Day One Cafe (駱駝漆大廈第三座)

營業中

休息中

平時嚟觀塘都會去下d工廈搵食 今日同朋友就嚟咗駱駝漆呢度 見呢間餐廳裝修係走黑白灰嘅水泥風 主打低碳同生酮飲食就諗住試下啦 不過本身想試嘅椰菜花飯咁啱今日無 所以最後都係叫咗我心愛嘅牛肉香煎澳洲草飼肉眼牛扒配薯蓉叫咗7成熟嘅肉眼牛扒火喉控制得啱啱好 食落肉質唔會太鞋而且仲保留到肉汁 加上黑胡椒調味令到個牛味更出 伴碟嘅薯蓉入口好creamy順滑 仲有蕃茄仔同埋秋葵煙三文魚牛油果芝士卷 (2卷)呢款芝士卷雖然睇落細細份但相當之精緻 由多片嘅煙三文魚捲成花形狀 再係面頭鋪上新鮮嘅牛油果醬同水牛芝士 最後再灑上黑醋 成個組合嘅味道好fresh 草莓乳酸梳打清爽嘅乳酸梳打仲有唔少嘅士多啤梨果肉 兩者混合可以恰到好處咁中和咗甜味 飲落就唔會過於甜膩

餐廳裝修型格，座位闊落坐得舒服。嘢食方面都有幾多選擇，同埋佢好好，某一啲款式可以揀碳水定係椰菜花飯，同埋有啲有雞胸肉，真係適合計緊飲食嘅朋友。卡邦尼扁意粉佢係傳統卡邦尼意粉嘅做法，意粉軟硬度適中，雞蛋忌廉比例啱啱好，所以食落去唔會話好膩。再加上厚身鹹香味十足嘅Bacon，比出邊好多Cafe都做得好食。明太子蟹肉椰菜花飯呢一個椰菜花飯有驚喜，椰菜花飯出邊Cafe都比較少見，原本都驚唔夠飽，但係其實都好飽肚。因為首先佢份量都幾多，然後佢加埋明太子蟹肉，佢嘅質地有啲似risotto, 所以食落好溫暖，滿滿嘅蟹肉，喺最尾仲有少少嘅明太子辛辣味，係鮮味十足嘅一道菜。Dirty 呢度都好專業，會先問你想要fruity 定nutty 既口味， 呢杯dirty 都幾好飲。

觀塘區有好多餐廳，但要揾一間主打健康又價錢合理嘅餐廳真係唔容易。而家我同朋友去咗Day One Café食午餐，真係好驚喜！我揀咗蒜香橄欖油煙鴨胸配翠玉瓜麵嘅套餐，套餐包餐湯同飲品（茶）。餐湯方面，當日嘅湯係番茄湯，好濃郁番茄味，份量好足夠，絕對唔會令你失望。主菜方面，鴨胸好香嫩，唔太鹹，翠玉瓜麵好爽脆，再加上微辣嘅蒜香橄欖油，好開胃。雖然我冇特別食生酮餐，但食完個翠玉瓜麵之後攝取咗好多纖維，感覺好健康我個朋友就食咗全日早餐，冇特別影相，但份量超級足夠！

Cafe通常都係食意粉、all-day breakfast 同甜品，但呢個位於觀塘嘅Day One Cafe就竟然有啲keto / low-carb嘅選擇，例如翠肉瓜麵同埋椰菜花飯，仲有好啱做gym 人士嘅高蛋白質餐💪🏼🤣•🥢 煙三文魚黑松露炒蛋牛油果醬酸種多士配沙律 $92炒蛋超級滑溜，帶少少黑松露味，蓋住下面嘅牛油果醬同埋煙三文魚，原來都幾夾🤤 酸種麵包比較薄，但都食得出有麵粉香～ 旁邊嘅生菜沙律睇落好似好dry，但其實都有落少許沙律醋嘅，味道幾清新，又無沙律醬咁肥🫢 不過整體有啲細份～•🥢 高蛋白質營養餐 $98180g 慢煮雞胸、120g 三色螺絲粉、黑醋沙律呢個健康餐係朋友食嘅🤭 雞胸有簡單調味，有啲香草、黑椒同埋甜椒粉～食落都唔會好乾好嚡，仲可以點埋黑醋汁一齊食～ 而加埋螺絲粉同沙律，呢個餐夠飽肚又有營養😆 •🥢 焙茶鮮奶 $48焙茶味唔算好濃，不過夠香，加埋鮮奶嘅味道都好balance，不過如果焙茶味再濃啲就好了🫢•🥢 濃郁開心果巴斯克蛋糕 $68我上兩個月嚟食嘅時候，Day One Cafe同Silky Pastry crossover就出咗呢個開心果巴斯克蛋糕🤩 蛋糕

