Day and Nite by Master Kama (已結業)

之前諗住去試中環嗰間龍蝦包但都未去過就執咗。啱啱出糧就食下宜間bookmark左好耐既龍蝦舖。試咗佢嘅芝士龍蝦包，其實份量都幾大。入邊啲芝士可以做到拉絲嘅效果，只不過龍蝦味唔重，整體黎講係好食但得好少龍蝦嘅鮮味。

去過兩次。第一次去係意外，因為太肚餓，原本預定嘅餐廳服務態度好差而離開，見到尼間餐廳就上去。上去！冇錯！係一樓，一開始嚇襯，好彩未推門進去已經有人招待，服務態度中規中矩。至於野食，算係物有所值。招牌燴飯好好食，份量足！意粉一般般。小食拼盤超好食又抵！但係沙律就唔值得⋯⋯我除左小食拼盤外，最鍾意就係佢地嘢飲，好味又好睇！各種少女心爆發，打卡好地方！裝修好靓，環境安靜，朋友聚會傾計好地方，我會選擇再去hea時間。想食飽肚又抵，推介晚餐時段。hea時間中午會安靜啲。

如果你系當正餐黎講無可能會飽 食物比起其他同類型餐廳相差太遠上黎影張相系可以 再食就真系唔好搞了 寧願食譚仔起碼人地價錢合理又食得飽 依一間只系用龍蝦做主題既扮高級餐廳連個位都迫到...

先叫左芝士龍蝦長通粉，味係係好食既，芝士味突出，唔係得個樣，但係份量真係太少，大約一隻女仔手醬咁大。龍蝦鉗都算大，算鮮甜。之後係薯條，同麥當勞無乜分別，係多左番薯條。不過有三隻sause ，蛋黃醬，龍蝦芝士醬，ranch+黑松露醬。超級推薦食ranch+黑松露醬，香味勁濃，會令你食完再食。由於個長通粉太少，所以叫多左半隻龍蝦。個鉗真係超級大，好甜又多汁，肉都算多，不過叫多隻就唔得啦，因為價錢唔平2人食左7百幾

前幾日係拍拖周年紀念，BOOK咗呢間想試好耐嘅餐廳﹗餐廳最出名係食龍蝦食物，懷孕期唔敢食太多，所以叫咗招牌龍蝦包拚雙色薯條+巴馬火腿薄餅+ 炸魚薯條，老公話：「應該唔會太大份啫當小食囉～」點知一上檯佢就O咀了﹗炸魚足足有我前臂咁長﹗﹗﹗現炸熱辣辣上檯，外脆內軟非常JUICY～估唔到食龍蝦出名嘅餐廳，炸魚薯條可以咁好食😍😍巴馬火腿薄餅SIZE約9吋切成六件，每件都有一塊Parma HAM加水牛芝士，薄批夠脆加上醬汁唔會太濃，食完都唔會太滯太full。當然唔少得仲有招牌龍蝦包﹗鬆軟麵包口感有d似厚版美心排包，夾住豐富嘅龍蝦肉及特製醬汁，令我地勾起喺大阪食龍蝦包嘅回憶。另外附上檸檬牛油汁，不過由於我地都飽飽地就略嫌漏咗少少。用咗app book位，呢餐超抵有50% off(龍蝦食物無折)﹗﹗叫三樣嘢食埋單都係$364﹗﹗﹗慶祝周年紀念絕對係性價比極高﹗﹗男士們記得bookmark啦～

