Co-Dining Space (已結業)

今日約左朋友到尖沙咀行街，去左廣東道果邊，有間抵食既西餐廳到了門口裝潢都很簡約舒適早左收工大約六點半去到人不多，到了7點的食飯時間開始多人了。細細間的小店，入面環境都唔錯，可以與三五知己小聚係一個唔錯的選擇泰式冬蔭功煮藍青口味道都很濃郁，藍青口很有冬蔭功味道芝士火焗黑松露薯條好香濃的芝士加上黑松露，好搭配薯條好香脆美味燒美國安格斯西冷扒好吸引的賣相，食落美味濃郁，肉質鮮美，又好juicy好正配上大大盤薯條🍟好豐富的晚餐好舒服的環境與好友相聚的好地方

今天試下這家位於流尚坊11樓的樓上cafe. 這cafe 裝修簡潔光猛，提供七款午餐，價錢為$54-$84，包主食、餐湯或沙律和飲品。餐湯是甘筍湯：湯的甘筍味道濃，質地唔係最幼滑，保留了少少甘筍蓉的沙沙口感；看得出真材實料用甘筍打成蓉。沙律幾fresh, 沒有太多的醬汁，感覺清爽。美國穀飼西冷扒配燒汁$84這牛扒的份量唔少，大大片，有一點厚度。牛扒煎得幾香唔韌，有肉感；而醬汁則有少少咸，有點像花園餐廳的港式牛扒。薯蓉的薯味十足，但唔係好creamy, 有點家庭風味。整體味道是ok的。忌廉菠菜煙三文魚意粉$56這意粉餐好抵食。意粉的配料豐富，煙三文魚幾fresh,仲有少少芝士同配菜。意粉有煙韌口感，而醬汁則帶點綠和creamy氣息，味道唔錯。餐飲的咖啡味道比較淡口，咖啡味唔係好濃；朱古力味道唔錯，幾香甜。簡單和同事吃個午餐，傾下食下，加上午餐定價ok, 坐得唔迫，可以一訪。

今晚放工想食餐好既，上網睇到依間位於尖沙咀廣東道，位置十分放便，約埋朋友食個豐富既西餐。餐廳嗰棟大廈係廣東道間Apple Store隔離，樓下已經有餐廳既廣告牌，所以都好易搵。店內坐位都算舒適，唔會迫迫劫。店員介紹咗佢地自家製既BBQ豬仔骨，同埋炸芝士條我地，我地仲揀咗一個前菜法式薯蓉焗田螺。焗田螺份量都ok，鋪滿左個面，仲有香濃芝士係佢地之間，下面有棉滑既薯蓉。再黎就係炸芝士條，即炸熱喇喇，個外皮仲好脆口，裡面芝士係煙韌到可以拉絲架。最後係豬仔骨，佢質地唔似得其他大鋪嗰啲淋到爛咁，係仲有咬口，肉質有彈性。個汁唔會太多太咸，啱啱好。值得推介。

套餐內的其中一個供四人用的黑松露飯，份量勁小, 太離譜!!! 只有半碟是供四人餐份量, 四人分每人只分到一湯匙的嚟試味，反映意見竟然叫我另比錢order其他食品，完全不理食客感受，絕對無下次, 即使團購也不能咁離譜吧，我試了無數團購都未有如此遭遇！

平時放工經過尖沙咀，未必會揀呢個聚脚點，因通餐廳通常都好迫好full，坐得唔舒服。朋友介紹呢間位於廣東道樓上西餐廳話幾好坐，所以今次就挑選咗呢間。餐廳係11/F門面用木制感覺系列，仲有金句我地今次無book枱，好彩仲有位，侍應安排我地坐係卡位，白色木制簡約，給予人一種安靜舒服感覺。點咗個法式薯蓉焗田螺，田螺介薯蓉，質地配合唔錯，碟旁仲有海鹽做裝飾，擺盤用心佈置。另外，小食就叫咗芝士條，芝士條入面咬開芝士絲拉開長長，啱哂成位良朋歡聚的小食之選。最後，都點咗一份8條的豬肋骨作為主菜，值得一讚係可以揀半份，即4條，十分適合人數少或少吃肉的朋友餐廳自制醬汁有心思！

