Dan Ryan's Chicago Grill (又一城)

營業中

休息中

I have not thought of writing a comment but I could not help to wake up this early morning and wrote this.We have been customers of this restaurant for many years and never in doubt of their quality.  We went to Festival walk for some late shopping and decided to dine here before returning home.We were quite tired and quickly ordered the dinner for two set menu: Clam Chowder, Roasted Half Chicken, Seafood Risotto.The breads for Clam Chowder were hard. I tried to use the knife to cut the bread an

相識多年舊友聚餐，有人提議Dan Ryan. 立即舉腳贊成，因以往不時來幫趁，無論同事食飯或帶細路慶祝生日，留下不少回憶，點知今次重來，食物水準降低咗好多。先來面包籃，軟嘅唔夠鬆軟，硬嘅只係硬冇脆嘅感覺，所謂推介buffaloes chicken wing, 細隻唔係問題，但又硬又乾又凍，好在跟着來嘅芝加哥burger 塊扒係熱嘅，又juicy，另外超營沙律配料特别又新鮮，要推介，最後諗住叫以前最愛嘅molten chocolate cake，係冇嘅（冇咗好耐？我真係冇來好耐lu)，所以叫咗brownie 同芝士蛋糕，brownie食落口感粗(佢嘅特色？但各人都唔buy)，配上嘅雪糕ok，而芝士蛋糕酸酸地，幾好味。總結：自問非刻薄挑剔之人，但因對Dan Ryan有感情有期望，所以最終有幾大落差，但佢都俾到我哋一個舒適環境敍下舊嘅。

以前老公喺度做嘢嘅時候成日都嚟食，但近年佢哋改變左風格冇以前咁有情調就少咗嚟。呢度出名嘢食大大碟，每次黎親我都會食凱撒沙律同埋朱古力蛋糕。今次試吓新野，叫左地中海沙律，成個沙律佈滿咗洋蔥，蕃茄同埋青蘋果，好開胃另外我哋叫咗個沙朗牛扒配粟米，七成熟，但我哋覺得個牛扒乾咗少少，粟米就燒得好香牛油味最後我哋叫咗個香草汁鮮蝦長通粉，面頭鋪滿好多火箭菜，有四隻蝦，好彈牙。服務就普普通通見佢哋人手都唔係好夠， 不過經OpenRice訂枱有discount都抵食嘅

我都甚小寫食評! 因為好食既唔使我寫! 所以只寫唔好食的, 因為唔想大家花甘多冤枉錢! 一家人去到呢家野, 服務員的態度都是一般。都係想食完早的同小朋友回家沖涼同訓覺所以冇理甘多!我地本來想叫個298 二人餐再加小食就算! 點知入到去係冇既! 問服務員他說只有498 2人餐, 我心諗你門口就唔好放298個餐係到喇! 跟住散叫左3樣簡單野:1. 芝加哥拼盤 (半份)2. 黑松露意大利飯3. 燒牛扒首先講個拼盤差不多$200半份, 我認為EXXX GO Go比許好10倍! 跟住個黑松露意大利飯比較硬而且好干, 正常意大利應該有小小彈同埋好CREAMY先岩! 小弟不是廚師, 但相信自己煮我得比許地好! 最後我真係冇想到最簡單容易煮既燒牛拱係最失望, 因為只要件扒靚點煮都唔會差! 因為有小朋友食我要求件扒係WELL DONE, 但都唔應該係梅架!? 連的配菜好似粟米同薯條都唔得, 仲要差不多$400! 我情願去花X餐廳食好過! 希望貴集團見到此POST檢討一下!

食物味道係其次，服務員的態度已經令人食之無味！某位唔著制服的男服務員，寫嘢，買單都係一面冰冷，惜字如金！惜字如金！惜字如金！令人感覺好似同他有咩過節咁………………………………….

