CoCo壹番屋 (天晉滙)

營業中

休息中

將軍澳可謂商場林立, 今次來到PopWalk的COCO吃咖哩, 沒有下午茶的COCO相對其他餐廳, 在這個星期六比較少人COCO一向裝潢都好光猛, 感覺舒服見到門口Foamboard新推介咖哩石鍋配飯, 一向喜歡韓式泡菜鍋的我自然會不容錯過曾經去日本食過COCO的咖哩拉麵, 既平宜又好吃, 記憶尤新, 可惜香港沒有...唯有叫咖哩烏冬坦白講店員一上菜個刻, 「我是失望的」... 賣相認真麻麻... ~.~同佢個poster有一段距離... 雖然我都知 "圖片只供參考" 但有時候會"期望愈大, 失望就愈大"點知味道又唔錯, COCO既咖哩汁出左名偏濃味, 但佢又唔係~ 適中剛剛好! 原來個湯除左豆腐同蛋, 都仲有d蜆啦, 肉啦咁, 配埋白飯都可以~另外, 個烏冬既湯就偏咸喇, 烏冬面質都煙韌既~但食到一半有d烏冬實實地粉粉地咁, 好似未熟...就較為失望了...

呢度係好baby friendly，兒童餐好吸引，呀仔耐唔耐就會扭嚟食梗係啦，食完仲有玩具！兒童餐都有三款揀，飲品可以揀益力多、橙汁、蘋果汁。我就鍾情佢嘅忌廉咖哩雞肉蛋包飯，要甘口咖哩，個蛋超滑，食完真係大滿足！仲叫左個沙律，清新又fresh另外，店員服務態度都好抵讚，見到我有小朋友會主動提供一次性兒童圍裙，等我地食得安心唔洗就住就住！超貼心！

有兒童餐嘅食店唔多，Coco一直係各媽媽所推崇，因為味道唔錯，兒童餐唔止小朋友食得開心，大人都非常滿意小小嘅兒童餐已經有唔同嘅選擇，而且重附送有蘋果汁同啫喱仔隨餐重會有一張禮物卡，待小朋友食完之後去揀小禮物，又食又拎，滿載而歸Coco餐牌內琳琅滿目，總有你心水，今次我就試左炸雞奄列咖哩飯，6種辣度只選1級辣～蛋包飯飯量無得揀少飯～送到上黎賣相好，炸雞應係即炸並非放架待用嘅雞，蛋包飯嘅滑飯蛋汁重流著.....令人望見到流口水想試好環境、好服務，對小朋友照顧有加，必定再黎

呢間日式咖喱專門店都有一段時間無食，今晚心血來潮係腦海中出現，近近地有一間!雖然咖喱類選擇都多，但始終都鍾情呢客咖喱炸鷄球飯 ($65)，另加$25可以係湯/沙律/甜品/飲品選3款甜品就少吃，改算餐湯(什菜湯)，無半點油份但味道偏濃; 及清新沙律(芝麻醬)，夠凍及可中和一下湯嘅咸味咖喱炸鷄球飯都好快上枱，可選擇辣度，點算二分辣，辣度都好睇少，但辣得黎都幾惹味，咖喱汁又夠多，佔據半隻碟份量日本米配咖喱汁就咁都可以食到一碗飯，口感煙韌!鷄球熱辣辣，肉質都幾滑唔會炸至乾身及嚡口枱上有盒漬物，係蘿蔔乾及蓮耦片，味道甜甜地用黎送飯又OK喎!飲品要埋杯熱咖啡，成餐飯飽晒!

《CoCo壹番屋》 📍將軍澳唐俊街12號天晉滙1樓103號舖-今日經過將軍澳見到好耐都無食過既日本咖哩飯CoCo壹番屋，仲記得之前去日本都要食佢🔹吉列豬排庵列咖哩飯 $78庵列既蛋皮係半熟狀態，包住飯，食落好軟身，而且咖哩汁亦有好多，而豬排就有好多件，但唔算好厚身，咬落好淋好易咬。而家日式咖哩飯仲有得比你選擇辣度，最高為5辛，我就選左3辛，食落有小小辣味，鍾意食辣野既朋友就更加可以試下有辣味既日式飯啦🔹只要+$20 就可以有4選2既組合包括(餐湯/餐飲/沙津/雪糕) 而我就(餐湯+餐飲) 餐湯係菜湯，好稀好淡，我就覺得好麻麻🔹炸雞塊$26食落好似麥樂雞，但個皮就相對脆D同大件D都幾香，有8件都幾抵食想食日式咖哩，選擇CoCo壹番屋都不錯，因為有好多款配搭，有牛有魚有雞有素🍴8.5/10