位於觀塘駱駝漆的型格水泥簡約風Cafe，主打低碳及生酮飲食，菜式健康又好食，岩晒健康飲食的靚靚們！！🏃‍♀️🌹- 日本帆立貝明太子意粉 HK$112 🦪🍝🐟帆立貝用日式汁煮烹製，散發日本甜醬油香氣，肉質肥美鮮味十足，口感豐富。明太子醬微微咸香完美搭配意粉，惹味又過癮。- 生酮全日早餐 HK$88 🥑🐟🦆🍅🍳健康、低碳水化合物的選擇，包含煙鴨胸，煙三文魚，牛油果，水波蛋，原型食物食出健康味道。

喺Day One嘅一餐，食完真係成個人幸福到不得了。表面平平無奇，但係味道層次豐富到爆炸！先嚟個韓式泡菜鮮蝦椰菜花飯，椰菜花飯嘅texture爽口得嚟保持咗米飯嘅咬勁🍚，混埋入口微辣爽快嘅泡菜同鮮蝦，我可以話你知，呢碟飯唔使食你都知好味！而件煙三文魚牛油果芝士卷，擺明就係社交平台打卡必備啦，但味道方面絕對唔係光看相咁簡單。煙三文魚新鮮滑嫩，搭配嘅牛油果creaminess就簡直係搭檔中嘅拍檔。若單芝士再濃郁啲，我就真係可以話無話可說喇🧀。飲品部分，House Blend Tiramisu就真係令呢個老細飲得我心花怒放。咖啡香氣四溢，抬頭一喝望過去就見到滿滿嘅咖啡藝術☕。我再嚟杯蝶豆花蜜桃烏龍茶梳打，嗰個色彩靚到不得了，飲一口先得嗰種甜甜嘅回味，真係清新爽口！呢度嘅氛圍又係一絕，黑白灰嘅風格低調而優雅。聽人講廚師同咖啡師嘅配合默契十足，由食物到飲品我都能感受到呢份用心👨‍🍳。得閒真係要再黎試下其他嘢，希望下次嘅體驗都可以keep住呢個水平！嘩，諗起都興奮呀！

最近駱駝漆開咗間主打🔥生酮🔥低碳 既型格水泥風Cafe🥳試左dinner set包好多野幾抵食！有齊soup+salad+starter+main+drink+dessert⭐️雞肉忌廉湯 👍🏻入面好多雞肉=多protein😍⭐️煙三文魚牛油果醬芝士卷⭐️慢煮雞胸牛油果沙律 👍🏻雞胸軟身唔會嚡熠熠⭐️黑松露氣炸薯條 🙈 個醬幾好味但好難點⭐️蝦汁鮮蝦椰菜花飯 👍🏻大大減低食飯的罪疚感⭐️日本帆立貝明太子意粉🍹Ice Hojicha latte 👍🏻有甘甘地味🍹Ice Matcha latte🍰Macaron (daily dessert)

星期二中午見今日遲左放飯兩點幾，見間cafe門口擺左d聖誕裝飾吸引左我入場睇餐單。入到店問店員有乜好食推介，佢就介紹我食鴨胸翠玉瓜麵，第一次聽翠玉瓜麵覺得好新奇就試下，好爽口鴨胸肥美，因為低碳水食完唔眼訓岩哂我下半就返去做野，再飲埋佢個啡可以揀豆，我揀左佢個埃塞俄比亞齋啡，正、帶花香帶少少酸但易入口岩我口味。同見佢地做緊聖誕節套餐，提早訂會平，$200人頭有扒食幾抵。下次會再黎 謝謝店員招待👍🏻👍🏻👍🏻👍🏻

📍觀塘 | Day One Cafe觀塘駱駝漆有好多美味嘅隱世小店，今次去咗新開嘅Day One Cafe ☕️今次比較夜，8點先去到，唔需要等位就入得。入面嘅裝修好新好靚，係我鐘意嘅工業簡約風~而食物都無令我失望！✨蒜香橄欖油鴨胸翠玉瓜麵以橄欖油同蒜香、辣椒調味的鴨胸搭配著翠玉瓜麵，帶來一道口感豐富的美食體驗。鴨胸肉嫩滑多汁，融合著橄欖油的香氣，與瓜麵的清爽口感形成出色的對比。我本身係一個超鐘意食翠玉瓜嘅人，所以覺得好好味！✨蒜香蟹肉忌廉扁蔥粉讓人驚艷的蒜香蟹肉忌廉扁蔥粉，將蟹肉的鮮味和蒜香的香氣完美結合，而且係超多蟹肉！✨雞肉串燒鮮嫩多汁嘅雞肉為主角配上照燒汁，非常美味！必叫！✨黑松露氣炸薯條我地覺得薯條唔夠脆同熱。本身有諗過會唔會係我地影相影耐咗？但我地其實真係影得好快......可能因為店員問我地食物係唔係一齊上嘅時候我地話一齊上，所以擺咗一陣？🫶🏻Tiramisu Cappuccino濃郁嘅Tiramisu同濃厚嘅卡布奇諾咖啡嘅結合。使用自家精品咖啡豆及高級意大利軟芝士，冷熱口感；交織出濃郁的咖啡風味，絕對是咖啡愛好者的絕佳選擇。我覺得超好味，必叫！！Day One Cafe嘅