今天是另一半的生日，情人節沒有和她好好慶祝，所以這個大日子我非常重視，我等到頸都長, 終於等到了，今天行程安排得很緊密，幸好之前友人介紹這間餐廳給我, 令我和另一半總算有一個甜蜜而難忘的回憶由於我之前已訂好枱, 晚上8時來到直接可以入座, 餐廳不算十分大, 勝在氣氛很有情調，中間擺放了一張長枱可給一大班友人gathering, 服務員安排我們坐在近窗邊的梳化位置，最適合二人世界我自己之前已大概知道會點什麼菜式，另一半不出所料都是我點什麼吃什麼，今餐當然又由我話事吃一頓完滿的西餐當然要有餐湯, 我和另一半都很喜歡這個忌廉湯, 味道香滑再加上脆麵包糠, 而且口感很creamy, 令我們的味覺好好warm upAppetizer我們點了白酒忌廉煮青口，原本我打算點冬陰功煮青口，另一半提議點健康少少，擔心我吃到滿頭大汗, 多謝妳, 妳生日還要妳體諒我, 不過這個真的特別推介, 視覺味覺一定會被這道菜式吸引，青口用忌廉加上白酒煮起來，是非常, 每隻青口都十分肥美, 而且白酒帶出了青口的鮮味，忌廉也令這到菜式吃出來很有層次，又是一道幾種東西合起來的天作之合。Main course 我決定都是點牛扒

星期一放工約左個同事去尖沙咀度行下, 須便食埋個dinner, 同事帶左我上去樓上既CAFÉ食, 好吧! 就試下味道如何!由於系樓上CAFÉ餐廳, 所以店舖比較細小, 所以如果多朋友去的話 記得book定位喇!春雞為900g, 原來size一啲刀吾細隻, 個人recommend 兩個人可以一齊share, 職員話春雞需要要15分鐘的! 春雞外面充滿左好多香料, 未食之前已經嗅到佢好香, 雞肉系實的, 可能因為大隻既關系, 肉質不算太滑; 將雞肉點埋燒汁 味道十分配合!春雞大大隻, 食落啖啖肉啊! 另外, 仲有薯蓉和沙律菜為伴菜, 飽肚之餘又不忘健康! 如果好似我一個人食的話, 份量足夠有餘啊!飲品令我十分驚喜, 作為朱古力愛好者, 當然要反杯特濃朱古力. 依間café既特濃朱古力果然好濃, 甜度十分足夠 好似食緊甜品甘 超級大愛! 而且雖然有少少cream, 但系一啲刀吾漏咖!!!!! 個人十分推介比大家飲~外觀靚又好飲 無得輸 哈!

平時尖沙咀食個午餐都要成舊水，呢度最平五十零就有真係幾抵食，所以真係爆哂幾多人食，點零鐘去到都要等下位先入到去。係正海港城對面，成幢都有好多野食，一出Lift就係店見到一大幅木系既牆，好鍾意門口有塊黑板寫左Find Your Dream，好鍾意有金句既Cafe。店內都係以木系同白色系做設計，有窗感覺好光猛，除左普通座位之外中間都有高台，仲有一啲裝飾係旁邊都好襯。叫左兩個餐有餐湯送，個蕃茄味都幾濃郁，入面都有幾多料，沙律就普普通通都算新鮮。主菜有《意式茄蓉海蝦炖飯》($62)，份量都唔算好少都食得飽肚，茄味唔算好出，搭配左三色椒清新，海蝦尚算彈牙。另一個《煙三文魚菠菜忌廉意粉》($58)，三文魚撕開幾片放面唔算好多，菠菜就好多沾滿哂意粉，意粉軟硬度適中。加左$16要《朱古力撻》，成個賣相都唔錯既，但有少少失望朱古力味唔夠濃。餐飲叫左凍朱古力，應該係用左朱古力粉沖，同埋都幾淡味，飲落仲有啲粉。店名：Co-Dining Space地址：尖沙咀廣東道82-84號流尚坊11樓餐牌:

