Day One Cafe (駱駝漆大廈第三座)

營業中

休息中

朋友介紹觀塘駱駝漆有間好食的西餐廳，於是今晚收工就walk in 過黎食，職員都好主動講有咩item今晚係冇，竟然冇我bookmark 想食的提拉米蘇泡沫咖啡🥲🥲唯有下次再黎過。卡邦尼扁意粉$92佢啲煙肉係厚身切到大大舊，咸香味好重👍👍每條意粉都俾creamy的汁包住，正呀😍😍焗醬燒豬肋骨配薯蓉$148豬肋骨好容易切開，BBQ味入曬去個ribs入面，配菜有薯蓉，車厘茄同秋葵，上枱以為份量唔算多，點知食完好飽🤣🤣另外仲叫左兩杯飲品Mixed berry smoothies $37冰凍口感加上入口酸味味，咁熱天氣飲一流🙊Dirty $30咖啡味好濃，好飲👍👍餐廳顏色格調用左黑白灰色，帶點工業風；職員好主動會斟水，有禮貌，值得一讚👍

今次嚟到觀塘駱駝漆大廈嘅呢一間Cafe，舖頭走呢個型格路線，幾新淨。一日到去見到侍應哥哥好認真咁抹枱，衛生程度唔錯。呢度嘅Express Tonic有得揀Fruity 同埋Nutty，一於揀晒兩隻試吓分別。有漸層嘅呢一杯係Nutty味道，配埋湯力水非常清新，入口飲到烘焙味幾重。Fruity 呢杯一樣出色，感覺比上一杯酸少少，飲唔慣咖啡嘅朋友必選。焗醬燒豬肋骨熱盤今次揀咗豬肋骨配薯蓉，美式嘅BBQ醬酸酸甜甜，豬肋骨夠腍，份量仲唔少。薯蓉更加係一大加分，夠晒Creamy。氣炸香烤雞翼烤雞翼份量都唔少，有五隻，醬汁同豬肋骨相似， Juicy。同場見到其他人幫襯佢嘅意粉，下次一於試吓。總結，係一個同朋友聚腳吹水嘅好地方。

焗醬燒豬肋骨配薯蓉$148餐廳用左惹味嘅BBQ醬去醃豬肋骨，而且醃得夠長時間，每一條豬肋骨都好入味。BBQ 醬甜甜酸酸，加上淡淡微辣嘅後勁，食起上嚟好惹味。豬肋骨都好大嚿，加埋都有五條骨，而且每一條都同手掌差唔多大。配料揀左焗蕃茄仔同秋葵，焗咗嘅蕃茄仔提供額外嘅甜味。而且薯蓉都好嫩滑，焗完之後都係好綿密。提拉米蘇泡沫咖啡$68餐廳嘅特別飲品！飲品加入正宗tiramisu mascarpone cheese ，飲落去味道同飲緊真正嘅Tiramisu好似。餐廳一次過提供四支手指餅，大家可以盡情咁樣將tiramisu 飲落口。

放工去駱駝漆行行一陣再買啲嘢返屋企食久唔久行下駱駝漆都有好多新驚喜駱駝漆六樓見到這間,這間cafe,門面好型格門口睇餐牌見到竟然有椰菜花飯,就決定買返屋企做晚餐A6焗醬燒豬肋骨配薯蓉B4 松葉蟹肉明太子炒椰菜花飯+ 酸種麵包外賣帶走非常整齊，覺得午餐買返公司食應該都唔錯醬燒豬肋骨配薯蓉好大份，店員話幫我哋分咗兩盒非常好，兩個人食人一盒每份都有三條骨即係總共有六條肉的份量比想像中都多肉質嫩滑， 醬汁唔會太甜薯蓉又再分開一盒，薯蓉唔會黐住曬喺啲豬肋骨， 覺得這間店舖都幾有心松葉蟹肉明太子炒椰菜花飯非常期待這個食物， 好耐冇食過椰菜花飯好健康仲有松葉蟹裏面仲有勁多菇椰菜花飯都好似飯，食落好似意大利飯 因為驚唔夠飽所以加咗一個酸種麵包不過其實都好夠食加15蚊以為得一件，原來有兩件份量真係都好公道買嘅時候見到有會員優惠， 感覺都幾抵仲有得儲分， 300分就可以換到雞翼,即係食多一次就已經可以換到見到門口都有好多咖啡包可以買等外賣嘅時候聞到咖啡都好香不過今日外賣就冇叫飲品驚倒瀉下週放工可以約埋啲同事放工嚟食餐廳店員好有禮貌，又會細心問要唔要餐具 見我哋要豬肋骨仲畀咗濕紙巾我哋咁有心嘅餐廳真係值得推

