Co-Dining Space (已結業)

去開尖沙咀搵野食吾容易，朋友介紹我上樓上cafe,地點都幾方便易搵上到去見裝修好靚，環境舒適，最重要係比較靜，岩晒我同個姐妹慢慢傾。我地各自點了幾款食物，上菜時間控制得吾錯。朋友點菠蘿梳打，佢話味道幾特別。呢個法式薯蓉焗田螺，簡直懶人必叫，完全吾洗擔心拆殻的問題，啖啖肉呀。呢個麵包蟹意大利飯賣相一流，中間真係有蟹肉，加埋芝士，蟹味相當夠！黑毛豬串燒甜番薯條真係有驚喜，豬肉燒出來吾乾，甜番薯條比薯條特別，呢個配搭有另一番風味。兩個女仔其實夠曬，但好彩有堅持叫呢個甜品。呢個brownie 吾太甜，中間有啲nuts,好正

行開廣東道，想搵間小人餐廳都吾容易出名三多【人多車多IphoneX多】附近有蘋果店位於尖沙咀廣東道近中港城個頭流尚坊11樓簡約的木條設計讓人感到舒服開心，門旁同樣放著一些書，小裝潢等等。上到去差不多爆場，幸好有位給小編進餐。各位可以早早訂位，相信滿座情況會不斷落去。由於尖咀多商店，大家都有機會一袋二袋，正好有個BOX可以讓客人放下，方便進食，值得一讚。由於餐廳沒有set點，各位可直接點喜歡的美食。上得去當然要如狼似虎地叫個肉肉美食跟手點個沙律。最先送上的煙三文魚沙律，整碟份量沙律與三文魚比例很好多菜少肉十分健康，沙律夠鮮夠甜，十分爽口煙三文魚未做到入口即化的感覺，但肉質豐腴嫩滑讓沙律頭盤更吸引。串燒配南瓜薯條另外有薯蓉加小許沙律菜。串燒對我來說才是精彩之所在，一粒肉配一個小蕃茄減輕肉串的油膩感南瓜薯條每條接近10cm長成品顏色都十分吸引但要盡快先吃他們因為幹化變得脆爽，冷掉了就會變硬，而且沒了口感。薯蓉香滑的薯蓉，的確讓人回味無窮，我最喜歡的是幼滑如絲，每入口都帶點微香。小總結:下次會吃更多其他美食~!

今日同好姊妹喺海港城 shopping, 商場入面嘅食店又多人又有冇得先book位，所以識揀我哋就預先訂好呢間樓上西餐廳， 血拼完馬上過去位置方便。裝修以白色為主令人感覺舒服明亮， 我哋兩人order咗一份前菜，兩份主菜，一份甜品同兩杯飲品。前菜方面我哋叫咗法式薯蓉焗田螺。 田螺已挑好， 鋪放在混合了芝士的薯蓉上， 方便易食，連旁邊嘅沙律菜都新鮮美味。主菜方面我哋叫咗招牌黑松露蟹蓋焗意大利飯 以及黑毛豬串燒配甜番薯條。咁意大利飯賣相精美， 靚到要即刻要影相先， 飯全部放在蟹蓋上， 蟹蓋底下鋪了粗鹽。 意大利飯軟硬適中，加上放在頂的蟹肉， 好睇又好食。西班牙黑毛豬串配甜番薯條， 黑毛豬肉質鮮嫩 ，燒的時間同火候掌握得很好， 再加上中間的清甜車厘茄， 食落清新，感覺健康。 番薯條出面比較少見，本身帶甜，可以唔需要點醬。飲品方面我點了菠蘿薑味梳打，厚玻璃杯上有壓紋，再加薄荷葉點綴，靚爆。甜品方面叫了女仔最愛的Brownie 配雪糕，Brownie味道十分不錯，加上核桃，不會甜到漏。士多啤梨雕花，好有心思，藍莓又大粒又甜,份量挺大的，足夠兩人用。埋單都係5百幾，坐得舒適，位置又便利，可以再去。

同朋友係尖沙咀行街，行到有啲肚餓，就決定係附近搵間Cafe食晚餐。上Openrice睇到呢間Co-Dining Space都幾多好評就上黎試下啦～  用白色作主調黎裝修，張枱仲好特別咁用左大理石花紋，俾我感覺得好乾淨企理。間舖頭座位唔多，但坐得都幾舒服，冇咁迫。因為我地三個人， 所以總共叫咗一個前菜，兩個主菜。前菜我地就叫左煙三文魚凱撒沙律。煙三文魚分量足夠，都幾新鮮。叫左杯橙汁解解渴之後叫左個廚師推介嘅紐西蘭肉眼扒配香草牛油，六成熟。大概一隻手咁大，肉汁豐富，仲有薯條附送。要飽肚梗係要叫番個飯啦。我地就叫咗個招牌麵包蟹意大利飯。仲有黑松露同芝士。意大利飯軟硬適中，唔會覺得太硬。醬汁都幾入味，配飯真係一流。推薦大家嚟呢度食嘢，係同朋友敘敘舊，傾偈同食野既好地方：）

