影片
更多
2017-11-28
1013 瀏覽
自己帶住個小朋友，就好怕出街食，好難搵位一來勁唔好意思，有時霸左人地4個位，再加上係叫一個餐2份食，同埋仲要搵一間有high chair嘅餐廳，又唔多人（太多人驚招呼同上菜慢，小朋友唔太等得嘛）呢間餐廳，少少偏遠，加上我11點半就去搵食路過諗緊入唔入去㗎，其實未試過，對咖哩唔太好，最大問題係我仔仔都要食，點知見到兒童餐menu，價錢公道喎，所以就入去試試職員想安排我坐卡位，但我唔想霸人地4個位，所以叫到有一張單丁枱，側邊有位放high chair，問職員坐果張得唔得，佢話可以，就揀果度坐（坐坐下，好多人走入餐廳，原來幾旺場）拿臨揀左2個餐大人餐有啲貴，一碟飯配一塊漢堡扒，但菜都無，好寡要加錢先有沙律，但其實放少少雜菜個啲，賣相都好睇又有營養無幾耐來左2杯果汁，我飲橙汁，仔仔飲蘋果汁我無專登影相話就話走冰，但雪櫃拎出來，都凍冰冰橙汁有啲濃，好似有啲蜜糖feel唔知點解仔仔嘅蘋果汁反而我覺得幾好飲，下次我都叫蘋果汁先得跟住飯來喇，我叫左芝心漢堡扒咖喱飯，加左$18揀2樣野，就係杯橙汁同雪糕（我要少辣同埋減飯，平$5）個芝心扒，一切有芝士流出來，都幾好食，但呢碟野賣相好單調個咖哩少辣都唔太辣
一來勁唔好意思，有時霸左人地4個位，再加上係叫一個餐2份食，同埋仲要搵一間有high chair嘅餐廳，又唔多人（太多人驚招呼同上菜慢，小朋友唔太等得嘛）
呢間餐廳，少少偏遠，加上我11點半就去搵食
路過諗緊入唔入去㗎，其實未試過，對咖哩唔太好，最大問題係我仔仔都要食，點知見到兒童餐menu，價錢公道喎，所以就入去試試
職員想安排我坐卡位，但我唔想霸人地4個位，所以叫到有一張單丁枱，側邊有位放high chair，問職員坐果張得唔得，佢話可以，就揀果度坐（坐坐下，好多人走入餐廳，原來幾旺場）
拿臨揀左2個餐
大人餐有啲貴，一碟飯配一塊漢堡扒，但菜都無，好寡要加錢先有沙律，但其實放少少雜菜個啲，賣相都好睇又有營養
無幾耐來左2杯果汁，我飲橙汁，仔仔飲蘋果汁
我無專登影相
話就話走冰，但雪櫃拎出來，都凍冰冰
橙汁有啲濃，好似有啲蜜糖feel唔知點解
仔仔嘅蘋果汁反而我覺得幾好飲，下次我都叫蘋果汁先得
跟住飯來喇，我叫左芝心漢堡扒咖喱飯，加左$18揀2樣野，就係杯橙汁同雪糕（我要少辣同埋減飯，平$5）
個芝心扒，一切有芝士流出來，都幾好食，但呢碟野賣相好單調
個咖哩少辣都唔太辣，接受到
減左飯份量啱啱好，一來我唔大食，二來阿仔有食剩，我仲要包底唔好嘥嘛
幫阿仔揀左個兒童B餐
個餐一來到，職員問駛唔駛要圍巾，幾細心
個餐有一張卡，話食完出示返有玩具或甜品送喎
個餐都幾豐富，又色彩繽紛咁
我仔仔見到即時拎起匙想食，差啲相都影唔切
人仔細細食晒個飯，係啲肉就食左好少，可能係咖哩同蛋好味卦
小朋友嘅咖哩唔辣，但小朋友知道佢自己都可以同大人一齊食差唔多嘅食物，就自然唔會同大人爭野食，好事來
食完問職員拎玩具，仔仔揀左車車，其他玩具都係啲小玩意，唔太特別
而我就叫埋個雪糕上得
幾好味喎，唔識分咩牌子，但食得過
呢餐好飽
計埋加一係$144，都ok，會再帶仔仔來食
P.S.可能日本西式餐廳，整體來講好整齊好乾淨，枱櫈放得唔迫，坐係入邊食幾舒服
張貼
