Co-Dining Space (已結業)

今日同老細喺尖沙咀見客，上Openrice 見新開Co-Dining Space食評唔錯就上去食個妟。場唔大，但係佈置簡約帶少少時尚感，的確幾啱business lunch。今日既然食老細就食好啲啦！於是就點咗個商務行政午餐。沙律唔錯，不過真係要提提個虎蝦野菌意大利飯，蝦夠大隻，意大利飯夠綿！再配埋杯日落巴黎，的確唔錯！

前幾日去左尖沙咀一間樓上CAFÉ食晚飯。無諗到一間面積細細既CAFÉ, 食物質素都有驚喜。裝修方面用左木為主,一D黑色都冇,感覺好舒適。當晚試左3個MAIN COURSE加1個前菜, 全部都好好食,而且份量都岩岩好, 份量對於3個人係好足夠。上黎之前有睇過介紹, 都覺得蟹RISOTTO好特別, 唔係普通CAFE有得食。果然冇失望, 好好食。西冷夠晒肉汁, 薯條好好好好食!!!!相唔能表達有幾大份, 視覺上夠晒震撼, 而且好鍾意個汁, 好襯個RIBS

是晚又相約好友一齊食晚餐 今次試間充滿韓式小清新既樓上cafe！估唔到咁多人都識搵上黎 7點已經坐左幾枱客了室內餐廳光猛 以木同白色為主要設計顏色 所以俾人好寧靜 簡潔既感覺！無其他令人花多眼亂既設計 可以令食客更專注享受食物貼曬即影即有相片 細看應該係店主既家人同朋友 好有愛士多啤梨拼鵝肝 當切開鵝肝時 鵝肝油咇曬出黎！鵝肝質地幼滑 而且無腥味～如果怕油膩可以連麵包或菜一齊食 無咁heavy之餘又豐富口感! 士多啤梨出面有層脆糖皮 又酸又甜正好中和鵝肝既油膩感👍🏻芝士煙肉漢堡拼薯條唔好睇佢細細份 但其實份量都好多！店主話漢保扒重4安士 但因為有其他配菜（洋蔥 煙肉 蕃茄） 所以食落未至於啖啖肉~建議扒既份量可以加多 咁就會食得相當滋味兼滿足了招牌麵包蟹意大利飯未食已經聞到好濃郁既黑松露味～利用蟹蓋做碗 賣相相當特別除左蟹同黑松露外 仲有牛肝菌做材料之一！意大利飯忌廉味香濃但又未至於濃到令人反感 飯質地軟腍 易入口每啖飯都有蟹絲

平日都係呢幢大廈到食開lunch，見到11樓新開左間西餐廳，樓下個易拉架啲相又幾吸引，所以一條友上左去食晏一開始以為價錢好貴，因為尖沙咀呢區想食個靚仔少少既西餐都要過百，而家$88一個餐有湯有野飲又坐得舒服，重點係免加一，真係食食下中途有個年輕男店長見我有幫食物影相，見我好有心，話free upgrade我杯餐飲總括黎講，本身無乜期望的我的確好surprise店長nice，食物好味，係一間用心小店，令我呢個打工仔一支公lunch hour黎食都食得舒服！

話說我同老公都係尖沙咀嗰頭返工，今日早左收工可以二人世界出去食下飯，就諗住望下周圍有咩好食，上網搵到呢間新開嘅餐廳，見到上網嘅評語都唔錯，就諗住同老公過嚟試一試。餐廳係海港城對面嘅樓上鋪，其實都好方便好容易搵，上到去之後店員都即刻招呼我哋坐低，然後比Menu我哋睇，店係走清新嘅格局，都坐得幾舒服，我同老公都各自嗌咗一個dinner set。跟住兩個主菜每個餐有湯、有前菜、主菜、嘢飲同蛋糕，埋單都係三百零蚊咋，我覺得幾抵，下次試吓同朋友來食下午茶先！

撞正朋友生日，朋友提議搞搞新意思搵間餐廳包場搞個生日party，一行10人最後揀左一間廣東道新開既樓上café。一上到去好光猛整潔，牆身以淺木色為主，比一般以暗黑為主既café有不同既感覺，感覺好清新舒服。一星期前跟餐廳傾好，以SEMI-BUFFET既形式進行，當中有炸物、沙律、餐湯、main course有蟹蓋risotto、牛扒、burger同埋龍脷，當中最深刻既係南瓜忌廉湯，真材實料，比起出面一般既西式湯口感更豐富同濃郁，仲有翠口既包粒。無論份量，味道同埋食物溫道都非常足夠，以呢個價錢係尖沙咀可以包場2個 鐘，真係物超所值。整體黎講，餐廳無論係食物質素，環境定係服務質素都值得一讚。餐廳仲準備左生日蛋糕同播埋生日歌，真係好窩心丫又係一個 留倩影既好地方

