Dan Ryan's Chicago Grill (又一城)

營業中

休息中

差咗好多，啲侍應生嘅服務真係差得好緊要，由一入場開始，人人黑口黑面，粗聲粗氣，好似客人前世欠咗佢咁。食物質素亦唔多好，雞湯淡而無味，西餐亦冇之前做得咁好，當普通快餐食可以，有期望嘅話就萬萬不可。特別留意嘅係，佢冇畀到OpenRice訂位嘅九折折扣我，店大欺客。好真心咁講一句，九龍塘大把選擇，在又一城都有一些好食舒服的餐廳，根本不需要貼錢買難受，有點懷念以前成日在金鐘食dan ryan的滋味。可惜，可悲！

同仔乒乓球比賽完,順便一家人去又一城行下,行到6點零,去揾嘢食啦,行下搵下就行咗入去呢間嘢度,未點餐,就一籃包擺低咗落枱面,見到D面包已感覺麻麻地,面包硬到咬唔開,點餐後唔使5分鐘D嘢食已到,洋葱湯得個咸字,雞似蔗渣,鞋而冇味,薯皮焗到乾到有D燶！海鮮飯可以入囗,但也不是好食！衹係它嘢太差！好彩沙律漏單,慳返。,真不識欣賞呢間嘢D嘢食！

// baked penne with spicy Italian sausage + sweet potato fries + fresh lemonade //The pasta was al dente and the marinara sauce was rich and tangy. Topped off with cheese, it tasted amazing! With bits of bell peppers and zucchini, there was a slight crunch too. The Italian sausage tasted delicious with a lot of flavour, however it could’ve been more spicier to balance the tangy marinara sauce. ALSO, it was a HUGEE morning portion which I couldn’t finish myself or with my friend taking a few bite

家庭聚會，一班食肉獸想食得夠暢快就自然諗到Dan Ryan！首先坐低就送上一個 — 麵包籃配上士多啤梨牛油，我留肚無吃到，他們全都吃掉。。頭盤 — 美國烤焗薯皮(8塊)非常酥脆，面頭蓋滿濃郁芝士、煙肉、香蔥，再沾上酸忌廉，可口美味😋😋炸蝦🍤薯條—香脆好味，隻隻蝦都大隻，有蝦味，伴有兩種醬，蜜糖松露、蒜蓉洋蔥忌廉，每樣點一d更惹味！燻咸牛肉三文治🥪薯條煙薰牛肉、配白色酸菜，還有酸瓜和椰菜沙律🥗好味😋皇牌辣肉醬漢堡🍔薯條8安士美國漢堡，面層配上招牌辣肉醬加熟成車打芝士、洋蔥及墨西哥辣椒片、紅腰豆而成，少許辣，非常惹味，牛味也濃，有點肉汁。怪獸漢堡薯條4安士美國漢堡，配上肉丸、加雙層芝士、香脆煙肉、辣豆牛肉醬，回味無窮烤豬肋骨配蕃薯條本身有醬汁塗上面，烤出來已經很惹味，不用點BBQ醬汁已夠味，肥大肉厚又juicy最後甜品買一送一朱古力新地 ，最上層是車厘、cream、脆米之後是雲呢拿雪糕，和朱古力醬，不會太甜，很滑溜😋我最喜歡的Lemonade，酸酸甜甜，清涼開胃。飲管好像食得，一問之下原來是米漿做的，很環保👍🏽很飽足的一餐，服務太度也非常好👍🏽

位於九龍塘的Dan Ryan's Chicago Grill，是一間大名鼎鼎的美國菜家庭餐廳。品牌已經屹立27年，相信大部分港人也品嚐過它家的菜式，絕對能稱得上是美國菜的經典之一唷! 餐廳裝潢極具美式派對氣氛，鮮明的燈光，大電視正播在球賽活動，牆上掛上大量油畫、巨大的牛頭、電動小火車等，氣氛相當熱鬧呢。店內座位寬敞，有酒吧枱、四人枱和大圓枱，適合不同人士聚會呀。 我光顧過Dan Ryan好多次了，每次都大飽口福，滿載而歸。這次再次光臨，是為了品嚐全新推出的超巨型Bold Burger Menu! 六款漢堡包，款款份量十足，絕對是大胃王必食之選! 點選食物後，服務員會呈上Dan Ryan餐前麵包，各有3款，味道和口感也不一樣哦。 Strawberry Smoothie $65Galaxy Five $68和牛漢堡包 $238 超級巨大的漢堡包，有一塊足足7安士的澳洲和牛漢堡扒，賣相非常吸引呀! 和牛扒煎至完美的五成熟，帶有粉嫩色澤，肉汁鮮嫩豐富，牛味香濃，加上高達芝士後，鹹香十足，啖啖香氣，令我停不了口。這個漢堡包更會附上黑松露薯條，可惜我拍照拍得太久，有點涼掉啦~ 羅賓漢堡包 $198

Service and menu seem to have gotten better. Haven’t been back since a long time ago. Had humus which was quite creamy. Corn on cob could be better seasoned for sure.

