Diletto (已結業)

友人同我慶祝生日，問我想食啲乜嘢，我就揀左好耐無食嘅西餐，所以友人特別為我揀咗呢間位於尖沙咀嘅意大利餐廳。呢度地方唔算難搵，出左地鐵站行1分鐘就到，呢個門口係一條長長嘅樓梯，望落去都幾高級，環境亦都幾優雅。呢度嘅餐牌有得揀set dinner或者A la carte，由於我哋都唔係太肚餓嘅關係所以我哋都揀咗散叫。Caesar Salad ($153)Caesar Salad 算係一個比較簡單容易整嘅菜，所以都唔會難食，不過略嫌配料少左啲，就算我地已經加左三文魚，整體感覺都唔係幾豐富。Linguine Arrabiata ($168)個意粉有少少辣，好香口Angus Rib Eye Steak ($368) 我地點左Medium rare，肉質啱啱好，唔會太乾，都幾有牛味，配埋醬汁更好味，算係全晚最好食嘅一道菜。Chocolate Fondant with Vanilla Ice-cream ($88)作為心太軟嘅fans, 呢個心太軟絕對滿足到我，要一讚嘅係佢喺個vanilla ice cream度加咗啲脆脆同埋朱古力餅，食落好有口感。Apple Cheese Mousse with

放工約左女友，去左一間環境唔錯嘅西餐廳。呢度枱與枱之間都有好充足嘅空間，令人坐得好舒服，唔會好迫龍蝦湯味道好濃郁，但佢嘅味道唔似係落味精溝出黎個隻，而且飲完都唔會令你好口渇，應該係用足湯料煮出黎麵包焗得好脆、好香，而且仲有提供油醋沙律外型非常吸引，上面嘅花唔只係裝飾咁簡單，係食用花，聽侍應介紹d花係來自法國主食叫左辣意粉，雖然係辣意粉，但佢嘅辣係來自於Tabasco，而且唔會好辣，配埋酸酸地嘅蕃茄，十分之開胃我地要求牛排要7成熟，但通常外面都會overcook左牛排，令到佢入面幾乎熟哂；不過呢度嘅廚師控制得好好。牛排好大份，夠哂我地2個人食。配埋3款調味料，令到牛肉味更加突出原本想試埋佢嘅甜品，但因為太飽，所以都無食到

最近工作好忙，而且同男友見面機會少；適逢今日男友約了食飯，佢選擇哩間因為環境好靜，終於可以兩個坐低靜靜地吹下水，交代下近況成間餐廳燈光較暗，而且採用深藍色作為主要顏色，唯一活潑既顏色就係啲假花同埋燈，協調落黎比較高貴安靜菜式都係西餐為主，走高價路線（而我不知為何男友鍾意去fine dine餐廳食飯😂）今次我發板：前菜：花沙律（食得既花）佢非常instagramable！外相吸引～餐牌寫話所有可食花都係黎自法國🇫🇷🌝而且唔會只有花咁齋，仲有牛油果同蘆筍一齊食湯：龍蝦湯（兩人share）湯味非常重龍蝦味，個種係濃到感覺就好似所有龍蝦殼同肉都擺了進去熬出既味，而且有龍蝦肉可以食🤩主食：辣醬番茄蘑菇闊條麵我鍾意食意粉多過義大利飯，所以每次都一定係嗌意粉，而且我個人喜好紅醬永遠好食過白醬，所以辣醬係必選🍝肉：肉眼牛排（10oz）其實大份到我地兩人食唔曬～我叫了7成熟！非常驚艷係佢做到非常軟嫩！我食過其他餐廳一般7成熟都會偏老，但係佢7成偏生小小，大概6-7成中間。所以牛肉食入口唔會好韌～🥳🥳🥳我地兩個都好鍾意佢既環境，安靜地用餐，再互相交談，感覺好舒服。such a peaceful night

