Comfy by Chef's Stage (東廣場)

營業中

休息中

今日放假到觀塘接友人放工，一起共進晚餐，友人在區內打滾多時，推薦一間新開的質素cafe。熱帶風情環境輕鬆舒適，讓人有自在的感覺。座位寬闊，坐得舒適，都適合與友伴相聚，傾下計。餐廳生意好好，坐低無耐就已座無虛席。見各人枱面無論食物或飲品都賣相別緻，餐廳有QR code落單，圖字清晰，方面快捷選到自己的喜愛。特式咖啡系列-凍黑糖伯爵鮮奶咖啡($46)，coffee bean/coffe size/milk choice/Ice選擇, 客人可就自己口味心作決擇，濃濃的黑糖伯爵味道，調配得濃郁具層次，好飲!雜苺乳略芭菲（$46）同樣出色!水牛芝士無花果巴馬火火腿沙律($128)健康清新之選,羽衣甘藍, 火箭菜, 無花果非常新鮮可口! 份量適中。 (辣)冬陰功軟殼蟹意大利飯($128)好有驚喜，愛濃味的人士必試, 心心這個意大利飯，濃濃的冬陰功味道，香脆軟殼蟹，非常成功的cross over, 呢個組合我超鍾意!香煎三文魚柳($148)三文魚煎得香脆可口, 白色忌廉汁黑色大啡菇，又配合一小片檸檬提鮮解膩，細心，讚!Comfy 的在這個廣場的小清新，坐得舒適、食物出色。今日食嘅每一樣我地都好滿意，

Comfy by Chef’s Stage平時經過觀塘東廣場都冇為意入面有特色嘅餐廳，今次選擇左呢間西餐主打嘅餐廳同老公撐枱腳。入座時間比較早所以立即已經有位，值得一提嘅係餐廳入面有唔同風格嘅打卡景點，適合情侶或者閨蜜SELFIE影相。前菜order咗芒果蟹肉牛油果沙律，本身唔算好鍾意牛油嗰陣味，不過結合埋蟹肉同芒果，比多一種驚喜嘅感覺。Main dish揀咗煙肉及意大利豬肉腸花椒忌廉汁扁意粉，煮法加入咗中式香辣嘅元素但又唔會掩蓋左意粉本身嘅味道，都算幾特別。另外仲order左香煎美國雞胸，煮法上佢保留左本身雞肉嘅肉汁唔會有諧霎霎嘅感覺，而醬汁亦都幾配合。飲品方面order左一杯冰磚抹茶紅豆鮮奶同埋雜莓乳酪沙冰，兩杯飲品都好靚，其中綠茶紅豆特飲，入面既冰磚係用濃厚嘅抹茶粉整，所以成杯野飲都keep住咁好飲。整體而言呢間餐廳性價比唔錯，而且坐得舒服，可以再encore。

今晚朋友話想食西餐💕平日既晚上我地6點鬆d就到左位於觀塘東廣場既comfy by chef’s stage果時時間未算好多人唔洗點等位就可以入座啦環境都尚算非常舒適✨之後我地就點餐，叫左3樣野食Pizza, 薯條小食 同埋牛扒🥩份量都尚算適中 Pizza好足料味道都唔錯👍🏻要讚一讚個牛 有肉味🫶🏻幾香口配埋旁邊晚配菜都有85分💖如果兩個人叫餐黎講份量唔算好多 所以都只係岩岩好夠飽而價錢就中上但我都欣賞依間店鋪 食物健康 伴碟都靚賣相一流

約咗朋友係觀塘下午茶，朋友推介先知東廣場最入面，有間又大坐得又舒服嘅Cafe，好適一邊Chill 住傾計，一邊慢慢食野 😆  📌冬陰功軟殼蟹意大利飯  🦀 本身都鍾意食泰國菜，見到呢個fusion意大利飯好似好吸引，所以就叫黎試下。果然無令人失望，首先一上枱賣相已經好吸引 🤩軟殼蟹炸皮唔會好厚，脆卜卜好香口，冬陰功意大利飯有驚喜，酸酸地帶少少辣，好match好開胃!☕️ 咖啡方面，叫左一杯Ice Americano 同一杯Latte，咖啡豆係我鍾意嘅偏nutty，飯後一杯啡解膩一流! 😍