C，將要去新加坡半年。這夜，相約旺角一見，吃一頓飯，祝她一初順利。 食龍蝦，應該冇人敢「蝦」她了吧﹗ 餐廳主打「龍蝦」，店內放有不少龍蝦的擺設，就連牆上也有一隻大龍蝦。 「Life is upsetti; more spaghetti」，挺有趣的一句話。 龍蝦匯$468，有龍蝦包、半隻烤蒜蓉牛由龍蝦，以及龍蝦雜錦海鮮石鍋湯烏冬或飯。 喜歡藍的小妹，要了一杯Master Magic Soda$48，藍色是天然色，來自藍碟花。 客人可隨個人喜好，把玻璃試管內的酸性檸檬汁，倒入梳打飲品中，魔術就會呈現大家眼前了 - 飲品開始由藍變紫。 C要了一杯青蘋果沙冰Sparkle Apple$58。 龍蝦匯套餐的半隻烤蒜蓉牛油龍蝦與龍蝦包，配以沙律菜、粗薯條和蕃薯條，以長方形木木板盛載奉客。 烤蒜蓉牛油龍蝦肉質飽滿鮮甜彈牙，烤焗後的蒜蓉牛油更是超級惹味。 龍蝦包烘至兩邊金黃色且帶脆口，包質軟熟富牛油香氣，龍蝦肉多且鮮，配以特別調製的醬汁，大大提升了鮮味。另外附上的檸檬牛油汁，可以配麵包或沙律菜同吃， 清新醒胃。 套餐還包括炸粗薯條和蕃薯條，各具特色。 龍蝦雜錦海鮮石鍋湯烏冬，

這是小編第二次造訪「Day and Nite by Master Kama」。上回到此享用晚膳，今回則與友在此飯聚享用午餐。 要數餐廳的招牌菜，一定是龍蝦菜餚。翻看餐牌，這個名為「龍蝦匯」的餐單一拼送上三款龍蝦美食，是個不錯的選擇。「龍蝦包」以牛油弄香表面，外香內軟。中間部份充滿了粒粒龍蝦肉，份量豐足，肉彈味甜。 當然，要集中細味龍蝦真味，「烤蒜蓉牛油龍蝦」是更理想的菜式。原隻龍蝦開邊烤煮，一口吃罷半只龍蝦，滿足感十足。龍蝦以蒜蓉牛油調味，配搭蝦頭的蝦羔，惹味度也有所提升。雙薯薯條是隨餐附送的主食，番薯條口味較甜，安排予食客新鮮感，同時與沙律菜相伴，亦是平衡的做法。「龍蝦什錦海鮮石鍋湯飯」以燒熱了的石鍋盛載，熱力澎湃。濃郁的龍蝦汁是這飯品的重點，反而其他海鮮碎粒如蜆肉、魷魚、海蝦等等只作點綴及豐富了飯品的口感。 此套餐不連飲品是不足之處。小編追加了一杯「Cookie & Mint」，清涼口味甚合小編心意。配撘熱辣石鍋飯或炸薯條也十分合適。今次重臨「Day and Nite by Master Kama」品嚐了招牌龍蝦盛宴，雖然貴了一點點點，但能帶著滿足滋味離開都 OK 喇！

Day and Nite by Master Kama係好多人慶祝生日或者節日既餐廳🍴，有朋友推薦話食物質素頗高，一直想去試下係咪真係咁好味，終於就book左位，今日夜晚就約左個朋友去試晚餐🥣！間餐廳都算幾大，有三層，樓底幾高，装修主打藍色優雅。Menu都幾多類型食物可選，一定少不了呢間餐廳最出名既龍蝦包🦞！有雙色薯條，沙律；另外個龍蝦包睇起身已經好好食，擠d檸檬汁，真係升華左個包！再黎係吉列牛配烏冬，牛肉炸得嫩滑，烏冬有咬口。下次一定黎試下其他菜式！

上網搵到這間樓上餐廳，幫朋友慶生，OpenRice 訂座，當天都有打嚟confirm booking，如想加生日字，要同職員提早講，只可心太軟甜品加字，和另外加$20元。當天叫咗推薦龍蝦堡套餐+綠茶心太軟+2杯嘢飲龍蝦包外有烘過，加上啖啖肉，好滿足，石鍋龍蝦烏冬朋友說好味，杯cocktail，酒味唔太濃，比軟適合女性服務態度也很好，整體不錯，下次會再嚟。訂座可hold 枱10分鐘，用餐時間為90分鐘當日安排坐在門口位置的4人枱，都沒有催促埋單