又一城 食西餐， 呢一間我覺得真係算唔錯。 其中我叫了一個豬肋骨， 佢嘅調味同埋口味都同我在芝加哥食得一模一樣， 我已經尋找了多年， 終於可以找到這樣的美味， 價錢尚可接受， 有機會會再來。

永恆不變的lunch set 但我又唔覺得悶Seafood risotto -水準頗穩定，幾足料Prawn penne- 看似平凡但非常掛汁Unlimited iced tea真係要早啲訂枱,過咗12:45pm已經好full

Dan Ryan’s Chicago Grill@九龍塘呢間餐廳每逢有節日都會有唔同嘅裝飾🥰入邊嘅裝修都係行美式風格👻一嚟到侍應就會派一籃餐包🍞啲包係暖嘅烤焗美國薯皮🥔$128薯皮幾好食！有煙肉碎、芝士同忌廉芝士🧀好邪惡🤣蝦、青口、蜆、三文魚、白魚蕃茄意大利飯🍚$158意大利飯口感幾好，都有幾多唔同海鮮！炭燒美國肉眼牛扒🥩$408一上到枱，即刻哇一聲🤣好大份，塊牛扒都幾有肉味✨有埋一大條粟米同薯條🌽條粟米都燒得幾靚巴馬臣火腿芝士薄餅🍕$108呢個反而幾驚喜‼️同埋啲火箭菜一齊食，令到個薄餅好香！招牌意大利芝士蛋糕🍰$88🤣🙌🏻係幾重酒香味，小編個人認為餅底可以再濕多少少總括嚟講，啲嘢係大大份幾震撼🤣味道就正正常常，啱一大班人去share‼️整體：🌟🌟🌟性價比:🌟🌟🌟食物：🌟🌟🌟環境：🌟🌟🌟🌟📍九龍塘達之路80號又一城LG2層28號舖人均消費：～200/head

同朋友約咗下午茶時間，其實係打算食嘢之餘吹下水。疫情期間餐廳有啲限制，如果要坐卡位就要嘟安心出行。咁卡位真係幾好坐，乾淨舒服，私隱度又高。一坐低侍應放底了麵包和蛋糕。蛋糕ok，個麵包條就有啲硬。黃昏時間，餐牌全日應該一樣，無下午茶果d。不過選擇好多，睇咗好耐。最後叫咗個拼盤拼盤上有洋蔥圈、雞翼(二中翼、一鎚，共三舊)，同埋焗薯皮。洋蔥圈正常啦，雞翼有啲硬而且d汁一般，但係，個焗薯皮真係幾好味。薯皮香脆，上面有芝士蛋，有幾粒煙肉，幾樣野好Match ！！朱古力奶昔，幾飽肚，味道及格，上面有舊brownie 蛋糕，幾有特色。咁樣我同一個朋友，一人一百八十幾蚊。食物還可啦未至於驚艷，但環境好，真係幾好坐。

今日晚餐食咗哩間西餐廳點左#bufflowings #supergreensalad 同#importedbabybackribs 水牛城雞翼 醬汁味濃 配上 blue cheese 青瓜及西芹條作balance但醬汁偏咸一點’超營沙律‘ 藜麥 火箭菜 西蘭花 藍梅 啤梨及牛油果 及其dressing 非常開胃 亦健康BBQ ribs 肉質非常嫩滑又夠juicy 只是醬汁略少驚喜的反而是包籃 每種麵包都有獨特的口味而且佢哋採用一種特別嘅牛油係士多啤梨味牛油麵包亦非常鬆軟但美中不足嘅係呢間餐廳嘅服務態度認真一半而且當我叫第二杯啤酒嘅時候杯啤酒放咗喺吧枱上面 那位身穿灰色恤衫戴眼鏡的經理明明望到 但依然照舊同同事一路傾偈最後杯啤酒上枱嘅時候已經相隔左四至5分鐘連啤酒裏面應有嘅氣都沒有了個人評價： 總結 3/5星因為服務態度而扣咗好多分

叫咗兩個lunch set好快就有餐湯大約落單後3分鐘倒不過不失 仲熱辣辣😀飲飲下送咗個餐包籃黎冇預計過會有餐包 仲要三個唔同嘅包個鬆餅個面係脆脆地 下面軟熟另外嗰兩個包都係好軟熟配埋個士多啤梨牛奶好特別搽包好食👍🏻好滿足😋主菜叫咗長通粉同燒雞長通粉得兩隻蝦如果可以多兩隻就好啦😂蝦係爽口嘅長通粉就正正常常 稱唔上好好食但係都唔難食燒雞加薯蓉配個汁雞唔係嫩滑嘅 係實嘅同少少鞋 d肉都冇咩味點個汁酸酸甜甜會好食d薯蓉就唔錯嘅 兩個女仔食 好飽仲包每人一樣嘢飲我地叫咗紅茶大鄉里咗原來紅茶係檸茶咁解😂😂😂整體而言呢間餐廳嘅side dish好食過主菜個餐包籃最正😋環境好chill 好外國feel 暗暗地嘅環境侍應都好快手👍🏻

