CoCo壹番屋 (天晉滙)

營業中

休息中

疫情下繼續支持食市，午餐同老婆一齊落街搵食，見今日落雨天氣又凍，經過商場突然遇到 CoCo Ichibanya，對腳好自然自己行咗入去🤣今日只有兩個人，又有啲趕時間，坐底快快就用手機每人叫咗個咖喱飯🍛🔻特制三文魚扒庵列咖喱飯天氣寒冷下，見到呢個咖喱飯，唔多唔少都會覺得有啲溫暖😅，吉列三文魚扒外面炸得好香脆，三文魚仍然好嫩滑，咖喱我哋選擇1分辣，比標準高一級辣度，覺得剛剛好，蛋包飯個蛋同樣做得嫩滑，日本珍珠米煲嘅飯亦都好好味，成碟飯食落去，真係好有喺日本食咖哩飯嘅味道，好食👍🔻吉列豬扒庵列咖喱飯吉列脆皮不用多說了，一樣鬆脆，至於個豬扒，肉質都好鮮嫩，食下食下，好快就成碟食晒😋🔻酥炸魷魚鬚點餐時我哋追加左一份炸魷魚鬚，鬆脆香口，伴咖喱食一樣好夾😊CoCo Ichibanya 庵列咖喱飯，的確有食日本地道咖喱味道，所有點餐攞水都係全自助，侍應只負責傳餐及執枱，其實冇乜直接交流，當然亦唔會有太多服務俾你感受到，會似喺快餐店食嘢感覺，但以一碟飯要成八九拾蚊，兼且要加一，我個人覺得有點偏貴，如果包多一杯飲品會更為合理🤔

晚市冇咗堂食，唯有外賣返屋企😆🔹吉列豬扒庵列咖喱飯🍛 $82豬扒炸得好脆，有肉汁好Juicy, 分量十足庵列好滑，好香牛油同埋蛋味咖喱汁揀咗唔辣，好日式feel🔹餐湯+飲品 $21餐湯係日式紫菜湯飲品係蘋果汁🍹

不嬲呢度都係食吉列豬扒奄列咖喱飯，唔知痴咗邊條筋突然之間見到忌廉雞肉奄列咖喱飯好想試吓，費事食你食去都係嗰一味，諗住試吓其他嘢都好，點知就出事⋯⋯明明睇張相真係好似好吸引，點知見到真身之後完全係兩回事，忌廉汁變得好稀，原本諗住當忌廉汁溝埋咖喱汁嘅時候會比較奶味重啲嘅咖喱，點知食落冇分別，唔知係咪因為忌廉計完全冇味😓而忌廉汁裏面嘅雞肉，其實鞋就預咗㗎啦，但冇諗過仲叫碎上加好少，其實就眼見好似有三舊囉，其實如果將佢組合返其實頂龍叫做兩舊，同一塊豬扒相比，根本唔需要比，所以我下次一定唔會再叫，無敵呃錢!

今日公司多嘢做，中午走去買個外賣，喺Coco一番屋買咗一個吉列豬扒奄列咖喱飯。攞到返屋企，一開學就聞到香噴噴嘅咖喱汁。吉列豬扒炸得好香脆，好有肉汁。咖喱汁我要左唔辣，平時其他店舖會比好少咖喱汁，但係呢盒係會食唔晒。咖喱汁濃度適中，味道甜甜地，好開胃。奄列煎得好滑，呢個外賣真係唔錯。

昵間餐廳其實坐位唔多，位置開陽光猛，出面經過嘅人流亦少，所以坐喺入面食野好relax 好舒服我最鍾意食佢哋嘅炸豬排，有時肚餓會叫個咖喱扒蛋飯，因為份量都多，同埋蛋夠滑，咖喱汁多，再加杯可樂，食完真係好滿足！我今次唔肚餓，所以選擇了咖喱豬扒烏冬，除咗咖喱汁夠濃味之外，入面個豬排亦有水準，而且有幾片肥牛，再加少少大蒽，真係好好味！而且我食完成碗烏冬，個咖喱湯仲係好熱嘅，食完成個身真係暖哂🥰星期六日，午餐和晚餐都比較多人，所以唔想排隊等位就要早少少到喇！