Comfy以簡約的灰白色和木系裝潢，營造出一個舒適的空間。餐廳走文青風路線，牆上有非常大福的貓狗壁畫，打卡一流！🐱⭐️香煎三文魚柳三文魚煎得香脆，肉質滑嫩多汁，白葡萄酒奶油醬香濃惹味。⭐️軟殼蟹牛油果漢堡軟殼蟹大大份，香脆惹味，配搭牛油果好有口感。薯條的都查得很香脆。漢堡包配上沙津，味道清新，解去油膩感。⭐️煙三文魚凱撒沙律煙三文魚卷成玫瑰花形狀，三文魚份量非常慷慨，味道肥美，沙律菜亦都好新鮮。

觀塘的一個商場裡面的咖啡室 這一個自助的水櫃，真的令我驚訝 竟然有普通水和氣泡水可以免費提供 （正常香港一支氣泡水都要60元）店家非常豪氣 另外吃了他的午餐 份量十足 味道也是可以 咖啡的拉花也是很有心機 午市時間非常滿座 如果想吃還是提早一點比較好

以前喺kt番工都成日去東廣場lunch，宜家竟然開左間靚靚餐廳！所以約左個媽媽去帶b gathering!Tea set❤️煙三文魚begal配薯條 $99Bagel唔硬，煙三文魚份量適中，裏邊仲有cream cheese! 火腿芝士牛角包配薯條 $101有2個牛角包，鬆化，好食！Tea set包部份飲品，其他特色飲品要額外加錢。柚子蘋果梳打 略甜 +$21玫瑰西柚烏龍茶 清，好飲👍🏻 +$23水牛芝士無花果巴馬火腿沙律 $128水牛芝士配Parma ham根本冇得輸，而且佢份量都多！用嘅黑醋唔錯，襯嘅！Tiramisu $58自問tiramisu愛好者，去餐唔同餐廳都會嗌嚟食🤣呢間係少數餐廳，我覺得tiramisu 係做得好食嘅，可以一試👍🏻地方夠大，2架bb車都放得落。waitress超級nice，絕對係baby friendly👍🏻

經過觀塘東廣場，見到有一間別樹一格嘅西餐廳🍴裝修簡潔，走文青風路線。環境舒適，有種令人恬靜淡然嘅感覺🌿 我係晚餐時段去食飯，人流吾多，坐得較為舒服。我地叫點咗一份明太子甜蝦扁意粉+黑松露雜菌賓尼迪蛋酸種麵包。明太子甜蝦扁意粉🍝汁醬好多，幾乎每條意粉都沾有明太子醬；而且餐廳選用扁意粉，能夠充分掛汁係意粉上。個人口味偏淡，略微覺得意粉有啲鹹，意粉質地偏軟腍。甜蝦一般，食得出吾係新鮮嘅🫢黑松露雜菌賓尼迪蛋酸種麵包一份有兩件，有沙律菜🥗伴碟，酸酸甜甜，幾開胃。黑松露味道香濃，雜菌份量多，但偏油。雞蛋🥚餐廳標明係選用蘭王蛋，切開係金黃色流心嘅。個人認為荷蘭醬麻麻地，吾太香，奶味吾重。酸種麵包🥖係偏硬身，比較普通。飲品方面，特飲巨峰提子檸檬梳打味道吾錯，賣相滿分👍🏻 但略厭檸檬味淡，梳打氣泡少。整體嚟講，味道質素中規中矩，環境舒服，適合想要寧靜享受時光嘅朋友仔。