因為朋友生日，又要遷就不同地方上班上學的我們，所以決定到尖沙嘴吃，因為港島、九龍的朋友都很方便。尖沙嘴人都很多，但我們希望可以坐久一點談談天，就選擇了樓上鋪。一入內，發現店舖不大，但很光，不同的小細節的裝潢都有花心思。我們先點了個煙三文魚凱撒沙律。沙律菜很新鮮，還有很重要的是沒有我討厭的野菜。煙三文魚的份量很多，令我吃沙律都吃得滿足。另外，有麵包粒等脆脆的令口感層次增加。然後我點了個招牌麵包蟹意大利飯。飯盛在蟹蓋上，已經很美觀，令人食指大動。而且只要加上黑松露就香氣滿溢，我是十分喜歡黑松露的食物的！加上有蟹肉的鮮甜，令整個飯更高質。飯的軟硬程度也很恰到好處，我很怕過硬的意大利飯。這是朋友點的肉眼扒。小食的部分點了個芝士焗黑松露薯條。芝士的份量很足，半溶的芝士加上著條正。但相較之下，黑松露的部分略遜一籌，令整體遜色了一點。但整體以言，在尖沙嘴繁榮的地區，這的食身質素、性價比都不錯。

分享下我今日同朋友食咗啲咩啦餐廳位於尖沙咀廣東道流尚坊11樓一份前菜 法式辣汁茄蓉煮青口一份主菜 紐西蘭肉眼扒配香草牛油一份小食 芝士焗黑松露薯條兩杯嘢飲 香蕉椰奶及雜莓沙冰前菜 青口味道鮮甜 帶有海水鹹味 配合自家製 辣汁茄肉 非常開胃 味道唔算太辣 唔食得辣嘅人都啱食青口肉飽滿肥美 完全冇沙 加埋又香又辣又酸嘅汁 味道錯綜複雜 非常開胃煮食叫咗一份 紐西蘭肉眼扒 肉扒厚度適中 脂肪分佈平均 肉質嫩滑熱辣辣嘅牛扒 令到上面嘅香草牛油溶化 瞬間牛油嘅香氣一湧而上 可以用色香味俱全來形容非常邪惡嘅焗薯小吃 全部都係芝士 焗到表面金黃香脆 脆卜卜熱辣辣每條薯條都黐滿芝士 仲有拉絲嘅效果大大杯嘅沙冰 成座山咁高 用鮮生果打製而成 非常健康只能說這餐非常滿足 食物用心製作 食材配搭有驚喜 餐廳職員非常有禮 服務態度良好

主食: 嚴選紐西蘭肉眼扒 配香草牛油(8安士)$208牛扒油脂比較多 肉質柔嫩 尤其係中心部位 睇落好似隻眼咁 所以叫肉眼脂肪呈大理石花紋狀的肉眼扒 肉質嫩度僅次於牛柳 脂肪含量較高 口感順滑上乘的牛肉 恰到好處的烹調方式 還有錦上添花的香草牛油 牛排上係鋪咗一塊厚厚o既香草牛油 嘩 嗰陣香味 我而家仲記得肉扒的中心仍是紅色 切開後有肉汁流出會吃的人通常不會要全熟的牛扒 愈生的牛扒口感愈鮮嫩旁邊仲有一些時令配菜 有菜有肉 這樣才是均衡飲食牛扒唔一定配紅酒 配沙冰都可以㗎香蕉椰奶沙冰$48味道又濃又純 清幽嘅香蕉和椰奶香甜度剛剛好 非常冰凍 而且解渴休閒整潔嘅格局裝修 坐得非常舒服 係一個用餐嘅好地方 地方雖然唔大 卻有一種溫馨嘅感覺我非常鍾意今日食咗嘅主菜 紐西蘭肉眼扒 一試難忘 香草牛油有種畫龍點睛嘅效果 牛扒成塊面咁大 食曬已經好飽 抵食又好食