這間店並不是第一次光顧但外賣自取倒是頭一回😀說實話...堂食感官不是太美好🤨位置等候需時⚠️餐廳實行半數入席....曾試過非黃金晚餐時間去排隊亦需要花上1小時有多...🤯（當時是4:15pm去排的隊）用餐等候需時⚠️也不知道是員工怠慢還是怎樣的從點還開始算..到餐膳終於上菜也需要花上大半小時🤯🤯然而...這次嘗試外賣點餐看看是不是也是那麼慢🤔在openrice app點餐後...會出現預計領餐時間⏱時間大概是20分鐘左右...意外發現..居然很準時！！🥳這次點了...1. 🍛吉列豬扒蔬菜咖喱飯 $96咖喱飯與堂食味道相差不大唯胡蘿蔔🥕質感偏硬...感覺像是還未熟透.....🤔2.🍛鮮菇忌廉庵列咖喱飯 $71這與堂食味道也是差不多嫩滑的雞蛋🥚庵列絕對是邪惡之選唯忌廉汁不多...令其味道不太明顯但整體而言還算不錯👌🏻說好的20分鐘便能領到倒是值得一讚與堂食感覺截然相反🥳若是堂食也利落一點...當然會更好😂

下晝3點幾，5檯客，9個客，5個職員，但上餐時間超過十分鐘，落單落錯熱檸茶變凍檸茶，湯變沙津火炙豬肉咖哩烏冬，d 烏冬燶，同職員講，話係新出，fine,食多幾啖成碗都係燶味，轉頭再同職員講，話冇燶係咁，我唔會要你換，淨係想你知，好老實，當自己唔好彩，我唔會話要換，一陣加料就弊叫職員上雪糕，成個字，兩三條友圍埋唔知做咩，再催原來係雪櫃就咁拎出黎今時今日，下午茶時間過百上碗燶既烏冬，仲要咁既服務，真係唔執都偷笑

最近好想食日式咖哩，之前都對呢度印像唔錯，所以就嚟咗呢度食午餐。我哋每人分別叫咗一個咖哩飯，真係好滯......首先嚟嘅係我叫嘅蔬菜咖哩飯。菜嘅軟硬度適中。之後係炸雞球咖哩庵列蛋包飯。雞球幾脆，幾滑，炸粉唔會太厚。最後嚟嘅係炸豬扒咖哩庵列蛋包飯。豬扒夠脆，亦唔會太乾身，炸粉算薄。由於呢間係咖哩專門店，加上我哋叫嘅全部都係咖哩，所以其實三碟味度冇乜分別。身為一間咖哩專門店，其實真係算中等偏差，因為唔夠香甜，好滯，仲要超貴！其實又真係唔算好辣，但係佢呢種辣度真係冇咗日式咖哩應有嘅風味！咖哩汁偏稠（其實咖哩稠啲好食），但係超膩，就連平時識得多嘅阿爸都覺得超飽！加上呢間嘢真係天價，我碟蔬菜咖哩飯要 $62，豬扒嗰份要 $80！雖然彈咗好耐，但係都係有嘢要讚嘅。其實，我覺得佢嘅蛋包飯做得唔錯！蛋好香，超滑，配咖哩汁同白飯嘅口感喺極級享受！但係，食炒蛋一定會膩，所以建議可以加 D 醃蘿蔔，加咗多啲口感，酸酸甜甜幾好食。可惜，我覺得 Coco 維持唔到佢嘅水準，咖哩汁越嚟越膩，同越來越貴。

成日經過呢間餐廳都會覺得啲咖喱好香，但成日話試下都冇試到。。星期日得自己一個食飯，d餐廳又勁多人，所以就簡左呢間冇甘多人啦！咖喱吉列豬扒蛋飯，日式咖喱唔會太辣仲有少少甜，送飯一流⋯⋯豬扒炸得啱啱好，個皮又唔會好厚，d飯應該係日本既珍珠米，好香！跟餐加20蚊可以多杯野飲同雪糕。

