Coti the Bistro (五芳街)

營業中

休息中

同媽媽回憶下佢的少女時代， 來到佢10多歲就上班的新蒲崗永顯工廠大廈， 搵到間 《Coti The Bistro》 門面極為低調，唔係見到個安心出行都唔知原來有間非常隱世嘅西餐廳。服務員細心有笑容，講解清晰。裝修清新，座位舒服。飯/意粉/漢堡，款式多元化。跟餐有餐湯同蒜蓉包...不需另外收費。＞燉牛肋骨飯（$108）燉牛肋骨: 有成四大件，切開入面係粉嫩嘅顏色, 勁厚身但一啲都唔大鞋，醬汁嘅調味適合下飯， 仲好好味添， 配埋粗薯條 好正。＞牛油果軟殼蟹漢堡配蜜糖薯條（$108）造型無得輸， 食得又睇得， 店員事前問左食唔食泡菜， 非常細心，軟殼蟹非常酥脆， 配搭泡菜的微辣，好夾! 仲有新鮮蕃茄同牛油。黎精緻西餐廳，點會唔滿足埋個甜品胃啊加配邪惡甜品（$28）以為正常size, 點知黎到好大件朱古力卷， 踏實平凡嘅瑞士卷外表，內裏內涵非常高，濃味朱古力蛋糕加凍朱古力慕絲， 雙重口感，回味無窮。可惜佢用有坑紋的碟， 好多朱古力醬都食唔到，真係想連碟都舐埋。凍抹茶鮮奶Iced Matcha Latte （$42）抹茶的苦味，奶蓋鮮奶健康清新。熱泡沫咖啡 Hot Cappuccino ($3

呢間位於鑽石山嘅西餐廳，環境都唔錯，之前嘅甜品有手工巴斯克芝士蛋糕，可惜今次去到已經冇左，叫左兩個dinner set，有跟餐湯同沙律🥗牛油果軟殼蟹漢堡配蜜糖薯條 $108今次放咗泡菜，原隻軟殼蟹上，加埋醬汁，酸酸辣辣甘，好滋味😋牛油果好香滑，薯條🍟又香脆慢煮烤雞配西班牙甜椒蕃茄 $115呢個慢煮烤雞唔會好嚡，食落好香口，伴菜系沙律，都幾新鮮提拉米蘇咖啡（凍）$48睇個樣就已經好吸引，有一半系 tiramisu ，另一半係咖啡，完全毫無違和感 抹茶鮮奶（熱）$42飲落抹茶個味道系比較重，但冇苦澀味，都唔錯🍵提拉米蘇窩夫 $88窩夫唔系平時食開果隻雪糕窩夫，感覺好似再炸過嘅油條，外脆內有點兒煙韌嘅口感，幾有新鮮感， tiramisu同咖啡果款一樣好食

哩嗰品牌既咖啡店我一向都好愛戴😍咖啡好喝，食物又有質素，重點常常推出新菜式♥️晚餐Dinner Set包咗一份沙律🥗同埋餐湯今日嗌左燉牛肋骨飯，牛肋條有點筋，燉煮後，有軟嫩口感，牛肋條越煮越軟熟，輕輕一叉就骨肉分離，而且啖啖肉，燉肋條滋味濃郁，充滿醬汁， 用嚟帶飯食都仲係好好食，非常可口🥳🥳烤慢煮安格斯西冷配薯菜🥰安格斯西冷牛扒上碟已經好靚仔，份量兩人食啱啱好，慢煮過既牛扒鎖住肉汁好juicy呀，配埋薯菜真係好出色🥗食完主菜就食甜品🍮朱古力窩夫🧇💋窩夫愛好者的恩物🥰要做到表面脆身，內層鬆軟，真係有啲難架，哩款窩夫超香脆，外皮有陣陣焦香，食落又有口感😙配上煉奶同埋朱古力醬，邪惡得來又滿足❤️嗌左兩杯野飲☕️☕️咖啡果皮茶配蜜糖，果皮茶的提神效果相當有效，飲落有淡淡果皮清香，好特別呢♥️提拉米蘇咖啡，賣相好靚，頂層佈滿咖啡粉，中間是軟滑忌廉，底層是手沖咖啡，三嗰層次飲落味道相當有層次☕️