同朋友尖沙嘴shopping之後周圍行搵野食無意中發現左呢間唔起眼嘅cafe我地早來無咩人見環境感覺唔錯我地就推門入去呢度裝橫簡潔舒適燈光柔和得來唔太暗我地被安排坐近窗口sofa卡位好好坐另一邊有張十人連台如果多人來食一班朋友坐一台感覺應該唔錯自成一角咁先叫野飲我叫左杯焦糖咖啡焦糖甜度適中咖啡飲落順滑同朋友一人一個main courseshare食**醬燒BBQ汁豬肋骨**豬肋骨燒得好靚d醬好入味食落香腍仲有脆脆薯條同新鮮沙律菜食添**招牌黑松露菌麵包蟹蓋意大利飯**麵包蟹蓋塞滿餡料味道香濃意大利飯入曬味每口都有蟹肉鮮味飯食落軟硬適中材料好豐富有蟹肉、菇同黑松露醬飯本身個醬汁味道一流整體感覺好滿意好多料啊d菇食落好爽好彩早d來食原來好多人來七點左右都爆爆地呢度服務唔錯d侍應好有禮貌食完飯要趕返工無得同朋友慢慢坐下次再來食過

想在尖沙咀嘆個寧靜愜意的下午茶， 位於廣東道的樓上cafe「Co-Dining Space」都算是不錯的選擇～😏 甫一打開𨋢門， 便感受到綠色田園的歐陸風格， 由不同長度的木拼湊出富有立體感的牆壁， 旁邊是充滿大自然氣息的綠葉牆， 側面有一個放着不同國家旅遊雜誌書的書架和古典街燈， 整體都散發着一種休閒的感覺。😌 餐廳內最有feel的是當然是面向海港城的一面窗， 望着熙來攘往的尖沙咀街景， 然後再望望身處寧靜安謐「Co-Dining Space」的我們， 完全感覺置身事外，讓人有種慢活的感覺。😂 Brunch Menu由$58至$128都有， 包是日餐湯或沙律和一杯餐茶或特色飲品—清檸小清新（Lime Lemonade）， 或可top up轉其他特飲，價錢都算合理。 由於我們不是太肚餓，主要以傾計為主， 所以我們二人只點了一個brunch和小吃🍟。 是日餐湯為菠菜忌廉湯 呈墨綠色，上面用忌廉劃了花，再加上餅乾條，賣相不錯！👍🏻 每啖都吃到菠菜碎，可見其真材實料。😏 廚師推介紐西蘭牛扒($128) 牛扒份量十足，足足有一隻手掌✋🏻之大， 旁邊看足足有1cm厚度，真材實料呢

星期六同朋友仔去左尖沙咀行街，人多喼又多，行到頭暈暈，諗住搵間餐廳坐下。結果度度都排長龍，朋友上網就search到co-dining space，正正位於廣東道，非常就腳！餐廳雖然不大，但坐位尚算闊落，又有高身吧枱，多幾個朋友黎都無問題！朋友order了紐西蘭肉眼扒份量超勁，而且肉質嫩脂肪比例平均，肉汁豐富由於我唔肚餓，就order左個小食。芝士焗黑松露薯條配牛油果醬熱辣辣即叫即焗，一睇就見到芝士完全佈滿薯條。牛油果醬真材實料，味道濃郁。牛油果醬下的薯條充滿黑松露醬，份量絕對足夠令每條薯條都沾上黑松露。另外芝士多到可以拉絲，唔肚餓嘅我都忍唔住食哂。飲品我order左青檸梳打，味道清新。總結食物落足料，而且即叫即做，值得一讚。以廣東道黎講，呢個價錢絕對超值，而且店內環境舒適寧靜，又唔洗同人迫，係假日同朋友仔消閑的好地方。

每年我公司都會舉行一年一度嘅公司同事聚餐，主要都係想增加下同事之間嘅凝聚力，同埋建立下同事與同事之間嘅關係，我係呢間公司都做咗幾年啦，往年都會揀啲酒店自助餐，放題嗰啲，貪佢可以一大班人有多啲活動空間可以大家食下飯，傾吓計，開心下，今年有個同事上網搵左呢一間西餐廳 係樓上鋪嚟嘅，原來佢都有包場服務，我哋問過之下發覺價錢都幾抵，又係尖沙咀區方便大家，而且可以容納到我哋30幾個大人熱鬧下，所以我哋今年就唔同啲自己包晒成個場玩，原來真係會有驚喜！當晚成晚係半自助餐形式，有湯，前菜，小食，肉眼，南瓜蟹肉risotto，拿破崙意粉等，食到好飽，雖然細細地一間舖但啲食物質素都唔差喎，而且仲提供餐酒選擇，令到我哋一班同事更加盡興。我覺得細細間餐廳舉行公司聚會仲好，可以成班人自己包晒個場會自由開心好多，唔使好似喺酒店食咁侷促，而且照顧起小朋友上嚟都好似方便啲，就咁就同同事過咗一個非常之開心嘅晚上