Diletto，要將這個亮得刺眼的名字打出來，對我而言真的有點困難，我忘了一記，記了又忘，忘了又記，始終無法記住，無辦法，係無法子，我唯有駛出我的真功夫：Copy，正所謂："天下無難事，只要你Copy"，噓，不要講給其它人知，唔係又比人話我無記性，"就算我無記性，對鞋都擦得立立令"。Diletto的餐牌全是英文，我沒有講過給你聽我識英文嗎，Oh, So Sorry, Actually, I really good at speak English 架呢，流利到我都嚇一跳，然後得啖笑，於是我以靈活又多變的舌頭向侍應表達了官人我要...食：Classic Margarita $218：雖說厚批啖啖肉，口感一流，但這裡的薄底也毫不輸蝕，厚度技術低於3mm，我相信就算你見到咁薄都O晒嘴，因為"要O你唔O，遲早搽藥膏"，滿滿表層芝士，味道濃郁得來又不膩啵，又夠煙韌，再勾搭上"願我會揸火箭，帶你到天空去..."的火箭菜，又幾清新香口喎，衰鬼。Carbonate Spaghetti $228：除了三文魚之外，卡邦尼意粉也份屬香港人最愛之列，又名煙肉蛋麵，相對其它西餐，芝士不算多，但芝士同意粉依然同香

今日去尖東唱完K，朋友話附近呢間西餐廳唔錯，於是上來試試咦！環境唔錯喎，氣氛寧靚又舒適，樓底特高，仲可以遠眺尖東夜景，又近地鐵站因為餐廳係fine dinning 路線所以只會提供收費既枝裝（分有氣/無氣），真係零捨不同，高級餐廳，長知識了餐前麵包器皿精緻，看著也覺得特別名貴，正所謂食嘢要色、香、味齊這個Risotto $278元，有元貝帶子，意大利🇮🇹飯，很精緻，賣相不錯10安士的安格斯肉眼扒🥩，配海鹽、芥末和燒汁。Order 了五成熟，廚師👨🏻‍🍳掌握得不錯二個人，人均消費$360左右，食完仲可以附近行下街Shopping

今日同朋友相約在尖沙咀食飯，估唔到會有一間樓上餐廳相當靚😍裡面環境舒服佈置左好多花🌷同好姊妹靜靜地食個飯一流👍🏽一坐底就會有意大利香草麵包俾你食主先，咬落去好鬆軟，點埋👇🏽黑醋同橄欖油就非常適合😋這壺係黑醋同橄欖油。我地叫左兩杯嘢飲先🍹Rosa $78 有小小草莓味唔會太甜非常好👍🏽Lobster Tail Risotto $318(這個龍蝦飯我就覺得偏鹹咗D，飯就不錯相對比一般西餐廳不太硬，龍蝦方便肉質鮮美多汁唯獨小小鹹😂)Classic Margarita $218(依個pizza 都不錯薄薄地，拉起上黎d之士好長👍🏽食到個邊邊位好膽😋)USDA Berkshire Kurobuta Pork Pack $328(依個豬扒非常厚，需然細細舊但夠哂兩個女仔食😋等20分鐘就煮得啱啱好肉質唔”鞋”軟熟易咬好👍🏽)Tiramisu $88(食到最尾一定要試依個Tiramisu 佢係朱古力味，中間有個黃金蛋好有酒味配Tiramisu 簡直一流😋)

男友剛剛升職，就俾左個借口我地去個浪漫地方食晚餐😂一入到餐廳，播放住好柔和既背景音樂，又有好多花花草草既擺設，配埋好高身既玻璃外牆，令到成個人都放鬆左😚點完野食隔左一陣，店員就俾左個餐包我地😀餐包微暖，外面脆裡面軟熟，點左啲橄欖油同黑醋， 滲落去之後黑醋可以平衡返橄欖油嘅少少油膩，令到個包冇咁乾身不但只，味道仲特別左同豐富左👍😀我地叫左一個lobster tail risotto同alaska crab with tagliolini～龍蝦意大利飯嘅飯粒粒分明， 軟硬度啱啱好👍 以前食過偏硬嘅意大利飯我唔太鐘意，而且感覺好難消化咁🙈 龍蝦嘅肉好爽，食得出係好新鮮，個汁咸度適中，啲瓜入晒味，呢個意大利飯整得好出色😳👏而個蟹肉tagliolini裡面既長腳蟹煎到表層好香， 同平時食開嘅冷盤唔同感覺， 第一次食熟既長腳蟹，原來煎咗都可以食得咁重鮮味咁好食😮 另外蒜片提升咗個香味，個麵雖然用橄欖油煮，但完全唔會油膩， 廚師控制啲調味料份量控制得好好😋呢間餐廳有環境，有質素，有服務， 難怪一路見到好多人都book枱嚟食😁 真心唔錯！

