Cockloft (已結業)

係中環附近返工又發掘一間性價比高既餐廳，位於蘭桂坊左近，門面及內部裝修都非常有格調，用植物元素作點綴，再加上柔和燈光，同中環繁忙既氣氛形成對比！佢哋做緊soft opening外賣折扣，$100內就有主菜+飲品，即叫即整，食物質素相當唔錯，超級抵食👍🏻今次試左以下呢兩款：芝士肉醬千層麵Lasagna $78用數層麵皮夾上濃郁肉醬及芝士，多重口感互相配合，經烤焗後，面皮微微焦脆，而芝士融化後色澤非常吸引，悠長香氣令人一試難忘！份量足夠，旁邊配了點沙律菜，減輕千層麵帶來既油膩感～紅酒燉牛肉飯Beef Cheek Stew in Red Wine with Rice $88經紅酒燉煮牛肉保持到鮮嫩口感，唔會柴或乾，牛腱牛腩部位有啲脂肪，令口感更飽滿且好入味，非常下飯～

喺中環， 中午搵食艱難， 今日發覺喺威靈頓街上面一條街仔 ，有一間好別緻嘅小餐廳 ，門口裝飾咗好靚嘅綠色植物 ，好似歐洲橫街嗰啲小店， 仲係歡迎寵物進入， 我最鍾意寵物友善嘅餐廳， 一定要支🐩🐕‍🦺🐱🐈🐇🐹🕊🦜🦔🐖 兩個人膽粗粗就入咗去， 原來裏面別有洞天 ，鋪面不大 ，有條靚靚旋轉樓梯 ，彎彎轉轉上咗閣樓， 又有另一個天地， 好舒適嘅環境 ，有典雅嘅燈飾 ，品味嘅油畫， 特別吸引藝文青。 兩個偽文青分別點了兩個套餐， 一個豬肩肉， 一個牛肋肉 ，試下唔同菜式。 原來套餐好豐富， 應有盡有 ，烤得香脆嘅麵包，濃郁甘甜嘅粟米湯 ，小食有芝士加香腸， 芝麻醬雜菜沙律， 再加一個分量充足嘅主菜 ，仲有一碗真材實料薯蓉， 連甜品都有， 係朱古力雪糕泡芙， 138蚊 一個套餐， 可謂十全十美。 設計周全 ，食材新鮮， 食到飽飽之後 ，又叫咗杯香濃嘅咖啡，坐喺度慢慢傾偈 ，促膝詳談 ，天南地北乜都講 ，如果帶埋狗仔嚟 ，場面更加溫馨。這樣的小店不多 ，店主店員熱情有禮，細心❤周到， 地方又寬敞乾淨 ，仲好有文藝氣息，喺度欣賞下牆上嘅油畫，綠色的植物，真是賞心樂事。 午餐喺度變咗係超級享受。好多家中

中環新開🌿森林系法國餐廳，格調別樹一格，有多款盆栽植物環繞🪴，彷彿身處花園一樣，仲有小型旋轉樓梯上下兩層，整體感覺好chill，環境舒適宜人✨Mushroom Soup & Bread 磨菇湯 & 麵包🥯特濃磨菇味，好creamy，質感"傑身"濃稠，係我飲過最好味既磨菇湯之一🥹 麵包正正常常，少脆。✨Traditional French Duck Confit in Orange Sauce 慢煮鴨腿配橙醬擺盤精緻，有多款顏色豔麗的食用花，鴨腿先用醃料慢煮，再煎香，鴨肉咸香入味，肉質嫩滑，外皮皮脆可口，仲有好重油脂🤩 加上獨特橙醬，酸酸甜甜，兩者配搭恰到好處。最後有自家製薯蓉，薯仔粒粒分明，大小剛好，份量亦好足夠👍🏻男士們都一定夠食(依點十分欣賞🥹，有唔少西餐廳都做唔到)✨Beef Cheek Stew with Red Wine 紅酒燜牛面頰用紅酒汁慢火燜煮，肉質軟腍嫩滑。牛面頰較少筋，瘦肉和肥肉比例剛剛好，較少脂肪，豐富骨膠原蛋白，質感完全唔係普通牛肉可比🤣 無膩既感覺，牛味&紅酒味都十分夾。薯蓉同樣出色，仲有少量慢煮紅蘿蔔，好腍好甜🫢✨Fresh Lemon Sobert 鮮檸檬