朋友生日今日黎同佢食餐生日飯收工佢都又餓又攰點左個-燉牛肋骨飯唔係講笑肉好入味好香好好咬架-慢煮西班牙烤雞甜椒蕃茄皮香脆食雞點可以唔食雞皮啲薯條好似係蕃薯條，甜甜地凍左都好味道，啲醬汁配飯開胃點左杯-棉花糖朱古力同埋咖啡果皮茶配蜜糖咖啡果皮茶極推，好特別，有啲似陳皮茶但好好飲！甜酸好開胃解膩胃口大開🤣🤣🤣湯係周打魚湯，脆卜卜麪包糠濃郁魚湯 正啊份量好岩，唔會令你咁快飽甜品係烤棉花糖朱古力瑪莉餅底棉花糖烤到外脆內軟OMG🤤🤤

我剛在新蒲崗見完客， 肚餓到飛起，無意發現原來呢度都有隱世餐廳角落，Coti The Bistro 外觀不太容易發現，入到去別有洞天啊！我們點了蕃茄大蝦🍤意粉🍝和軟殼蟹漢堡！再配以西湯飲品和甜品🍮食物有水準，尤其主食的軟殼蟹漢堡有驚喜，咬口足夠又鮮甜，絕對滿意！環境又舒服😌，見完客坐低慢慢嘆加做下電腦💻文件📄工作都不錯👍@cotihk 地址：新蒲崗五芳街31-33號及彩虹路226-228號永顯工業大廈地下C舖

又同fd搵食， 位於新蒲崗嘅一間cafe ，叫左呢個慢煮雞肉幾滑😋 自己曾經都試過煮慢煮雞肉但係非常費時，仲有一個軟殼蟹漢堡堅大份🍔 軟殼蟹都好juicy， 跟住仲有一個燒雞薯條 ，都ok嘅，不過個汁好似多得滯，浸到啲薯條淋曬 ， 飲品方面叫咗一個玫瑰花 牛奶咖啡 ，但係冇乜玫瑰味，應該只係點綴，不過影相就真係幾靚嘅 ，甜品叫左個綿花糖，但實在太甜😂個皮雖然好脆但食一舊就好濟，完成唔到😂🙌 整體嚟講都ok，因為地方環境都算舒服，同朋友過嚟呢度食飯傾下計都不錯選擇。

繼續愛啡系列☕️奶醬啡 $48 （餐+$24）奶醬多食得多，但奶醬啡你又有無飲過？是關我怕中伏，所以有要出動問店員係點既，我問佢會唔會飲唔列花生味，佢好肯定咁話一定飲到，因為佢有沖過🤣黎到我好驚喜，有賣相之如真係有花生醬既味，又唔會無啡味👏👏👏👏蜜桃茶 $36 （餐free)好夠蜜桃味又唔會好甜👍👍👍跟餐可以揀湯或者沙律個湯係羅宋湯，但啲肉同配料都好多沙律除咗菜之外仲有肉，好正牛油果軟殼蟹漢堡配薯條 $98有曬我想食既野，我真係諗唔到原因唔叫呀4樣野都係我愛既野，好似為我而設，入面仲新奇地有泡菜，好特別就連配菜既生菜同蕃茄都好多成個包都好好食，而且真係好飽，男仔都表示夠食。慢煮西班牙烤雞甜椒蕃茄 $115由於我唔太餓，好糾結叫沙律定雞，問下店員意見，佢話佢一定會簡烤雞🤣🤣 因為係慢煮所以我都想簡既原因，所以就聽佢講，店員都好有禮貌，我中意，好耐未見過啲工作熱誠既人啦👍👍👍👍烤雞好夠味好淋，正呀。髀位好滑，但胸位有啲鞋，做都係好好味，個醬偏辣，食唔到辣唔好點，唔點都夠味。烤棉花糖朱古力 $76好邪惡好肥都要食😋😋好好食，烤過既棉花糖奇上朱古力醬，底仲有金寶，真係好肥呀，但食到停唔到口🥺🥺無

