係裝飾得好靚,雖然我冇食,但朋友話味道十分好,只係比較份量細唔夠飽另一朋友的豬扒煎得好乾身,但肉汁仍然留住,d肉唔難撕開,真係唔錯甜品係tiramisu,我一向都唔鐘意咖啡味重既tiramisu,不過呢個咖啡味好適中,真係好鐘意食,呢度環境又好,食物又岩我地食,我地一

响openrice見到呢間餐廳環境好似唔錯，食西餐，就一試！位置喺尖東站P3出口步行1分鐘就到！入到餐廳 環境係幾靚！女仔實會鐘意甫待應遞上餐牌，點左三樣菜～～然後問個黑面待應可唔可以比三杯tap water，啊待應一個轉身背對住我收住餐牌講：我地呢度無Tap water, 得still同sparking.我心裡一刻諗：其實當時都係得两三枱客，呢度4-5個待應 真係有咁趕？ 1. Ham platter （$298）食左先記得影相 啲火箭菜係食左1/3、火腿總共四件、蜜瓜8件、芝士共4件同埋啲大陸過氣米餅。啲火腿似喺759買既$39巴馬火腿！ 唯一係蜜瓜甜囉⋯⋯2. 煙三文魚pizza （$268）終於似樣啲，每件都有一塊煙三文魚，味道普通，不過不失，pizza express好食過佢，似住家味最後一個係rib eye steak（$368）, 7成熟，無相～一上枱切開佢 係好大條筋 色、香、味～都無 似係佳寶雪左好耐既凍肉 煎熟左罷了。呢間無下次～ 貴唔算好貴、但絕對唔值！只係覺得佢比我既係中環價錢、街市質素。如果無低消，食個甜品 傾下計飲杯野係幾好既。 但晚飯就免*

完全被openrice食評欺騙了😤餐廳係有5 course set dinner 或者 A La carte 我地就揀咗 A La carte 先來Caesar salad，入面d魚令到整碟沙拉都好腥好臭😨而湯完全係水汪汪，罐頭湯一定比這個好蟹係極咸而且是霉的，完全係唔新鮮蜆肉意粉個cream sauce又係好水又好淡Pizza底係勁軟身，一拎起，所有配料都甩曬出黎唯獨是羊架口感最正常，但無咩味道😑火箭菜好多都係黑蚊蚊，爛菜🤮如果為咗食環境係唔錯的但食物完全係中伏五百蚊一個晚餐，可以有好多選擇🤔

4位以上訂枱一律要俾deposit，人頭計$100位，傻的嗎？！無水供應750ml/ $75+10%，餐包每位送一粒（炸豆腐般大小）～現場所見裝修與一般樓上cafe差不多！但就以fine dining模式運作！實在無語🙄秘密花園沙律$138 用嘅蔬菜同美心快餐個沙律杯無分別，只係多咗幾朵小花！Prosciutto pizza $268 賣相ok，Parma ham都算足料，但餅底落咗柚子醬又甜又鹹，唔好食！斧頭扒$1088 唯一可以點讚嘅菜式，勝在唔鞋唔靭，睇得又食得～

地點尚算方便，裝潢ok，唔係真係講到咁靚，唔喜歡佢用地毯，地毯污糟，枱都夠闊落坐得舒服，傾計談心都好，不過星期五，六，日限時2小時，食物只屬一般，唔值咁既價錢，叫價過高，應該唔會再去

今晚約左朋友兩個人黎呢間餐廳 平日好少去啲比較高格調嘅地方食野 一入去就覺得幾靚同舒適 但重點係喺食物同服務度我地各自叫左一個dinner set 老實講價格訂得較高 但食物一到就知點解值得一提嘅係羊架 叫左七成熟 煮得啱啱好 肉質仲好稔好滑 仲有少少紅 睇得出係高質羊肉然後個開心果牛乳布丁黎果一刻真係心心眼左 整得好靚 質地食落好滑 一個字 正！唯一美中不足就係個龍蝦湯 (吾記得左影相) 做得吾夠濃味 龍蝦味吾夠出 另外服務都好貼心 有需要嘅時候一定有人喺度 但冇需要果時亦都吾會有人煩到我地 good good 整體黎講其實吾錯 係食得飽人嘅一間餐廳 幾滿意 埋單兩個人1600幾