上次去東京旅行食咗一個好好味嘅龍蝦包， 好回味，近排俾我發現到旺角開咗一間都係以龍蝦為主題嘅餐廳"Master Kama"，佢地唔只有龍蝦包，仲有用龍蝦嚟做主菜嘅其他菜式，所以前兩日放工就去食返餐回味一下。佢哋最出名嘅係龍蝦包，而我哋又想試埋其他用龍蝦嚟做嘅菜式，所以我哋就點咗一個龍蝦匯， 套餐包括一個龍蝦包、半隻蒜蓉牛油龍蝦 同埋一鍋龍蝦雜錦海鮮石鍋湯烏冬，份量唔多唔少，兩個人食就啱啱好。首先食我最想食嘅龍蝦包，一個長長嘅蒜蓉牛油包焗到外脆內軟，再加埋堆滿中間嘅龍蝦肉，龍蝦肉彈牙又香，超級好味，食完即刻想再encore。另外半邊龍蝦 用牛油蒜蓉焗，大大隻蟹鉗，龍蝦肉夠新鮮，用簡單牛油蒜蓉焗已經好好食。仲有一客雙重炸薯條，用番薯同薯仔炸嘅薯條，原來用蕃薯所做嘅薯條仲好味，又甜又香脆，唔使點茄汁已經好好味。套餐仲包括石鍋湯烏冬，佢嘅龍蝦汁湯底十分香濃，烏冬索咗龍蝦汁，彈牙又好味，配料有龍蝦頭、青口、蟹柳條、魷魚等多款海鮮，用石鍋上碟，保持熱度非常好。最後我哋重點咗兩杯特色飲品， 凍朱古力上面鋪滿棉花糖，濃沃嘅朱古力加埋棉花糖一齊，又甜又香。另一杯Double Berry Smoothie

📍旺角📍超滿足🤤❗️龍蝦套餐🦞呢間已經食過幾次，每次都叫龍蝦匯😝因為個lobster roll真係好鬼正😆勁多龍蝦肉😏啲龍蝦肉又唔霉🤓👍🏻調味又做得好😝除咗龍蝦匯❤️仲有好夢幻既unicorn dream🦄粉紅色同粉藍色既沙冰😍幾乎每枱都會叫✌🏻️同龍蝦茶碗蒸☺️啲蛋真係滑溜溜😚個龍蝦烏冬真係好足料，用石鍋上，又夠哂熱辣辣🔥入面仲有青口同章魚🐙所以如果唔係太肚餓既話，其實可以單點🤓

旺角呢間龍蝦主題專門店，由一開張到以家就已經好想食，但一直都記唔起。因為之前食過荃灣嘅同集團另外分店GIRLBOSS好唔錯，所以今晚就決定返黎旺角食呢間Day and Nite 啦!店舖位置並不難找，樓下有店員安排好座位後再叫客人上去就坐。店鋪空間共不算大，只係7點鐘左右，餐廳就已經接近客滿啦。所以建議預先BOOK 定位，而且經過網站預定仲有5折至7折優惠。餐牌選擇都幾多，睇到眼花。最後我地就簡單揀左 龍蝦匯 KAMA SIGNATURE LOBSTER SETSET入面主要由3款食物所組成(可散叫)，分別係以下:1.龍蝦包2.烤蒜蓉牛油龍蝦3.龍蝦什錦海鮮石鍋烏冬/飯款款都係以龍蝦作為菜式。龍蝦什錦海鮮石鍋烏冬龍蝦湯底好夠熱，而且色澤同賣相就已經好吸睛。湯底味道同顏色一樣非常濃郁，啖啖都有鮮甜龍蝦味，入面仲有青口，魷魚等等配料昇華整個層次。值得注意嘅係選烏冬可以更加能夠將湯中龍蝦精華帶入口中，不過非常容易貼住石鍋，要不時搞動。龍蝦包龍蝦包包身選用排包並再用牛油蒜蓉配合，帶有陣陣蒜香味。包內就夾住就快滿瀉GE龍蝦肉，蝦肉份量唔少，而經特製醬汁調味後，食過口不停烤蒜蓉牛油龍蝦可惜係龍蝦只