你一定也試過心血來潮想食某一樣東西吧！對於作為一個資深‘’吃貨‘’的我，總有這樣的時候。這天，內心忽然產生一種強烈要吃咖哩吉列豬扒飯的衝動！想著想著，便已經計劃好這天的午餐就是吃coco咖喱的吉列豬扒奄列飯。對，說到吃，我總是十分清楚具體的知道自己想要甚麼並且充滿行動力。若果這份決策力與行動力應用於工作，可能我今天已經是個成功人士了。（笑）吉列豬扒奄列飯加芝士 $91 已經有一段時間沒有吃過coco了！以前奄列飯不可以選辣度，現在可以選了！我選了辣度3。我喜歡連鎖餐飲, 尤其是日式餐飲店的一點就是味道基本不變。咖哩跟以往一樣的濃郁，雞蛋柔滑，豬扒炸得鬆脆。雖然咖哩吉列豬扒飯一直都不是一道讓人驚艷的料理，但基本上我沒有吃過難吃的咖哩吉列豬扒，可以說是一道讓人安心又滿足的料理吧！另外，雖然要加$16才有芝士，但芝士的味道跟咖喱跟蛋跟吉列豬扒簡直不能再夾！

呢間咖哩都開咗一段時間，成日搵嘢食都冇特別諗起佢，今次經過門口，好香咖哩味，就吸引咗我哋走入去店員安排我哋坐近玻璃窗嘅二人位，感覺佢哋都幾有系統廚房係半開放式，好光猛，感覺好乾淨炸魷魚鮮蝦咖哩飯係regular嘅份量，冇特別加錢加大，咖哩口感揀咗標準，店員解釋都話有微辣魷魚圈炸得都幾香脆，質地彈牙，咖哩入面都有啲魷魚片，份量都唔少鮮蝦其實都只係一啲蝦仁，同咖哩一齊食味道出奇地夾唔會蓋過對方嘅味道而且好欣賞佢咖喱嘅份量好配合飯，食完飯剛好配上全部咖哩朋友唔食辣，叫咗個甘口嘅咖哩炸豬扒嘅質素幾高，肉質夠腍又唔會太乾，入面幾juicy，都係好有保證嘅咖哩不過呢個甘口感覺就冇標準咖哩咁好食

同事們喜歡來這裡吃午飯今次是我第一次跟同事一起來這店啊！咖喱飯的款式選擇都多我就快速地揀選了每日超值特製咖喱飯套餐套餐包括主食﹑餐湯或沙律及冰紅茶$58一set沙律，都是一般生菜﹑青瓜﹑粟米及車厘茄的配料澆上芝麻醬，是清新爽口的前菜～～是日咖喱飯的配料為炒蛋﹑蝦及菠菜超值套餐的飯量較少，餐牌列明只得200G男生會不夠飽的～日式咖喱不會好辣也不會太鹹，咖喱味算足夠炒蛋是最欣賞的配料！超滑溜又略帶蛋香～～菠菜的份量比蝦多蝦應該是雪藏蝦仁，沒什麼蝦味，肉質也不夠爽口彈牙～總的來說，咖喱味道算是OK炒蛋好吃～～下次可以試試另一款帶炒蛋的咖喱飯！

$64 + $14原本以為CoCo壹番屋嘅咖喱應該唔錯點知食完之後覺得好失望😀因為成個咖喱都好鹹真係好好好鹹😂最後唯有加隻成$14嘅温泉蛋仲有瘋狂加擺喺枱面嘅果蜜醬🤧經過自己不斷調味之後終於好食返少少但係始終覺得日本咖喱唔應該係咁嘅味㗎😭

第一次光顧, 於將軍澳天晉分店用晚餐, 當時只約有30%客人在用餐, 我和女友入店後, 冇店員主動打招呼及安排入座, 坐低後仍然冇被店員發現, 因第一次幫襯, 以為好似大家樂咁自己order食物, 所以自己出去找餐牌, 並到櫃面點餐, 店員冇樣, 仲問我係咪外賣, 我已暗地不爽! 唔緊要, 等到上餐後, 發現冇餐具, 想尋求店員協助時, 見店員門埋頭苦幹地按手機, 完全忽略客人! 唯有自行到station取餐具, 期間一直沒有店員上前關注! 到埋尾取甜品時, 揮手長達近2分鐘, 才被發現, 該店員遠距大聲詢問: "係咪食雪糕? " 我頓感到諤然 , 再望一望餐牌最底下時, 竟然收取加一服務費! 心裡極為不爽!離開店時, 亦無店員察覺, 期望一聲"多謝"都冇 !! 以上經驗 , 憑乜收取服務費? 食味就算再好, 我們都不會再幫襯!

