Deep Sea Oyster & Steak

營業中

休息中

今日去左位於山林道 銀座38 13樓嘅 Deep Sea Oyster and Steak食晚飯。叫左一個深海精選套餐，包左是日餐湯，沙律，新鮮生蠔兩隻，牛油煎大蝦兩隻，主菜要左羊架。飲品揀左杯熱白桃烏龍茶。是日餐湯，係三文魚濃湯，飲濃好香濃，唔會有腥味，仲有三文魚肉。新鮮沙律菜配少少泰式酸辣醬，好開胃。新鮮生蠔兩隻，左手邊係法國凱撒XV蠔 右手邊係西非野生蠔，店員話先食先食法國凱撒XV蠔。法國凱撒XV蠔食落較濃海水味，西非野生蠔較大隻而肉質厚身，食落好新鮮~牛油煎大蝦兩隻，已起好殼咬落可以啖啖肉，肉質彈牙，有鮮甜味。主菜要左羊架，羊架煎得啱啱好香濃羊肉味但唔羶，肉質嫰滑。飲品揀左杯熱白桃烏龍茶，係茶包，飲落清香。呢個set嘅食物質素都唔錯，餐廳靜靜地，都幾好氣氛。