星期日Family day! 我們四個成人和1個小朋友，大概兩點左右因為沒有訂座緣故，在門口等了15分鐘。點了凱撒沙律、炸魷魚鬚、水牛城雞翼、牛肉三文治、炸魚薯條、卡邦尼意粉。由於人手問題，等了很久都沒有人安排high chair 給BB，之後等了很久才有人給menu 和下單魷魚鬚香脆，份量大，不油膩，火候控制炸得很好。牛肉三文治份量恰到好處，由於牛肉薄片很香滑，麵包烤得脆，配上西瓜、少量薯條，配搭新穎。水牛城雞翼，一定是必點的醬汁少辣帶酸，雞翼炸得剛剛好，又香又脆。炸魚薯條，魚柳香脆大塊，又是我一個必點的菜色！卡邦尼意粉香濃正宗最後當然要吃點菜，濃濃的芝士碎，羅馬生菜香脆新鮮。席間多次要求加水，取飲管，都很難找到有人招呼，當然這個經濟環境下人手短缺是很普遍的事，但是確實對這間餐廳的服務質素感到失望。

❤️沙朗牛扒配香烤粟米 牛扒份量唔多又冇咩牛肉味，好彩燒栗米係好食既，好香牛油味香～🧡傳統燒烤半雞 烤雞都幾大隻，略嫌唔係好夠味，點bbq 醬食就岩岩好💛波本龍蝦及火腿長通粉 龍蝦肉份量偏少，味道都普普通通💚芝加哥拼盤 焗薯片+洋蔥圏+水牛城雞翼 小食味道都唔錯，洋蔥圈炸得幾脆，雞翼唔太辣💙招牌黃金墨西哥脆片 雖然唔係好脆，不過點莎莎醬或者sour cream加少少牛油果醬一齊食都唔錯慶祝朋友生日，有件蛋糕送，不過蛋糕同麵包籃入面個muffin 一模一樣既，只係加左d cream😂d 野食除左小食之外味道都好一般🙈呢個價錢有好多更好既餐廳選擇🤫

邪惡指數: 🐽🐽🐽好食指數: 🙆🏻‍♀️🙆🏻‍♀️🙆🏻‍♀️Dan Ryan’s 出名份量都偏大，由於兩個人食嘅關係驚食唔晒，淨係叫咗兩樣嘢（之後再食甜品）：⭕️ 招牌凱撒沙律配烤雞胸肉 - 羅馬生菜新鮮嘅，撈埋caesar dressing冇得輸(不過好肥😆)。雞胸肉切條，醃得唔錯，可惜都幾鞋口😕⭕️ 傳統燒烤美國豬排骨 - 好大條呀😍醬汁討好，不過燒得有啲乾，所以有啲失望。反而配菜嘅炸薯條，係唔常見嘅波浪薯條，正🤤

Dan Ryan's Chicago Grill (又一城) (九龍塘)📍九龍塘達之路80號又一城LG2層28號舖前菜 基本上你入餐廳就會俾你麵包送嘅，嗰醬係士多啤梨乳酪醬一個朱古力muffin, 一個牛油餐包，一個紅莓餐包 熱辣辣幾新鮮（餐包你食唔夠都可以添加）另外都可以加湯同埋小食不過要另外加錢1.招牌凱撒沙律配烤雞胸肉大大碟 ， 足夠既沙律醬D沙津菜夠哂新鮮 好爽口2.蕃茄海鮮意大利飯有幾隻蜆 同隻蠔 同d蝦🤣紅紅的蕃茄飯 夠哂juicy 夠哂野味👉🏻餐廳環境方面啲位夠大夠晒舒服冷氣又夠大繁忙時間只可以坐90分鐘美味指數：⭐️⭐️⭐️⭐️環境指數：⭐️⭐️⭐⭐️⭐️服務態度：⭐️⭐️⭐️.5翻兜指數：⭐️⭐️⭐️⭐️（滿分為 5⭐）