嗰日約咗朋友係尖沙咀見，行下行下都到六點幾，所以決定搵地方食嘢，喺海港城對面流尚坊見到啲樓上餐廳，所以決定上去搵嘢食，我哋選擇咗喺十一樓嘅Co-Dining Space。一出電梯見到餐廳裝修好有田園風格。餐廳裝修簡約座位三十多個，中間有一張長枱適合大班朋友一齊敘舊，窗邊亦有一啲二至四人嘅座位，環境舒適。菜式選擇相當豐富，可自由配搭。招牌黑松露菌麵包蟹蓋意大利飯，賣相相當吸引，麵包蟹蓋好大隻而且塞滿餡料。有大量嘅黑松露，意大利飯軟硬適中，有大量蟹肉同菇，而且醬汁味道一流。醬燒BBQ汁豬肋骨，豬肋骨唔會燒得太乾，食落好有口感，仲有好脆嘅薯條同沙律菜。焦糖咖啡，焦糖味香濃而且甜度適中。肉桂咖啡，有淡淡的肉桂香味，而且同咖啡味道相當配合。而且餐廳服務員服務細心，食物亦非常美味。

店家的服務 正如其他開飯食家說一般，很不錯的。話說店家正在準備晚市的時候，我比訂枱的時間早到了，他問我要不要逛下街再上來 還是入店內坐着等，我選擇坐着等。拿起店家的MENU 就發現 Food 和 Drinks 都豐富了。等人期間，我ORDER了一杯 日落巴黎( Before Sunset )，看樣子就知它無改錯名，很像日落一樣的漸變色特飲，酸酸甜甜的。不錯哦。和店東閒聊期間，朋友也前後腳 到齊了。餐廳現時有酒精類飲品可供選擇，我們也試了兩款!這款叫Paradise $108，我也試了一口，清新淡淡酒味，我也滿喜歡的。這款叫 彩虹橋$108，顏色已經先聲奪人了。煙三文魚凱撒沙律$58和食肉獸食飯，我一般都會order一個大沙律清新一下，沙律菜爽很脆配上香脆煙肉片加多士粒粒, 再灑上芝士片, 口感唔錯，女 士 必 點 !慢煮香辣醬燒豬仔髀$198豬仔髀放在木板上，再以沙律菜伴碟，加上一大堆薯條，十分足料。豬仔髀肉質略彈牙，醬味濃郁，但不辣，用手拿著食，很爽快。炸薯條 仍然是眾人最愛，既邪惡又美味，整體 表 現 不 錯 。小食拼盤(大) $228拼盤方面我們Order了大份量，裡面有炸洋蔥圈

之前已經同同事黎過呢度食lunch，覺得佢哋啲食物唔錯今晚就同老公嚟試下食dinner佢哋夜晚冇set dinner，我哋一於散叫幾樣嘢share嚟食南瓜忌廉湯($38)個南瓜湯 偏向日式風味甜甜地都幾好味香煎鵝肝黑松露意大利飯($178)個鵝肝煎得好香同埋都算幾大件鵝肝油流咗落去啲飯入面，撈埋一齊食，個飯充滿咗黑松露同埋鵝肝嘅香味好creamy好好味醬燒BBQ汁豬肋條(4件)($128)本身我哋驚會太heavy食唔曬，所以豬肋條我哋只係叫咗細分嘅四件，點知黎到見到原來佢哋嘅豬肋條係偏向短嘅 四件又真係比較細分咗少少。。。不過以呢個價錢黎講都算好合理而且佢哋都燒得好香個醬汁好甜好好味 薯條外脆內軟Co-DS小食拼盤 (小)($128)我哋另外仲叫咗一個細嘅小食拼盤拼盤入面 有薯條、洋蔥圈、德國腸、同埋水牛雞翼薯條、洋蔥圈、同埋德國腸味道都唔錯個水牛雞翼就有少少失望，個醬汁咸咗少少，入面冇乜味熱情果冰茶($32)好欣賞佢個熱情果冰茶甜度唔會太高 十分適合追求健康唔係太鍾意飲甜飲嘅我另外都想介紹一下佢哋餐廳中間有一張長吧枱我哋嗰日就係我安排坐喺嗰張長吧枱， 十分適合一大班人嚟食飯gathe

平日來食午餐，唔full, 不用等位。叫了南瓜蟹肉意大利飯，味道普通，檸茶，salad, 1 個main，共$88。另廚房門長開，油煙攻晒出座位，即使裝修唔錯，但坐唔得耐。