尖沙咀生活多姿多彩，充分表現香港這個「動感之都」的繁華璀璨；加上尖東一帶，近年餐廳愈開愈多，有好幾間更成為不少明星及名人的聚腳點，所以亦吸引咗唔少遊客專程來湊熱鬧，享受一番。不過由於食肆林立，花多眼亂，有時要揀一間合心水的食店真係唔易，但只要細心一找，其實亦不難發現值得一試的好地方。近日到訪的一間樓上鋪，以<Diltte>命名，沿著樓梯上，慢慢踏上一級級的台階，彷彿以為置身於五星級酒店，高根鞋的”的達的達”聲，更顯貴氣。推門而入，全場滿座，餐廳有一面半身大玻璃對望著街景，形成室內的寧逸與室外的繁盛的對比!店內裝潢設計裝潢佈置甚有格調，高樓底上有巨型圓柱燈，透明的燈面擺放著一些植物及花朵，精緻特色設計為偏暗卻柔和的燈光下散發出淡淡清新的色彩，門側的紅酒櫃及湖水綠磚牆，品味高雅與清新小品合併，色彩配合立即影入眼簾，已經營造了歐陸氣氛!******************************自家製麵包暖暖的上枱，以厚厚的餐巾包圍着保持溫度，自家製的小小數片簡單卻是驚喜之作，外脆內軟啖啖清新香草味道，配上圓圓玻璃瓶的橄欖油醬及醋享用，令麵包更添美味，更有特色，而一頓美好的晚

樓下一條長長樓梯，隨著昏黃恬靜的燈光環境上到來一樓的DILETTO! 經過玄關入去好似進入一個隔世花園！右手是打光的水綠墻，左手是露天玻璃天窗～抬頭是一個個佈置滿花草的吊燈，氣氛非常舒服！真的好適合一對對的情侶來！！今晚所見，都有不少朋友聚餐＆家庭聚會！ 點單後都會有一份香草餐包，加少少橄欖油或黑醋，味道不俗哦～ 份量不大,有煙肉同蜆肉再加一隻半熟蛋，非常好食! 容易滯肚的芝士汁~不用擔心不夠飽~ 賣相&味道都不錯～材料豐富！三文下面用牛油果醬同大量芝士加埋個餅底好脆！但以我食開西餐的經驗，有一點點小貴哦^^ 不過加埋氣氛環境也過得去～～ 需要留意的是，這裡沒有開水供應！ 所有飲料都要下單，水是有氣的樽裝氣泡礦泉水...

之前同男朋友黎過呢間西餐廳，覺得環境同食物都唔錯，所以之前就走到來這裡拍下拖食下飯啦～呢間餐廳間佈置十分用心，樓底高之餘，空間感十足，也有大大的玻璃窗可以望到街外的景色，好浪漫的氣氛，而燈光比較昏暗，好有情調，而且座位之間都幾闊落！ 呢間西餐廳位於尖沙咀近尖東位置，雖然在地鋪樓上，不過呢個位比較人流少D，都但地方都唔算難搵！這間餐廳主要以西餐為主，MENU主要是以英文為主～是一間比較正宗的西餐廳，價錢屬中上的價位，也設有DELUXE Dinner Set，一個價錢就包哂前菜、小吃、湯、主菜、甜品及飲品等！點菜後，職員侍應先送上熱騰騰的自家焗製麵包～枱上面仲有黑醋同橄欖油，微酸的黑醋汁配上沒有什麼味道的麵包特別惹味！Hokkaida Scallop, Cordyceps Flower, Maitake Mushroom Risotto（HK$278）這個意大利飯配上北海道帶子，混入磨菇及蟲草花，伴上巴馬臣芝士～北海道帶子新鮮嫩口，不過比較細小的，而飯粒煮得剛好，唔會太杰或者係太水，芝士又唔會太膩，不過份量就比較少！Assorted Seafood Pizza（HK$278）這個海鮮PIZ