早前試過店家的午餐  感覺不錯，店內的裝潢配置 在上一篇食評有提及，所以在此也不多說了，前天，知道店家這星期開始做晚市，我看它 定價 合理。Dinner Set $128起 已經有齊 : 頭盤+餐湯+主菜+甜品和餐飲。今晚便約了兩友人到這裡Co-Dining一下，吃個晚飯。好，馬上來看一看店家的食物 !前菜，我們選了 兩田螺 一沙律:法式酥盒焗田螺: 這個很特別，我沒有在其他地方吃過，這個「法式酥盒」有點像炸雲吞，但無油的很健康，面且薄片脆身不會影響田螺的本身的味道，大大粒的田螺很多粒很足料，螺肉甘香軟滑，入口香酥，再伴軟滑的牛油果蓉……小店來說，能做出此道法國馳名頭盤，是很有誠意/很有驚喜的。煙三文魚凱撒沙律:這個是合格的，沒有太大技巧，是合乎標準的。是日餐湯: 菠菜忌廉湯:菠菜忌廉湯頭滑 而不厚身，淡淡既菠菜味剛好暖胃。招牌黑松露菌麵包蟹蓋意大利飯:店家採用原隻面包蟹，大讚，將蟹肉混和意大利飯後，滿滿的放回蟹蓋，上面再放上黑松露醬，構圖很FULL，而且兩者不會搶了對方的香味。:麵包蟹蟹肉更平均分佈在意大利飯中，享用飯同時吃到鮮甜的蟹肉，再配上黑松露醬料，令意大利飯味道更加濃郁，而意

不論偽文青，還是情侶朋友都好岩來，感覺小清新的樓上咖啡店。一入門口就覺得好明亮光潔，牆身與餐桌都以淺色爲主，多盞吊燈配柔和燈光，加上木塊拼合的牆壁，令人覺得好舒服，而且日間來應該更有透光感，因為另一邊全是玻璃窗。晚間主要食西式set dinner，有頭盤、餐湯、主菜、甜品及飲品，價錢$128-208。主菜有4款選擇，牛扒、豬肋骨、意大利飯或意粉。Cafe飲品種類當然要多選擇，所以呢度更有沙冰同特飲，不過今晚我地飲咖啡，不竟cafe都睇重咖啡味道好唔好才吸引。煙三文魚凱撒沙律份量頗多好吸引，煙三文魚有兩大塊肉嫩肥美，特別卷成花形好有心思，羅馬生菜新鮮爽脆，沙律醬也拌得均勻，最正係一片片的Parmesan Cheese，味道好香濃。餐湯是忌廉菠菜湯，較薄身順滑輕盈，菠菜味不太重，飲完都不膩，也沒有菜青味，溫暖易入口。招牌黑松露菌麵包蟹蓋意大利飯 $168好華麗感，用蟹蓋盛著意大利飯，下面還有海鹽襯托，賣相已經贏唒。未食已經被傳來的黑松露香誘惑到，飯面鋪滿芝士和蟹肉焗至金黃好香口，意大利飯味道濃郁，質感較軟身，好適合香港人口味。而且飯內好多雜菌同一絲絲蟹肉，材料十足好豐富。招牌菜果然名不虛傳

新裝修, 環境幾靚啊!!  夠光猛, 裝潢簡潔俐落，木製牆身配另一邊的淺色牆身，感覺自然舒服，食物都幾正~~法式酥盒焗田螺:田螺大大粒已起肉，軟中帶彈性，而且無腥味，酥盒中間有牛油果蓉令味道融合，上面鋪上芝士焗好香, 亦加左羅勒醬, 味道配合更加香，, 令人滿意開胃的頭盤!是日餐湯: 菠菜忌廉湯湯身幾滑，也不是厚身，所以飲完都不膩。淡淡既菠菜味唔算濃郁，加上麵包，餅乾條點綴，廚師細緻貼心。紐西蘭西冷扒配荷蘭汁五成熟既西冷肉扒, 切開見到粉嫩帶點肉汁, 香氣撲鼻而來, 令人食指大勳, 配上由奶油, 蛋黃, 同檸檬做既荷蘭汁, 酸酸地平衡返扒既油膩。配菜既薯條有別於普通貨色, 廚師點上脆漿才去炸, 令外層更脆更香口!!!手工伯爵茶朱古力慕絲蛋糕面層係朱古力慕絲, 下面就伯爵茶, 最下層係海棉蛋糕, 濃郁既朱古力味之中, 帶點茶既清香,正啊~再配埋杯凍鮮奶咖啡, 就是完美及滿足既一餐, 簡直Prefer池啦!!