平時嚟觀塘都會去下d工廈搵食 今日同朋友就嚟咗駱駝漆呢度 見呢間餐廳裝修係走黑白灰嘅水泥風 主打低碳同生酮飲食就諗住試下啦 不過本身想試嘅椰菜花飯咁啱今日無 所以最後都係叫咗我心愛嘅牛肉香煎澳洲草飼肉眼牛扒配薯蓉叫咗7成熟嘅肉眼牛扒火喉控制得啱啱好 食落肉質唔會太鞋而且仲保留到肉汁 加上黑胡椒調味令到個牛味更出 伴碟嘅薯蓉入口好creamy順滑 仲有蕃茄仔同埋秋葵煙三文魚牛油果芝士卷 (2卷)呢款芝士卷雖然睇落細細份但相當之精緻 由多片嘅煙三文魚捲成花形狀 再係面頭鋪上新鮮嘅牛油果醬同水牛芝士 最後再灑上黑醋 成個組合嘅味道好fresh 草莓乳酸梳打清爽嘅乳酸梳打仲有唔少嘅士多啤梨果肉 兩者混合可以恰到好處咁中和咗甜味 飲落就唔會過於甜膩

餐廳裝修型格，座位闊落坐得舒服。嘢食方面都有幾多選擇，同埋佢好好，某一啲款式可以揀碳水定係椰菜花飯，同埋有啲有雞胸肉，真係適合計緊飲食嘅朋友。卡邦尼扁意粉佢係傳統卡邦尼意粉嘅做法，意粉軟硬度適中，雞蛋忌廉比例啱啱好，所以食落去唔會話好膩。再加上厚身鹹香味十足嘅Bacon，比出邊好多Cafe都做得好食。明太子蟹肉椰菜花飯呢一個椰菜花飯有驚喜，椰菜花飯出邊Cafe都比較少見，原本都驚唔夠飽，但係其實都好飽肚。因為首先佢份量都幾多，然後佢加埋明太子蟹肉，佢嘅質地有啲似risotto, 所以食落好溫暖，滿滿嘅蟹肉，喺最尾仲有少少嘅明太子辛辣味，係鮮味十足嘅一道菜。Dirty 呢度都好專業，會先問你想要fruity 定nutty 既口味， 呢杯dirty 都幾好飲。

觀塘區有好多餐廳，但要揾一間主打健康又價錢合理嘅餐廳真係唔容易。而家我同朋友去咗Day One Café食午餐，真係好驚喜！我揀咗蒜香橄欖油煙鴨胸配翠玉瓜麵嘅套餐，套餐包餐湯同飲品（茶）。餐湯方面，當日嘅湯係番茄湯，好濃郁番茄味，份量好足夠，絕對唔會令你失望。主菜方面，鴨胸好香嫩，唔太鹹，翠玉瓜麵好爽脆，再加上微辣嘅蒜香橄欖油，好開胃。雖然我冇特別食生酮餐，但食完個翠玉瓜麵之後攝取咗好多纖維，感覺好健康我個朋友就食咗全日早餐，冇特別影相，但份量超級足夠！

Cafe通常都係食意粉、all-day breakfast 同甜品，但呢個位於觀塘嘅Day One Cafe就竟然有啲keto / low-carb嘅選擇，例如翠肉瓜麵同埋椰菜花飯，仲有好啱做gym 人士嘅高蛋白質餐💪🏼🤣•🥢 煙三文魚黑松露炒蛋牛油果醬酸種多士配沙律 $92炒蛋超級滑溜，帶少少黑松露味，蓋住下面嘅牛油果醬同埋煙三文魚，原來都幾夾🤤 酸種麵包比較薄，但都食得出有麵粉香～ 旁邊嘅生菜沙律睇落好似好dry，但其實都有落少許沙律醋嘅，味道幾清新，又無沙律醬咁肥🫢 不過整體有啲細份～•🥢 高蛋白質營養餐 $98180g 慢煮雞胸、120g 三色螺絲粉、黑醋沙律呢個健康餐係朋友食嘅🤭 雞胸有簡單調味，有啲香草、黑椒同埋甜椒粉～食落都唔會好乾好嚡，仲可以點埋黑醋汁一齊食～ 而加埋螺絲粉同沙律，呢個餐夠飽肚又有營養😆 •🥢 焙茶鮮奶 $48焙茶味唔算好濃，不過夠香，加埋鮮奶嘅味道都好balance，不過如果焙茶味再濃啲就好了🫢•🥢 濃郁開心果巴斯克蛋糕 $68我上兩個月嚟食嘅時候，Day One Cafe同Silky Pastry crossover就出咗呢個開心果巴斯克蛋糕🤩 蛋糕

