CoCo壹番屋 (天晉滙)

營業中

休息中

開咗咁耐都未食過，經過諗住試下就中伏，完全唔值呢個價。咖喱雞成碗碗仔翅咁，奄列賣相係好啲，但用預製咖喱都算，點解要留舊膠喺度俾人知😅 將軍澳大把餐廳，真係無必要食呢間，零性價比

呢日去開探媽媽，佢話好掛住日本d咖哩，咁就同佢去咗天晉匯食coco壹番屋🍛流心芝士吉列豬扒庵列咖喱飯 $102套餐 ④選②+$23凍檸茶雲呢拿雪糕咖哩有唔同辣度揀,因為同小朋友share食所以揀咗唔辣,咖哩份量非常多，食到最尾一啖飯都仲有咖哩👍🏻蛋炒得夠滑，流心芝士吉列豬扒芝士可以拉絲😍豬扒炸得香脆，入面夠juicy🍛照燒雞扒咖喱飯 $72套餐④ 選②+$23凍檸茶迷你沙律（芝麻）咖哩份量一樣好多，不過雞扒比較普通，無乜特色🍗炸拼盤-炸魷魚 $54魷魚|薯角|雞搥炸魷魚外脆內煙韌,薯角正常發揮,雞搥調味幾惹味

啱啱星期六晚同朋友食飯。因為有小朋友，所以揀咗佢哋鍾意嘅日式咖哩，去左佢哋屋企附近coco（因為兒童餐有禮物🤣）呢間我都係第一次食，全店以食日式咖哩飯為主，仲有烏冬同焗飯選擇，咖哩有唔同辣度可以揀，另外仲可以揀套餐。我朋友嘅小朋友揀左咖哩腸仔飯（竟然有人揀腸仔，真係笑左出聲🤣🤣🤣，可能我師奶性格，我就覺得好唔抵，但佢中意食腸仔。。。可以食到自己中意食野，都係幸福嘅）咖哩飯上整齊排左四條日式腸仔，有少少似脆皮腸，可能長少少，都幾可愛。我就揀左蛋包飯配吉列豬扒，辣度我揀左三隻辣椒🌶🌶🌶所以個咖哩汁顏色同其他嘅都有啲唔同，有啲類似七味粉嘅紅色點點響汁上面，都唔算太辣（因為我都食得辣）我估大概係譚仔五5至3小辣卦。我雞蛋係幾好食嘅，豬扒炸得外脆鬆軟，唔錯。咖哩汁就係一貫日式咖喱汁，有少少細粒薯仔咁。我揀左套餐，有得選2, 3, 4，可以揀沙律，飲品，餐湯，同雪糕。我就揀左套餐2，飲檸檬茶同餐湯餐。湯係日式餐湯，有啲海帶同雜菜。整體可以嘅，不過我都覺得有啲偏貴，間唔中食一次還可以。

喺屋企附近食都冇乜嘢好食，諗起之前去日日食經過見到呢間Coco壹番屋，又喺其他分店食過都幾好食，就一於光顧下晚餐🍽️流心芝士吉列豬扒奄列咖喱飯🧀🐷🍛咖喱飯微辣，個人又偏向重口味，呢個咖喱飯非常之合我口味🤤啲咖喱汁夠多夠晒撈飯🤪奄列蛋夠嫩滑，唔會煎到又老又鞋😋流心芝士吉列豬扒都做得幾好，吉列炸漿唔會太厚又夠脆，豬扒唔會又鞋又韌👍🏻餐廳資料：CoCo壹番屋 (天晉滙) (將軍澳)將軍澳唐俊街12號天晉滙1樓103號舖

我們一家三口去吃晚餐，兩個大人一個小朋友，叫了兩個咖喱飯套餐，加炸雞薯條，加雪糕及飲品，另外一個兒童餐。兒童餐是可以12歲小朋友order 的。首先上碟不專業，手指公差啲插入飯。然後送上兒童餐時又問長問短，問小朋友幾多歲，有懷疑的態度，我心諗點餐要檢查身份證嗎？我們三個人兩大一小，你覺得兒童餐不夠賺錢，你不如取消兒童餐。你要查問也應該在末上餐時，小朋友明顯不是大人，你又要問幾多歲，還拿着兒童餐不放低。這樣質問客人的態度，難怪餐廳比以前少人幫襯其實服務員態度真係好趕客