係eatigo book位有正價食物半價優惠兩個大食女子叫左4份dish加餐包同生日蛋糕仔😂😂😂r到餐廳送支蠟燭哈哈餐包有三款正常野啦但係佢個牛油係士多啤梨味就成件事昇華咗之後面包碗忌廉海鮮湯 我怕腥所以覺得有啲腥 個包就係相較韌個啲 因為佢都要夠承托力先裝得住啲湯小食拼盤可以既 出尼熱辣辣牛扒都係正常水盡 冇特別驚喜搞笑在成碌粟米做配菜😂😂卡邦尼意粉配蒜蓉包都係正正常常咁啦最後個海鹽焦糖brownie甜到阿媽都唔認得

雖然Dan Ryan’s向來都有供應漢堡，但留意到最近再推出全新Bold Burgers Menu，加入五款漢堡以及一款熱狗，除此之外亦有幾款小食和飲品，每款都別樹一幟狀甚吸引。首先送上麵包籃，當中最有驚喜的是黑糖合核鬆餅，濕潤綿密且香甜溫潤，散發陣陣肉桂芬香，旁邊更配上別具特色的士多啤梨牛油。羅賓漢堡 ($198) 配以自家製洋蔥圈酥脆香口，4安士牛肉漢堡質感厚實亦帶肉汁，再加上美式煙燻牛肉、高打芝士及德國酸菜，德國酸菜向來與肉類尤其是醃製肉品是天作之合，加入漢堡令能夠中和美式煙燻牛肉的鹹度，同時更加清爽。和牛漢堡包 ($238) 用上7安士和牛漢堡份量十足，更可自由選擇生熟程度，點了五成熟恰到好處，與羅賓漢堡相比之下質感更加鬆軟多汁，同時油脂亦更加豐腴，入口油香四溢；黑松露薯條除了加上黑松露油外，更可以額外蘸上黑松露蛋黃醬，黑松露香濃郁。美國人氣炸雞件 ($138) 分別裹上美式燒烤醬及水牛城辣醬，無骨雞柳雖始終稱不上嫩滑多汁，但在濃稠的醬汁下仍保持香脆，而兩款當中個人偏好美式燒烤醬，水牛城辣醬酸辣交雜而辣度偏高。香脆黃金炸蝦 ($228) 分別配上美式他他醬、松露蜜糖醬及海鮮醬，

入去餐廳就有種去左第二個年代，進入左某個電影場景咁。可能係七八十年代既美國/芝加哥？入座餐廳就提供左麵包同小蛋糕，麵包鬆軟，小蛋糕甜度適合食物份量都好大，兩個人叫左三樣野，張檯已經擺唔落。雞胸肉沙律雞胸肉我竟然食到某記板雞既味道不過肉質稍微有D柴。沙律爽口新鮮，如果少D沙律汁會更健康 。辣肉醬漢堡上面綠色既辣椒真係唔好睇少，我單獨食左兩舊，哇，辣到反而個肉醬我覺得唔算好辣，真係靠個辣椒提升辣味。肉夠厚身，辣肉醬比得大方跟漢堡可以揀甜薯/薯條，我梗係揀甜薯啦。味道ok但口感遜色左D。扒具體邊個唔記得，價錢係298左右肉份量唔多，而且牛味唔重，失望之選。

Dan Ryan’s可以話係香港經典美式西餐廳，最近佢地有一個新搞作，史無前列地推出一共6款既特色風味漢堡，配合美式懷舊餐飲環境，真係有種置身美國餐廳既感覺，地道又有氣氛呀！-餐包三款唔同既麵包，非常有誠意，Muffin好好食🤤🤤-1️⃣ 和牛漢堡包 💰238（👅: 8.5/10）嚴選澳洲靚和牛，加上帶有奶香嘅芝士，再配上沙律菜、蕃茄、紅洋蔥、秘製醬汁等，帶出濃郁牛肉味之餘，口感Juicy而不膩！值得一讚廚師能烹調出剛好的五成熟度，夾於以牛油焗過的包裡，整體口感相當豐富🤤！另外亦配有黑松露薯條，粗身薯條配松露香，不錯不錯！-2️⃣ 招牌燒豬仔排骨(Full) 💰378（👅: 8.5/10）細火慢烤豬排骨🤤！Full Size 大概有成12條，豬排肉質軟嫩，帶有肉香😍！值得一讚係旁邊配有燒烤醬汁，可以因應自己中意既濃度，再額外加上醬汁，令排骨惹味度大大提升☺️～另外伴有蕃薯薯條，較淋身，但甜甜蕃薯味都唔錯！-3️⃣ 牛油烤焗波士頓龍蝦 💰360（👅: 8/10）可選蒸焗或燒烤，原隻龍蝦很有份量，肉質爽口彈牙，食得出係新鮮既龍蝦，帶有海水甜香！另伴有自家製墨西哥辣椒牛油粟米，味道鮮甜有粟米香😍，yumm

