Deep Sea Oyster & Steak

營業中

休息中

突發好想食蠔，就走左上位於山林道既呢間樓上小店食下唔太常見種類既蠔～西非野生蠔N1 & 法國凱撒蠔N2賣相精緻，有金箔同三文魚子係面。法國凱撒蠔海水味重，新鮮肥美。而西非野生蠔幾有驚喜，本身係因為無試過西非蠔而叫，但估唔到佢又肥美，味道更complex，好食～刺身拼盤有貝類，蝦，帆立貝，三文魚等等。貝類同蝦都唔錯，三文魚唔似平時食開既三文魚🤔🤔美國安格斯肉眼扒生熟程度掌握得好好，肉味夠香，亦都唔鞋口，煎得好靚！炸蒜超好食！！伴碟仲有蔬菜同薯角。澳洲草飼羊架羊架同樣煎得好靚，羊肉味香濃，肉質又好，又夠肥美，伴碟都係有蔬菜同薯角。燒翠玉瓜燒得香口之余，仲好多汁👍燒油甘魚鮫超多肉！！！比我地想飲中既size再大左😂配埋個酸酸地既汁幾開胃，唔會咁快食滯🤣🤣整體黎講我覺得輸蝕係地理位置上，餐廳佈置幾精緻，野食都好高質，絕對會再黎！

收工同朋友行完尖沙咀，見到山林道好多好野食就入左呢棟野試下呢間西餐入到去環境幾清優，高層仲有夜景睇下餐廳唔大，但比人既感覺好舒服食物都好多款式有蠔、刺身、扒、海鮮、飯面，燒物、串燒等等真係睇到我花多眼亂樣樣叫下就叫到滿桌好耐冇食蠔啦，試左法國凱撒同西非蠔我同朋友都不約而同覺得西非正d，仲有塊金鉑仔刺身拼盤都唔錯蝦同個貝都好好食之後就叫左肉眼同羊架份量都唔少，兩百幾蚊仲有折羊架燒得好出色肉眼都好香，5成熟岩岩好，唔會好硬之後仲叫左個油甘魚鮫又係勁大份，最後都食唔晒點埋佢個個汁無得輸因為叫左太多野食，最後連野飲都冇叫下次去要試下佢d酒

朋友介紹呢間喺山林道嘅餐廳，環境清靜，檯同檯之間夠距離，唔會似canteen 咁，非常合適傾下心事有紅白酒 啤酒，我地三人點了一枝白酒好飲 唔太甜呢個沙律好食，魚生份量足刺身同樣新鮮佐酒小食熱辣辣另外點了白酒忌廉煮青口 同香煎prime 牛小排，太好食，相都唔記得影😂總括嚟講，值得再嚟幫襯

前幾日朋友約咗我去呢間餐廳，鐘意佢寧靜同埋啲食物真係幾高質叫咗杯石榴特飲，係梳打飲品，唔算太甜幾好，有少少石榴味西京燒比目魚，條魚燒得好靚，魚皮微焦，魚肉就金黃色。食入口滑溜甘甜，無魚腥味，反而係有少少甜味配埋沙律醬好夾安格斯牛肉薄燒呢款一開始我以為嚟 錯唔係薄切咩？原來佢係將薄切咗嘅牛肉捲起黎，加左啲蔥，口感更有層次又唔靭。而配搭嘅醬汁好重蒜蓉味，大有小小嘅柚子味。有柚子味幾好，中和左肉嘅油膩感。最後叫咗松露蟹膏意粉，味道無我想像中咁重口味，係無乜醬汁嘅，但都唔乾。食到好香嘅松露味，好多絲絲嘅蟹肉，2個人share 食岩岩好啦我見佢餐牌有好多套餐，下次再試下佢生蠔套餐先！

