Co-Dining Space (已結業)

同朋友係尖沙咀行街，行到有啲肚餓，就決定係附近搵間Cafe食晚餐。上Openrice睇到呢間Co-Dining Space都幾多好評就上黎試下啦～  用白色作主調黎裝修，張枱仲好特別咁用左大理石花紋，俾我感覺得好乾淨企理。間舖頭座位唔多，但坐得都幾舒服，冇咁迫。因為我地三個人， 所以總共叫咗一個前菜，兩個主菜。前菜我地就叫左煙三文魚凱撒沙律。煙三文魚分量足夠，都幾新鮮。叫左杯橙汁解解渴之後叫左個廚師推介嘅紐西蘭肉眼扒配香草牛油，六成熟。大概一隻手咁大，肉汁豐富，仲有薯條附送。要飽肚梗係要叫番個飯啦。我地就叫咗個招牌麵包蟹意大利飯。仲有黑松露同芝士。意大利飯軟硬適中，唔會覺得太硬。醬汁都幾入味，配飯真係一流。推薦大家嚟呢度食嘢，係同朋友敘敘舊，傾偈同食野既好地方：）