今次又嚟開發下駱駝漆有咩美食！呢間隱世Cafe裝修好簡約，以黑色型格色調為主，菜式選擇好多，有低卡低碳選擇，咁就唔怕咁易食肥啦！今次衝着佢哋個「飲得嘅Tiramisu」而嚟💕，使用自家精品咖啡豆同高級意大利軟芝士，味道一流，夠晒創新！------------------------------🥗◖煙三文魚牛油果沙律配檸檬柚子醬◗ $92呢款性價比相對冇咁高，但勝在食得健康！有四至五片煙三文魚，加上半個牛油果，配上雜菜，檸檬柚子醋酸酸甜甜，有啲似柚子蜜，清新健康之選！🥪◖煙三文魚黑松露炒蛋牛油果醬酸種多士配沙律◗ $92黑松露炒蛋真係不得了，炒得好滑成個炒蛋瀑布咁，而且超香嘅黑松露味！酸種多士烘得外脆內軟，好香嘅麥味，搽上牛油果蓉同炒蛋，超滿足！伴碟嘅係沙律同柚子醋🍗◖氣炸烤雞翼◗ $48炸物用氣炸嘅方式，相對上冇咁油膩，烤雞翼有少少辣，幾惹味☕️◖提拉米蘇泡沫咖啡◗ $68呢個係飲得嘅Tiramisu，係佢哋嘅招牌，一定要試！一個杯仔入面有一半係咖啡，一半係意大利軟芝士，配上四條手指餅，可以先將手指餅浸喺咖啡裏面，再不少少芝士上個手指餅度，充滿着咖啡嘅香味，芝士嘅味道都好出，好特別！🍵◖

觀塘駱駝漆大廈新開咗間以工業風裝修嘅Cafe，同周邊嘅餐廳同埋商舖形成對比，有種與別不同嘅感覺。一入門就見到Cafe滿架嘅精品咖啡豆，感覺好醒神。重點推介🔥👍 高蛋白質營養餐 ℍ𝕚𝕘𝕙 ℙ𝕣𝕠𝕥𝕖𝕚𝕟 𝕄𝕖𝕒𝕝 180g嘅慢煮雞胸肉，肉質嫩滑又肉汁豐富，搭配120g嘅三色螺絲粉，彈牙嘅口感同雞胸肉嘅嫩滑好夾。再配上黑醋沙律，清新嘅口感可以中和肉類嘅味道，成個營養餐口感豐富又健康。👍 提拉米蘇泡沫咖啡 𝕋𝕚𝕣𝕒𝕞𝕚𝕤𝕦 ℂ𝕒𝕡𝕡𝕦𝕔𝕔𝕚𝕟𝕠 提拉米蘇泡沫咖啡係我最愛嘅甜品Tiramisu嘅變奏版，先咬一啖點咗高級意大利軟芝士嘅意大利手指餅，再飲一啖由餐廳自家精品咖啡豆製成嘅cappuccino，冷熱口感交融，創新又好味。📍Day One Cafe 觀塘開源道60號駱駝漆大廈第三座6樓U01室

餐廳：Day One Cafe (觀塘)地址：觀塘開源道60號駱駝漆大廈第三座6樓U01室隔咗幾個月再去觀塘駱駝漆大廈第三座6樓呢間開咗近半年嘅Day One Cafe，估唔到佢哋咁快就建立咗一套既完善又免費嘅會員系統，除咗用電話/Whatsapp訂座有85折優惠之外，生日月份仲送Tiramisu一份🎉，加上逢星期二至日每日都唔同嘅精選優惠、三個免費迎新優惠同儲積分換食物/飲品，吸引咗唔少食客即場做會員即場享用當中優惠😎除咗佢哋自己嘅House-blend咖啡豆之外，佢哋嘅食物都照顧到唔同人嘅需要👍，最近新出咗幾款甜品成為人氣大熱，一定要試佢哋嘅Tiramisu Cappuccino🤤✝️蒜香蟹肉忌廉扁意粉 $112頗有驚喜嘅扁意粉🍝，上枱見到一大團新鮮蟹肉碎球放咗喺意粉中間，勁量足料嘅蟹肉、蟹柳同蟹籽真喺比意粉嘅份量仲多🤣，蟹肉香味背後，隱藏住陣陣忌廉同蒜香🧄，加上洋蔥同蘑菇等配料，香味同口感層次更加豐富，食落亦相對冇咁膩✝️朱古力醬牛角包窩夫配雪糕 $78即叫即整嘅牛角包窩夫🧇，食落暖笠笠得嚟仲煙韌酥脆，加上兩球滑溜香濃嘅雲呢拿雪糕同朱古力醬🍨，溫度同口感嘅對比形成味覺同味蕾嘅衝擊🤩，

