Daily 13 (已結業)

話說今日去荃灣某工廠區取件，竟然比我誤打誤撞搵到一間新開唔夠一個星期嘅餐廳！餐廳位於工廠大廈內，一啲都唔起眼，但係佢嘅門面就非常吸睛！有一幅好大嘅花花牆影相一流可能因為新開嘅原因所以係包場，入邊係以白為主， 餐廳座位舒服，而且係對住無敵海景！呢個係喜出望外佢嘅晚餐選擇唔算好多，價錢唔算貴， 因為係套餐有前菜有主菜仲有甜品，呢個價錢算係超值值得一提嘅係佢因為新開嘅緣故，追加左一份甜品之後店內所有嘅蛋糕甜品都係放題，啱晒一啲鍾意食甜品嘅人我同太太點嘅前菜分別係炸蠔同埋蜜糖雞翼，呢度嘅前菜可以算係我食過咁多間中價餐廳來講非常出色嘅選擇，雞翼熟得啱啱好唔會太咸，表皮有濃郁嘅蜜糖味，而炸蠔就更加鬆脆無比餐湯方面我選咗龍蝦湯，同樣creamy 夠濃唔腥終於輪到主菜上場,點左一個好考功夫嘅卡邦尼意粉，值得一讚嘅係呢度嘅意粉濃而不油膩，意粉熟嘅程度啱啱好，而調味亦都恰到好處紅酒燴牛面頰肉，肉質鬆軟入口即溶化，而紅酒汁更大大提升咗佢嘅層次，而下面嘅薯蓉亦都好好味最後唔駛講梗係試埋佢嘅甜品放題，佢呢度嘅所有甜品都非常美味，最值得推介嘅係呢個有辣椒味嘅朱古力蛋糕，呢間餐廳一定有機會會再食過！

喺工廈嘅餐廳一直都冇令我失望今日就去咗呢間荃灣新開嘅daily 13餐廳環境好舒服每個corner都有靚靚影相位最開心係有塊大玻璃可以望到出面嘅海同埋夜景今日比較夜去所以冇乜人餐廳座位坐得好舒服同埋啲光線影相好靚一坐低Staff就會送上水今次同朋友一人揀咗一個set dinner可以喺a1 a2同埋c揀其中兩款同埋b1 b2揀其中一款如果揀C仲會有甜品放題Appetizer避風塘炒厚切牛脷牛脷都幾大份雖然係厚切但係煮得好腍好嫩食落蒜香味幾濃仲有啲辣辣地幾有避風塘口味仲有啲菇做配菜脆炸雞翼配香辣蛋黃醬作為雞翼控每次有得揀雞翼我都會揀食雞翼呢個雞翼真係好高質即炸熱辣辣勁厚肉入面啲肉一啲都唔乾好嫩滑配埋蛋黃醬好夾減少咗油膩感感仲有啲七味粉辣辣地Main黑松露野菌意大利飯一上枱就聞到好香嘅黑松露味呢個Risotto好creamy黑松露味啱啱好唔會太濃太淡溫泉蛋三文魚子明太子忌廉汁扁麵溫泉蛋三文魚子同埋明太子撈埋一齊好吸引不過食落有少少偏咸撈埋之後口感好豐富食完都幾飽肚荔枝鮮果茶Oreo曲奇朱古力呢個朱古力好好飲唔會太濃面頭有cream同埋好多曲奇碎見到個樣已經好靚呢度嘅甜品放題都有好多款唔同嘅

召喚甜品控🍰呢間餐廳位於荃灣工廈入面，由南豐紗廠行過去大約10-15mins🚶🏻‍♀️環境舒適又多打卡位，真係啱哂女生呢❤️最吸引嘅係叫主食/dinner set ➕$38就可以食甜品放題喇😍🥣龍蝦湯 味道鮮甜，濃稠度適中🍗 脆炸雞翼配香辣蛋黃醬雞翼炸得超級香脆，聞到都流哂口水🤤面頭嘅香辣蛋黃醬惹味無窮，四隻真係食唔夠喉😆🍝泰式冬蔭公意大利粉賣相吸引，用料超豐富👍🏻有三色椒、鮮蝦、魷魚、菇菌🍄食得出意粉炒過，好香呀！而且意粉香辣惹味得嚟又唔算勁辣，食到小辣嘅朋友應該到handle到喔❣️🥩慢煮紅酒和牛面肉配忌廉薯蓉薯蓉打得勁細滑，忌廉牛油味濃郁牛肉肉質軟稔，入哂紅酒味😋🍰甜品有布丁、蛋糕、窩夫、泡芙...整體質素都唔錯雖然係甜品放題，但擺盤都非常有誠意賣相美美的，相機食先一流📸推介必食焦糖及朱古力忌廉泡芙，餡料十足，超正！🥤Oreo曲奇朱古力Oreo控唔飲必定會後悔呀！呢杯oreo由頭到尾都有海量oreo碎，超級濃味！一個字：正！👍🏻💯P.S 食飽仲送影即影即有一張，可以同朋友留下紀念喔😄

上次聽朋友講話荃灣工廠區開左間新式cafe, 試完話環境好靜，好舒服。咁啱今日同朋友行過荃灣, 就特登上去一趟嘗鮮一下。唔知係咪近年黎既cafe都開始注重裝潢，呢間cafe都唔例外，一入到去就見到好多植物擺設，比到人一種好refreshing既感覺，而且成間餐廳既擺設都好舒服，唔會覺得擠迫令我特別覺得驚喜既係店主特意係餐檯上都放置左一d乾花，視覺同嗅覺上都好怡神。未食就感受到店主都花左好多心思。我地坐低睇睇個menu, 發現其實都有好多選擇，特別係甜品，樣樣都好似好好食，真係揀到大曬頭。最尾我地抱住食得幾多得幾多既心態，點左兩個餐湯&主菜，同埋四款甜品。首先上既係龍蝦湯同忌廉湯，味道上都合乎預期，龍蝦湯都幾重龍蝦味，又唔會太鹹，忌廉湯就合乎預期，不過比想象中有層次，隱約飲到有陣陣椰菜花味。 跟住就到兩道主菜，我地就點左泰式冬陰功海鮮意大利粉同慢煮紅酒和牛面肉配忌廉薯蓉。泰式冬陰功意大利麵成個感覺都好新鮮，冇諗過意大利粉同冬陰功可以咁樣cross-over，而牛肉都好嫩熟，口感好好，慢煮都令到醬汁既味入曬個牛肉入面，好Juicy。我地之後又叫左兩杯野飲，分別係荔枝果茶同金莎朱古力，杯金沙