慶祝生日，早起幾星期前就上網搵定好食兼氣氛好既餐廳。餐廳係山林道。一入到餐廳裝修得好令好有特色，座位都好寬敞，坐得舒服。餐廳有唔少貓貓既裝飾品👍🏻叫左個套餐再加小食。套餐有餐湯沙律，日本生蠔同法國生蠔，同埋牛油煎大蝦兩隻，同揀左個5成熟肉眼。小食叫左爆汁炸雞球同黑松露薯條, 雞翼。雞翼最驚喜，勁香口，雞皮香脆，似名古屋名物！😋😋😋雖然係跟餐既湯，但湯一啲都唔求其，入面勁多料，係日式既面豉湯底，足料好飲😋👍🏻生蠔上面落左啲秒製汁，點埋檸檬汁更加香，店員都好有心機解釋食左日本生蠔先再食法國生蠔。生蠔好鮮甜好大隻👍🏻套餐包生蠔抵食好多👍🏻牛油大蝦一上枱勁香噴噴，食落肉質好有咬口，好新鮮，蝦煎完仲好多汁，唔會煎得好乾，一流👍🏻😋肉眼扒5成熟岩岩好，塊扒好靚，肉質好滑嫰，好重牛肉味，配面頭炸蒜片絕配！脆玉瓜配菜用左少少酒去煎，好香甜！👍🏻爆汁雞球有驚喜，店員好細心，提醒小心熱。岩岩炸完，外脆內軟，雞肉保持滑嫰，咬落好多汁，一啲都唔乾！👍🏻😋黑松露薯條好大兜，$88抵食，岩晒宵夜時段來送啤酒摸下酒店底。薯條擺左一陣都唔會淋，正！最後飲埋$38番石榴特飲，打個卡，滿足！👍🏻

今日去左位於山林道 銀座38 13樓嘅 Deep Sea Oyster and Steak食晚飯。叫左一個深海精選套餐，包左是日餐湯，沙律，新鮮生蠔兩隻，牛油煎大蝦兩隻，主菜要左羊架。飲品揀左杯熱白桃烏龍茶。是日餐湯，係三文魚濃湯，飲濃好香濃，唔會有腥味，仲有三文魚肉。新鮮沙律菜配少少泰式酸辣醬，好開胃。新鮮生蠔兩隻，左手邊係法國凱撒XV蠔 右手邊係西非野生蠔，店員話先食先食法國凱撒XV蠔。法國凱撒XV蠔食落較濃海水味，西非野生蠔較大隻而肉質厚身，食落好新鮮~牛油煎大蝦兩隻，已起好殼咬落可以啖啖肉，肉質彈牙，有鮮甜味。主菜要左羊架，羊架煎得啱啱好香濃羊肉味但唔羶，肉質嫰滑。飲品揀左杯熱白桃烏龍茶，係茶包，飲落清香。呢個set嘅食物質素都唔錯，餐廳靜靜地，都幾好氣氛。

有朋友介紹呢間餐廳食生蠔🍴話氣氛唔錯好岩收工後同朋友一齊食餐飯地方唔大、但裝修風格好浪漫係比較暗的影出嚟嘅相都好有氛圍感好可愛嘅匙羹想知有咩生蠔🦪要睇出面嘅手寫menu我今次就試咗呢個set包餐湯、沙律、2隻生蠔、2隻牛油煎大蝦、美國安格斯肉眼同一杯飲品日式的餐湯～入面好多料、有三文魚，紅蘿蔔、白蘿蔔⋯生蠔好新鮮都幾大隻蝦都好重牛油🧈味好香揀咗7成熟上面啲炸蒜超香啲配菜都唔馬虎、有冬菇，翠玉瓜、紅蘿蔔薯角都好香脆最後試埋個意粉，因為見到好多人推介又真係唔錯特別係啲雞肉好香、醃過好重酒味整體都唔錯見到佢有個串燒套餐，下次都想試吓

今次黎到位於佐敦既山林道 平時都知個頭係美食天堂 宏集左唔同既餐廳 估唔到樓上都好多野食🌞 位於銀座38 入面既 deep sea oyster 🦪 當然唔少得食生蠔啦😍 店員好詳細介紹邊種生蠔重海水味 邊種淡口啲 佢地仲有唔同既套餐！ 配白酒飲夠曬chill😌 除左生蠔之外仲有多款刺身，仲有日本嘅熟食拉麵等等！ 唔講以為去左食放題！🥰✨蒜蓉牛肉燒 （$148）採用日本肥牛， 內裡包裹住蒜蓉， 淡淡既蒜香混入肥牛既油脂😍 如果可以有多幾舊就好了✨日本室津 ($50)✨美國珍珠蠔 ($50)✨法國凱撒XV ($50)✨西班牙arousa ($60)先叫左唔同國家既生蠔！ 由淡味日本室津既開始食😍 配上檸檬汁令鮮味更出 而海鮮醬就岩曬鐘意濃味既人士 最大個隻蠔有成手掌咁大 海水味濃 好滑同易入口！ 金屬味唔會太重🤣 我地每人食完四隻都唔夠喉要再encore! 大家真係要試下🦪 珍寶級既生蠔🌞