亞女最鍾意食 #日本咖喱去日本日日食都唔厭隔離就有間咖喱飯，試吓先入去坐低，成個日本感覺返晒嚟數碼點餐Lunch set🔸#吉列豬扒咖喱飯 🔸#凍檸茶🔸#綠茶雪糕配紅豆丸子豬扒外面脆入面非常juicy，不乾最怕乾爭爭嘅豬扒豬扒好好食咖喱汁我哋點一度辣其實都辣，下次試吓三度先唔知會唔會有火燒嘅感覺鍾意佢汁多過飯唔怕唔夠汁甜品會分開上俾張卡仔你你話要想甜品就俾張服務員綠茶雪糕好有水準好香綠茶味紅豆丸子質地啱啱好#幸福的午餐#食到鍾意食嘅嘢係好開心嘅

行過將軍澳站，在想食什麼好。個小朋友已經在叫Coco，好la 去呀～ 自己都鍾意食咖哩。小朋友有兒童餐，很快便決定了。都無想過她食得哂。我便要簡簡單單的咖哩豬，加d配菜便滿足了。今日有d熱，所以要了杯奶茶。簡簡單單的一餐～最緊要是小朋友無complaint 👍🏻

今日同小朋友去咗天晉匯嘅CoCo壹番屋食午餐，真係食得好開心！佢係一間日式咖哩餐廳，菜單上有好多款各式各樣嘅咖哩飯，真係令人垂涎欲滴。😋我哋點咗吉列豬扒咖哩飯、吉列豬扒奄列咖哩飯同海鮮奄列咖哩飯。咖哩嘅味道好香濃，吉列豬扒炸得恰到好處，外脆內嫩，同咖哩一齊食真係絕配。而海鮮奄列咖哩飯入面有新鮮嘅海鮮，令飯更加鮮美。❤️😋呢間嘅咖哩可以揀唔辣，所以小朋友一向都好鍾意。佢地可以盡情享受味道濃郁嘅日式咖哩，而唔使擔心辣味嘅困擾。餐廳環境舒適，氣氛輕鬆愉快。❤️‼️如果你鍾意日式咖哩，CoCo壹番屋絕對係一個值得一試嘅地方。食物美味，價錢亦都合理，特別適合一班朋友或者家庭一齊去享受美食。下次如果你想食一碗濃郁嘅日式咖哩，記住嚟CoCo壹番屋，絕對會有一個滿足嘅用餐體驗！❤️❤️

小時候最開心爸媽帶我到日式西餐廳吃兒童餐，除了肉醬意粉，有時主食是日式咖喱飯，小朋友不能吃辣，但日本咖喱甘口香甜，細個時一吃就愛上了 到了現在，我都會間中來 Coco 吃咖喱飯，這次午餐點了唐揚雞咖喱飯，另外加咗粟米湯和蘋果汁我覺得這裏的食物質素算是平穩，唐揚雞炸得幾脆，咖喱味道和回憶中的沒有太大分別，粟米湯當然也是一貫的好味(my comfort food) 餐廳的服務確實一般，感覺上員工人手有點短缺，另外餐廳的枱面和地下有少少油膩感，希望衛生方面能有所改善。不過為了懷緬童年的美好時光，我還是會繼續光顧的

大約6點，兩位寶貝已經叫肚餓。收到，立即搵餐廳食飯。大寶貝話想食COCO 咖哩，我已經諗到佢一定係掛住個兒童餐啦。一到步已經立即拎住兒童餐餐牌揀自己鍾意食既套餐。兒童餐有三個選擇，三個選擇份量都唔算多，一個5-6歲的小朋友份量。大食既小朋友要再預備多啲架。其實大人超級多選擇。我就見到芝士漢堡咖哩飯十分吸引，同場朋友就話叫一個沙律大家一齊分享。到最後外加了一個魷魚咖哩烏冬，咁就滿足了。 賣單時，記緊每份兒童餐都有一份小禮物送俾小朋友架。最緊要我和兩個寶貝女兒享受～