上星期去觀塘試完姊妹裙之後同朋友去左東廣場覓食，見到呢間Chef's Stage 旗下既café裝修得幾文青，野食又好吸引，就決定食呢間餐廳啦~🤩1️⃣ 🥗 烤南瓜,藜麥沙律沙律配蜜糖黑醋汁 ($ 98)有朋友想食light d，所以就叫左呢個沙律食下😝沙律菜份量都好足而且又夠新鮮，仲有纖維量好高既羽衣甘藍，而醬汁酸甜好開胃，但美中不足既係有一兩舊烤南瓜比較硬，可能未夠熟🥲2️⃣ 🍝 新豬肉芫茜羅勒青醬長通粉(素) ($ 98)呢度既青醬意粉我地都覺得好好食🥳🥳青醬加埋芫茜係面比較清新唔會漏。長通粉硬度煮得剛剛好，仲有加入左粟米芯，口感更加豐富，但新豬肉我地就唔太食得出了。3️⃣ 🍔 安格斯牛肉漢堡 ($ 128)牛肉漢堡同樣做得幾出色。牛肉漢堡夠厚身，而且煎完後都係juicy的👍🏻👍🏻餡料仲有份量唔少既沙律菜，所以整體都唔會覺得好heavy。而伴碟既粗薯條炸得香脆可口，搞到我食唔停🤭!除左薯條，仲有由椰菜、紅蘿蔔同洋蔥等等撈成既沙律伴碟，即刻減低左食薯條既罪惡感🤭🤭✨另外想講既係餐廳既水係自助形式，除左普通既水之外，仲可以選擇飲梳打水呢

📍Comfy by Chefs Stage...位於觀塘東廣場嘅隱世cafe，木系簡約風格空間感充足！🥰.我哋order咗幾款食物：❣️軟殼蟹蕃茄忌廉汁扁意粉🍝❣️燒烤菇未來漢堡🍔漢堡分量十足，仲有大量薯條，而且燒烤菇好Juicy ，啱晒素食人士！✨✨✨❣️甜薯條🍟❣️牛油果香蕉奶昔🍌❣️雜苺乳酪沙冰🍧奶昔同沙冰都係打卡必點，雜苺乳酪沙冰顏色鮮艷，非常吸睛，味道怡人，酸酸甜甜👍🏻👍🏻

收工行東廣場嘅時候無意中見到呢間清新簡約風cafe - Comfy by chef’s stage, 見到咁多人食就試下😆餐廳水泥風牆身同埋用唔少綠色植物點綴令到環境好和諧舒適🌟餐廳係用手機落單，落完單無耐已經上左大部分嘢食，上菜速度都幾快👍🏻明太子薯條 $68份量好多，上面有木魚同紫菜絲😍薯條大大條又炸得酥脆，配埋明太子醬都好夾，味道香濃又不會鹹🤤韓式雞肉菠蘿漢堡 $118韓式辣醬加雞肉同搭配埋又甜又多汁菠蘿，食落甜甜辣辣幾開胃🤤加上烘過嘅麵包，咬落有唔同層次，口感幾豐富👍🏻配埋薯條同椰菜沙律又可以消除油膩感🥗豬肉芫荽羅勒青醬長通粉 $98羅勒青醬再夾埋芫荽食落好清新🤩而長通粉軟硬適中好掛汁，食完覺得好healthy😝芫荽控要order~雜莓乳酪沙冰 $50雜莓的味道好濃郁，配埋乳酪沙冰酸酸甜甜好開胃😍好飲必叫！玫瑰西柚台灣阿里山金宣烏龍茶 $46玫瑰西柚加埋清香嘅金宣烏龍茶飲落好fresh，而且都好適合養生人士😌👍🏻整體係餐廳坐得幾舒服，食物質素正常，幾啱收工後同朋友一齊食吹下水👧🏻

Lunch time 黎食，不需要等好耐，剛好可以入座。環境舒適，2 個人座都夠舒服。位置不會太迫，適合傾偈。 食物整體上很不錯，味道份量剛好，每人叫一個主食，再配一杯飲品。很滿足😍