聽朋友介紹尖沙咀食間fine dining既環境很好，價錢方面又不是大昂貴。我就決定戴家姐食個fine dining 釋放下工作的壓力😈Diletto位於漆咸道余仁生中心的一樓，尖沙咀站P3出口就看到😊唔洗左搵右搵😌要行一條長樓梯餐廳很大，裡面的擺設是要花草為主，令人有如身處於花園中感到很放鬆，很舒適的環境喔...我地就叫左一個意粉和一個肉眼扒，share 食💕點餐後會有餐包送上餐包是意式香草包，好香和鬆軟，點上黑醋和橄欖油會更好味道。ʟɪɴɢᴜɪɴᴇ ᴀʀʀᴀʙɪᴀᴛᴀ $168意粉是扁意粉煮很剛剛好，很喜觀這個質感。意粉的味道會有點辣辣地的...原來arrabiata係意大利文入面係angry憤怒的意思😂食既時候辣辣地，好似人憤怒時候的情緒！ᴜsᴅᴀ Angus rib Eye Steak 🥩 10oz $368有鹽、芥末和燒汁，3種醬汁自己自己選擇😆我哋就叫咗7成熟，肉汁已收乾，入面就有微微嘅粉紅色，好香肉味也很嫩滑。有2粒大大個薯仔作拌菜食了一餐滿足的晚餐🥣心情也輕鬆了😌

好友將於十一月離港，把握時機見多數面。Search到這間餐廳在尖沙咀名列前芧，圖看上去好像也不錯，決定相約於Diletto食晚飯。 這餐廳裝修好優雅既感覺，適合情侶或者一群朋友一齊慶祝生日。 .我們兩個女子食量不大，分別叫了 Cream of Wild Mushroom $78 湯一來就聞到濃濃蘑菇味，我與朋友都互相對望了，心裡都滿滿期待嚐一口，當然沒有令我們失望，濃而滑的口感，馬上多喝幾口。 配上餐前麵包，麵包微暖，相當香口，是湯品的最佳配搭!.Classic Margarita $218 芝士配上蕃茄及香草，薄批邊很脆，我倆食個不停，蕃茄咬下去一下滿滿汁會流出來，水分鎖得很好，再者，芝士拉起絲上來。兩個女子食了各自四塊，馬上就飽了。. Carbonate Spag $228 當意粉一到來的時候，看到最上面有一隻雞蛋，我們二話不說就將蛋與其他配料攪拌。意粉食上來每一口氣都特別滑身，濃濃的白汁，令人一口接一口。蜆肉都有6-8隻，口感爽口，我們各自都食了數隻，下次再來會再點這意粉。.食物味道相當滿足，環境更值得欣賞；價錢中等，不建議平日普通晚膳，但慶祝飯局，若追求氣氛環境，Diletto