係Coco人氣日式咖哩餐廳菜單有很多配搭選擇有淨咖喱飯 咖喱奄列飯 小食等等可以加錢配套餐沙律甜品飲品是日點了忌廉雞肉奄列咖喱飯沾上了滿滿忌廉味雞肉嫩滑，咖喱味濃郁 辛甜味蛋蛋滑滑 配埋日本珍珠米完全match an match既配搭~飯飯份量都多細食既朋友可以叫佢少飯價錢人均大約幾70元多餐廳環境舒適 坐得都舒服

CoCo系連鎖食店，但我一次都未食過，因為呢間野都偏貴，今次同人黎食，對方食咩豆腐秋葵蛋包飯，貌相超讚，我就叫左咖哩牛肉果個，份量勁大(飽到想嘔)，飯好軟熟，最岀色真系蛋，本來覺得勁似銀咖x，使乜黎食，仲要八十幾蚊閒閒地。但食落口就知，真系有距特色，*吸引在蛋嫩同咖哩偏甜不辣。*牛肉食得多少少膩，但勝在有咖哩送飯。加左餐，就有野飲加雪糕，好似仲有沙律同湯，四選二，飲品就無乜特別，雪糕幾好味，雲尼拿紅豆。雪糕值得試。

下午2時後去吃飯。平時見好多人要等好耐，今天見前面只有一對情侣。向黑衫經理拿了籌，見內裡有張2人枱冇人坐，另外中間6人枱有一家3口坐緊。我倆問吓經理可否坐那張2人枱，佢話張枱因為係拍住隔離秮，吾想 騷擾隔離客人。我倆也明白。再問另一個職員可以坐那張6人枱嗎？ 因為我們之前來吃晚飯也是跟人搭枱，與其他人坐中間張6人枱，那職員走去問經理……怎知道冇下文了，經理冇答覆之餘仲向我倆show 個 "點呀？" 既樣！我俩得出一個結論，就是個經理根本吾想做生意。個老闆請着佢真是倒米！

尋晚突然想吃咖哩，心血來潮到此店，入座首先發現桌上有污積，我隨手拿紙巾抺了就算，眼見得2個侍應招呼咁多枱客。點了2個菜，咖哩炸蝦飯$68、咖哩玉子雜菜雞（咁上下），價格偏貴、咖哩炸蝦飯來到真係得2隻蝦加一堆咖哩汁，薯仔都無粒，我知可以加餸，加餸起碼$15蚊起，我又覺得碟咖哩籍成百蚊囉所以我唔加。 叫極侍應又無人又扮睇唔到又忙緊，等咗10分鐘先叫到人上埋個雪糕，點知一野撻埋嚟又唔收碟，好快就行咗去。都算。其實野食味道唔差，但服務同價格可以再好一點。

行過經過呢個櫥窗，見到唔同款式咖哩飯，突然好想食！多種選擇，點了呢款酥脆雞咖哩飯，辣度有得選，今次呢個系二辣，辣度可接受，幾香濃咖哩味，撈飯幾好味！而個炸雞塊皮確系幾香脆，連雞肉一齊食，好味喎，若再多幾件就最好啦！跟餐可加配兩點：選擇沙律及咖啡，成個套餐幾滿足！

好耐冇食過日式咖喱吉列豬扒飯！突然好想食，屋企樓下有一間，所以今日就走咗去食！時間都算早11:30左右，早餐連晏晝食，所以唔駛等位。豬扒炸得啱啱好，厚度亦啱啱好！唔會炸到乾曬同埋唔系勁厚粉嘅炸豬扒。咖喱嘅甜辣度系自己揀嘅，我今次食咗一度，下次可以再食辣d！最鐘意去呢度啲醃制咗嘅蘿蔔系系枱面任人自己拎嚟食。佢哋好特別仲有支蜜糖喺抬俾你加落啲咖喱度食。咖喱配上蜜糖出嚟嘅味道系好好食嘅。今次叫左一份炸雞，不過味道就麻麻應該下次唔會再叫喇！