今日要推介呢間位於尖沙咀樓上既高質生蠔西餐廳！提供既生蠔選擇多，生蠔好新鮮，而且好大隻。除咗生蠔，仲有刺身食，帶子好鮮甜，象拔蚌夠爽脆，三文魚都有魚香。另外串燒都幾吸引，特別係燒雞心串同牛舌心串，雞心唔係成日改倒搵到，牛舌心係牛舌既正中間部分，特別好味！試左黑松露雜菌湯，雜菌湯非常之香濃，一啲都無溝水，配上黑松露係幾好味！至於蟹肉沙律都無令人失望，蟹肉份量都好多，食完串燒食下沙律幫助下消化都唔錯呀！

樓上舖生蠔主題餐廳 每日精選各國新鮮肥美生蠔食物種類繁多 海鮮菜式、日式刺身、沙律、鐵板菜式、意粉等任君選擇👍🏻宵夜時間（夜晚930後）仲有7折 好抵食呀💓.🐈🎀ᴛᴀsᴛᴇ: ★★★★☆ ᴠᴀʟᴜᴇ ᴡᴏʀᴛʜ: ★★★★☆.▪️生蠔 美國珍珠蠔 $50/unitN1 新鮮肥美 滑溜溜😋.▫️生蠔 西班牙Arousa $60/unitN1 口感冇咁滑身 富海水味.▪️三文魚刺身 (5片) $78花紋唔錯 好新鮮 有乾冰保持溫度 .▫️日式安格斯牛肉稻庭烏冬 $117牛肉唔會太熟 湯底好濃郁 質素好高🤤.▪️黑松露炸薯條 $88好大份 黑松露醬好足 啱曬我呢啲食乜都要多醬嘅人士.▫️香辣蝦蝦意粉 $128有成5,6隻蝦 一啲都唔馬虎麵條軟硬度剛好 入味又彈牙👍🏻.📍Deep Sea Oyster & Steak🐾尖沙咀山林道38號銀座38 13樓A號舖💸$506/2people.❝☺︎ ғᴏʟʟᴏᴡ ᴜs @ragdoll.kjai ғᴏʀ ᴍᴏʀᴇʀᴀɢᴅᴏʟʟ ᴅᴀɪʟʏ𓃠⸝⸝꙳ ғᴏᴏᴅɪᴇ𓌉◯𓇋 ‎‎‎ʙᴇᴀᴜᴛʏ⋆̩♬︎ ʟɪғᴇsᴛʏʟᴇ*⋆✈︎❞

朋友生日慶祝話想食生蠔，經過一番研究之後，選址左尖沙咀呢間樓上西餐廳食晚飯慶祝生日。餐廳好有格調，氣氛幾唔錯，食物選擇都幾多，當然唔少得主角生蠔。餐廳的是日推介都會有小小唔同。見到有生蠔餐，二話不說就點左，生蠔有6隻，試左唔同國家既生蠔，每隻都好大隻，而且好新鮮，好滿足！生蠔餐另外仲包左三款刺身，有帶子、三文魚、象拔蚌，刺身一樣咁新鮮，以生蠔+刺身$500有找嘅價錢一啲都唔貴。蟹肉沙律：比想像中大碟，除咗有蟹肉之外，仲有蟹籽，十分醒胃。松露什菌湯：真材實料，濃度夠稠，濃濃的什菌加上黑松露非常match!呢度嘅串燒都幾值得推介，火候燒得剛好，仲有罕有嘅牛舌心食添！

前2日同老公黎呢道慶祝生日，不得不讚讚呢間餐廳嘅牛同埋生蠔！！餐廳環境幾靚，枱與枱之間都隔得開夜晚燈光暗啲，幾有情調餐廳擺放左個黑板，寫左啲餐牌入面無嘅菜式同埋生蠔款式我問侍應有冇推介嘅生蠔，佢大概講左呢幾種嘅生蠔特質俾我參考最後我揀左美國珍珠蠔（左）同西班牙Arousa(右），店員教我食左美國蠔先美國蠔肉厚，口感creamy，味道鮮甜啲。西斑牙蠔口感爽口，海水味濃啲。呢款加左檸檬味中和啲咸味，更加鮮燒牛舌芯呢串串燒真係不得了牛舌勁爽彈，完全唔韌！有牛味，黑椒同鹽味又夠即刻叫多串食美國prime牛小排全晚最驚喜係呢塊牛小排顏色賣相好靚，牛肉肉質好嫩，油脂好香，牛肉味好出，配埋佢嘅醬汁同脆蒜 層次豐富！係我今年食過最高質嘅牛