朋友仔約食個生日下午茶叫我openrice book位，我一直以為我係book左另一間酒店既Tea😂😂直到間店lunch打黎confirm我係咪teatime黎我先知😂😂😂打黎既女仔問生日使唔使寫Happy birthday如果要就另外叫甜品先寫到。作為壽星既我無謂因爲要寫隻字要人破費就話唔洗lu~~門口太高行過左都唔知😂攪到遲左少少⋯⋯上到去reception無人既，企左一陣⋯⋯唔對路行入啲見到近門口有一枱6個靚女客剛到咁～咁左望右望個場樓底高幾靚～影埋相有人出來招呼我地座窗邊～～好喇呢個時間黎都係為左食個tea set既啫，內容無細睇就叫左先哈哈見佢分左有熱食有凍食有甜品鬆餅坐左陣呢兩碟黎左先應該係selection of pastry chef同homemade scone with apple jam and honey mascarpone creamscone發唔起咁有啲矮小😂蘋果醬就好好，大粒果肉醬唔會好甜遮蓋蘋果粒嘅微酸，驚喜。芝士醬就真係無乜味食唔出有蜜糖味餅乾就麻麻地，貓手指冧左⋯⋯杏仁cream…朱古力餅同紅莓餅正常主角出場～～森林風～同窗台啲花襯返一套😂影下相再

女友話出左糧要我請佢食返餐好，因為呢排返工辛苦 … 咁就搵左呢間係尖沙咀既餐廳試下。見佢好似幾高級玩fine dining咁。一入到去我都嚇一嚇，好多花、周圍都係花，女友就心心眼左，女人就係咁，見到有D花呀主題就覺得唔錯。以走高檔路線黎講佢既價錢都算係合理。不過如果唔駛一定要畀錢飲水就更好了。既然開支水都要錢，咁就叫野飲啦。先來個麵包都唔錯，夠熱夠新鮮，配個橄欖油同醋食好唔錯。叫左個龍蝦湯兩份試下，龍蝦味好重，但又鮮得黎清甜，唔似落好多調味，夠哂原汁原味；如果再多啲龍蝦肉就更好😂個三文魚pizza好足料，而且個薄底好脆好香！開頭睇menu要2百幾覺得有啲過份，不過女友鍾意冇法啦，但原來好多三文魚而且好鮮，pizza既芝士都好香、奶味好恰擋，即刻值回票價!其實個pizza都好大份，再黎埋個意粉都夠哂！我揀左個carbonate spaghetti，入面有好多蜆，溫泉蛋就有少少熟左，所以唔算好流心、還好撈埋個白汁好香，超creamy👍🏼而且意粉都煮到好彈，非常al dente。以為呢餐要好貴，咁買單都係600，都係同食物及環境成正比。呢度都叫做係一個浪漫之選，適合同人date、拍拖或者係慶

今晚同兩位美女朋友約左食飯😚😚其中一個提議黎呢間Diletto試下，佢話之前黎high tea 覺得好靚同幾好食😮一入到去果然好勁 – 勁多花🌺🌼🌸🌷🌹🌻果然好啱打卡，不過唔知男士去到會唔會覺得唔自在🤔🤗雖然佢走fine dining 路線，但又幾多選擇。入到黎可能見到好多花，又唔會覺得好拘束，優雅得黎🌺😌都有幾homey既感覺。雖然食物價錢都偏高，咁既然佢走高級路線都合理既。叫左個Caesar salad，生菜好爽同埋好多crumbles，仲有幾條銀魚仔🐟😅😂份量睇落唔算好多，但又食極都有。配埋個house bread幾好食呀😛朋友揀左smoked salmon pizza🍕🍕賣相好好，每一slice都有塊好大既三文魚！而且配火箭菜食好安全，一定夾既，薄薄地既皮好鬆脆🤣😋但食左一塊都飽架！我地三個最尾差啲食唔哂！最後黎既係個roasted pork rack🍖果然值得等耐啲，因為佢好大份同埋一切落去肉係仲有淡淡地既粉紅色😋咬落去好香仲有肉汁，而且肉tender得黎有趙口，外面又燒到好甘香！👏🏼支骨仔仲好好食（畀我搶到😛) 連埋drinks同埋我地坐足成晚都係每人為返300唔駛，比想像