位於觀塘駱駝漆的型格水泥簡約風Cafe，主打低碳及生酮飲食，菜式健康又好食，岩晒健康飲食的靚靚們！！🏃‍♀️🌹- 日本帆立貝明太子意粉 HK$112 🦪🍝🐟帆立貝用日式汁煮烹製，散發日本甜醬油香氣，肉質肥美鮮味十足，口感豐富。明太子醬微微咸香完美搭配意粉，惹味又過癮。- 生酮全日早餐 HK$88 🥑🐟🦆🍅🍳健康、低碳水化合物的選擇，包含煙鴨胸，煙三文魚，牛油果，水波蛋，原型食物食出健康味道。

喺Day One嘅一餐，食完真係成個人幸福到不得了。表面平平無奇，但係味道層次豐富到爆炸！先嚟個韓式泡菜鮮蝦椰菜花飯，椰菜花飯嘅texture爽口得嚟保持咗米飯嘅咬勁🍚，混埋入口微辣爽快嘅泡菜同鮮蝦，我可以話你知，呢碟飯唔使食你都知好味！而件煙三文魚牛油果芝士卷，擺明就係社交平台打卡必備啦，但味道方面絕對唔係光看相咁簡單。煙三文魚新鮮滑嫩，搭配嘅牛油果creaminess就簡直係搭檔中嘅拍檔。若單芝士再濃郁啲，我就真係可以話無話可說喇🧀。飲品部分，House Blend Tiramisu就真係令呢個老細飲得我心花怒放。咖啡香氣四溢，抬頭一喝望過去就見到滿滿嘅咖啡藝術☕。我再嚟杯蝶豆花蜜桃烏龍茶梳打，嗰個色彩靚到不得了，飲一口先得嗰種甜甜嘅回味，真係清新爽口！呢度嘅氛圍又係一絕，黑白灰嘅風格低調而優雅。聽人講廚師同咖啡師嘅配合默契十足，由食物到飲品我都能感受到呢份用心👨‍🍳。得閒真係要再黎試下其他嘢，希望下次嘅體驗都可以keep住呢個水平！嘩，諗起都興奮呀！

最近駱駝漆開咗間主打🔥生酮🔥低碳 既型格水泥風Cafe🥳試左dinner set包好多野幾抵食！有齊soup+salad+starter+main+drink+dessert⭐️雞肉忌廉湯 👍🏻入面好多雞肉=多protein😍⭐️煙三文魚牛油果醬芝士卷⭐️慢煮雞胸牛油果沙律 👍🏻雞胸軟身唔會嚡熠熠⭐️黑松露氣炸薯條 🙈 個醬幾好味但好難點⭐️蝦汁鮮蝦椰菜花飯 👍🏻大大減低食飯的罪疚感⭐️日本帆立貝明太子意粉🍹Ice Hojicha latte 👍🏻有甘甘地味🍹Ice Matcha latte🍰Macaron (daily dessert)

星期二中午見今日遲左放飯兩點幾，見間cafe門口擺左d聖誕裝飾吸引左我入場睇餐單。入到店問店員有乜好食推介，佢就介紹我食鴨胸翠玉瓜麵，第一次聽翠玉瓜麵覺得好新奇就試下，好爽口鴨胸肥美，因為低碳水食完唔眼訓岩哂我下半就返去做野，再飲埋佢個啡可以揀豆，我揀左佢個埃塞俄比亞齋啡，正、帶花香帶少少酸但易入口岩我口味。同見佢地做緊聖誕節套餐，提早訂會平，$200人頭有扒食幾抵。下次會再黎 謝謝店員招待👍🏻👍🏻👍🏻👍🏻