9:30去到popwalk好多餐廳已經截左單，但coco未，所以就即刻行左入去!! 好彩入面都仲有少少客人~照燒雞肉咖喱飯 $67雞肉好滑，雞上面有甜甜既燒汁，配埋咖啡同飯好好食！飯粒唔算乾身，但有口感唔會過淋所以都可以接受。咖哩加果蜜醬真係好夾，甜甜辣辣，黎到一定要試下！忌廉雞肉庵列咖喱飯 $70忌廉既奶味好重，庵列既蛋好嫩，但雞肉比照燒雞冇咁滑。覺得忌廉同咖哩其實唔係好夾，有少少多此一舉既感覺。都係配翻果蜜醬好味啲~

果蜜咖喱飯🍛😍😋好耐冇食咖喱飯，今日興起好掛住甜咖喱，就同寶寶去左coco curry house😎吉列豬排奄列咖喱飯 ($75)炸三文魚扒奄列咖喱飯 ($74)黎呢度食咖喱飯，一定要加果蜜醬!!!🍯😍想當年我第一次知道咖喱可以加蜜糖覺得好驚訝，食落好新奇刺激🤣今日加左好多果蜜，連咖喱撈飯，口感好豐富❤香腸沙律 ($39)一向都覺得出街食草好唔抵，未煮熟既草已經要三四十蚊，不過我抵擋唔到芝麻醬既魅力，最後都叫左😂店員一開頭冇俾醬我，我自己問番佢攞兩小碟。蔬菜幾新鮮，食落chopchop聲，香腸幾香，外皮少脆。

這間位於天晉二期的Coco壹番屋，阿仔話係香港第一等的咖喱屋。因為這裏有小朋友最愛的咖喱兒童餐，還有A、B、C set。兒童咖喱飯，咖喱甜而不辣，又有啫喱，漢堡扒味道都不錯。兒童庵列咖喱飯，香滑庵列蛋包住白飯。有薯條有漢堡，作為一個兒童餐都幾賞心悦目，小朋友默默食。還有果汁，吃完仲有得抽玩具。果然係兒童恩物。雜錦沙律，勝在樣樣都有，作為一個starter都不錯。  咖喱石頭鍋 ，季節限定，不妨一試。咖哩沒有想像中那麼辣，這食法也不錯，豆腐也很香滑，撈飯好。咖喱吉列魚塊菠菜蝦飯，咖喱比較辣一點。原來加點蜜糖，撈咖哩也不錯。加一點點就可以，加得太多會很溜。整體不錯，小朋友食得開心過大人。

自己帶住個小朋友，就好怕出街食，好難搵位一來勁唔好意思，有時霸左人地4個位，再加上係叫一個餐2份食，同埋仲要搵一間有high chair嘅餐廳，又唔多人（太多人驚招呼同上菜慢，小朋友唔太等得嘛）呢間餐廳，少少偏遠，加上我11點半就去搵食路過諗緊入唔入去㗎，其實未試過，對咖哩唔太好，最大問題係我仔仔都要食，點知見到兒童餐menu，價錢公道喎，所以就入去試試職員想安排我坐卡位，但我唔想霸人地4個位，所以叫到有一張單丁枱，側邊有位放high chair，問職員坐果張得唔得，佢話可以，就揀果度坐（坐坐下，好多人走入餐廳，原來幾旺場）拿臨揀左2個餐大人餐有啲貴，一碟飯配一塊漢堡扒，但菜都無，好寡要加錢先有沙律，但其實放少少雜菜個啲，賣相都好睇又有營養無幾耐來左2杯果汁，我飲橙汁，仔仔飲蘋果汁我無專登影相話就話走冰，但雪櫃拎出來，都凍冰冰橙汁有啲濃，好似有啲蜜糖feel唔知點解仔仔嘅蘋果汁反而我覺得幾好飲，下次我都叫蘋果汁先得跟住飯來喇，我叫左芝心漢堡扒咖喱飯，加左$18揀2樣野，就係杯橙汁同雪糕（我要少辣同埋減飯，平$5）個芝心扒，一切有芝士流出來，都幾好食，但呢碟野賣相好單調個咖哩少辣都唔太辣

好耐無食過呢間咖喱飯上次食已經係好幾年之前既觀塘分店 而家已經執左🙊甘啱見到pop walk 開左 就過黎回味下當年既味道吉列豬扒奄列飯 正常辣 HKD75記得以前好香咖喱味 會有小小辣而家感覺無左辣味同咖哩香 無加果蜜都偏甜🙈跟以前吃的感覺不一樣了不過豬扒還是一樣炸得脆和乾身 不會油油的 讚蘋果汁 要左少冰不過都有半杯係冰雖然咖哩無當年既味道 不過豬扒都唔差 不過不失喇