【OpenRice x 國泰】期間限定旅遊主題Menu尖沙咀Fine Dine 帶你味遊意大利
2021-09-10

由7月29日開始,食客喺國泰夥伴餐廳用餐後,可靈活使用「里數加現金」方式抵銷部分或全數餐飲賬單。而電子支付部分,即自動賺取高達每HK$4=3里數,首次體驗更可額外賺取迎新200里!

旅遊不似預期,等完又等都係未有得飛。尖沙咀一間國泰夥伴Fine Dining餐廳嘅行政總廚Ray 同Devon知道香港人最掛住就係去旅行,所以特別以旅行做主題,創作咗期間限定嘅新菜單,將傳統意大利菜加入亞洲元素,再配埋北歐烹調技巧,令到原本畀人沉悶感覺嘅意大利菜,變得豐富。

 期間限定旅遊主題Menu - 抽象點嚐(六道菜)

呢個期間限定旅遊主題Menu總共有三款,午巿可選四道菜或六道菜,晚巿則可選六道菜或八道菜。開飯仔就為大家介紹一下,全日都食到嘅六道菜式啦。

 三重意大利番茄

頭盤嘅三重意大利番茄,選用咗3款唔同品種嘅番茄同配襯嘅醬料,分別由較淡味嘅Pineapple Tomato配Tomato Chutney、Zebra Tomato配Caramelised black olive paste到最濃郁嘅Black Tomato配Umami paste。Chef Ray解釋佢哋一方面盡量保留意大利簡單呈現番茄嘅方式,一方面加入日本昆布製作昆布醬,提昇整體鮮味。

 無花果魚子青醬薄片麵包

意大利菜唔少得pizza,Chef Devon介紹佢哋都有一道賣相似pizza但唔係pizza嘅菜式——無花果魚子青醬薄片麵包。喺薩丁尼亞薄片麵包上,加咗馬斯卡邦芝士、魚子醬及唔同方式呈現嘅無花果,鹹香中帶清甜。原來呢道菜嘅靈感源自Chef Devon首次接觸意大利文化嘅經驗,就係琴譜上嘅意大利文,而咁啱呢種薩丁尼亞薄片麵包亦有樂譜嘅意思呢。

 香煎意式燉飯球,煎香意大利飯球後,更喺面層加上XO醬,香口惹味

 日本鱈場蟹墨魚汁意大利雲吞

烏黑嘅日本鱈場蟹墨魚汁意大利雲吞,釀入鱈場蟹同檸檬、意大利番茜作餡料,而青色嘅醬汁則係以羅馬生菜、薯仔、洋蔥、昆布水煮成嘅羅馬生菜汁,兩者味道相襯,清新清甜,饒有鮮味,層次豐富。

 香烤小牛肉佐歐洲防風醬汁,由意大利傳統頭盤變成主菜,肉汁豐腴,帶有淡淡煙燻香氣

 港式檸檬茶巴巴蛋糕配布拉塔芝士雪糕

最尾嚟一道以檸茶入饌嘅甜品,港式檸檬茶巴巴蛋糕配布拉塔芝士雪糕,係意大利傳統甜點巴巴蘭姆酒蛋糕 (Rum Baba)嘅變奏版。將檸茶注入巴巴蛋糕,味道酸酸甜甜,相當清新,配埋幼滑嘅布拉塔芝士雪糕, 感覺refreshing又滿足。

 行政總廚Ray(左)及Devon(右)

呢個意亞風味嘅套餐,正好讓味覺去咗一趟旅行。Ray同Devon分別表示,如果飛得返,佢哋最想去丹麥同英國,一嚟掛住當地嘅餐廳美食,二嚟亦喜愛佢哋chill chill嘅生活方式。

可惜等咗年幾兩年都未有得飛,以往嘅飛行常客可能都儲落咗唔少里數。而家OpenRice同國泰合作,為「亞洲萬里通」及馬可孛羅會香港會員帶嚟一站式餐飲電子消費體驗。只要喺國泰App預先連結Asia Miles及OpenRice帳戶,喺夥伴餐廳食飯用嚟埋單,即可用「里數加現金」組合付款,想要兌換幾多里數即時扣減賬單金額、幾多餘額用電子支付任你選擇,靈活方便!

期間限定:即日至9月30日(9月24-26日除外)
活動詳情:(按此
即睇夥伴餐廳名單:(按此

COBO HOUSE
地址: 尖沙咀梳士巴利道18號Victoria Dockside K11 Musea6樓602號舖


關鍵字
尖沙咀
fine dining
甜品
意大利菜
開飯專題
開飯仔為你提供各類型最新飲食情報及優惠,全面照顧你的飲食喜好。
餐廳資料
本月熱門
【2021生日優惠】持續更新!9月壽星嘆Omakase送壽司蛋糕+清酒
2021-08-31
【隨時更新】零食速報 每周新款零食、酒品點評
7天前
【特約分享】Happy Hour飲番杯Schweppes®期間限定特飲!9間必去銅鑼灣餐廳(下)
2021-08-31
Chill住嘆Tea!9月份下午茶推介
2021-09-06
8月份好評餐廳十強
2021-09-08