今日去新蒲崗接朋友收工，去左一間響工廠區中比較有情調嘅餐廳，裝修有種小清新嘅感覺。法式燉煮羊膝 $138起初以為唔夠飽，點知嚟到係大大件嘅半膝，有啲似德國咸豬手咁大，有好多肉，啱矖食肉獸，而且零羊羶味，另配上意粉～原條鰻魚漢堡配蕃薯條 $98第一次食原條鰻魚漢堡，包好有咬口配上流心蛋，肉厚嘅鰻魚，大蕃茄同生菜，份量一啲都不細，無論賣相定係味道都好吸引！烤棉花糖朱古力 $76成三年無燒過嘢食，一直好想食烤棉花糖，今晚終於食到！外層有微微嘅脆皮，裏面暖笠笠軟綿綿，底部有顏碎左嘅消化餠，一起食好有幸福感！抹茶鮮奶 $42鮮忌廉朱古力 $42兩杯飲品嘅art garnish都恰到好處，尤其是抹茶鮮奶，一邊飲就感到治療，但抹茶味唔係好夠濃，濃啲會更好！

3月13日 經open rice book左呢個餐廳 19:30 （set menu 有7折）睇吓我哋今日order左啲乜嘢下面就係今日嘅沙律同埋餐湯 沙律好普通 羅宋湯亦只係茶餐廳都會飲到嘅味道西班牙烤雞呢一個薯條係我覺得都幾特別嘅當大家都以為佢係有啲似薯格嗰種嘅炸薯條嘅時候佢應該其實係蕃薯條嚟嘅 所以佢食落去係甜嘅但做得唔好嘅位係 佢放左係啲汁上面 薯條都淋晒至於個烤雞 都大份嘅 外皮就做得夠脆啦 可惜入邊啲肉就熟咗少少 乾左啲 已經開始有啲「鞋」如果佢可以嫩啲嘅話 會好食啲男朋友就話個羊膝係一個對得住佢價位嘅羊膝因為其他嘅餐廳嘅羊膝通常都會比較貴今日食呢一個就相對來講平少少份量正常 肉味夠出都夠冧不過個醬汁來講就可以重味多啲Cp值唔錯至於個牛扒 我就唔記得咗影相不過份量就唔係特別大份嘅 比較簿 鍾意食多啲肉嘅人可能會未必適合-炸雞配薯條呢一個薯條就有啲蜜糖味個炸雞都幾好食兩樣嘢都夠脆 不過就唔夠鹹甜品係芝士蛋糕 都係正正常常冇乜特別總括來講 今日呢一餐價錢唔係特別貴都唔係特別平食物嘅味道算正常發揮唔係特別好亦都冇話特別差所有嘢都係不過不失

位於新蒲崗工廠區的西式cafe店內有點像森林系的裝飾，加上燈光柔和座位整潔闊落，坐得都舒服～🍔原條鰻魚漢堡配蕃薯條 🍟 ($98)賣相好吸引😻 鰻魚口感滑嫩多汁，與滑蛋、蕃茄等配菜很夾令這漢堡味道很豐富😻蕃薯條亦很特別～ 不用點茄醬都已經很滋味！🍔牛油果軟殼蟹漢堡配蜜糖薯條 🥑🦀🍟 ($108)朋友點的～成半個牛油果睇落幾正！但我試了薯條，ummm 一啲都冇蜜糖味😿可能廚師忘記咗落蜜糖 ...🧇手撕蟹肉牛油果他他🥑($91) 朋友話不錯，埋有成個牛油果，好飽！餐牌上都有不少的特色咖啡 （eg. 奶醬啡、蜂蜜咖啡、棉花糖咖啡等）我們點的味道都不錯：☕️玫瑰鮮奶咖啡☕️焦糖布丁咖啡☕️提拉米蘇咖啡

今晚約咗朋友喺新蒲崗食dinner 🍴呢度嘅環境都唔錯，幾有格調，坐得舒服。我地點左燒南瓜吞拿魚沙律，份量都幾多，入面仲有牛油果，營養豐富，幾好味！黃金蟹肉闊條麵，蟹肉多好鮮甜，好味！闊條麵幾有咬口，朋友讚不絕口話好味～士多啤梨窩夫，窩夫幾鬆脆，賣相靚💕果皮冰糖檸檬冷泡茶，味道酸酸甜甜，幾好飲，另一款玫瑰普洱冷泡茶、有玫瑰嘅香氣， 整體來講都幾好飲，唔錯嘅配搭。朋友冇介紹錯， 餐廳的確質素好，性價比高。