“Dan's Famous Reuben Burger”($198)“U.S. Tater-Tots with Truffle Mayo”($68)“Lobster Crab & Shrimp Louie Salad”($238)“North American Classic Hot Fudge Sundae”($88)“Vanilla Milkshake”($65)“Purple One”($58)Dan Ryan's最近出咗個Bold Burgers系列🍔可能入咗啲漢堡包關注組啦呢間餐廳個廣告成日都彈出嚟😂搞到我忍唔住去咗食😆Bold Burgers系列有6款包括5款burgers🍔同1款熱狗🌭因為見個burger size都幾大所以我地叫咗1個share再食其他嘢😛呢款係羅賓漢堡包☺除咗4oz牛肉漢堡扒,仲配上美式煙燻牛肉🐮另外仲有德國酸菜,gouda cheese🧀生菜🥬蕃茄🍅跟漢堡仲包埋大大個洋蔥圈🧅2款牛肉食落肉味夠哂香濃😍漢堡扒仲幾juicy😛想講個包真係超級大😂食咗半個都開始飽🤣自從喺burger joys食過薯粒之後一直念念不忘🤤見到呢道都有得叫即刻要返份😍薯粒炸到好

喺城大讀左咁耐都唔知有呢間西餐廳，仲要有大電視直播球賽，啱曬一班朋友黎邊食飯邊睇波！Dan's Famous Deli Reuben $148本身以為咸牛肉係免治牛肉咁，點知原來係一片片既，有驚喜！牛肉唔韌亦唔會太咸，而且好有牛味好香，仲配埋個木瓜法律去幫你消消熱氣。呢個reuben份量好多好抵食，細食既人未必食得曬。1989 Classic Nachos $98呢個Nacho有三種醬，分別係牛油果醬，蕃茄醬同埋乳酪，我覺得nachos同乳酪最夾！既有脆片既 鬆脆又有乳酪既滑同甜。

原本都冇諗住母親節正日食母親節飯嘅，但係有一日媽媽喺度講話母親節要罷工唔想煮，咁就嗱嗱臨係啲app度搵吓有冇啲平靚正嘅母親節飯選擇，最後喺eatigo度搵到Dan Ryan，仲可以母親節正日有半價，雖然個食飯時間就晏咗啲，要8:30pm 先有得食，但半價喎都冇所謂啦！去到餐廳，因為eatigo一定係要準時先會show到個booking，早到都冇得入，咁就8:3pm 準時入場。一坐低，個職員就話佢哋8:45pm last order，好在一早諗定食咩先冇咁le hea！一埋位冇耐，個staff就會攞籃包過嚟，我阿爸二話不說就攞走咗個muffin，話好好食！仲自己攞咗隻碟又唔派俾我哋，次次都係咁！算！咁我哋4個人order咗5樣嘢（諗諗下佢個portion咁大，4樣都好夠，係有d誇！）首先一出現嘅係Super Green Salad，有菠菜，又有黎麥，藍莓再加埋個藍莓source，幾好味，鹹鹹甜甜咁！之後過咗一陣就一之過嚟晒4樣樣，有啤酒海鮮湯煮青口，足1kg，個青口好鮮味，跟果d包勁脆又好味！之後就係焗芝加哥辣肉腸蕃茄肉醬長通粉，辣肉腸好味，好在個長通粉係用番茄醬整，比白汁冇咁膩，如果唔

屋企有人生日，揀左呢間美式餐廳慶祝。食物份量尚可，但質素強差人意，性價比低。燒豬肋骨燒得過燶，肉質有點「霉」；雞肉沙律啲雞唔夠嫩滑。海鮮飯同個 impossible meat burger味道亦不見突出。

看戲前，在app訂了五點半入座，有八折。滿心期待看戲後能大吃一頓，可惜吃得不飽就離座。首先來的，是溫度一般，無牛油味的麪包，是健康包嗎？跟著的炸魚柳漢堡，魚軟滑，還好；但波浪薯條又乾又硬，吃不下去，放棄。那半份的Ribs，有六條骨，不過不失，沒有肉味；伴碟的蕃薯條新鮮軟熟，是最好吃的。下次？沒有下次了！