本人不經常寫食評, 寫的都是特別好和特別差的待遇...可惜今次要分享的是特別差的, 今次打算和朋友慶祝生日, 其實也是為了煙花蠟燭而來的....早在一星期前經openrice訂好位, 也whatsapp reconfirm了朋友的生日訊息.....誰知道甜品上枱時竟然沒有寫名, 已經有點尷尬, 叫侍應過來確認一下, 他們內部確認過後, 過來問我要不要補寫, 這是當然的吧, 再送上枱時都也沒有煙花蠟燭, 非常失望.......重點是如果不是為了這特別的生日安排, 我大可去其他地方食甜品的....由於在openrice看到不接受信用卡付款, 雖然有點錯愕, 但幸好一早whatsapp confirm過, 他們收cash, wechatpay, payee, 支付寶......到結帳時, 我說用wechatpay付款, 侍應竟說他們的wechatpay是大陸的, 我是用不到的, wtf????? 用不到也算是接受的一嗎????? 那payee吧, 侍應跟我說老闆不在, 也用不了.......最後竟然要我生日的朋友幫忙夾錢, unbelievable......本來看到好評這麼多的餐廳, 也不

朋友買咗團購券上去試食,間餐廳係海港城對面嘅一個樓上鋪,唔算好難揾，我地既二人餐份量唔多不過對兩個女仔黎講都叫做夠食，包括餐湯，白酒忌廉煮青口，美國燒春雞配燒汁,煙三文魚凱撒沙律，明太子蟹肉沙律同甜品。我地另叫左兩杯野飲。先講青口，味道都好唔錯，但個人覺得可以再改善個白汁更好。燒春雞都非常香，最推介佢旁邊個沙律配菜。明太子蟹肉意粉亦都好唔錯呢！！！濃味但唔會太漏。最後就係個甜品，個泡芙值得一讚！好好味！！總括而言呢間餐廳都真係好唔錯，我會回頭再食，可惜佢位置未必係一般人行街會wall in入到，希望大家睇到食評都會上去試下

餐廳地方唔算大, 所以要預早book枱, 環境好簡潔，中間有張大枱適合一大班人聚會Menu分類別，選擇非常多招牌黑松露菌麵包蟹蓋意大利飯 $198Risotto 釀入蟹蓋內，面頭有一大匙黑松露，上菜的時候彌漫著好濃烈黑松露味，飯粒有嚼勁，質感黏稠，配料有野菌和蟹肉好滋味白酒忌廉煮藍青口 $96忌廉汁好濃郁，同青口好夾，食到停唔到口西班牙黑毛豬串燒配甜蕃薯條＄168份量十足，每一串都非常大份，肉質非常淋，超好味小食併盤 $228有香辣脆雞翼、德國腸、炸魚手指、炸芝士條，炸物完全唔會油淋淋，德國腸配合多種香料一齊燒亦係幾好配搭最後甜品時間核桃布朗尼配藍眼淚雪糕 $88因為慶祝好友生日，除左有寫字，仲有煙花蠟燭餐廳自家製brownie, 甜度適中，朱古力味濃，配埋咸咸地雪糕好好味呢間餐廳真係好有心思，野食係好味過出面連鎖餐廳 下次再同朋友慶祝可以考慮再嚟過

其實好早已經係Hokobuy買左團購券～係$268 for 二人，有六道菜個陣見幾抵食就買左落黎試下本來2月已經book左去試...但係book完之後，職員打黎話餐廳開唔到門要改booking....-.-3月31號就到期...搞搞下去到27號先去試唔講咁多~ 俾你地睇下有咩食先!一開始職員就送上餐湯~ 係南瓜湯無乜調味，但有好濃的南瓜味沙律有兩個choice，分別係 柚子蝦沙律 或者 煙三文魚凱撒沙律我地就揀左後者無諗過會咁大碟! 有三片的煙三文魚，呢個價錢黎講算係咁啦~前菜本身有 西班牙香辣蒜油蝦 同 法式薯蓉焗田螺 兩個選擇但因為當日無晒西班牙香辣蒜油蝦所以餐廳方面就俾多個選擇我地，係 忌廉白酒煮青口我地都鍾意食海鮮，所以就揀左青口一黎到無諗過有咁多隻青口!!! 醬料都好足夠，但係稍嫌酒味不足~之後就係主菜~ 我地揀左 美式燒春雞配燒汁~有半隻春雞俾我地兩個人share伴碟的沙律菜都好好食~但雞有少少乾，濕返少少會仲好再落黎係Pasta，我地揀左 明太子蟹肉意粉~呢個我地無影到相，但真的超級推介!!!雖然無乜蟹肉，但意粉好彈牙同明太子既味道好match!到甜品，個set本身包左兩