個咖哩汁真係一d咖哩味都冇，一d層次一d香味都冇，叫左小辣，得個辣字。講真大家樂大快活都完勝佢，咖哩連薯仔都冇個豬扒幾好食 好脆好軟，d菠菜係烚好之後撈落d冇味嘅咖哩汁到，說不出的奇怪最後最睇唔過眼嘅係完全冇服務可言，自己掃qr code落單，水都唔主動比杯，員工表達冷漠，憑咩收加一，仲要個飯本身都好唔值，$80尾一個飯，埋單$95，當跌錢落海。好心果句，裝修係幾靚，仲開係天晉匯，賣咁嘅價錢都似行高檔路線，咁唔該比番相應嘅服務同食物質素

阿囝鍾情咖喱，見咁耐都冇食過呢間咖喱屋，今日就等佢學完興趣班過嚟食餐晚飯🍆茄子菠菜咖喱焗飯 $68份量超級少，個飯勁細，餸菜更加唔使講，都係超少個飯又超難食🤢嗰種口感好難形容😵‍💫唔使講梗係食唔晒啦（份量咁少，都竟然可以難食到食淨咁多）🫠好嘥嘢，但係我真係食唔落🍛香腸咖喱飯 $68｜套餐四選二(+$21)飯同辣度都可以自選份量，飯嘅份量揀咗標準300g 香腸煎得幾香，不過呢個好難會整得唔好食嘅🤭呢個飯當然好食過個焗飯🫣凍檸茶檸茶入口有澀味雲呢拿雪糕 正常服務方面就…..我仔坐我左邊，但個職員拎碟飯嚟放係我右邊（離好遠），真係好搞笑，不如叫我直接喺送餐嗰邊拎啦！

好耐無黎食coco朋友想黎食就陪佢黎食鋪入面得一枱客我地入到去 個短髮女店員（經理？）叫我地量體溫 卡位坐我地量完就自己搵張卡位坐啦我地想坐底既時候 女店員係後面叫「個張未抹架！」叫我地坐第一張Okay!咁我地坐第一張之後我地想叫人落單 女店員指住張單話「自己scan QRCode 落單」其實佢可以一早講明自己落單 咁我地唔駛舉手等佢黎到上餐既時候 佢既態度都非常都不友善！指示唔明確！無禮貌 ！食到一肚氣！服務無得零星 所以禁左一星

疫情下繼續支持食市，午餐同老婆一齊落街搵食，見今日落雨天氣又凍，經過商場突然遇到 CoCo Ichibanya，對腳好自然自己行咗入去🤣今日只有兩個人，又有啲趕時間，坐底快快就用手機每人叫咗個咖喱飯🍛🔻特制三文魚扒庵列咖喱飯天氣寒冷下，見到呢個咖喱飯，唔多唔少都會覺得有啲溫暖😅，吉列三文魚扒外面炸得好香脆，三文魚仍然好嫩滑，咖喱我哋選擇1分辣，比標準高一級辣度，覺得剛剛好，蛋包飯個蛋同樣做得嫩滑，日本珍珠米煲嘅飯亦都好好味，成碟飯食落去，真係好有喺日本食咖哩飯嘅味道，好食👍🔻吉列豬扒庵列咖喱飯吉列脆皮不用多說了，一樣鬆脆，至於個豬扒，肉質都好鮮嫩，食下食下，好快就成碟食晒😋🔻酥炸魷魚鬚點餐時我哋追加左一份炸魷魚鬚，鬆脆香口，伴咖喱食一樣好夾😊CoCo Ichibanya 庵列咖喱飯，的確有食日本地道咖喱味道，所有點餐攞水都係全自助，侍應只負責傳餐及執枱，其實冇乜直接交流，當然亦唔會有太多服務俾你感受到，會似喺快餐店食嘢感覺，但以一碟飯要成八九拾蚊，兼且要加一，我個人覺得有點偏貴，如果包多一杯飲品會更為合理🤔

晚市冇咗堂食，唯有外賣返屋企😆🔹吉列豬扒庵列咖喱飯🍛 $82豬扒炸得好脆，有肉汁好Juicy, 分量十足庵列好滑，好香牛油同埋蛋味咖喱汁揀咗唔辣，好日式feel🔹餐湯+飲品 $21餐湯係日式紫菜湯飲品係蘋果汁🍹