平時番工食晏都係有咁近得咁近，拿拿林食完番公司眠一眠，今日聽同事介紹有間新店開張而且有折，都係過條馬路就跟埋去試一試。餐廳係樓上舖，有兩部lift 都算方便。走進餐廳，裝修簡約企理，驟眼看店員都是年輕人。初時以為價錢會幾高，但睇一睇餐單，價錢由$58-$128，十分親民，正想點餐時見到職員正在更換餐單，原來餐廳2:30就會轉下午茶時段，價錢由$24起，而且現時仲有9折呢。雖然下午茶價錢好抵，但見到隔離位食緊的牛扒真係好吸引，所以照嘗試問店員可否照落柯打，店員好nice地答應左呢～ 我地兩個人叫左兩個主菜，一個小食share。紐西蘭牛扒牛扒叫左7成熟，上餐時份量比想像中大，食落肉汁剛好沒有太乾的感覺，肉味重，而且配我最愛的脆炸粗薯條～ 墨魚汁海蝦意大利飯可能是下午茶餐關係，價錢$42 以意大利飯來講實在抵食，這價錢連揚洲炒飯都食不到吧。碟剛放上桌已經聞到濃濃芝士味～ 飯粒的墨魚汁均勻，每啖口感都非常豐富，份量亦合理，性價比相當高，值得推介。小食炸薯條配以濃郁芝士，芝士迷必吃。總結：餐廳環境舒服，店員年輕服務有質素，不會催板式讓客人食完快點走的感覺，食物質素有一定水準，價錢吸引。我會再來的

舒適‧討好尖沙咀區內食肆雖多，但其實地雷也不少，在面書看到朋友在這裡吃飯的貼圖，賣相滿吸引的，恰好今天放假，就和朋友來看看究竟。餐廳里職員都是青年人，也很禮貌，所以觀感是頗好的，先上一客餐湯-是 忌廉南瓜湯，南瓜湯 很香滑，很多時候 跟餐的湯 不是紅湯就是白湯，顯得南瓜湯很出眾哦，胃口馬上被打開了。 店家餐牌推介 牛扒，那就試一試吧，我order 了7成熟的牛扒，牛扒份量也滿大份的，且外表帶點焦，切開後，肉呈嫩粉紅色，入口牛味濃郁，表現令人滿意！薯條也炸得香脆，外脆內綿，夠乾身，好食，果然沒推介錯。不想讓自己放假也神經太繃緊，我要的是鮮奶咖啡。這杯鮮奶咖啡是做得挺不錯的，奶味鮮濃，而隨之而來就是香濃的咖啡味道。同行朋友說: “ K小姐在大面書上大讚Alll Day Breakfast set表現好 性價比高，那我當然要叫一份，試一試它的虛實。”所以同行的朋友叫了All Day Breakfast。 其實同行朋友是“All Day王”  她叫All Day 是我意料中事，她是每次去茶記 都要吃常餐那種。我問她有否名過於實?!  她說: 多士烘得脆口，塗上牛油，很好吃，炒蛋也很香滑美味….

之前食試過他們的早餐，味道環境等都有一定程度的水準...所以對此店滿有期望的。看了一看午餐SET定價SET$58起，定價也算合理，畢竟 配套 有別於茶記，收費 相對貴一點，也是一份錢一份貨，反正現在新店有九折優惠，今日，決定試一試廚師推介的煙肉芝士牛肉漢堡SET，LUNCH SET 可選配沙律或湯，有見附近的客人都Order湯，那我也來一客湯吧，餐湯是南瓜忌廉湯，湯 有著淡淡的南瓜味，喝起來清甜的南瓜味加上忌廉，質地非常幼滑香濃，隨餐附送來說，表現非常出色了。品嚐完南瓜湯，我order的漢堡剛好放在我面前，用木板呈上的漢堡 伴上脆薯條 相當聰明，看起來挺有"霸氣"的。所以也來一張 相機食先。煙肉芝士牛肉漢堡的賣相已夠吸引，漢堡切開來牛肉色澤嫩紅，火侯剛好，內裡濕潤有肉汁，蕃茄、生菜可以適當的減低牛肉的膩滯感，秘製汁正好畫龍點晴的令漢堡更juicy更美味。炸薯條也很好吃，脆口又有薯香，絕對值得一試的。總括而言，值得一試，我亦會再來。加油吧，小店。

過開黎尖沙咀見完客經過廣東道開open rice見到有間新店新黎新豬肉試下先順便check 下email新裝修環境幾夠光睇lunch menu有all day breakfast Burger risstto 價錢係尖沙咀都幾合理叫左個牛扒餐南瓜湯好好味再黎西冷牛扒五成熟味道好好仲幾juiceyside dish 的薯條又脆又唔油最後餐飲都有好多選擇叫左杯凍咖啡坐左一個鐘先走臨走見到下午茶menu好抵食下次要再黎P.S.waiter waitress 都好後生聽說老闆係八十後值得要支持下