生日正日訂左意大利餐廳食晚餐餐廳既裝修打造成好似花園咁惟一美中不足係大廈外牆裝修緊 冇得睇窗外既景麵包係暖架 仲軟綿綿tim沙津好新鮮 沙津醋酸中帶甜 好開胃Seafood pizza意大利pizza一向都比較薄 唔會好滯海鮮味道都好好新鮮 質感彈牙 芝士味唔會搶左海鮮既味 配合得岩岩好係候餐時間比較耐New Zealand lamb chop鮮嫩多汁易咬唔會太un醬汁都配合得非常好Apple cheese mousse起openrice 見到已經覺得好可愛實物更加靚真係唔忍心切開佢以為佢得個樣你就錯喇切開入面係真係有蘋果架haha最鍾意食佢個白朱古殼有埋蘋果起入面 成個甜品唔會太甜連唔係好鍾意食甜野既男朋友都對個甜品讚不絕口

平時食個Tea , 都鍾意搵一啲靚嘅地方或者食物, 主要係影下相打卡呃like 😂, 今次朋友生日就搵咗呢間試下,一打開門, 嘩! 環境比我想像中靚, 樓底超高, 空間感十足~ 餐廳內的佈置都是花花草草, 感覺很舒服悠閒~ 我哋就叫咗一個Tea Set 同一個甜品, 真係好靚😍 (朋友超喜歡的)~ 本人比較喜歡Tea Set 裏的咸點👍🏻 這樣的環境加美食, 才$388 for 2 , 10% (tea set only), 很滿意的一次🎉🎉

6點嚟食個early dinner 之後睇黃子華talk show！餐廳用咗花花世界做decoration，啱晒女仔gathering！二座上客大部份都係女仔包包外脆內軟幾好味，可以加$30/6粒encore 芥末、岩鹽、燒汁USDA Berkshire Kurobuta Pork Rack ($328)黑毛豬有d鞋，唔夠味，可以點唔同嘅醬汁芥末、岩鹽、燒汁～Hokkaido Scallop, Cordyceps Flower, Maitake Mushroom Risotto ($278)味道幾特別好好味，值得推介

朋友前排生日，於是後補慶祝，所以我就帶咗佢去前排食過嘅呢間「Diletto」，除咗上次介紹過嘅卡邦尼意粉好食，無諗到今次新試嘅披薩都非常出色，一定要介紹一下。除咗主菜叫咗個意粉同披薩，另外仲柯打咗一個沙律。呢個Caesar Salad意想不到地份量多，除咗新鮮嘅長葉萵苣口感清脆多汁，裡面仲有煙肉碎同Crouton，味道同口感變得更豐富，但最最味道濃烈嘅竟然係上面嘅沙甸魚仔，由於廚房已經將沙律事先攪拌好，所以每一處都帶濃濃魚仔味。而其中仲有一樣Menu中係無提及嘅材料，係帶少酸嘅白色粒狀食材 (味道似酸奶鈣片)，呢個點綴我都覺得幾好食，至於究就係咩食材就不得而知。食過沙律，接住係上次嘅卡邦尼意粉，所以不再加以介紹。直接講述新試嘅Prosciutto Pizza，是日披薩令我相當喜出望外，因為第一次品嚐以柚子醬夾Parma Ham、芝士、火箭菜嘅新食法。本來Ham配Cheese係好基本嘅口味，但可能會太咸而且過於單調。而柚子醬正正起咗大大嘅作用，令到單一偏咸口味有咗突變，其中勾起有一啲清甜味，使人更加開胃，食極都唔厭。而且Ham亦都想多大片，絕不吝嗇。如果太咸，其實配火箭菜都係非法匹配。總