Master Kama 係旺角山東街樓上既餐廳，裡面裝修幾新幾靚。初頭以為係食西餐，睇睇menu 原來有唔同種類野食，有日式野，意大利野，burger，sandwiches 又有海鮮。睇睇今日推介既lunch set ~試左個C 餐日式定食 咖哩豚肉飯飯上面有紫菜芝麻，有d香味，可惜個飯唔熱，口感有d硬咖哩味道正常，不過不失。另外叫左 D餐香草烤雞肉石鍋烏冬，上菜時個湯重滾緊好勁下，香味撲鼻。烏冬個湯少少酸好好味，烏冬口感都唔錯。每個set 都包左salad/湯 同一杯餐飲，$6x-7x 一個set 算係唔錯既選擇。

Day and Nite by Master Kama 每日限量供應的龍蝦匯$468 一直人氣高企，今日終於有機會一試！ 龍蝦匯包括有龍蝦包、半隻烤蒜蓉牛油龍蝦及龍蝦雜錦海鮮石鍋湯烏冬或飯！每道龍蝦菜式都鮮味十足！龍蝦雜錦海鮮石鍋湯烏冬石鍋湯烏冬上枱時熱辣辣，侍應細心提醒小心被石鍋燙傷，亦告訴我們可以攪拌一下，以免烏冬於鍋底結焦！龍蝦湯顏色呈橙紅色，超級濃郁的龍蝦鮮味！鍋內配料豐富，有青口、蟹柳、粟米、木耳絲等！烏冬軟滑煙韌，配上龍蝦湯，十分美味！烤蒜蓉牛油龍蝦 (半隻)好大隻波士頓龍蝦! 龍蝦身肉質爽口彈牙，加上蒜蓉牛油作調味，鮮甜惹味!波士頓龍蝦的龍蝦鉗特大肉厚，鮮甜到不得了，真滋味!龍蝦包龍蝦包用上排包，搽上牛油焗至外脆內軟，開邊放入用醬汁煮過的龍蝦肉! 龍蝦肉份量不少，再加上龍蝦肉鮮甜彈牙，超讚!雙重薯條雙重薯條包括了炸薯條和炸蕃薯條，同樣熱辣辣，脆卜卜!NUTELLA CHOCOLATE (HOT) $45面層佈滿了香甜軟滑的綿花糖，加上濃郁的朱古力，正!MR. COFFEMAL $58一層厚厚的忌廉，好邪惡喔! 加上香濃咖啡味的沙冰，就像在品嚐甜品!

龍蝦做晚餐@Day and Nite by Master Kama 朋友生日，就是想和他食好少少吧!朋友推介下去了旺角山東街的Day and Nite by Master Kama 主打食龍蝦，價錢當然會有點貴，但特別的日子，就是值得的 燈光偏暗，但好有情調，坐得都幾舒服!來食飯必要先訂桌比較安心!一入到去就會聞到非常香的龍蝦咸香的氣味 有SET也可以散點，我們就點了KAMA SIGNATURE LOBSTER SET $468 小食類~ 多款靚靚的COCKTAIL~ 沒有酒精的MOCKTAIL~ KAMA SIGNATURE LOBSTER SET $468 包括烤蒜蓉牛油龍蝦 (半份), 龍蝦包 半份的龍蝦，即叫即整，食起來熱辣辣，味道非常新鮮，具彈性又多汁!伴隨的薯條份量也很多，非常飽肚 至於龍蝦包入面肉份量不少，食起來啖啖肉 龍蝦雜錦海鮮石鍋湯烏冬 天氣涼涼地，真係好岩時間食 很足料，而且龍蝦湯底好濃郁，鮮美之中又滑溜，好似飲龍蝦忌廉湯，而且好夠熱!唯一不美之處是烏冬口感，不夠彈牙也不能好好吸收龍蝦湯底 點了杯COCKTAIL~DAY DREAME