之前只係用叫外賣幫襯過，今日試吓入店內幫襯下weekend brunch！點知原來所有weekend brunch 都係冇跟咖啡茶！餐廳推介嘅原條鰻魚漢堡整體上都可以！只係鰻魚比較鹹咗少少，而最鍾意食番薯條份量太少喇！牛油果軟殼蟹漢堡好美味！軟殼蟹同牛油果樣樣都新鮮！略嫌薯條比較油左一啲唔夠乾身！最估唔到係個日式豚角煮配飯！係200分！肥瘦分明嘅豚角，而且有一啲豬軟骨，唔太鹹！十分之入味！呢個可以送多碗白飯都得！跟餐嘅湯同沙律都美味新鮮只係如果咁嘅價錢應該唔包一杯飲品會比較合理！依家夜晚幫襯會有七折，所以夜晚晚餐食比較抵食！

今日為咗去朝聖出名好好食嘅法包，所以去之前search咗食咩先，搵到呢間喺附近又好吸引試吓先其實新蒲崗真係好少去，所以都係要跟地址揾地圖，原來喺大街嗰邊入，我被地圖誤導咗😅，女店員好有禮，帶位同送上餐牌我揀咗週末早餐同焦糖布甸咖啡，女店員落單時，問我飲品正價有冇問題？我嘅回覆梗係冇問題啦！先上餐湯主角嚟啦)))))嘩好好味咁喎！先試去骨雞脾肉，ok唔會乾柴柴嘅，蛋都合格，煙肉唔會好油同咸，食粒哈蜜瓜肉清清味蕾先，果然好清嘅水果甜都唔甜吓😅，到試吓牛油果酸種麵包多士，真係好好味，牛油果泥加少少辣粉喺面原來可以咁好食期待嘅焦糖布甸咖啡原來同我諗嘅唔一樣（我嘅諗法焦糖布甸🍮➕咖啡☕️😂😂😂會係點嘅呢🤔？）下次試Tiramisu coffee 定奶醬啡先

同老公放假去開新蒲崗嗰邊搵嘢食，之前有朋友嚟過呢邊嘅市集，試過呢間餐廳同我講好唔錯，估唔到工廈都隱藏精品西餐廳😯！藍色嘅外牆，精緻嘅入口，入到去裝修好靚，而且當日係平日，晏晝大概兩點都非常多人食緊。黃金蟹肉闊條麵係我哋好驚喜嘅一個菜式，因為我哋未試過食意粉佢係會用咗好多嘅鹹蛋用去煮，原來同蟹肉忌廉係非常之配搭。鹹蛋好香濃嘅蛋黃香，非常濃郁，令意粉每一條都沾有鹹蛋黃濃郁嘅氣味，口感亦有少少起沙嘅感覺，好好味，讚不絕口。另外慢煮烤雞配蕃薯條亦都好唔錯，份量好大，而且因為慢煮嘅關係，雞肉好嫩滑，而且雞肉都好厚，點埋佢哋醬汁好唔錯，都係好有誠意嘅菜式。飲品方面店員推介左我哋飲呢一款咖啡果皮蜜糖茶，靚靚嘅玻璃樽店員仲提醒我哋可以帶走添！味道好特別，有微微咖啡香味同埋襯埋蜜糖嘅天然果糖，好配！鮮忌廉朱古力亦都好香濃👍

Coti 呢家小小的西餐廳，漸漸在呢頭出名，好多同事LUNCH都話呢到好食又好坐，今日一於帶埋上司一齊呢食個LUNCH先~入內環境好日本FEEL，好喜歡呢到既木質裝潢，好WARM又簡潔的環境，真係好正呢。估唔到在工廠區有家咁好FEEL又有D文青的好地方~午餐有SET LUNCH，價錢$90左右就有一個餐。包餐湯同飲品，配不同的咖啡或茶飲就加$24。燉牛肋骨飯 $88 好精緻的一個套餐，迷人小巧的餐具，賣相非常之得~! 牛肋骨有4大件，另配有蘿蔔，冬茹，個汁好香而且味道有濃濃的牛味，非常之香。未食就已經飄來吸引人的香味。 牛肋骨肉好滑而且好稔，入口即溶的脂肪非常美味。配白飯可以連牛肉汁吃，好正~牛油果軟殼蟹漢堡配蜜糖薯條 $98 非常獨特的漢堡，軟殼蟹好大件，脆卜卜好有口感。而且有牛油果，好甜而且令整個包好有層次。呢個份糧都好大個，薯條都新鮮。磨菇湯 餐湯好香菇香味，好濃郁而且有口感，因為真係好多磨菇呢~沙律 清新的日本風沙律，麻醬配新鮮的菜，清甜可口。熱奶醬啡 $48 好特別的咖啡，真係好香濃花生醬味，而且好多花生