每次約朋友去觀塘聚會，我都會首選東廣場呢間西餐廳，除左環境坐得舒適，座位闊落之外，仲係因為食物質素好同性價比高。首先一坐低點左小食先，明太子薯條，薯條炸到香脆可口，上面仲有木魚絲，特別要講佢個明太子醬非常惹味，點薯條食好夾！虎蝦蕃茄醬會意粉：虎蝦都幾大隻同多，蕃茄好鮮味，食到有蕃茄蓉，唔會話好酸，意粉掛汁。香煎三文魚柳：三文魚柳好大法，而且佢火喉控制得剛剛好，外表脆，入面魚肉滑嫩，自己煎都未必甘易做到，令人一試愛上了，十分推介！飲品方面選擇都幾豐富，我地試左呢度比較特色既冰磚抹茶紅豆鮮奶，用抹茶做成冰塊，加入latte入邊，就算溶左都只會係抹茶，唔會變稀，非常貼心！

做完運動搵地方食午餐🍽️，就到觀塘東廣場地下的Comfy by Chef's Stage ， 餐廳食物種類都幾多， 我們四人點了芒果蟹肉牛油果沙律$156、 烤南瓜藜麥沙律配蜜糖黑醋汁$122、 紐西蘭肉眼扒$199、 香煎美國雞胸$166、 熱美式咖啡$18、 凍美式咖啡$20、瑪奇朵咖啡$18， dirty$21。 ▫️芒果蟹肉牛油果沙律🥗 ～ 賣相美美的，本身好喜歡吃牛油果🥑， 再加上芒果和蟹肉令到整體味到提升又好fresh。▫️烤南瓜藜麥沙律配蜜糖黑醋汁🥗 ～ 烤南瓜味道甜美，藜麥健康，蜜糖黑醋汁淋在食物上， 甜甜酸酸，開胃又好吃。 ▫️紐西蘭肉眼扒🥩 ～ 牛扒味道普通。 ▫️香煎美國雞胸🍖 ～ 雞胸唔會硬，正常發揮。 ▫️dirty☕ ～ 我的Dirty，味道偏淡。 ▫️熱美式咖啡 、凍美式咖啡 、瑪奇朵咖啡☕ ～ 三款都是朋友飲的，所以味道不太清楚。 整體感覺沙律做得幾出色，不過性價比不算高。 🏷️溫馨提示～ 整個用餐體驗均屬個人分享意見， 只作參考😊。

今日難得早收工，就約朋友去觀塘行下街食個飯💕今次揀嘅係Chef’s stage 旗下嘅cafe👍🏻之前將軍澳食過佢嘅西餐覺得不錯，今次亦冇失望餐廳裝修風格同其他食店好唔同，整體感覺比人好寬闊，空間感十足，而且有植物🌳襯托，令人感覺煥然一新🙌🏻由於唔算太肚餓，我地就只係叫咗4樣嘢，包括沙律🥗、意粉、薯條、飲品❤️Parma Ham無花果黑醋沙律❤️顏色好繽紛，擺盤好有心機，見到都特別開胃😆無花果、羽衣甘藍、番茄仔🍅，組合好fresh～ 再淋上黑醋汁，即刻feel到個人還健康❤️配合埋個火腿，我覺得都係接受的鹹度。🍅虎蝦番茄汁意粉整體可以😌番茄汁唔算好酸，每一條意粉都掛有茄汁🥫虎蝦🦐大大隻，咬落好彈牙👍🏻不錯薯條🍟大大蝶薯條好正呀！配有明太子醬同蕃茄醬，可以根據自己嘅口味選擇沾喜歡嘅醬👍🏻我就鍾情於番茄醬嘅🤣薯條都好新鮮，都算大條，食落都好滿足！飲品方面，我哋揀咗🥑牛油果香蕉奶昔 同埋薑茶🫶🏻牛油果香蕉奶昔🍌好fresh，雖然上面有少少cream，但整體飲落唔會覺得好膩❤️想健康少少🤏🏻可以揀呢個❤️想再健康d，可以選擇茶類😌飲熱嘅仲可以暖下身，驅驅寒氣❤️整體來講，作為light dinner係不錯