今日要為好姊妹慶祝生日，於是上網找了評價不錯的Co-Dining Space 食一餐慶生晚飯。雖然餐廳面積不大，但座位舒適，而且裝修甚有格調。餐牌的選擇很多，更有些餐廳獨有的菜式。先來一份白酒忌廉青口，青口肉爽口彈牙，白酒忌廉汁濃郁，帶點微辣，是一道滿分的開胃前菜。招牌黑松露麵包蟹蓋意大利飯果然是名不虛傳，意大利飯搵混入雜菇，令口感變得更加豐富，飯粒軟硬適中，還散發淡淡的松露香。西班牙黑毛豬串燒配薯蓉，黑毛豬燒得外脆內軟，屬高水準之作。終於到了最期待的合桃布朗尼配藍眼淚雪糕上枱，布朗尼朱古力味濃，入口即溶，而藍眼淚雪糕就是雲呢拿雪糕與布朗尼相當匹配。蛋糕上的煙花蠟燭很吸睛，我哋一班姊妹見到都好興奮，氣氛一流。Co-dining Space 果然無令我失望，是約朋友食飯吹水的好地方。

早前就想試下，可惜餐廳Full左，今次預先book枱同朋友慶祝生日終於可以一試！白酒忌廉青口醬汁非常creamy，椒類和奶類總係有奇妙化學作用，我不吃椒，卻無法抗拒兩者調和出來的香氣，青口大隻冇雪味，不錯！小食拼盤(大)份量驚人，有沙津、雞翼、香腸、魚手指、炸芝士條，每樣3-4件，不擅刀叉的我一向喜歡finger food，顯得輕鬆自在，最愛拼盤中的炸雞翼，炸粉香脆帶cornbread香氣，沾上蛋黃醬份外惹味！招牌麵包蟹意大利飯非常奪目，麵包蟹蓋上盛著忌廉意大利飯，表面鋪上芝士和黑松露醬，飯中混有杏飽菇粒，中和膩感，不錯！西班牙黑毛豬串有三串，配上薯蓉和沙津，黑毛豬塊非常軟熟，厚厚一塊卻不韌，不愧是黑毛豬燒蕃茄非常Juicy，酸酸甜甜，吃到最後一道菜著實需要它刺激胃口！沒有女孩子可以抗拒煙花蠟燭！核桃Brownie口感綿密，藍眼淚雪糕是海鹽雲呢拿味，偏冰感，是我喜歡的質感，不會膩！與朋友慶生Co-Dining Space是個不錯的選擇！

尖沙嘴對於我來說是一個方便約朋友食飯地方交通方便, 食店又多今晚同朋友食飯搵一間清靜的食店可以慢慢傾心事.Co-Dining Space是一個不錯選擇地方環境不是很大地方裝潢簡潔.當晚因為太飽所以大家叫了兩個主菜1. 羅勒醬帶子意大利粉2.招牌黑松露醬麵包蟹蓋意大利飯加兩杯熱檸水簡單羅勒醬帶子意大利粉配上香煎大大粒帶子.帶子彈牙及夠鮮味.但意粉如果再熱些羅勒醬味更突出.另一款招牌黑松露醬麵包蟹蓋意大利飯此款一定要叫絕對美味.放上枱時,已經香濃黑松露及芝士味透過焗爐熱力令整體的香味四散先將整個飯及其他材料混和後,每一啖飯內都有不同味道層次先有鮮味蟹肉及煮得剛好的意大利飯包著濃香黑松露味.加上夠熱.食物味道更好味.此點好更要.兩款美食雖然好味. 但比較膩口. 所以飲些檸檬水 幫助消化之餘更可以同朋友在此舒服環境下慢慢細談。