Collegiate Caffè (已結業)

Collegiate Caffè玻璃屋其實係Cafe Habitu，出面啲分店真係貴到呢......我就唔捨得去其他店飲啦！不過相比Lib Cafe 都係貴。 試過呢度好多隻咖啡，真係無一隻會令人失望。全部都好好飲呀! 我特別鍾意Iced Caffe Rosa (凍玫瑰咖啡)，味道好清新好滑，真係有玫瑰花上面，仲有同埋少啲地方有。全部店員都好有禮貎，可惜室內得3、4 張枱，座位好少。所以我通常都外賣算。

去大學開會，傾完正經野，同同事飲杯tea先！去到呢間校園cafe，drink list好多選擇，價錢比外面平三份一或以上。點左一杯rose latte, 非常滿意。拎上手好香玫瑰味，好清新。一入口，咖啡味唔濃唔苦，但慢慢會滲出咖啡豆既香味。奶既比例控制得好好，好香滑，但無搶左主角既風頭。有surprise係竟然有玫瑰花瓣，証明佢地唔係剩係落精油。

約咗啲同學仔一齊去POLYU傾project, 見呢度環境幾Chill, 應該搵到啲靈感哈哈哈！叫咗個mini版all day breakfast, 有toast、 腸、炒蛋、蕃茄、茄汁豆，仲有煙三文魚。種類都算多，每樣都可以試啲。厚身多士咬落去脆卜卜，烘底相當脆口，加上超級好味嘅果醬，滿分！果醬除咗有淡淡然嘅士多啤梨味外，仲有啲玫瑰香架，幾特別！另外炒蛋都炒得不錯，聽聞正宗嘅炒蛋係要炒到好似BB屎咁爛爛地，不過呢個形態尚可，味道同熱度都爭啲！其餘配料好似茄汁豆、煙三文魚、腸同蕃茄都無技巧可言，味道OK！

下午茶搵嘢食搵到入理工大學。見到Cafe habitu，無錯係Cafe habitu！呢間分店定價係出邊分店正價嘅大概七折左右啦！幾個女仔叫左四件蛋糕，分別係伯爵茶、士多啤梨、香蕉焦糖同埋咖啡朱古力。開頭都諗，咁平會唔會冇質素保證呢？點知呢度嘅食物同出邊一模一樣。蛋糕每一件都好精緻，睇得又食得！伯爵茶係我最鍾意嘅，有好香濃嘅earl grey味，士多啤梨係友人最愛！香蕉焦糖就略嫌重口味左少少，重口味嘅人一定好歡喜！咖啡朱古力我冇食過啊，不過朋友話都好好味呀。我哋仲叫埋野飲，我叫咗最好飲嘅玫瑰Latte。好香嘅咖啡味，裏面有人隱隱既玫瑰花香，一次過有兩種享受！！到底係呢度點樣先可以享受到折扣呢？答案係乜嘢都唔使做！雖然佢寫明係比理大教職員同學生專用，但係當我地買嘢嘅時候，都無人查我地證件。

舊同事T相約飯聚，一如既往，地點又是理大的南北小廚。早到的小妹，漫遊校園一周，見到間Cafe,如獲至寶，當然入去嘆冷氣，兼嘆杯咖啡了。小妹多口問句:“有冇下午茶餐?”"有，咖啡配一件鬆餅，二十蚊。"店員哥哥答道。嘩，一杯咖啡加一件鬆餅，才二十大元!小妹，又豈會錯過?要了一杯原價$25的Cuppuccino, 再自行於餅櫃上取了件原價$12的香蕉開心果鬆餅。Cuppuccino奶泡豐富，入口香滑非常，啡香撲鼻，頗為香醇濃郁且芬香，水準不賴。香蕉開心果鬆餅咬下香甜鬆軟且濕潤，香蕉味頗為突出，牛油下得不多，故牛油味薄，稍嫌開心果未夠香脆也。

在尖沙咀見完客，相約了在理大工作的友人吃午餐。炎炎夏日的正午時分，從尖沙咀步行到理大，簡直是熱得要命。踏進理大時，已經滿頭大汗，汗流浹背。看見前頭有間咖啡店，想也沒想就直接沖進去。此刻十分需要一杯冰凍的飲品為自己降溫，我選了Cookies n Cream (曲奇奇趣喜冰樂)，面層厚厚的cream上灑滿曲奇碎粉，入口其曲奇味突出，不會過甜，混合了淡淡的奶香味，十分味道。店內面積細小，只有幾張小枱子，所以我選擇店外的枱，坐在樹陰下等友人，一邊品嘗冰凍的Cookies n Cream，一邊感受校園的書香氣色，感覺十分舒暢悠閒。