📍觀塘 | Day One Cafe觀塘駱駝漆有好多美味嘅隱世小店，今次去咗新開嘅Day One Cafe ☕️今次比較夜，8點先去到，唔需要等位就入得。入面嘅裝修好新好靚，係我鐘意嘅工業簡約風~而食物都無令我失望！✨蒜香橄欖油鴨胸翠玉瓜麵以橄欖油同蒜香、辣椒調味的鴨胸搭配著翠玉瓜麵，帶來一道口感豐富的美食體驗。鴨胸肉嫩滑多汁，融合著橄欖油的香氣，與瓜麵的清爽口感形成出色的對比。我本身係一個超鐘意食翠玉瓜嘅人，所以覺得好好味！✨蒜香蟹肉忌廉扁蔥粉讓人驚艷的蒜香蟹肉忌廉扁蔥粉，將蟹肉的鮮味和蒜香的香氣完美結合，而且係超多蟹肉！✨雞肉串燒鮮嫩多汁嘅雞肉為主角配上照燒汁，非常美味！必叫！✨黑松露氣炸薯條我地覺得薯條唔夠脆同熱。本身有諗過會唔會係我地影相影耐咗？但我地其實真係影得好快......可能因為店員問我地食物係唔係一齊上嘅時候我地話一齊上，所以擺咗一陣？🫶🏻Tiramisu Cappuccino濃郁嘅Tiramisu同濃厚嘅卡布奇諾咖啡嘅結合。使用自家精品咖啡豆及高級意大利軟芝士，冷熱口感；交織出濃郁的咖啡風味，絕對是咖啡愛好者的絕佳選擇。我覺得超好味，必叫！！Day One Cafe嘅

今次又嚟開發下駱駝漆有咩美食！呢間隱世Cafe裝修好簡約，以黑色型格色調為主，菜式選擇好多，有低卡低碳選擇，咁就唔怕咁易食肥啦！今次衝着佢哋個「飲得嘅Tiramisu」而嚟💕，使用自家精品咖啡豆同高級意大利軟芝士，味道一流，夠晒創新！------------------------------🥗◖煙三文魚牛油果沙律配檸檬柚子醬◗ $92呢款性價比相對冇咁高，但勝在食得健康！有四至五片煙三文魚，加上半個牛油果，配上雜菜，檸檬柚子醋酸酸甜甜，有啲似柚子蜜，清新健康之選！🥪◖煙三文魚黑松露炒蛋牛油果醬酸種多士配沙律◗ $92黑松露炒蛋真係不得了，炒得好滑成個炒蛋瀑布咁，而且超香嘅黑松露味！酸種多士烘得外脆內軟，好香嘅麥味，搽上牛油果蓉同炒蛋，超滿足！伴碟嘅係沙律同柚子醋🍗◖氣炸烤雞翼◗ $48炸物用氣炸嘅方式，相對上冇咁油膩，烤雞翼有少少辣，幾惹味☕️◖提拉米蘇泡沫咖啡◗ $68呢個係飲得嘅Tiramisu，係佢哋嘅招牌，一定要試！一個杯仔入面有一半係咖啡，一半係意大利軟芝士，配上四條手指餅，可以先將手指餅浸喺咖啡裏面，再不少少芝士上個手指餅度，充滿着咖啡嘅香味，芝士嘅味道都好出，好特別！🍵◖

觀塘駱駝漆大廈新開咗間以工業風裝修嘅Cafe，同周邊嘅餐廳同埋商舖形成對比，有種與別不同嘅感覺。一入門就見到Cafe滿架嘅精品咖啡豆，感覺好醒神。重點推介🔥👍 高蛋白質營養餐 ℍ𝕚𝕘𝕙 ℙ𝕣𝕠𝕥𝕖𝕚𝕟 𝕄𝕖𝕒𝕝 180g嘅慢煮雞胸肉，肉質嫩滑又肉汁豐富，搭配120g嘅三色螺絲粉，彈牙嘅口感同雞胸肉嘅嫩滑好夾。再配上黑醋沙律，清新嘅口感可以中和肉類嘅味道，成個營養餐口感豐富又健康。👍 提拉米蘇泡沫咖啡 𝕋𝕚𝕣𝕒𝕞𝕚𝕤𝕦 ℂ𝕒𝕡𝕡𝕦𝕔𝕔𝕚𝕟𝕠 提拉米蘇泡沫咖啡係我最愛嘅甜品Tiramisu嘅變奏版，先咬一啖點咗高級意大利軟芝士嘅意大利手指餅，再飲一啖由餐廳自家精品咖啡豆製成嘅cappuccino，冷熱口感交融，創新又好味。📍Day One Cafe 觀塘開源道60號駱駝漆大廈第三座6樓U01室