又是跟另一半出去吃豪一點的晚上，又選了尖沙咀，這次挑的餐廳是比較清新一點的西餐廳，它叫自己做「秘密花園」，讓我很想到訪一下。店內環境餐廳位於二樓，需要先走一條長長的樓梯才到。餐廳是以藍綠色為主調，給人有點神秘但又舒服的感覺，而且有很多花的裝飾，配上高樓底，環境我挺喜歡。而且餐廳還有服裝要求，不能穿背心、人字拖、涼鞋等待，務求令食客在一個高級的地方用餐。餐牌主打Fine Dinning路線，價錢定位比較高一點點。餐包吃意大利餐又怎能少了意大利香草麵包，很鬆軟，沾上黑醋與橄欖油作為餐前麵包很適合。Carbonate Spaghetti $228組成的材料有Fresh Clam, Crispy Pancetta, Sous-vide Egg, Crispy Parmesan Cheese, Black Pepper, Cream Sauce。 意粉有做到Al-Dente的口感，烹調的時間剛剛好，至於Cream Sauce不會過咸，濃稠度足夠，每一條都掛汁，配上煙肉，以及慢煮蛋的醬汁，愛吃意粉之人不能錯過。蛤數量約4、5隻，肉質彈牙，美中不足是有吃到帶沙的蛤，有點失望。Caul Fat Wra

剛好結婚一個月，便找一家餐廳可以好好享受一下。去到要行一條長樓梯，上到去便看到餐廳的名稱。門口寫得很清楚有關餐廳Dress Code 要求。一進內發現這個餐廳很美，是女生打卡點！有一種田園綠幽幽的感覺！坐下後，店員很快便給我們麵包，總共有4件及麵包是熱騰騰的。桌上還有Vinegar & Oil 以便安排配以麵包吃用。他們沒有tap water，但可以提供免費的熱水，非常細心！原本我們想點酒精飲品，但可惜我們都不是狀態，最後連甜點也沒有叫。Carbonate Spaghetti $228看到名稱，我們都覺得有一點特別，便問了問店員這個是什麼的意粉。他有跟我們說這一個是一種醬汁的名稱，但後來店員上檯的時侯跟我們說是Carbonara，我們才知道原來是同一樣的東西！Carbonara 意粉我們時常在外面都可以容易吃到，不過他們的醬汁是真的不錯，還加了一隻溫泉蛋可以攪拌一起吃用。份量不算太少而且醬汁足夠，但價錢是偏貴了一點。USDA Berkshire Kurobuta Pork Pack $328大約等了20分鐘左右，這個豬背便煮好了！一上檯覺得非常大件，而且味道很香！配了三個醬汁，任君配搭

Fine Dinning係香港一直都有市場, 價錢不菲, 是情侶好友慶祝的地方。是日我和朋友們揀左一間位於市區尖沙咀的高級西餐廳去食Fine Dinning。首先, 一如其他Fine Dinning餐廳一樣, 唔可以著短褲、拖鞋進場, 起碼要smart causal先得。餐廳的高貴氣氛, 令我地一入去就覺得應該要細細聲講下, 唔好破壞高檔餐廳的格調, 更加唔好自己掉架。高級Fine Dinning餐廳未必有好多食物俾你選擇, 因為係講求質素居多。首先, 未點菜前, 侍應已經把一個類似炸彈的橄欖油和黑醋樽放在台上, 然後再加上一籃香噴噴的麵包俾我地打打底。呢度的麵包非常軟熟同香氣十足, 我和朋友都食到讚不絕口。另一個好處係, 有麵包落肚, 唔怕一陣食唔飽, 哈哈。今次我一行三人, 叫左一個套餐, 再散叫左兩碟食物。前菜有油甘魚, 有如刺身一樣咁新鮮鮮甜, 加上柚子肉, 酸酸地好開胃。仲有吞拿魚他他, 食落唔太食得出吞拿魚的味道, 呢一道菜無乜特別。散叫方面, 試左白酒煮大蜆。非常讚, 因為有白酒味之餘, 唔會搶蜆肉的鮮甜, 加上蜆肉大大粒, 好好食。套餐包左一碗湯, 我揀左龍蝦湯。一上台