歡塘老母區，尤其駱駝漆大廈成日都要排晒隊先上到去餐廳，但係呢度嘅性價比真係好高，今次中午時分揀咗6樓的Day one ，選擇原因，因為佢主打低碳飲食，有椰菜花飯，甜品都可以揀同本地烘焙店合作的，好似芝士蛋糕咁，性價比都好高。🔹食物🔹🔸韓式泡菜鮮蝦椰菜花飯🔸椰菜花飯真係心血來，要做到好似唔講都以為係食緊飯，不容易，口感好好，泡菜再多啲啲，辣啲更好。🔸煙三文魚牛油果芝士卷🔸三文魚性價比高，牛油果份量都足夠，芝士多點點更好。🔹飲品🔹🔸 House Band coffee Tiramisu🔸光顧的其中一個原因都係為咗呢杯House Blend Tiramisu ，一邊是咖啡，另一邊是Tiramisu，再加上經典手指餅，可點咖啡或Tiramisu，玩味重，也具質素。Tiramisu 都是用高級意大利芝士Mascarpone處理，咖啡比較Fruity ，但都是用精品咖啡豆處理，內涵兼備 ‼️卡布奇諾提拉米蘇（HK$68） T🔸Latte🔸佢哋訂咖啡豆主要係用埃塞俄比亞，拉花靚，奶比例適中，滿口咖啡感。🔸蝶豆花蜜桃烏龍茶梳打🔸蝶豆花經常都有，但加上蜜桃烏龍茶比較少有，蜜桃嘅甜味中和咗原本比較淡嘅味道。

觀塘最近又有新Cafe，店內裝修以灰黑色為主調，佢地主打卡布奇諾提拉米蘇，飲得嘅Tiramisu大家又試過未呢？文末仲有限時買一送一優惠🔥記得睇到最後_🐷醬燒豬肋骨配沙律 $158Weekend Special Menu先有既，醬汁好惹味，豬肋骨十分厚肉幾入味，旁邊仲有薯條同沙律菜有助解膩🍫朱古力醬牛角包窩夫配雪糕 $78牛角包窩夫即叫即整，外酥內軟，面頭加咗朱古力醬同兩球雲尼拿雪糕，食既時候有冰火相融既感覺☕️卡布奇諾提拉米蘇 $68黎到必試呢個食得又飲得嘅Tiramisu🌟佢地用咗自家精品咖啡豆☕️同高級意大利軟芝士🧀整成，一杯有齊冷熱口感😌 大家可以自己將手指餅浸入咖啡，口感會更加豐富☕️手沖咖啡 Hand Drip - Fruity $55今次試左佢地既手沖，可選豆，飲既時候帶點花香幾易入口

Day One Cafe是一間低碳水化合物餐廳的健康概念Cafe，減肥期間也適合享用；裝潢以灰色為設計主軸，型格時尚。<日本帆立貝明太子扁意粉> $112扁意粉有兩粒大帆立貝，顏色特別，帆立貝有特別醃製，入味軟淋，爽口的扁意粉遇上明太子醬汁，伴隨紫洋蔥和菇菇，creamy有咬口。<蒜香蟹肉忌廉扁意粉> $112同樣是扁意粉，有蟹肉、蟹柳、蟹籽、蒜蓉，蟹肉多到整座山~將所有配料拌勻，每一口都吃到蟹肉和蟹籽，真心性價比高。<提拉米蘇泡沫咖啡> $68泡沫咖啡以一半咖啡和一半忌廉芝士組成，既像甜品也好像飲品。使用了店家的精品咖啡豆以及高級意大利軟芝士，手指餅灑上糖粉，浸入咖啡中呈現冷熱口感，苦與甜的平衡都好好。<雜莓沙冰> $52平時雜莓沙冰都是甜味/奶味為出，但這個沙冰酸酸甜甜，很清爽開胃。最近餐廳有限時優惠，在11月19號之前點一份主食，再叫提拉米蘇泡沫咖啡就享有買一送一優惠，有興趣的就不要錯過了。