雖然餐廳喺尖沙咀，但整條街都比較入同少人，所以可以靜靜地食餐飯~ 我地叫咗個一人商務套餐，但其實兩個人分嚟食都還可以！是日精選湯係三文魚海鮮湯。湯就咁聞都覺得好濃味又足料，作為餐湯一流！套餐配隨機兩款生蠔，店員會同我地介紹來源同建議進食次序。雖然無得自己揀，但質素都係好好！我覺得牛油煎大蝦係是日最好食嘅，大蝦唔會煮得太熟之餘，又充滿牛油味。連蝦頭部份都係好香，唔會有苦味。主食安格斯牛肉相對無咁特別，但都係煎得啱啱好~食完牛油煎大蝦之後，隨即encore多個帶子。果然無令我地失望，帶子好新鮮，加埋清酒同其他調味，感覺好用心。套餐仲附送一杯野飲，我地就加咗10蚊差價叫咗石榴特飲。整體嚟講，餐廳環境寧靜，裝修都幾有格調，幾適合紀念日嚟靜靜地過二人世界~

這次我們來到了一家以生蠔和刺為主嘅餐廳。作為一個海鮮控，我對這裡的菜單充滿期待。今天我們品嚐了來自不同國家的生蠔，包括法國、西班牙和日本的生蠔。首先，讓我們來評價一下法國生蠔。法國生蠔肉質柔軟，味道清甜，且口感豐富，非常適合生吃。其次，西班牙生蠔的口感較為韌性，但味道較濃郁，且帶有一點點的鹹味，讓人回味無窮。最後，日本生蠔的特點在於其肉質鮮嫩，口感較爽滑，且味道清新，沒有太多的腥味。接下來，我們點哋都叫咗幾款刺身，每一種都有其獨特的風味和口感。這裡的刺身新鮮度非常高，每一塊都散發著海洋的鮮味，且切得非常精細。每一口都能嚐到魚肉的鮮美，絕對是一個海鮮愛好者的天堂。其他串燒和串燒都不過不失！甜品一定要點朱古力雪糕、雜莓同蕉糖味蛋糕🍰都好美味又吾太甜總體而言，這家餐廳的生蠔和刺身都是非常出色的。不同國家的生蠔各具特色，而刺身的新鮮度和切割技術也非常優秀。如果您是一個海鮮控，那麼這裡絕對值得一試。🌟

同朋友喺尖沙咀行完街後，上網見到呢間餐廳嘅食評唔錯，就入黎試吓，果然冇令我失望。餐廳內環境幾好，裝修以墨綠色為主，有高級餐廳嘅氣氛。餐牌內有幾個套餐，但我同朋友共3個人都想試多啲小食，就冇叫套餐而散叫食物。首先小食試左 牛油煎帶子 同 鐵板南非鮑魚兩樣海鮮都非常新鮮，亦煮得好淋，海鮮味亦唔會俾調味料蓋過，好高質！西京燒比目魚 亦好出色燒得剛剛好，仍有水份。我最鍾意食燒烤味嘅比目魚再加上沙律醬。 燒原隻日本魷魚 嘅份量就多到嚇親我hahaaa 我本身最怕食燒魷魚，因為通常都好乾好咸，但呢個燒魷魚就完全唔同，份量仲多到最後食唔晒。燒牛舌心串 同 燒雞肉棒 我要俾100分！牛舌又大塊又厚切，燒得好香。呢度嘅燒雞肉棒係冇雞蛋架，但仍然好好味。呢間餐飯嘅燒烤真係做得唔錯最後仲叫左 美國安格斯肉眼。 叫7成煮得剛剛好，入口好多肉汁，牛扒本身牛味亦重，來貨應該唔係cheap嘢。加上蒜片一流整體嚟講，邊間餐廳定質素好好，尤其係燒物，我都會推介朋友再嚟啊！