Co-Dining Space (已結業)

今天試下這家位於流尚坊11樓的樓上cafe. 這cafe 裝修簡潔光猛，提供七款午餐，價錢為$54-$84，包主食、餐湯或沙律和飲品。餐湯是甘筍湯：湯的甘筍味道濃，質地唔係最幼滑，保留了少少甘筍蓉的沙沙口感；看得出真材實料用甘筍打成蓉。沙律幾fresh, 沒有太多的醬汁，感覺清爽。美國穀飼西冷扒配燒汁$84這牛扒的份量唔少，大大片，有一點厚度。牛扒煎得幾香唔韌，有肉感；而醬汁則有少少咸，有點像花園餐廳的港式牛扒。薯蓉的薯味十足，但唔係好creamy, 有點家庭風味。整體味道是ok的。忌廉菠菜煙三文魚意粉$56這意粉餐好抵食。意粉的配料豐富，煙三文魚幾fresh,仲有少少芝士同配菜。意粉有煙韌口感，而醬汁則帶點綠和creamy氣息，味道唔錯。餐飲的咖啡味道比較淡口，咖啡味唔係好濃；朱古力味道唔錯，幾香甜。簡單和同事吃個午餐，傾下食下，加上午餐定價ok, 坐得唔迫，可以一訪。